မၤတၢ် 13:14 - Sgaw Karen Common Bible

¹⁴ အဝဲသ့ၣ်ဟးထီၣ်လၢဝ့ၢ်ပ့ၢ်က့ၤဒီးလဲၤတုၤလၢဝ့ၢ်အၣ် တံၤအီာ်ဘၣ်ဃးဒီးကီၢ်ပံၤစံၤဒံ, ဒီးဖဲမုၢ်အိၣ်ဘှံးအနံၤန့ၣ်, လဲၤနုာ်လီၤလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤဒီးဆ့ၣ်နီၤ ဝဲလီၤ.

မၤတၢ် 13:14 Iomraidhean Croise

လံာ်လူၤကၣ် 4:16

အန့ၣ်ဝံၤအလီၢ်ခံ, ယ့ၣ်ၡူးလဲၤဆူနစၤရ့း, တၢ်လီၢ်ဖဲအဝဲဒၣ်ဘၣ်တၢ်ကွၢ်ဒုးဒိၣ်ထီၣ်အီၤ, ဒီးဖဲမုၢ်အိၣ်ဘှံးနံၤန့ၣ် အဝဲဒၣ်လဲၤဝဲဒ်အညီနုၢ်အသိးဆူဘူၣ်ဘျီၣ်လၢအမ့ၢ်တၢ်ဘါလီၢ်န့ၣ်လီၤ. အဝဲဒၣ်ဂဲၤဆၢထၢၣ်ဒ်သိးအကဖးတၢ်ကွဲးအသးစီဆှံတဖၣ်,

မၤတၢ် 13:42

ဖဲစီၤပီလူးဒီးစီၤဘၢ်နါဘၤဟးထီၣ်လၢဘူၣ်ဘျီၣ်လၢအမ့ၢ် တၢ်ဘါလီၢ်အပူၤန့ၣ်, ပှၤဂီၢ်မုၢ်တဖၣ်ကွဲမုာ်အီၤဒ်သိးအကဟဲ ကဒီးဖဲပှၤယူဒၤဖိအမုၢ်အိၣ်ဘှံးနံၤလၢခံတနွံဒီးတဲဘၣ်အါထီၣ် အဝဲသ့ၣ်ဘၣ်ဃးတၢ်ဂ့ၢ်သ့ၣ်တဖၣ်အံၤန့ၣ်လီၤ.

မၤတၢ် 13:44

ဖဲပှၤယူဒၤဖိအမုၢ်အိၣ်ဘှံးနံၤလၢခံတနွံန့ၣ်, ပှၤဝ့ၢ်ဖိကိးဂၤဒဲးဃၣ်ဃၣ်ဟဲဒ်သိးအကနၢ်ဟူဘၣ်ကစၢ်အကလုၢ် ကထါန့ၣ်လီၤ.

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 13:5

ဖဲအဝဲသ့ၣ်လဲၤတုၤဖဲဝ့ၢ်စလၤမံန့ၣ်, စံၣ်တဲၤတဲလီၤယွၤအကလုၢ်ကထါလၢပှၤယူဒၤဖိအဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤလီၤ. ဒီးအဝဲသ့ၣ်အိၣ်ဒီးစီၤယိၤဟၣ် မၢ်ကူးလၢအကမၤစၢၤအီၤလၢအတၢ်ဖံးတၢ်မၤအပူၤန့ၣ်လီၤ.

မၤတၢ် 14:19

ပှၤယူဒၤဖိတနီၤဟဲလၢဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံဒီး လၢဝ့ၢ်အံၤကနံၤလီၤ. အဝဲသ့ၣ်ထုးန့ၢ်ပှၤဂီၢ်မုၢ်အသးဒ်သိးအကစူၢ်ကနာ်တၢ်လၢ အဝဲသ့ၣ်စံးဝဲ, ဒီးကွံာ်စီၤပီလူးလၢလၢၢ်ဝံၤ, ဖဲအဆိကမိၣ်လၢအဝဲဒၣ်သံလံန့ၣ်, တွံၢ်ထုးထီၣ်ကွံာ်အီၤဆူဝ့ၢ်အချၢန့ၣ်လီၤ.

မၤတၢ် 16:13

ဖဲပှၤယူဒၤဖိအမုၢ်အိၣ်ဘှံးနံၤန့ၣ်, ပဟးထီၣ်ဆူဝ့ၢ်အချၢဒီးလဲၤ ဆူထံကျိနံၤ, ဖဲတၢ်လီၢ်လၢပဆိကမိၣ်ပှၤယူဒၤဖိအတၢ်ဘါထု ကဖၣ်အလီၢ်ကအိၣ်ဝဲန့ၣ်လီၤ. ပဆ့ၣ်နီၤဒီးစံၣ်တဲၤတဲလီၤန့ၢ်တၢ်လၢပိာ်မုၣ်လၢအဟဲပာ်ဖှိၣ် သကိးအသးဖဲန့ၣ်တဖၣ်အဂီၢ်လီၤ.

မၤတၢ် 17:2

ဒ်အဝဲဒၣ်အလုၢ်အလၢ်အိၣ်ဝဲအသိး, စီၤပီလူးလဲၤဆူဘူၣ်ဘျီၣ်လၢအမ့ၢ်တၢ်ဘါအလီၢ်ဒီးဖဲန့ၣ်, လၢပှၤယူဒၤဖိအမုၢ်အိၣ်ဘှံးနံၤသၢဘျီအတီၢ်ပူၤ, အဝဲဒၣ်ဂ့ၢ်လိာ်ဘှီလိာ်တၢ်ဒီးပှၤကမျၢၢ်တဖၣ်အိၣ်ဒီးတၢ်ယၢၤ ထီၣ်ဒီး

မၤတၢ် 18:4

ပှၤယူဒၤဖိအမုၢ်အိၣ်ဘှံးနံၤကိးဘျီဒဲးန့ၣ်, အဝဲဒၣ်ကတိၤဂ့ၢ်လိာ်ဘှီလိာ်တၢ်ဖဲဘူၣ်ဘျီၣ်လၢအမ့ၢ်တၢ်ဘါ အလီၢ်, ဒီးဂုာ်ကျဲးစၢးဝဲဒ်သိးပှၤယူဒၤဖိဒီးပှၤကြံးခ်ဖိ ခံဖုလၢာ်ကနာ်တၢ်အဂီၢ်လီၤ.

မၤတၢ် 19:8

လၢသၢလါအတီၢ်ပူၤစီၤပီလူးလဲၤနုာ်ဆူဘူၣ်ဘျီၣ်လၢအမ့ၢ် တၢ်ဘါလီၢ်အပူၤဒီးကတိၤတၢ်ဒီးပှၤဂီၢ်မုၢ်တဖၣ်ဒူဒူလီၤ. အဝဲဒၣ်ကတိၤဂ့ၢ်လိာ်ဘှီလိာ်တၢ်ဒီးအဝဲသ့ၣ်, ဒီးဂုာ်ကျဲးစၢးဒုးနာ်အဝဲသ့ၣ်ဘၣ်ဃးကစၢ်ယွၤအဘီ အမုၢ်အဂ့ၢ်န့ၣ်လီၤ.

မၤတၢ် 9:20

အဝဲဒၣ်လဲၤဝဲတဘျီဃီဆူဘူၣ်ဘျီၣ်လၢအမ့ၢ်တၢ်ဘါလီၢ် တဖၣ်, ဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ကစၢ်ယွၤအဖိခွါန့ၣ် လီၤ.

၂ တံၤမသ့း 3:11

ယတၢ်ဒိးတၢ်မၤအၢမၤနးယၤတဖၣ်ဒီးယတၢ်နးတၢ်ဖှီၣ် တဖၣ်န့ၣ်လီၤ. နသ့ၣ်ညါတၢ်လၢအမၤအသးဒီးယၤလၢဝ့ၢ် အၣ်တံၤအီာ်, ဝ့ၢ်အံၤကနံဒီးဝ့ၢ်လူစတြၤ, တၢ်မၤအၢမၤသီနးနးကျံၤကျံၤလၢယတူၢ်တ့ၢ်အီၤန့ၣ်လီၤ. ဘၣ်ဆၣ်ဒီးကစၢ်မၤပူၤဖျဲးယၤလၢတၢ်န့ၣ်တဖၣ်ခဲလၢာ်လီၤ.