မၤတၢ် 13:31 - Sgaw Karen Common Bible

³¹ ဒီးလၢအါနံၤအါသီအတီၢ်ပူၤ, အဝဲလီၣ်ဖျါထီၣ်အသးလၢပှၤလၢအပိာ်တ့ၢ်အခံစးထီၣ်လၢကီၢ်ကၤ လံၤလါတုၤလၢဝ့ၢ်ယရူၤၡလ့ၣ်န့ၣ်လီၤ. ခဲကနံၣ်အံၤ, အဝဲသ့ၣ်ကဲထီၣ်ပှၤအုၣ်အသးတဖၣ်လၢအဝဲအဂီၢ်လၢ ပှၤအံၣ်စရ့လးဖိအသိးအကျါန့ၣ်လီၤ.

မၤတၢ် 13:31 Iomraidhean Croise

လံာ်မးသဲ 28:16

ယ့ၣ်ၡူးအပျဲၢ်အဘီၣ်တဆံတဂၤ, လဲၤဆူတၢ်လူၢ်ခိၣ်လၢကီၢ်ကၤလံၤလါ အပူၤ, ဖဲယ့ၣ်ၡူးစံးဘၣ်တ့ၢ်အဝဲသ့ၣ်လၢအကဘၣ်လဲၤဝဲန့ၣ်လီၤ.

လံာ်လူၤကၣ် 24:48

ဘၣ်ဃးဒီးတၢ်သ့ၣ်တဖၣ်အံၤအဂ့ၢ်န့ၣ်, သုမ့ၢ်ပှၤအုၣ်အသးတဖၣ်လီၤ.

လံာ်ယိၤဟၣ် 15:27

ဒီးသုဝဲသ့ၣ်စ့ၢ်ကီး, သုကအုၣ်သုသးလၢယဂ့ၢ် မ့ၢ်လၢသုအိၣ်တ့ၢ်ဒီးယၤလၢတၢ်အခီၣ်ထံးလံၤလံၤ အဃိလီၤ.

မၤတၢ် 1:11

ဒီးစံးဝဲ, “သုဝဲပှၤကီၢ်ကၤလံၤလါဖိသ့ၣ်ဧၢ, ဘၣ်မနုၤသုအိၣ်ဆၢထၢၣ်ဖဲအံၤဒီးကွၢ်ထီၣ်တၢ်ဆူမူခိၣ်န့ၣ်လဲၣ်. ယ့ၣ်ၡူးလၢသုထံၣ်တၢ်ဟံးထီၣ်ကွံာ်အီၤလၢသုအိၣ်ဆူမူခိၣ်တဂၤအံၤ, ကဟဲက့ၤကဒါက့ၤဒ်သုထံၣ်ဘၣ်အလဲၤထီၣ်ဝဲအသိးန့ၣ်လီၤ.”

မၤတၢ် 1:22

စးထီၣ်လၢစီၤယိၤဟၣ်စံၣ်တဲၤတဲလီၤအတၢ်ဘျၢပှၤလၢထံအဂ့ၢ်, တုၤလီၤလၢယ့ၣ်ၡူးဘၣ်တၢ်ဟံးထီၣ်ကွံာ်အီၤလၢပအိၣ်ဆူမူခိၣ် တစုန့ၣ်လီၤ.”

မၤတၢ် 1:3

အဝဲဒၣ်တူၢ်သံအသးဒီးဂဲၤဆၢထၢၣ်သမူထီၣ်က့ၤဝံၤအလီၢ် ခံလၢအသီလွံၢ်ဆံအတီၢ်ပူၤန့ၣ်, လီၣ်ဖျါထီၣ်အသးတဘျုးဘျီလၢအပျဲၢ်အဘီၣ်တဖၣ်အမဲာ်ညါ ဒီးစံးဘၣ်တဲဘၣ်အဝဲသ့ၣ်ဘၣ်ဃးယွၤအဘီမုၢ်အဂ့ၢ်န့ၣ်လီၤ. အပျဲၢ်အဘီၣ်တဖၣ်ထံၣ်ဘၣ်အီၤဒီးအဝဲသ့ၣ်အသးတဒ့ဒီဘၣ် လၢအဝဲဒၣ်မူဝဲနီၢ်နီၢ်အဂ့ၢ်န့ၣ်ဘၣ်လီၤ.

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 10:39

ပမ့ၢ်ပှၤအုၣ်အသးတဖၣ်ဘၣ်ဃးဒီးကယဲၢ်တၢ်လၢအဝဲဒၣ်မၤဝဲ ဖဲဝ့ၢ်ယရူၤၡလ့ၣ်, ဒီးကီၢ်ယူဒၤတၢ်လီၢ်အဂၤတဖၣ်န့ၣ်လီၤ. အဝဲသ့ၣ်မၤသံအီၤခီဖျိအပျၤထီအီၤလၢထူၣ်စုညါအလိၤန့ၣ်လီၤ.

မၤတၢ် 10:41

လၢပှၤကိးဂၤဒဲးအမဲာ်ညါတမ့ၢ်ဘၣ်. မ့ၢ်ထဲပဝဲစှၤဂၤဧိၤလၢအမ့ၢ်ပှၤအုၣ်အသးလၢကစၢ်ယွၤဃုထၢတ့ၢ်ဝဲ အမဲာ်ညါ, ပဝဲလၢအအီၣ်ဃုာ်အီဃုာ်တၢ်ဒီးအီၤဖဲ အဝဲဒၣ်ဂဲၤဆၢထၢၣ်က့ၤလၢတၢ်သံဝံၤအလီၢ်ခံန့ၣ်လီၤ.

မၤတၢ် 2:32

ယ့ၣ်ၡူးတဂၤအံၤကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်လၢအမၤအသးအံၤ, ပဝဲဒၣ်ခဲလၢာ်ပထံၣ်ဘၣ်လၢပမဲာ်လီၤ.

မၤတၢ် 3:15

သုမၤသံကွံာ်ပှၤလၢအဆှၢပှၤဆူတၢ်မူနီၢ်နီၢ်တဂၤ, ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်တမံၤအံၤပထံၣ်ဘၣ်လၢပနီၢ်ကစၢ်ဒၣ်ပဝဲလီၤ.

မၤတၢ် 5:32

ပဝဲဒၣ်တဖၣ်ပအုၣ်ပသးလၢတၢ်သ့ၣ်တဖၣ်အံၤအဂ့ၢ်, ဒီးသးစီဆှံလၢအမ့ၢ်ကစၢ်ယွၤအတၢ်ဟ့ၣ်လၢပှၤလၢအဒိကနၣ် အကလုၢ်တဖၣ်ဒိးန့ၢ်ဘၣ်ဝဲန့ၣ်, အုၣ်စ့ၢ်ကီးအသးလီၤ.”