မၤတၢ် 13:27 - Sgaw Karen Common Bible

²⁷ အဂ့ၢ်ဒ်အံၤ, ပှၤအိၣ်ဝဲဆိးဝဲလၢဝ့ၢ်ယရူၤၡလ့ၣ်ဒီးအပှၤခိၣ်ပှၤနၢ် တဖၣ်တသ့ၣ်ညါလၢအဝဲဒၣ်မ့ၢ်ပှၤအုၣ်က့ၤခီၣ်က့ၤတၢ်အကစၢ်, ဒီးတနၢ်ပၢၢ်စ့ၢ်ကီးဝံတဖၣ်အကလုၢ်ကထါလၢအဘၣ်တၢ် ဖးဖျါထီၣ်အီၤကိးမုၢ်အိၣ်ဘှံးနံၤဒဲးန့ၣ်ဘၣ်လီၤ. မ့ၢ်သနာ်က့ဒ်န့ၣ်ဒီး, အဝဲသ့ၣ်ဒုးလၢထီၣ်ပှဲၤထီၣ်ဝံတဖၣ်အကလုၢ်ကထါခီဖျိအစံၣ်ညီၣ် သံယ့ၣ်ၡူးန့ၣ်လီၤ.

မၤတၢ် 13:27 Iomraidhean Croise

လံာ်တၢ်ကဲထီၣ်အခီၣ်ထံး 50:20

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

လံာ်မးသဲ 22:29

ယ့ၣ်ၡူးစံးဆၢအဝဲသ့ၣ်ဒီးစံး, “သုတၢ်စူၢ်တၢ်နာ်ကမၣ်မးလဲၣ်. တၢ်အံၤမ့ၢ်ဒၣ်လၢသုတနၢ်ပၢၢ်တၢ်ကွဲးအသးစီဆှံတဖၣ်, ဒီးတသ့ၣ်ညါကစၢ်ယွၤအစိအကမီၤအဃိလီၤ.

လံာ်လူၤကၣ် 22:34

ယ့ၣ်ၡူးစံးဆၢဝဲ, “ယစံးဘၣ်နၤ, စီၤပ့းတရူးဧၢ, တနၤအံၤ, နတချုးသမၢဒံးယၤသၢစုဒံးဘၣ်ဒီး ဆီဖါကီၢ်တအိၣ်အိဘၣ်ဝဲဘၣ်.”

လံာ်လူၤကၣ် 23:13

စီၤပံၤလးကိးဖှိၣ်ပှၤလုၢ်တၢ်အခိၣ်အဒိၣ်တဖၣ်, ပှၤခိၣ်ပှၤနၢ်တဖၣ်, ဒီးပှၤဂီၢ်မုၢ်တဖၣ်,

လံာ်လူၤကၣ် 24:20

ပပှၤလုၢ်တၢ်အခိၣ်အဒိၣ်ဒီးပှၤခိၣ်ပှၤနၢ်တဖၣ်ဟ့ၣ်လီၤကွံာ်အီၤဒ်သိး အကဘၣ်တၢ်စံၣ်ညီၣ်သံအီၤ, ဒီးအဝဲဒၣ်ဘၣ်တၢ်ပျၤထီအီၤလၢထူၣ်စုညါအလိၤန့ၣ်လီၤ.

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

လံာ်ယိၤဟၣ် 16:3

ပှၤကမၤသုဒ်သိးအံၤမ့ၢ်လၢအဝဲသ့ၣ်တသ့ၣ်ညါတ့ၢ်ပၢ်မ့ၢ်ဂ့ၤ, ယၤမ့ၢ်ဂ့ၤအဃိန့ၣ်လီၤ.

လံာ်ယိၤဟၣ် 5:39

သုဃုကွၢ်ထံတၢ်ကွဲးအသးစီဆှံတဖၣ်, မ့ၢ်လၢသုဆိကမိၣ် လၢသုကန့ၢ်ဘၣ်တၢ်မူအထူအယိာ်လၢအပူၤအဃိလီၤ. ဒီးတၢ်ကွဲးအသးစီဆှံတဖၣ်အံၤအုၣ်အသးလၢယဂ့ၢ်လီၤ.

လံာ်ယိၤဟၣ် 8:28

မၤသးဒ်န့ၣ်ဒီးယ့ၣ်ၡူးစံးဘၣ်အဝဲသ့ၣ်, “တုၤသုယူာ်ထီၣ် ပှၤကညီဖိခွါအံၤဒီး, သုကသ့ၣ်ညါလၢ ‘ယမ့ၢ်တၢ်လၢယမ့ၢ်’ လီၤ. တုၤနုၤတစုသုကသ့ၣ်ညါလၢယတမၤတၢ်လၢယစိ ကမီၤဒၣ်ယဲနီတမံၤဘၣ်. မ့မ့ၢ်တခီ, ယစံးကတိၤထဲတၢ်လၢ ယပၢ်သိၣ်လိယၤလၢယကစံးကတိၤအီၤတဖၣ်ဧိၤန့ၣ်လီၤ.

မၤတၢ် 15:21

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီဘၣ်တၢ်ဖးတ့ၢ်အီၤယံာ် တ့ၢ်မးလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤကိးယူဒၤဖိ အမုၢ်အိၣ်ဘှံးနံၤဒဲး, ဒီးအဝဲအကလုၢ်ကထါတဖၣ်ဘၣ်တၢ်စံၣ်တဲၤတဲလီၤအီၤလၢဝ့ၢ်ကိး ဖျၢၣ်ဒဲးအပူၤန့ၣ်လီၤ.”

မၤတၢ် 28:23

လၢတၢ်န့ၣ်အဃိအဝဲသ့ၣ်သ့ၣ်နံၤဖးသီဒီးစီၤပီလူး, ဒီးဖဲနံၤအဝဲန့ၣ်ပှၤယူဒၤဖိဟဲအါအါဂီၢ်ဂီၢ်ဖဲတၢ်လီၢ် လၢစီၤပီလူးအိၣ်ဝဲန့ၣ်လီၤ. စးထီၣ်လၢဂီၤတုၤလၢမုၢ်နၤခီန့ၣ်, အဝဲဒၣ်တဲဖျါထီၣ်ဒီးဟ့ၣ်အဝဲသ့ၣ်လၢအတၢ်ကစီၣ်ဘၣ်ဃး ကစၢ်ယွၤအဘီအမုၢ်န့ၣ်လီၤ. အဝဲဒၣ်ဂုာ်ကျဲးစၢးဒုးနာ်အဝဲသ့ၣ်ဘၣ်ဃးယ့ၣ်ၡူးအဂ့ၢ်ခီဖျိ အယၢၤထီၣ်စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ် န့ၣ်လီၤ.

မၤတၢ် 3:17

ဒီးခဲကနံၣ်အံၤယဒီပုၢ်ဝဲၢ်သ့ၣ်ဧၢ, ယသ့ၣ်ညါလၢတၢ်လၢသုဝဲဒီးသုခိၣ်သုနၢ်တဖၣ်မၤဘၣ်ယ့ၣ်ၡူး န့ၣ်, မ့ၢ်ဒၣ်လၢသုတသ့ၣ်ညါဘၣ်အဃိလီၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

1 ကရံၣ်သူး 2:8

ပှၤပၢတၢ်ပြးတၢ်လၢဟီၣ်ခိၣ်တဘ့ၣ်အံၤအပူၤတသ့ၣ်ညါ တၢ်ကူၣ်ဘၣ်ကူၣ်သ့အဝဲအံၤနီတဂၤဘၣ်. အဝဲသ့ၣ်မ့ၢ်သ့ၣ်ညါ တ့ၢ်ဝဲန့ၣ်, တမ့ၢ်လၢအဝဲသ့ၣ်ကပျၤထီတၢ်လၤကပီၤအကစၢ် လၢထူၣ်စုညါအလိၤဘၣ်.

၂ ကရံၣ်သူး 3:14

အဝဲသ့ၣ်အသူၣ်အသးတဖၣ်အိၣ်ကးတံာ်အသးစဲဃဲၤလီၤ. ဒီးတုၤလီၤလၢမုၢ်မဆါတနံၤအံၤ ဖဲအဝဲသ့ၣ်ဖးလံာ်တၢ် အၢၣ်လီၤအီလီၤအလီၢ်လံၤတဖၣ်န့ၣ်, အဝဲသ့ၣ်အသးဘၣ်တၢ်ကျၢၢ်ဘၢအီၤလၢနီၣ်ကျၢၢ်ဘၢမဲာ်တခါ ဃီန့ၣ်လီၤ. နီၣ်ကျၢၢ်ဘၢမဲာ်အဝဲအံၤဘၣ်တၢ်ထုးကွံာ်ဒၣ်အီၤဖဲ ပှၤတဂၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်လီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

၁ တံၤမသ့း 1:13

ဖဲလၢအပူၤကွံာ်ယကတိၤအၢကတိၤသီအီၤ, မၤနးမၤဖှီၣ်အီၤ, ဒီးကတိၤဒုၣ်ဒွဲၣ်အီၤအခါဒၣ်လဲာ်န့ၣ်လီၤ. ဘၣ်ဆၣ်ဒီး, ကစၢ်ယွၤသးကညီၤယၤမ့ၢ်လၢယတအိၣ်ဒီးတၢ်စူၢ် တၢ်နာ်ဒံးဘၣ်ဒီးယတသ့ၣ်ညါတၢ်လၢယမၤဘၣ်တဖၣ် အဃိလီၤ.