မၤတၢ် 13:25 - Sgaw Karen Common Bible

²⁵ ဒီးဖဲစီၤယိၤဟၣ်မၤအတၢ်မၤဘူးကဝံၤန့ၣ်, အဝဲစံးဘၣ်ပှၤဂီၢ်မုၢ်တဖၣ်, ‘သုဆိကမိၣ်ယမ့ၢ်မတၤလဲၣ်. ယတမ့ၢ်ပှၤတဂၤဃီလၢသုအိၣ်ခိးကွၢ်လၢ်အကျဲန့ၣ်ဘၣ်. အဝဲဒၣ်ကဟဲလၢယလီၢ်ခံ, ဒီးယကဘ့ၣ်လီၤအခီၣ်ဖံးအဂီၢ်ဒၣ်လဲာ်န့ၣ် ယတကြၢးတဘၣ်ယဲဘၣ်.’

မၤတၢ် 13:25 Iomraidhean Croise

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်မၢ်ကူး 1:7

အဝဲစံၣ်တဲၤတဲလီၤတၢ်ဒီးစံးဝဲ, “ပှၤလၢအကဟဲလၢယလီၢ်ခံတဂၤန့ၣ် မ့ၢ်ပှၤအိၣ်ဒီးအစိကမီၤဒိၣ်န့ၢ်ယၤတက့ၢ်လီၤ. ထဲယကသကူးလီၤယသးဒီးဃ့ၣ်လီၤအခီၣ်ဖံးအပျံၤဒၣ်လဲာ်န့ၣ် ယတကြၢးဘၣ်.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

လံာ်ယိၤဟၣ် 1:34

ယထံၣ်ဘၣ်ယဲလံဒီးယစံးဘၣ်တဲဘၣ်သုလၢ အဝဲတဂၤအံၤမ့ၢ်ကစၢ်ယွၤအဖိခွါန့ၣ်လီၤ.”

လံာ်ယိၤဟၣ် 1:36

ဒီးထံၣ်ဘၣ်ယ့ၣ်ၡူးလဲၤတၢ်ဒီးစံး, “ကွၢ်ကွၢ်, ကစၢ်ယွၤအသိဖိန့ၣ်လီၤ.”

လံာ်ယိၤဟၣ် 4:34

ယ့ၣ်ၡူးစံးဘၣ်အဝဲသ့ၣ်, “ယတၢ်အီၣ်န့ၣ်မ့ၢ်ယကမၤပှၤလၢ အမၢလီၤယၤတဂၤအတၢ်ဘၣ်အသးဒီးမၤအီၤတုၤအဝံၤ တစုန့ၣ်လီၤ.

လံာ်ယိၤဟၣ် 7:18

ပှၤတဂၤလၢအကတိၤတၢ်လၢအစိကမီၤဒၣ်ဝဲန့ၣ်, မ့ၢ်အဃုမၤန့ၢ်အလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤလၢအမၢလီၤအီၤတဂၤအလၤ ကပီၤန့ၣ်, မ့ၢ်ပှၤအတီတဂၤဒီးတၢ်လီတၢ်ဝ့ၤတအိၣ်လၢ အပူၤနီတမံၤဘၣ်.

မၤတၢ် 13:36

အဂ့ၢ်ဒ်အံၤ, စီၤဒၤဝံးမၤတၢ်လၢကစၢ်ယွၤတိာ်ပာ်တ့ၢ်လၢအဂီၢ်လၢ အစိၤအဆၢကတီၢ်ဒၣ်ဝဲဝံၤအလီၢ်ခံသံဝဲ, ဘၣ်တၢ်ခူၣ်လီၤအီၤလၢအပၢ်လၢပျၢၤတဖၣ်အသိးအကျါဒီး အုၣ်ကွံာ်ကျၣ်ကွံာ်ဝဲဒၣ်လီၤ.

မၤတၢ် 19:4

စီၤပီလူးစံးဝဲ, “စီၤယိၤဟၣ်အတၢ်ဘျၢန့ၣ်မ့ၢ်တၢ်ဒိးဘျၢ လၢပှၤပီၢ်ယၢ်လီၤက့ၤအသးတဖၣ်အဂီၢ်လီၤ. ဒီးအဝဲဒၣ်တဲဘၣ်ပှၤအံၣ်စရ့လးဖိသ့ၣ်တဖၣ်လၢအကစူၢ် က့ၤနာ်က့ၤပှၤတဂၤလၢအဟဲလၢအလီၢ်ခံ, လၢအမ့ၢ်ယ့ၣ်ၡူးန့ၣ်လီၤ.”

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

၂ တံၤမသ့း 4:7

တၢ်ဒုးလၢအဂ့ၤန့ၣ်ယဒုးလံ, တၢ်ဃ့ၢ်န့ၣ်ယဃ့ၢ်လံ, ယပၢၤဃာ်တၢ်နာ်န့ၣ်လံ.

လံာ်လီၣ်ဖျါ 11:7

ဖဲအဝဲသ့ၣ်ဘိးဘၣ်သ့ၣ်ညါအတၢ်ကစီၣ်ဝံၤလံန့ၣ်, တၢ်ဒူတၢ်ဃိၤလၢအဟဲဟးထီၣ်လၢတၢ်ပူၤယိာ်တဒုန့ၣ် ကဒုးလိာ်အသးဒီးအဝဲသ့ၣ်လီၤ. အဝဲဒၣ်ကမၤနၢၤ ဒီးမၤသံကွံာ်အဝဲသ့ၣ်လီၤ.