မၤတၢ် 13:20 - Sgaw Karen Common Bible

²⁰ တၢ်တဖၣ်အံၤခဲလၢာ်မၤအသးလၢအနံၣ်လွံၢ်ကယၤယဲၢ်ဆံ ဃၣ်ဃၣ်အတီၢ်ပူၤန့ၣ်လီၤ. အန့ၣ်ဝံၤ, အဝဲဒၣ်ဟ့ၣ်လီၤအဝဲသ့ၣ်လၢပှၤစံၣ်ညီၣ်ကွီၢ်တဖၣ် တုၤလီၤလၢဝံစီၤၡမူၤအ့လးကဲထီၣ်ပှၤခိၣ်ပှၤနၢ်အဆၢကတီၢ်န့ၣ်လီၤ.

မၤတၢ် 13:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:11

ဘၣ်ဆၣ်ဒီးတၢ်အံၤတမၤကဒီးအသးလၢၤဘၣ်. ယအၢၣ်လီၤအီၤလီၤလၢယကကဟုကယာ်နၤလၢနဒုၣ်နဒါခဲလၢာ်, ဒီးဟ့ၣ်လီၤနၤလၢနစၢၤနသွဲၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:22

ဘူၣ်လဲၤကပာ်ဒ်သိးအံၤတခါန့ၣ်, တဘၣ်တၢ်မၤတ့ၢ်အီၤနီတဘျီလၢ ကီၢ်အံၣ်စရ့လးအစီၤပၤတဖၣ်မ့ၢ်ဂ့ၤ, ကီၢ်ယူဒၤအစီၤပၤတဖၣ်မ့ၢ်ဂ့ၤနီတဂၤ, စးထီၣ်လၢပှၤစံၣ်ညီၣ်ကွီၢ်တဖၣ်ပၢထံကီၢ်လံၤလံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:6

လၢယတၢ်လဲၤသကိးတၢ်ဒီးအံၣ်စရ့လးအပှၤဂီၢ်မုၢ်ဒီကတီၢ်အပူၤ န့ၣ်, ခိၣ်နၢ်လၢယဃုထၢပာ်လီၤတ့ၢ်အီၤတဖၣ်ယတသံ ကွၢ်တ့ၢ်အီၤလၢဘၣ်မနုၤအဝဲသ့ၣ်တဘှီထီၣ်န့ၢ်ယၤတၢ်လုၢ်ဟံၣ် တဖျၢၣ်လၢသ့ၣ်ဆှိးအ့ရ့းလဲၣ်န့ၣ်, နီတဂၤနီတစုဘၣ်.

မၤတၢ် 3:24

ဒီးဝံခဲလၢာ်လၢအအိၣ်ဒီးယွၤအတၢ်ကစီၣ်, စးထီၣ်လၢစီၤၡမူၤအ့လးဒီးဝံဟဲလၢအဝဲဒၣ်အလီၢ်ခံ တဖၣ်ဘိးဘၣ်သ့ၣ်ညါဆိပာ်စ့ၢ်ကီးတၢ်လၢအမၤအသးလၢမုၢ် မဆါတနံၤအံၤတဖၣ်အဂ့ၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:16

တုၤနုၤတစုယွၤဟ့ၣ်လီၤပှၤအံၣ်စရ့လးဖိတဖၣ်လၢခိၣ်နၢ်တဖၣ် လၢကအုၣ်က့ၤခီၣ်က့ၤအဝဲသ့ၣ်လၢပှၤဂုာ်ဆူၣ်ပျိဆူၣ်တၢ်တဖၣ်အစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 3:10

ယွၤအသးလီၤဘၣ်လၢအဝဲအလိၤဒီးအဝဲကဲထီၣ်ပှၤအံၣ်စရ့လးဖိ အခိၣ်န့ၣ်လီၤ. စီၤဧီၤသန့လးလဲၤဒုးတၢ်ယၤတၢ်ဒီး ယွၤဟ့ၣ်အီၤတၢ်မၤနၢၤလၢကီၢ်မံးစပတၤမံအစီၤပၤအဖီခိၣ်လီၤ.

လံာ်နီၢ်ရူၤသး 1:1

မုၢ်နံၤမုၢ်သီလၢပှၤစံၣ်ညီၣ်ကွီၢ်တဖၣ်ပၢအံၣ်စရ့လးအကတီၢ် န့ၣ်, တၢ်သၣ်ဝံၤလီၤဒိအိၣ်ထီၣ်ဝဲဒၣ်လၢထံကီၢ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:11

ဒီးယွၤဆှၢလီၤစီၤကံးဒဧိၣ်, ဝံၤဒီးစီၤဘါရးဝံၤဒီးစီၤ ယံးဖသၤဒီးလီၢ်ခံကတၢၢ်မ့ၢ်ယၤန့ၣ်လီၤ. ပဝဲတဂၤစုာ်စုာ်ပအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစု ပူၤဒီးသုအိၣ်မူလၢတၢ်ဘံၣ်တၢ်ဘၢတၢ်ပူၤဖျဲးအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:20

မၤသးဒ်န့ၣ်ဒီးကီၢ်အံၣ်စရ့လးအပှၤဂီၢ်မုၢ်စးထီၣ်လၢကီၢ်အဆၢ လၢအံၤတုၤကီၢ်အဆၢအဂၤတကပၤန့ၣ်သ့ၣ်ညါလၢစီၤၡမူအ့လးမ့ၢ် ယွၤအဝံနီၢ်နီၢ်တဂၤန့ၣ်လီၤ.