မၤတၢ် 13:15 - Sgaw Karen Common Bible

¹⁵ လံာ်တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤခီဖျိစီၤမိၤ ၡ့ဒီးဝံလံာ်အတၢ်ကွဲးတဖၣ်ဘၣ်တၢ်ဖးထီၣ်အီၤဝံၤအလီၢ်ခံန့ၣ်, ဘူၣ်ဘျီၣ်အခိၣ်အနၢ်တဖၣ်ဆှၢလီၤတၢ်ကစီၣ်ဆူအဝဲသ့ၣ်အအိၣ်ဒီး စံးဝဲ, “ဒီပုၢ်ဝဲၢ်သ့ၣ်ဧၢ, သုမ့ၢ်အိၣ်ဒီးတၢ်ကစီၣ်လၢအကဟ့ၣ်ဂံၢ်ဟ့ၣ်ဘါပှၤဂီၢ်မုၢ်တဖၣ် န့ၣ်, ပသးအိၣ်လၢသုကကတိၤတၢ်န့ၣ်လီၤ.”

မၤတၢ် 13:15 Iomraidhean Croise

လံာ်မၢ်ကူး 5:22

အကတီၢ်ဖဲန့ၣ်, ဘူၣ်ဘျီၣ်လၢအမ့ၢ်တၢ်ဘါလီၢ်အခိၣ်လၢ အမံၤမ့ၢ်ဝဲစီၤယၤအ့ၤရူးတဂၤဟဲတုၤဝဲဒီး တုၤအထံၣ်ယ့ၣ်ၡူးဒီးထိၣ်လီၤပှီၤအသးလၢအမဲာ်ညါဝံၤ

လံာ်လူၤကၣ် 16:16

စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ်အိၣ်ဝဲဒၣ်တုၤလၢ ပှၤဘျၢတၢ်စီၤယိၤဟၣ်အဆၢကတီၢ်လီၤ. စးထီၣ်ဖဲန့ၣ် တၢ်သးခု အကစီၣ်ဘၣ်ဃးဒီးကစၢ်ယွၤအဘီအမုၢ်ဘၣ်တၢ်စံၣ်တဲၤတဲလီၤအီၤ, ဒီးပှၤကိးဂၤဒဲးဂုာ်လဲၤနုာ်ဝဲဆူကစၢ်ယွၤအဘီအမုၢ်အပူၤလီၤ.

မၤတၢ် 1:16

“ယဒီပုၢ်ဝဲၢ်သ့ၣ်ဧၢ, တၢ်ကွဲးအသးလၢအပာ်ဖျါသးစီဆှံအတၢ်ဒုးစံးဒုးကတိၤစီၤဒၤ ဝံးဖဲအဝဲကတိၤဆိပာ်စၢၤဘၣ်ဃးစီၤယူဒၤလၢအမ့ၢ်ပှၤဆှၢ ပှၤလၢအလဲၤဖီၣ်ယ့ၣ်ၡူးအဂ့ၢ်န့ၣ်, ကဘၣ်လၢထီၣ်ပှဲၤထီၣ်ဝဲလီၤ.

မၤတၢ် 13:27

အဂ့ၢ်ဒ်အံၤ, ပှၤအိၣ်ဝဲဆိးဝဲလၢဝ့ၢ်ယရူၤၡလ့ၣ်ဒီးအပှၤခိၣ်ပှၤနၢ် တဖၣ်တသ့ၣ်ညါလၢအဝဲဒၣ်မ့ၢ်ပှၤအုၣ်က့ၤခီၣ်က့ၤတၢ်အကစၢ်, ဒီးတနၢ်ပၢၢ်စ့ၢ်ကီးဝံတဖၣ်အကလုၢ်ကထါလၢအဘၣ်တၢ် ဖးဖျါထီၣ်အီၤကိးမုၢ်အိၣ်ဘှံးနံၤဒဲးန့ၣ်ဘၣ်လီၤ. မ့ၢ်သနာ်က့ဒ်န့ၣ်ဒီး, အဝဲသ့ၣ်ဒုးလၢထီၣ်ပှဲၤထီၣ်ဝံတဖၣ်အကလုၢ်ကထါခီဖျိအစံၣ်ညီၣ် သံယ့ၣ်ၡူးန့ၣ်လီၤ.

မၤတၢ် 15:21

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီဘၣ်တၢ်ဖးတ့ၢ်အီၤယံာ် တ့ၢ်မးလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤကိးယူဒၤဖိ အမုၢ်အိၣ်ဘှံးနံၤဒဲး, ဒီးအဝဲအကလုၢ်ကထါတဖၣ်ဘၣ်တၢ်စံၣ်တဲၤတဲလီၤအီၤလၢဝ့ၢ်ကိး ဖျၢၣ်ဒဲးအပူၤန့ၣ်လီၤ.”

မၤတၢ် 15:7

တၢ်ကတိၤဂ့ၢ်လိာ်ဘှီလိာ်အိၣ်ဝဲဒၣ်ဖးယံာ်ဝံၤအလီၢ်ခံ, စီၤပ့းတရူးဂဲၤဆၢထၢၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, သုသ့ၣ်ညါလၢအပူၤကွံာ်ဖးယံာ်န့ၣ်, ကစၢ်ယွၤဃုထၢထီၣ် ယၤလၢသုကျါဒ်သိးယကစံၣ်တဲၤတဲလီၤတၢ်သးခုအကစီၣ် လၢပှၤကလုာ်ဂၤတဖၣ်, ဒ်သိးအဝဲသ့ၣ်ကနၢ်ဟူဒီးစူၢ်က့ၤနာ်က့ၤယ့ၣ်ၡူးအဂီၢ်လီၤ.

မၤတၢ် 18:17

ဒီးအဝဲသ့ၣ်ကိးဂၤဒဲးစှီၤဃာ်ဘူၣ်ဘျီၣ်အခိၣ်စီၤစိၤစသ့ၣ်, ဒီးတီၢ်အီၤလၢစံၣ်ညီၣ်ကွီၢ်အမဲာ်ညါလီၤ. ဘၣ်ဆၣ်ဒီးစီၤကးလံၤအိၣ်တကနၣ်ဃုာ်ဝဲနီတစဲးဘၣ်.

မၤတၢ် 18:8

စီၤကြံစပူးလၢအမ့ၢ်ဘူၣ်ဘျီၣ်အခိၣ်တဂၤန့ၣ်, စူၢ်က့ၤနာ်က့ၤကစၢ်ဃုာ်ဒီးအပှၤဟံၣ်ဖိဃီဖိခဲလၢာ်လီၤ. ပှၤအါဒံအါဂၤဖဲဝ့ၢ်ကရံၣ်သူးလၢအနၢ်ဟူဘၣ်တၢ်သးခု အကစီၣ်တဖၣ်န့ၣ်, စူၢ်က့ၤနာ်က့ၤတၢ်ဒီးဘၣ်တၢ်ဘျၢအီၤလၢ ထံလီၤ.

မၤတၢ် 2:29

“ယဒီပုၢ်ဝဲၢ်သ့ၣ်ဧၢ, ယဘၣ်စံးဘၣ်သုလိၤလိၤဘၣ်ဃးပပၢ်ဖးဒိၣ်မံၤဟူသၣ်ဖျါစီၤပၤ ဒၤဝံးအဂ့ၢ်လီၤ. အဝဲဒၣ်သံဝဲဒီးဘၣ်တၢ်ခူၣ်လီၤကွံာ်အီၤ, ဒီးအသွၣ်ခိၣ်န့ၣ်အိၣ်ဒံးဒၣ်ဖဲအံၤတုၤမုၢ်မဆါတနံၤအံၤန့ၣ်လီၤ.

မၤတၢ် 2:37

တုၤပှၤတဖၣ်နၢ်ဟူဘၣ်တၢ်လၢစီၤပ့းတရူးစံးတ့ၢ်ဝဲအံၤန့ၣ်, အဝဲသ့ၣ်အသးဘၣ်ဒိဘၣ်ထံးနးမးဒီးစံးဘၣ်စီၤပ့းတရူးဒီး ပှၤတၢ်မၢဖိအဂၤတဖၣ်, “ဒီပုၢ်ဝဲၢ်သ့ၣ်ဧၢ, ပကမၤဘၣ်ဒ်လဲၣ်.”

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

မၤတၢ် 20:2

အဝဲဒၣ်လဲၤခီဂာ်တၢ်လီၢ်တၢ်ကျဲဖဲန့ၣ်တဖၣ်ဒီးကတိၤဟ့ၣ် ဂံၢ်ဟ့ၣ်ဘါပှၤလၢတၢ်ကစီၣ်အါထံၣ်အါဘီန့ၣ်လီၤ. အန့ၣ်ဝံၤအလီၢ်ခံအဝဲဒၣ်လဲၤဆူကီၢ်အဃါယၤလီၤ.

မၤတၢ် 22:1

ဒီပုၢ်ဒီဝဲၢ်, ဒီးပၢ်သ့ၣ်ဧၢ, ဒိကနၣ်ယတၢ်ကတိၤဒီဒၣ်ယသးလၢသုမဲာ်ညါအံၤတက့ၢ်.

မၤတၢ် 4:36

စီၤယိၤစ့ၣ်ပှၤလ့ၤဝံဖိလၢအအိၣ်ဖျဲၣ်ထီၣ်လၢကီးကူပြူးအပူၤ, လၢပှၤတၢ်မၢဖိတဖၣ်ယုၢ်န့ၢ်အမံၤလၢစီၤဘၢ်နါဘၤ (အခီပညီ, ပှၤလၢအဟ့ၣ်ဆူၣ်ထီၣ်ပှၤဂံၢ်ပှၤဘါ) တဂၤ

မၤတၢ် 7:2

စီၤစတ့းဖၣ်စံးဆၢက့ၤတၢ်ဒီးစံးဝဲ, “ယဒီပုၢ်ဝဲၢ်ခွါတဖၣ်ဒီးယပၢ်သ့ၣ်ဧၢ, ကနၣ်တက့ၢ်. ကစၢ်ယွၤလၢအလၢပှဲၤဒီးတၢ်လၤတၢ်ကပီၤတဂၤန့ၣ်, အိၣ်ဖျါထီၣ်လၢပပၢ်စီၤအၤဘြၤဟၣ်အမဲာ်ညါ, ဖဲအအိၣ်ဝဲလၢကီၢ်မ့းစပတၤမံအပူၤတချုးအလဲၤအိၣ်လဲၤဆိးဝဲ လၢဝ့ၢ်ဃၤရၣ်အပူၤဒံးဘၣ်န့ၣ်လီၤ.

ရိမ့ၤ 12:8

မ့မ့ၢ်တၢ်ဟ့ၣ်ဂံၢ်ဟ့ၣ်ဘါပှၤဂၤတဖၣ်ဒီး, ပကဘၣ်ဟ့ၣ်ဂံၢ်ဟ့ၣ် ဘါတၢ်လီၤ. ပှၤတဂၤလၢ်လၢ်လၢအနီၤဟ့ၣ်တၢ်လၢအအိၣ်ဒီး အီၤလၢပှၤဂၤတဖၣ်န့ၣ်, ကဘၣ်မၤဝဲလၢတၢ်သူၣ်အိၣ်သးအိၣ် အပူၤန့ၣ်လီၤ. မ့မ့ၢ်ခိၣ်နၢ်တဂၤဂၤဒီး, ကဘၣ်မၤတၢ်ဆူၣ်ဆူၣ် လီၤ. ပှၤတဂၤလၢ်လၢ်လၢအဒုးနဲၣ်တၢ်သးကညီၤလၢပှၤဂၤ တဖၣ်န့ၣ်, ကဘၣ်မၤဝဲလၢတၢ်သူၣ်ခုသးခုအပူၤလီၤ.

1 ကရံၣ်သူး 14:3

မ့မ့ၢ်ပှၤလၢအကတိၤတၢ်လၢဝံအကျိာ်တဂၤန့ၣ်, ကတိၤတၢ်ဒီးပှၤကညီ, ဟ့ၣ်အဝဲသ့ၣ်တၢ်မၤစၢၤ, ဟ့ၣ်ဆူၣ်ထီၣ်အဂံၢ်အဘါ, ဒီးမၤမုာ်ထီၣ်အဝဲသ့ၣ်တဖၣ်အသးန့ၣ်လီၤ.

၂ ကရံၣ်သူး 3:14

အဝဲသ့ၣ်အသူၣ်အသးတဖၣ်အိၣ်ကးတံာ်အသးစဲဃဲၤလီၤ. ဒီးတုၤလီၤလၢမုၢ်မဆါတနံၤအံၤ ဖဲအဝဲသ့ၣ်ဖးလံာ်တၢ် အၢၣ်လီၤအီလီၤအလီၢ်လံၤတဖၣ်န့ၣ်, အဝဲသ့ၣ်အသးဘၣ်တၢ်ကျၢၢ်ဘၢအီၤလၢနီၣ်ကျၢၢ်ဘၢမဲာ်တခါ ဃီန့ၣ်လီၤ. နီၣ်ကျၢၢ်ဘၢမဲာ်အဝဲအံၤဘၣ်တၢ်ထုးကွံာ်ဒၣ်အီၤဖဲ ပှၤတဂၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်လီၤ.

၁ သ့းစၤလနံ 2:3

ပတၢ်သဆၣ်ထီၣ်သုခံန့ၣ်တမ့ၢ်လၢတၢ်ကမူၤကမၣ်အပူၤမ့ၢ်ဂ့ၤ, တၢ်ပာ်သူၣ်ပာ်သးအတကဆှီတဖၣ်အပူၤမ့ၢ်ဂ့ၤန့ၣ်ဘၣ်. ပတဂုာ်ကျဲးစၢးလီန့ၢ်စ့ၢ်ကီးပှၤနီတဂၤဘၣ်.

ဧ့ၤဘြံၤ 13:22

ဒီပုၢ်ဝဲၢ်သ့ၣ်ဧၢ, ယဃ့ကညးသုလၢသုကဒိကနၣ်တၢ်ဟ့ၣ်ဂံၢ်ဟ့ၣ်ဘါသု အတၢ်ကတိၤအံၤလၢတၢ်သးစူၤအပူၤ, အဂ့ၢ်မ့ၢ်လၢအတထီကဲၣ်ဆိးဘၣ်အဃိန့ၣ်လီၤ.