မၤတၢ် 13:41 - Sgaw Karen Common Bible

⁴¹ ‘ပှၤကတိၤဒုၣ်ဒွဲၣ်တၢ်သ့ၣ်ဧၢ, ကွၢ်, ကမၢကမၣ်ဒီးဟးဂီၤတက့ၢ်. အဂ့ၢ်ဒ်အံၤ, တၢ်မၤလၢယမၤယဲဖဲ သုစိၤသုဆၢကတီၢ်ဒၣ်ဝဲအံၤန့ၣ်, မ့ၢ်တၢ်တမံၤလၢပှၤတဂၤဂၤမ့ၢ်တဲနၢ်ပၢၢ်သုလၢ အဂ့ၢ်ဒၣ်လဲာ်, တမ့ၢ်လၢသုကစူၢ်ကနာ်အီၤဘၣ်န့ၣ်လီၤ.’ ”

မၤတၢ် 13:41 Iomraidhean Croise

တၢ်ကတိၤဒိ. 5:12

ဒီးသုကစံး, “ဘၣ်မနုၤအဃိပတမၤလိန့ၢ်တၢ်နီတဘျီဒီး ပတပျဲပှၤဘှီဘၣ်က့ၤပှၤနီတဂၤန့ၣ်လဲၣ်.

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ယဃ့းစက့လး 33:9

နမ့ၢ်ဟ့ၣ်ပလီၢ်ပှၤအၢပှၤသီတဂၤဒီးအဝဲမ့ၢ်တဆိကတီၢ်မၤ တၢ်ဒဲးဘးဘၣ်န့ၣ်အဝဲကသံဒၣ်ဒ်ပှၤတၢ်ဒဲးဘးဖိတဂၤအသိး, ဘၣ်ဆၣ်နသးသမူကပူၤဖျဲးဝဲဒၣ်လီၤ.”

လံာ်ဃဘးကူာ် 1:5

တုၤနုၤတစု, ယွၤစံးဘၣ်အပှၤဂီၢ်မုၢ်, “ခိးကွၢ်ပှၤကလုာ်တဖၣ်လၢအအိၣ်ဝးတရံးနၤဒီးနကကမၢက မၣ်လၢတၢ်လၢနထံၣ်ဘၣ်န့ၣ်လီၤ. ယကမၤတၢ်တမံၤလၢနတနာ်ဘၣ်အီၤဖဲနနၢ်ဟူလၢအဂ့ၢ်န့ၣ်လီၤ.

လံာ်လူၤကၣ် 16:14

ပှၤဖၤရံၤၡဲတဖၣ်နၢ်ဟူဘၣ်တၢ်သ့ၣ်တဖၣ်အံၤခဲလၢာ်, ဒီးအဝဲသ့ၣ်နံၤဘၣ်ဖၣ်လဲယ့ၣ်ၡူး, အဂ့ၢ်မ့ၢ်လၢအဝဲသ့ၣ်အဲၣ်ကျိၣ်စ့အဃိလီၤ.

လံာ်လူၤကၣ် 23:35

ပှၤဂီၢ်မုၢ်တဖၣ်အိၣ်ဆၢထၢၣ်ဝဲဖဲန့ၣ်ဒီးကွၢ်ကီတၢ်, ဖဲပှၤယူဒၤအခိၣ်အနၢ်တဖၣ်ကတိၤနံၤဘၣ်ဖၣ်လဲအီၤဒီးစံး, “အဝဲဒၣ်အုၣ်က့ၤခီၣ်က့ၤပှၤဂၤတဖၣ်လီၤ. အဝဲမ့မ့ၢ်ခရံာ်လၢကစၢ်ယွၤဃုထၢတ့ၢ်အီၤတဂၤဒီး, မ်အအုၣ်က့ၤခီၣ်က့ၤအသးဒၣ်ဝဲတက့ၢ်.”

မၤတၢ် 13:47

အဂ့ၢ်ဒ်အံၤ, အအံၤမ့ၢ်တၢ်မၤလိာ်လၢကစၢ်ဟ့ၣ်တ့ၢ်ပှၤန့ၣ်လီၤ. ‘ယဒုးကဲလံနၤတၢ်ကပီၤတဖျၢၣ်လၢပှၤကလုာ်ဂၤတဖၣ်အဂီၢ်, ဒ်သိးဟီၣ်ခိၣ်ဒီဘ့ၣ်ကဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်လီၤ.’ ”

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

မၤတၢ် 3:23

ပှၤတဂၤလၢ်လၢ်လၢအတစူၢ်ဝံအဝဲန့ၣ်အကလုၢ်ဘၣ်န့ၣ်, ကဘၣ်တၢ်ထုးဖးကွံာ်အီၤဒီးယွၤအပှၤဂီၢ်မုၢ်ဒီးကဘၣ်တၢ်မၤဟး ဂီၤကွံာ်အီၤလီၤ.’

မၤတၢ် 6:14

ပနၢ်ဟူဘၣ်တ့ၢ်လံအဝဲဒၣ်အတၢ်ကတိၤလၢအစံးဝဲလၢပှၤ နစၤရ့းဖိယ့ၣ်ၡူးတဂၤအံၤကမၤလီၤပှီၢ်ကွံာ်တၢ်လုၢ်ဟံၣ်စီဆှံ တဖျၢၣ်အံၤ, ဒီးလဲလိာ်ကွံာ်ပလုၢ်ပလၢ်တဖၣ်လၢစီၤမိၤၡ့ ဟ့ၣ်လီၤတ့ၢ်လံပှၤန့ၣ်လီၤ.”

၁ သ့းစၤလနံ 2:16

အဝဲသ့ၣ်ဂုာ်ကျဲးစၢးတြီဒၣ်လဲာ်ပှၤဒ်သိးတၢ်ကစီၣ်လၢ အကဟဲစိာ်န့ၢ်တၢ်အုၣ်က့ၤခီၣ်က့ၤန့ၣ်, ပသုတစံၣ်တဲၤတဲလီၤန့ၢ်ပှၤကလုာ်ဂၤတဖၣ်တဂ့ၤန့ၣ်လီၤ. အဝဲအံၤမ့ၢ်တၢ်လၢအမၤလၢထီၣ်ပှဲၤထီၣ်တၢ်ဒဲးဘးခဲ လၢာ်လၢအဝဲသ့ၣ်မၤတ့ၢ်ဝဲထီဘိန့ၣ်လီၤ. ဒီးခဲကနံၣ်အံၤကစၢ်ယွၤအတၢ်သးထီၣ်တုၤအိၣ်အဝဲသ့ၣ် လံန့ၣ်လီၤ.

၁ ပ့းတရူး 4:17

တၢ်ဆၢကတီၢ်ဟဲတုၤဝဲလၢတၢ်စံၣ်ညီၣ်အဂီၢ်လံ, ဒီးကစၢ်ယွၤအပှၤဂီၢ်မုၢ်ဒၣ်ဝဲတဖၣ်ကဘၣ်တၢ်စံၣ်ညီၣ်အီၤ အဆိကတၢၢ်န့ၣ်လီၤ. တၢ်မ့ၢ်ဘၣ်ဆိပဝဲဒီး, ပှၤလၢအတစူၢ်တနာ်ကစၢ်ယွၤအတၢ်သးခုကစီၣ်တဖၣ်န့ၣ် အကတၢၢ်ကမၤအသးဒ်လဲၣ်.