မၤတၢ် 13:17 - Sgaw Karen Common Bible

¹⁷ ပှၤအံၣ်စရ့လးဖိအကစၢ်ယွၤဃုထၢထီၣ်ပမိၢ်ပၢ်ဖံဖုလၢပျၢၤတဖၣ်, ဒီးဒုးကဲထီၣ်အီၤလၢပှၤကလုာ်ဖးဒိၣ်တကလုာ်ဖဲအဝဲသ့ၣ်အိၣ် သမှံၤလၢကီၢ်အဲၤကူပတူးအပူၤန့ၣ်လီၤ. ကစၢ်ယွၤထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤ, ခီဖျိအစိအကမီၤလၢအဒိၣ်ဝဲမုၢ်ဝဲန့ၣ်လီၤ.

မၤတၢ် 13:17 Iomraidhean Croise

စံးထီၣ်ပတြၢၤ 135:4

အဂ့ၢ်ဒ်အံၤ, ယွၤဃုထၢတ့ၢ်လံဝဲ ယၤကိာ်လၢအဂီၢ်ဒၣ်ဝဲ, အံၣ်စရ့လးဒ်အတၢ်ဒၣ်ဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 12:51

ဒီးလၢမုၢ်နံၤအဝဲန့ၣ်, ယွၤထုးထီၣ်ကွံာ်ပှၤအံၣ်စရ့လးဖိ အဒူၣ်တဖၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 13:14

ဒီးခါဆူညါန့ၣ်တုၤသုဖိခွါတဖၣ်သံကွၢ်သုလၢတၢ်အလုၢ်အလၢ် အံၤအခီပညီမ့ၢ်တၢ်မနုၤလဲၣ်န့ၣ်ဒီးသုကဘၣ်စံးဆၢအီၤ, ယွၤသူအစိကမီၤဖးဒိၣ်ဒီးထုးထီၣ်ကွံာ်ပှၤလၢကီၢ်အဲၤကူပတူး, ဖဲတၢ်လီၢ်လၢပကဲတ့ၢ်ကုၢ်န့ၣ်လီၤ.

လံာ်တၢ်ဟးထီၣ်ကွံာ် 13:16

တၢ်အလုၢ်အတၢ်အံၤကမ့ၢ်တၢ်ဒုးသ့ၣ်နီၣ်ထီၣ်က့ၤတၢ်တမံၤ, လၢအလီၤဂာ်ဒ်တၢ်တမံၤလၢအစၢတံၢ်အသးလၢပစုအလိၤမ့ၢ်ဂ့ၤ, ပခိၣ်တိသၣ်အလိၤမ့ၢ်ဂ့ၤန့ၣ်လီၤ. တၢ်အံၤကဒုးသ့ၣ်နီၣ်ထီၣ် က့ၤပှၤလၢယွၤထုးထီၣ်ကွံာ်ပှၤလၢကီၢ်အဲၤကူပတူးအပူၤခီဖျိ အတၢ်စိတၢ်ကမီၤဖးဒိၣ်န့ၣ်လီၤ.’ ”

လံာ်တၢ်ဟးထီၣ်ကွံာ် 14:8

ဒီးယွၤမၤကိၤထီၣ်စီၤပၤအသး, ဒီးအဝဲလူၤထွဲပှၤအံၣ်စရ့လးဖိတဖၣ်လၢအဟးထီၣ်ကွံာ်အိၣ်ဒီး တၢ်သးခုလၢတၢ်မၤနၢၤအပူၤန့ၣ်လီၤ.

လံာ်တၢ်ဟးထီၣ်ကွံာ် 18:11

ခဲကနံၣ်အံၤ, ယသ့ၣ်ညါလၢယွၤန့ၣ်ဒိၣ်န့ၢ်ဒံးကစၢ်အဂၤခဲလၢာ် လီၤ. အဂ့ၢ်ဒ်အံၤအဝဲမၤတၢ်အံၤဖဲပှၤအဲၤကူပတူးဖိတဖၣ်မၤတ့ၢ်ပှၤ အံၣ်စရ့လးဖိတဖၣ်လၢတၢ်ပာ်ထီၣ်ထီသးအပူၤဒ်သိးအံၤအခါန့ၣ်လီၤ.”

လံာ်ယၡါယၤ 44:1

ယွၤစံးဝဲ, “ကီၢ်အံၣ်စရ့လး, ယခ့ယပှၤ, ပှၤဂီၢ်မုၢ်လၢယဃုထၢအီၤ, စီၤယၤကိာ်အစၢၤအသွဲၣ်တဖၣ်ဧၢ, ခဲအံၤဒိကနၣ်တၢ်တက့ၢ်.

လံာ်ဧၤမိၣ် 2:10

ယထုးထီၣ်သုလၢကီၢ်အဲၤကူပတူးအပူၤ, ဒီးဆှၢတ့ၢ်သုလၢပှၢ် မုၢ်ကနၢအနံၣ်လွံၢ်ဆံဒီးဟ့ၣ်လီၤတ့ၢ်သုလၢပှၤအမိၢ် ဖိအကီၢ်လၢကကဲထီၣ်သုကီၢ်န့ၣ်လီၤ.

လံာ်မံကၤ 6:4

ယထုးထီၣ်ကွံာ်သုလၢကီၢ်အဲၤကူပတူးအပူၤဒီးပှ့ၤက့ၤသုလၢတၢ်မၢကဲကုၢ်, ယမၢလီၤစီၤမိၤၡ့, စီၤအၤဟရိၣ်ဒီးနီၢ်မံးရယၣ်လၢကဆှၢသုလီၤ.

လံာ်သိၣ်လီၤသီလီၤတၢ် 10:22

ဖဲသုမိၢ်ပၢ်ဖံဖုလၢပျၢၤတဖၣ်လဲၤဆူကီၢ်အဲၤကူပတူးန့ၣ်, အဝဲသ့ၣ်အိၣ်ဒၣ်ထဲပှၤအဂၤနွံဆံဧိၤလီၤ. မ့မ့ၢ်ခဲကနံၣ်အံၤ ယွၤ, သုကစၢ်ယွၤမၤအါထီၣ်တ့ၢ်သုအါအါကလဲာ်ဒ်ဆၣ်ဧိၤဖီဧိၤလၢ မူကပိာ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 14:2

သုဘၣ်ဃးဒီးယွၤသုကစၢ်ယွၤန့ၣ်လီၤ. အဝဲဃုထၢတ့ၢ်သုလၢသု ကမ့ၢ်အဝဲအပှၤဂီၢ်မုၢ်ဒၣ်ဝဲလၢကယဲၢ်ပှၤဂီၢ်မုၢ်တဖၣ်လၢအအိၣ်လၢ ဟီၣ်ခိၣ်အံၤအကျါန့ၣ်လီၤ.

လံာ်သိၣ်လီၤသီလီၤတၢ် 4:20

မ့မ့ၢ်, သုမ့ၢ်ပှၤဂီၢ်မုၢ်လၢအဝဲအုၣ်က့ၤခီၣ်က့ၤဝဲလၢကီၢ် အဲၤကူပတူးတခီ, လၢဖၣ်ကပူၤလၢအကဲၤကပျီၤအပူၤန့ၣ်လီၤ. အဝဲထုးထီၣ်ကွံာ်သုဒ်သိးကဒုးကဲထီၣ်သုလၢအပှၤဂီၢ်မုၢ်ဒ်သု မ့ၢ်တၢ်တနံၤအံၤအသိးန့ၣ်လီၤ.

လံာ်သိၣ်လီၤသီလီၤတၢ် 4:34

ဒ်ယွၤ, သုကစၢ်ယွၤမၤတ့ၢ်တၢ်လၢသုဂီၢ်လၢကီၢ်အဲၤကူပတူး အပူၤအသိးန့ၣ်, မ့ၢ်ကစၢ်လၢအလဲၤဒီးထုးထီၣ်ကွံာ်ပှၤဂီၢ်မုၢ်တဖုလၢပှၤအဂၤ တကလုာ်အကျါဒီးဒုးကဲထီၣ်အီၤလၢအတၢ်ဒၣ်ဝဲဘူၣ်န့ၣ်ကအိၣ်တဂၤ ဂၤဧါ. သုထံၣ်ဘၣ်အဝဲသူတ့ၢ်အတၢ်စိတၢ်ကမီၤဒီးတၢ်ဂံၢ်တၢ်ဘါဖးဒိၣ် လၢသုမဲာ်ချံဒၣ်သုဝဲလီၤ. အဝဲဒုးလီၤဘၣ်တၢ်ဆါသံသတြိာ်ဒီးတၢ်ဒုးတၢ်ယၤ, မၤတ့ၢ်တၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒီးဒုးအိၣ်ထီၣ် တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.

လံာ်သိၣ်လီၤသီလီၤတၢ် 4:37

မ့ၢ်လၢအအဲၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဃိ, အဝဲဃုထၢသုဒီးခီဖျိလၢအဝဲအစိကမီၤဖးဒိၣ်န့ၣ်အဝဲအနီၢ် ကစၢ်ဒၣ်ဝဲထုးထီၣ်သုလၢကီၢ်အဲၤကူပတူးအပူၤန့ၣ်လီၤ.

လံာ်သိၣ်လီၤသီလီၤတၢ် 7:19

သ့ၣ်နီၣ်ထီၣ်တၢ်သံသတြိာ်လီၤပျံၤလီၤဖုးတဖၣ်, လၢသုထံၣ်ဘၣ်တ့ၢ်အီၤလၢသုမဲာ်ချံဒၣ်ဝဲ, တၢ်လီၤလးတဖၣ်ဒီးတၢ်လီၤကမၢကမၣ်တဖၣ်, ယွၤသုကစၢ်ယွၤမၤထူၣ် ဖျဲးသုခီဖျိတၢ်စိတၢ်ကမီၤဖးဒိၣ်ဒီးတၢ်ဂံၢ်ဆူၣ်ဘါဆူၣ်န့ၣ်တက့ၢ်. ဒ်ကျဲတဘိဃီလၢယွၤမၤဟးဂီၤကွံာ်ပှၤအဲၤကူပတူးဖိတဖၣ် အသိးန့ၣ်, အဝဲကမၤဟးဂီၤကွံာ်ကယဲၢ်ပှၤဂီၢ်မုၢ်ခဲလၢာ်အံၤလၢသုပျံၤဘၣ် အီၤခဲအံၤန့ၣ်လီၤ.

လံာ်သိၣ်လီၤသီလီၤတၢ် 9:5

တမ့ၢ်လၢသုမ့ၢ်ပှၤတဖၣ်လၢအဂ့ၤဒီးမၤတၢ်လၢအဘၣ်အဃိဒီးယွၤ ပျဲသုမၤန့ၢ်ဘၣ်အဝဲသ့ၣ်အကီၢ်အံၤဘၣ်. ယွၤကနီၣ်ထီၣ်ကွံာ်အဝဲသ့ၣ်မ့ၢ်လၢအဝဲသ့ၣ်မ့ၢ်ပှၤအၢပှၤသီတဖၣ် မ့ၢ်လၢအဝဲပာ်လီၤအသးလၢကဟံးဃာ်ဂၢၢ်ကျၢၤအတၢ်အၢၣ်လီၤအီလီၤ လၢအမၤတ့ၢ်ဝဲဒီးသုပၢ်ဖးဒိၣ်လၢပျၢၤတဖၣ်ဒ်စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အဃိန့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:8

အဝဲသ့ၣ်မ့ၢ်ကစၢ်တဖၣ်လၢအမၤသံတ့ၢ်ပှၤအဲၤကူပတူးဖိတဖၣ်လၢ မဲးမုၢ်ခိၣ်န့ၣ်လီၤ.