မၤတၢ် 13:46 - Sgaw Karen Common Bible

⁴⁶ ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 13:46 Iomraidhean Croise

တၢ်ကတိၤဒိ. 28:1

ပှၤတတီတလိၤဃ့ၢ်ဝဲဖဲပှၤတလူၤအဝဲသ့ၣ်နီတဂၤဘၣ်အခါန့ၣ်လီၤ. မ့မ့ၢ်ပှၤတီပှၤလိၤတဂၤန့ၣ်ဒူဝဲဒ်ခ့ယုၢ်တဒုအသိးန့ၣ်လီၤ.

လံာ်ယၡါယၤ 55:5

ခဲအံၤ, သုကကိးဖှိၣ်ထံဂုၤကီၢ်ဂၤအပှၤကလုာ်တဖၣ်လီၤ. တဘျီန့ၣ်, အဝဲသ့ၣ်တသ့ၣ်ညါသုဘၣ်. ဘၣ်ဆၣ်ဒီးခဲအံၤ, အဝဲသ့ၣ်ကဟဲဃ့ၢ် ပာ်ဖှိၣ်အသးဒီးသုလီၤ. ယၤ, ယွၤ, သုကစၢ်ယွၤ, အံၣ်စရ့လးအကစၢ်ယွၤစီဆှံ ကမၤကဲထီၣ်လိၣ်ထီၣ်တၢ်သ့ၣ်တဖၣ်အံၤခဲလၢာ်လီၤ. ယကဟ့ၣ်လီၤသုလၢတၢ်ဒိးဘၣ်တၢ်ယူးယီၣ် ဒီးတၢ်လၤကပီၤလီၤ.”

လံာ်ယဃ့းစက့လး 2:5

ပှၤပူထီၣ်တၢ်ဖိတဖၣ်န့ၣ်, ဒိကနၣ်နၤမ့ၢ်ဂ့ၤ, တဒိကနၣ်နၤမ့ၢ်ဂ့ၤ, အဝဲသ့ၣ်ကသ့ၣ်ညါဝဲလၢဝံတဂၤအိၣ်လံလၢအဝဲသ့ၣ်အကျါလံန့ၣ်လီၤ.

လံာ်မးသဲ 10:6

မ့မ့ၢ်လဲၤသုဝဲဆူပှၤအံၣ်စရ့လးဖိလၢအမ့ၢ်သိလၢအဟါမၢ် တဖၣ်အအိၣ်န့ၣ်တက့ၢ်.

လံာ်မးသဲ 21:41

အဝဲသ့ၣ်စံးဆၢအီၤ, “ကမၤသံပှၤအၢပှၤသီတဖၣ်န့ၣ်သပှၢ်ကတၢၢ်လီၤ. ဒီးကဒိးလဲလီၤဝဲစပံးလီၢ်ဆူပှၤဒိးလဲစပံးလီၢ်အဂၤ, လၢအကဟ့ၣ်အီၤတၢ်လၢအဂ့ၤဒိးန့ၢ်ဝဲဘၣ်ဆၢဘၣ်ကတီၢ် တဖၣ်န့ၣ်လီၤ.”

လံာ်မးသဲ 21:43

ယ့ၣ်ၡူးစံးကဒီးဝဲ, “လၢတၢ်န့ၣ်အဃိ, ယစံးဘၣ်သု, ကစၢ်ယွၤအဘီအမုၢ်ကဘၣ်တၢ်ဟံးထီၣ်ကွံာ်အီၤလၢသုအိၣ်, ဒီးဟ့ၣ်လီၤအီၤဆူပှၤတကလုာ်လၢအဟ့ၣ်ထီၣ်တၤသၣ် လၢအကြၢးဝဲဘၣ်ဝဲန့ၣ်လီၤ.”

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်လူၤကၣ် 24:47

ဒီးလၢအဝဲဒၣ်အမံၤန့ၣ်, တၢ်ကစီၣ်ဘၣ်ဃးတၢ်ပီၢ်ယၢ်လီၤသးဒီးတၢ်ပျၢ်တၢ်ဒဲးဘး, ကဘၣ်တၢ်စံၣ်တဲၤတဲလီၤအီၤလၢပှၤကိးကလုာ်ဒဲးအဂီၢ်, အဆိလၢဝ့ၢ်ယရူၤၡလ့ၣ်န့ၣ်လီၤ.

လံာ်ယိၤဟၣ် 1:11

ဟဲဆူအထံအကီၢ်ဒၣ်ဝဲဒီးအပှၤကလုာ်ဒၣ်ဝဲတတူၢ်လိာ်ဘၣ်အီၤဘၣ်.

လံာ်ယိၤဟၣ် 4:22

သုဝဲပှၤၡၤမရံဖိတဖၣ်သုဘူၣ်ထီၣ်ဘါထီၣ်မတၤလဲၣ်န့ၣ်သု တသ့ၣ်ညါဘၣ်. မ့မ့ၢ်ပဝဲပှၤယူဒၤဖိတဖၣ်ပသ့ၣ်ညါပှၤလၢ ပဘူၣ်ထီၣ်ဘါထီၣ်အီၤ, မ့ၢ်လၢတၢ်အုၣ်က့ၤခီၣ်က့ၤန့ၣ်ဟဲထီၣ် လၢပှၤယူဒၤဖိတဖၣ်အအိၣ်အဃိန့ၣ်လီၤ.

မၤတၢ် 13:14

အဝဲသ့ၣ်ဟးထီၣ်လၢဝ့ၢ်ပ့ၢ်က့ၤဒီးလဲၤတုၤလၢဝ့ၢ်အၣ် တံၤအီာ်ဘၣ်ဃးဒီးကီၢ်ပံၤစံၤဒံ, ဒီးဖဲမုၢ်အိၣ်ဘှံးအနံၤန့ၣ်, လဲၤနုာ်လီၤလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤဒီးဆ့ၣ်နီၤ ဝဲလီၤ.

မၤတၢ် 13:26

ယဒီပုၢ်ဒီဝဲၢ်, ပှၤအံၣ်စရ့လးဖိလၢအမ့ၢ်စီၤအၤဘြၤဟၣ်အစၢၤအသွဲၣ်, ဒီးပှၤကလုာ်ဂၤဖဲအံၤခဲလၢာ်လၢအဘူၣ်ထီၣ်ဘါထီၣ်ကစၢ်ယွၤသ့ၣ် သုဧၢ, တၢ်အုၣ်က့ၤခီၣ်က့ၤအကစီၣ်အဝဲအံၤန့ၣ်, ဘၣ်တၢ်ဆှၢလီၤတ့ၢ်အီၤလၢပဂီၢ်လီၤ.

မၤတၢ် 13:5

ဖဲအဝဲသ့ၣ်လဲၤတုၤဖဲဝ့ၢ်စလၤမံန့ၣ်, စံၣ်တဲၤတဲလီၤယွၤအကလုၢ်ကထါလၢပှၤယူဒၤဖိအဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤလီၤ. ဒီးအဝဲသ့ၣ်အိၣ်ဒီးစီၤယိၤဟၣ် မၢ်ကူးလၢအကမၤစၢၤအီၤလၢအတၢ်ဖံးတၢ်မၤအပူၤန့ၣ်လီၤ.

မၤတၢ် 19:9

ဘၣ်ဆၣ်ဒီးအဝဲသ့ၣ်တနီၤအခိၣ်ကိၤဒီးတစူၢ်တနာ်တၢ်ဘၣ်. ဒီးလၢပှၤကမျၢၢ်ဒီဖုအမဲာ်ညါန့ၣ်, ကတိၤအၢကတိၤသီဝဲကစၢ် အကျဲန့ၣ်လီၤ. လၢတၢ်န့ၣ်အဃိ, စီၤပီလူးဟးဖးဒီးအဝဲသ့ၣ်ဒီးကိးဃုာ်အပျဲၢ်အဘီၣ်တဖၣ်လၢ အသကိး, ဒီးကိးနံၤဒဲးန့ၣ်ကွၢ်ဆိကမိၣ်ကတိၤသကိးတၢ်ဖဲစီၤတူၤရၣ်နူး သိၣ်လိတၢ်အဘျီၣ်ပူၤန့ၣ်လီၤ.

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

မၤတၢ် 28:28

လၢတၢ်န့ၣ်အဃိသုကဘၣ်သ့ၣ်ညါဒ်အံၤ, ကစၢ်ယွၤအတၢ်ကစီၣ်ဘၣ်ဃးတၢ်အုၣ်က့ၤခီၣ်က့ၤန့ၣ်, ဘၣ်တၢ်ဆှၢလံအီၤဆူပှၤကလုာ်ဂၤတဖၣ်အအိၣ်လံ. အဝဲသ့ၣ်ကဒိကနၣ်တၢ်လီၤ.”

မၤတၢ် 3:26

အန့ၣ်သတးဒီး, ကစၢ်ယွၤဃုထၢထီၣ်အခ့အပှၤဒီးမၢလီၤဝဲလၢအကဟဲအဆိ ကတၢၢ်ဆူသုအိၣ်ဒ်သိးကဆိၣ်ဂ့ၤသု, ဒီးဒုးဃၣ်ကွံာ်သုကိးဂၤဒဲးလၢ သုကျဲအအၢအသီတဖၣ်န့ၣ်လီၤ.”

မၤတၢ် 4:13

ပှၤလၢအအိၣ်လၢကီၣ်ကးအပူၤတဖၣ်တုၤအထံၣ်ဘၣ်စီၤပ့းတရူး ဒီးစီၤယိၤဟၣ်အတၢ်သူၣ်ဒူသးဒူဒီးသ့ၣ်ညါဝဲလၢပှၤခံ ဂၤအံၤမ့ၢ်ပှၤတမၤလိမၤဒိးဘၣ်တၢ်ဘၣ်, ဒီးမ့ၢ်ဒၣ်ပှၤမုၢ်ဆ့ၣ်မုၢ်ဂီၤဖိသတးဒီး, အဝဲသ့ၣ်ကမၢကမၣ်ဝဲဒၣ်လီၤ. အန့ၣ်ဒီးသ့ၣ်ညါဝဲလၢအဝဲသ့ၣ်မ့ၢ်တ့ၢ်ပှၤတဖၣ်လၢအရ့လိာ်ဘၣ် အသးတံၢ်တံၢ်ဒီးယ့ၣ်ၡူးန့ၣ်လီၤ.

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

မၤတၢ် 9:20

အဝဲဒၣ်လဲၤဝဲတဘျီဃီဆူဘူၣ်ဘျီၣ်လၢအမ့ၢ်တၢ်ဘါလီၢ် တဖၣ်, ဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ကစၢ်ယွၤအဖိခွါန့ၣ် လီၤ.

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 2:10

ဘၣ်ဆၣ်ဒီးကစၢ်ယွၤကဟ့ၣ်တၢ်လၤတၢ်ကပီၤ, တၢ်ယူးယီၣ်, ဒီးတၢ်ဃူတၢ်ဖိးလၢပှၤမၤတၢ်ဂ့ၤတၢ်ဝါခဲလၢာ်အဂီၢ်, ပှၤယူဒၤဖိတဖၣ်လၢအဆိဒီးပှၤကြံးခ်ဖိတဖၣ်စ့ၢ်ကီးန့ၣ်လီၤ.

လံာ်သိၣ်လီၤသီလီၤတၢ် 32:21

အဝဲသ့ၣ်မၤသးဒိၣ်ထီၣ်ယၤဒီးအတၢ်ဂီၤတၢ်ဖီၣ်တဖၣ်လၢအဘှီဝဲ, မၤသးက့ၣ်ယၤလၢကစၢ်ဒ်န့ၣ်အသိးတဖၣ်, ကစၢ်တဖၣ်လၢတမ့ၢ်ဘၣ်ကစၢ်အမ့ၢ်အတီတဖၣ်ဘၣ်န့ၣ်လီၤ. လၢတၢ်န့ၣ်အဃိ, ယကသူပှၤဒ်န့ၣ်အသိးတကလုာ်လၢကမၤသးဒိၣ်ထီၣ် အဝဲသ့ၣ်, ယကဒုးသးက့ၣ်အဝဲသ့ၣ်လၢပှၤကလုာ်လၢအမ့ၢ်ပှၤဟးဂီၤဖိတဖၣ်န့ၣ်လီၤ.

ဖံလံးပံၤ 1:14

ဒီးယတၢ်ဘၣ်အိၣ်လၢဃိာ်ပူၤအံၤဟ့ၣ်အါထီၣ်ယဒီပုၢ်ဝဲၢ် တဖၣ်အတၢ်နာ်လၢကစၢ်အပူၤသတးဒီး, အဝဲသ့ၣ်အသးဒူဒိၣ်ထီၣ်ကိးဆၢကိးကတီၢ်ဒဲးလၢအကစံၣ် တဲၤတဲလီၤယွၤအတၢ်ကစီၣ်လၢတၢ်သးဒူအပူၤန့ၣ်လီၤ.

ဧ့ၤဘြံၤ 11:34

မၤလီၤပံာ်ကွံာ်မ့ၣ်အူလၢအအီၣ်တၢ်ဆူၣ်ဆူၣ်ကလဲာ်, ပူၤဖျဲးထီၣ်လၢနးအကနၣ်န့ၣ်လီၤ. လၢတၢ်ဂံၢ်စၢ်ဘါစၢ်အပူၤန့ၣ်အဂံၢ်အဘါဆူၣ်ထီၣ်ဝဲ, ကဲထီၣ်လၢပှၤဂံၢ်ဆူၣ်ဘါဆူၣ်လၢတၢ်ဒုးတၢ်ယၤ အပူၤဒီးမၤနၢၤမၤဃၣ်ကွံာ်ပှၤတခီဘီမုၢ်ဖိအသုးမုၢ်သံၣ်ဘိ တဖၣ်လီၤ.