မၤတၢ် 13:39 - Sgaw Karen Common Bible

³⁹ ဒီးလၢပှၤစူၢ်က့ၤနာ်က့ၤအီၤကိးဂၤဒဲးန့ၣ်, ဘၣ်တၢ်ဒုးထူၣ်ဖျဲးထီၣ်ကွံာ်အီၤလၢတၢ်ဒဲးဘးခဲလၢာ်လၢစီၤ မိၤၡ့အတၢ်သိၣ်တၢ်သီဒုးထူၣ်ဖျဲးထီၣ်ကွံာ်အီၤတသ့ဘၣ်အဂ့ၢ် န့ၣ်လီၤ.

မၤတၢ် 13:39 Iomraidhean Croise

လံာ်စီၤယိၤဘး 25:4

လၢကစၢ်ယွၤအမဲာ်ညါန့ၣ်ပှၤတီဝဲလိၤဝဲဒီးစီဝဲဆှံဝဲကသ့တဂၤဂၤဧါ.

လံာ်စီၤယိၤဘး 9:20

ယမ့ၢ်တီမ့ၢ်လိၤဒၣ်လဲာ်ယထးခိၣ်ကစံၣ်ညီၣ်က့ၤယၤ, ယမ့ၢ်ပှၤလၢတၢ်ပာ်တၢ်ကမၣ်အလီၢ်တအိၣ်ဘၣ်ဆၣ်အဝဲကပာ် ဖျါဝဲဒၣ်လၢယမ့ၢ်ပှၤလၢအလူၤယသးဒၣ်ယဲန့ၣ်လီၤ.

စံးထီၣ်ပတြၢၤ 143:2

ပျဲယၤ, နခ့နပှၤ ဘၣ်တၢ်လိာ်ကွီၢ်တဂ့ၤ. လၢနမဲာ်ညါပှၤလၢအတၢ်ကမၣ်တအိၣ်ဘၣ်န့ၣ် တအိၣ်နီတဂၤဘၣ်.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်ဃဘးကူာ် 2:4

ဒီးတၢ်ကစီၣ်န့ၣ်မ့ၢ်တၢ်အံၤ, “ပှၤတတီတလိၤတဖၣ်န့ၣ်တမူ ဘၣ်ဝဲဘၣ်. မ့မ့ၢ်ပှၤတီပှၤလိၤန့ၣ်ကမူဝဲလၢအတၢ်သးတီဒီး ကစၢ်ယွၤအဃိန့ၣ်လီၤ.”

လံာ်လူၤကၣ် 10:25

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤဂဲၤဆၢထၢၣ်ဒီး ဂုာ်ကျဲးစၢးဝဲဒ်သိးအကဖီၣ်န့ၢ်ယ့ၣ်ၡူးလၢအတၢ်ကတိၤဒၣ်ဝဲလီၤ. အဝဲဒၣ်သံကွၢ်ယ့ၣ်ၡူး, “သရၣ်ဧၢ, ဒ်သိးယကဒိးန့ၢ်ဘၣ်တၢ်မူအထူအယိာ်န့ၣ်ယကဘၣ်မၤဒ်လဲၣ်.”

လံာ်လူၤကၣ် 10:28

ယ့ၣ်ၡူးစံးဆၢအီၤ, “နတၢ်စံးဆၢဘၣ်မးလီၤ. အိၣ်မူထွဲအခံ, ဒီးနကမူနဲလီၤ.”

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်ယိၤဟၣ် 5:24

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအနၢ်ဟူယတၢ်စံးတၢ် ကတိၤတဖၣ်ဒီးစူၢ်က့ၤနာ်က့ၤပှၤလၢအမၢလီၤယၤန့ၣ်, အိၣ်ဒီးတၢ်မူအထူအယိာ်လံန့ၣ်လီၤ. အဝဲသ့ၣ်တဘၣ်တၢ်စံၣ်ညီၣ် အီၤဘၣ်. အဂ့ၢ်မ့ၢ်လၢအခီဂာ်တ့ၢ်လံတၢ်သံ ဒီးနုာ်လီၤဆူတၢ်မူအပူၤလံအဃိန့ၣ်လီၤ.

မၤတၢ် 10:43

ဝံကိးဂၤဒဲးကတိၤတ့ၢ်တၢ်ဘၣ်ဃးလၢအဂ့ၢ်, ဒီးစံးဝဲလၢကယဲၢ်ပှၤစူၢ်က့ၤနာ်က့ၤအီၤတဂၤလၢ်လၢ်အတၢ်ဒဲးဘး ကဘၣ်တၢ်ပျၢ်ကွံာ်အီၤလၢအမံၤအစိကမီၤအဃိန့ၣ်လီၤ.”

ရိမ့ၤ 10:10

အဂ့ၢ်ဒ်လဲၣ်န့ၣ်, ခီဖျိပနာ်တၢ်လၢပသးကံၢ်ပူၤန့ၣ်ပဘၣ်တၢ်ပာ် တီပာ်လိၤပှၤဒီးကစၢ်ယွၤ, ဒီးခီဖျိပအၢၣ်လီၤလၢပထးခိၣ်န့ၣ်ပတုၤလၢတၢ်အုၣ်က့ၤခီၣ်က့ၤပှၤ န့ၣ်လီၤ.

ရိမ့ၤ 10:4

အဂ့ၢ်ဒ်လဲၣ်န့ၣ်, ခရံာ်ဒုးကတၢၢ်ကွံာ်တၢ်သိၣ်တၢ်သီဒ်သိးပှၤတဂၤ လၢ်လၢ်လၢအအိၣ်ဒီးတၢ်စူၢ်တၢ်နာ်န့ၣ်ကဘၣ်တၢ်ပာ်တီပာ်လိၤအီၤ အဂီၢ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

ရိမ့ၤ 3:20

မ့ၢ်အဂ့ၢ်ဒ်လဲၣ်န့ၣ်, ပှၤကညီတဘၣ်တၢ်ပာ်တီပာ်လိၤအီၤလၢ ကစၢ်ယွၤအမဲာ်ညါလၢအမၤထွဲတၢ်သိၣ်တၢ်သီအခံအဃိနီ တဂၤဘၣ်. မ့မ့ၢ်တၢ်လၢတၢ်သိၣ်တၢ်သီမၤဝဲန့ၣ်, မ့ၢ်တၢ်ဒုးသ့ၣ်ညါပှၤဟီၣ်ခိၣ်ဖိလၢအဝဲမၤတၢ်ဒဲးဘးလံန့ၣ်လီၤ.

ရိမ့ၤ 4:15

တၢ်သိၣ်တၢ်သီဒုးအိၣ်ထီၣ်ကစၢ်ယွၤအတၢ်သးထီၣ်ဒီးဖဲ တၢ်သိၣ်တၢ်သီတအိၣ်ဘၣ်န့ၣ်, တၢ်လုၣ်သ့ၣ်ခါပတာ် တၢ်သိၣ်တၢ်သီတအိၣ်ဘၣ်လီၤ.

ရိမ့ၤ 4:24

ဘၣ်တၢ်ကွဲးစ့ၢ်ကီးအီၤလၢပဝဲလၢအကဘၣ်တၢ်တူၢ်လိာ်အီၤဒ် ပှၤတီပှၤလိၤအသိးတဖၣ်အဂီၢ်, ပဝဲလၢအစူၢ်က့ၤနာ်က့ၤကစၢ်ယွၤလၢအဒုးဂဲၤဆၢထၢၣ်က့ၤ ကစၢ်ယ့ၣ်ၡူးလၢတၢ်သံတဂၤန့ၣ်လီၤ.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

ရိမ့ၤ 5:20

တၢ်သိၣ်တၢ်သီဘၣ်တၢ်ဒုးအိၣ်ထီၣ်အီၤဒ်သိးတၢ်မၤ ကမၣ်တၢ်ကအါထီၣ်အဂီၢ်လီၤ. ဘၣ်ဆၣ်ဒီး, ဖဲတၢ်ဒဲးဘး အါထီၣ်ဝဲန့ၣ်, ကစၢ်ယွၤအဘျုးအဖှိၣ်အါထီၣ်ဒိၣ်န့ၢ် အန့ၣ်တက့ၢ်လီၤ.

ရိမ့ၤ 5:9

ခီဖျိလၢအတၢ်သံအဃိဒီး, ခဲအံၤပဘၣ်တၢ်ပာ်တီပာ်လိၤ ပှၤန့ၣ်လီၤ. မၤသးဒ်န့ၣ်ဒီးလၢအကအုၣ်က့ၤခီၣ်က့ၤပှၤလၢ ကစၢ်ယွၤအတၢ်သးထီၣ်အပူၤအဂီၢ်န့ၣ်, ကမၤဝဲအါန့ၢ်အန့ၣ် တက့ၢ်ဆံးဒိၣ်လဲၣ်.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

ရိမ့ၤ 9:31

မ့မ့ၢ်ပှၤအံၣ်စရ့လးဖိလၢအဃုတၢ်သိၣ်တၢ်သီလၢ အကပာ်တီပာ်လိၤအီၤအဂီၢ်န့ၣ်, တထံၣ်န့ၢ်ဘၣ်ဝဲဘၣ်.

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

ကလၤတံ 2:16

သနာ်က့ပသ့ၣ်ညါလၢပှၤကညီတဂၤဘၣ်တၢ်မၤလိၤမၤဘၣ်အီၤဒီး ကစၢ်ယွၤခီဖျိဒၣ်ထဲလၢတၢ်စူၢ်တၢ်နာ်လၢယ့ၣ်ၡူးခရံာ်အပူၤ, ဒီးတမ့ၢ်ဝဲဒၣ်ခီဖျိတၢ်မၤထွဲတၢ်သိၣ်တၢ်သီအခံန့ၣ်ဘၣ်. ပဝဲစ့ၢ်ကီးပစူၢ်က့ၤနာ်က့ၤယ့ၣ်ၡူးခရံာ်ဒ်သိးပကဘၣ်တၢ်မၤ လိၤမၤဘၣ်ပှၤဒီးကစၢ်ယွၤခီဖျိပတၢ်စူၢ်တၢ်နာ်လၢခရံာ် အပူၤ, ဒီးတမ့ၢ်ဝဲတၢ်မၤထွဲတၢ်သိၣ်တၢ်သီန့ၣ်ဘၣ်. အဂ့ၢ်ဒ်အံၤ, တၢ်တမၤလိၤမၤဘၣ်ပှၤဒီးကစၢ်ယွၤလၢတၢ်မၤထွဲတၢ်သိၣ် တၢ်သီအခံအဃိနီတဂၤဘၣ်.

ကလၤတံ 2:19

ဖဲလၢအဘၣ်ဃးဒီးတၢ်သိၣ်တၢ်သီန့ၣ်ယသံယဲလံ. ယဘၣ်တၢ်မၤသံယၤလၢတၢ်သိၣ်တၢ်သီအကစၢ်ဒၣ်ဝဲ, ဒ်သိးယကမူလၢကစၢ်ယွၤအဂီၢ်န့ၣ်လီၤ. ယဒိးသံဃုာ်ယသးဒီးခရံာ်လၢအထူၣ်စုညါအလိၤ န့ၣ်လံ.

ကလၤတံ 3:8

တၢ်ကွဲးအသးပာ်ဖျါထီၣ်ဆိပာ်စၢၤလၢကစၢ်ယွၤကမၤလိၤ မၤဘၣ်က့ၤပှၤကလုာ်ဂၤတဖၣ်ဒီးအကစၢ်ဒၣ်ဝဲခီဖျိတၢ်စူၢ် တၢ်နာ်န့ၣ်လီၤ. လၢတၢ်န့ၣ်အဃိ, တၢ်ကွဲးအသးဘိးဘၣ်သ့ၣ်ညါတၢ်သးခုကစီၣ်ဆူစီၤအၤဘြၤဟၣ် အအိၣ်ဒီးစံးဝဲ, “ခီဖျိနၤန့ၣ်, ကစၢ်ယွၤကဆိၣ်ဂ့ၤပှၤဟီၣ်ခိၣ်ဖိ ခဲလၢာ်လီၤ” (ကဲထီၣ် ၁၂:၃).

ကလၤတံ 5:3

မၤကဒီးယဟ့ၣ်ပလီၢ်ပှၤတဂၤလၢ်လၢ်လၢအဒိးတၢ်ကူးတရံး န့ၣ်, လၢအဝဲကဘၣ်စူၢ်တၢ်သိၣ်တၢ်သီခဲလၢာ်လီၤ.

ဧ့ၤဘြံၤ 10:11

ပှၤယူဒၤဖိအပှၤလုၢ်တၢ်အခိၣ်မၤအတၢ်မၤကိးနံၤဒဲးဒီးလုၢ်ထီၣ် တၢ်လုၢ်တၢ်ပာ်တမံၤဃီအဘျီတဖၣ်အဘျီဘၣ်ဆၣ်ဒီး တၢ်လုၢ်တၢ်ပာ်တဖၣ်အံၤဟံးထီၣ်ကွံာ်တၢ်ဒဲးဘးတဖၣ် တသ့ဘၣ်.

ဧ့ၤဘြံၤ 10:4

အဂ့ၢ်ဒ်အံၤဂီၤဖံးဖါဒီးမဲာ်တဲးလဲးတဖၣ်အသွံၣ်ဟံးထီၣ်ကွံာ်ပှၤ အတၢ်ဒဲးဘးတဖၣ်တသ့နီတဘျီဘၣ်.

ဧ့ၤဘြံၤ 7:19

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီမၤလၢထီၣ်ပှဲၤထီၣ်တၢ် တသ့ဘၣ်နီတမံၤဘၣ်. ဒီးအခဲအံၤတၢ်ဟ့ၣ်လီၤပှၤတၢ်မုၢ်လၢ် လၢ အဂ့ၤဒိၣ်တက့ၢ်, လၢပသုးဘူးပသးဆူ ကစၢ်ယွၤအအိၣ် သ့ဝဲခီဖျိအီၤန့ၣ်လီၤ.