မၤတၢ် 13:12 - Sgaw Karen Common Bible

¹² ဖဲပဒိၣ်တဂၤအံၤထံၣ်ဘၣ်တၢ်လၢအမၤတ့ၢ်အသးတဖၣ်အံၤန့ၣ်, အဝဲဒၣ်စူၢ်က့ၤနာ်က့ၤတၢ်လီၤ. အဝဲဒၣ်ကမၢကမၣ်အဒိၣ်အအါ, ဖဲအနၢ်ဟူဘၣ်တၢ်သိၣ်လီၤသီလီၤဘၣ်ဃးကစၢ်အဂ့ၢ်န့ၣ်လီၤ.

မၤတၢ် 13:12 Iomraidhean Croise

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်လူၤကၣ် 4:22

အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”

လံာ်လူၤကၣ် 7:16

ပှၤကိးဂၤဒဲးပှဲၤဒီးတၢ်ပျံၤတၢ်ဖုး, ဒီးစံးထီၣ်တြၢၤကစၢ်ယွၤဒီးစံးဝဲ, “ဝံဖးဒိၣ်တဂၤဟဲအိၣ်ဖျါထီၣ်လၢပသိးပကျါလံ. ဒီး, ကစၢ်ယွၤဟဲဝဲဒ်သိးအကအုၣ်က့ၤခီၣ်က့ၤအပှၤဂီၢ်မုၢ်လံ.”

လံာ်ယိၤဟၣ် 7:46

တၢ်လုၢ်ဟံၣ်အပှၤပၢၤတၢ်ဖိတဖၣ်စံးဆၢတၢ်ဒီးစံးဝဲ, “ပှၤကတိၤတၢ်ဒ်ပှၤတဂၤအံၤအသိးတအိၣ်နီတဂၤဒံးဘၣ်.”

မၤတၢ် 13:48

ဖဲပှၤကလုာ်ဂၤတဖၣ်နၢ်ဟူဘၣ်တၢ်တမံၤအံၤန့ၣ်, အဝဲသ့ၣ်အသးခုဒီးစံးထီၣ်ပတြၢၤကစၢ်ယွၤလၢအတၢ်ကစီၣ် အဃိန့ၣ်လီၤ. ဒီးပှၤလၢယွၤဃုထၢအီၤဒ်သိးအကဒိးန့ၢ် တၢ်မူအထူအယိာ်တဖၣ်န့ၣ်, စူၢ်က့ၤနာ်က့ၤတၢ်လီၤ.

မၤတၢ် 13:49

ကစၢ်အကလုၢ်အကထါ ဘၣ်တၢ်ရၤလီၤအီၤသကုၤကီၢ်န့ၣ်အပူၤလီၤ.

မၤတၢ် 13:7

အဝဲမ့ၢ်ပှၤဒီတံၤဒီသကိးဒီးကီးအပဒိၣ်ဖးဒိၣ်, စီၤစ့ၢ်ကံပီလူးလၢအမ့ၢ်ပှၤသူၣ်ဆးသးဆးဒီးကူၣ်ဘၣ်ဖးသ့တဂၤ န့ၣ်လီၤ. ပဒိၣ်ဖးဒိၣ်တဂၤအံၤကိးန့ၢ်စီၤဘၢ်နါဘၤဒီးစီၤစီလူးဆူအ အိၣ်မ့ၢ်လၢအဝဲဒၣ်သးအိၣ်နၢ်ဟူဘၣ်ကစၢ်ယွၤအကလုၢ်ကထါ အဃိန့ၣ်လီၤ.

မၤတၢ် 13:8

ဘၣ်ဆၣ်ဒီးပှၤမၤကဒါပှၤမဲာ်စီၤအ့းလူမၤ (အဝဲအံၤမ့ၢ်စီၤဘၢ်ယ့ၣ်ၡူးအမံၤလၢကြံးခ်အကျိာ်) မၤတံာ်တာ်အဝဲသ့ၣ်ခီဖျိအဂုာ်ကျဲးစၢးဃၣ်ကွံာ်ပဒိၣ်ဖးဒိၣ် တဂၤန့ၣ်အသးယံၤထီၣ်ဒီးပှၤခရံာ်ဖိအတၢ်စူၢ်တၢ်နာ်န့ၣ်လီၤ.

မၤတၢ် 15:35

စီၤပီလူးဒီးစီၤဘၢ်နါဘၤအိၣ်ဒံးဝဲဖဲဝ့ၢ်အၣ်တံၤအီာ်န့ၣ်လီၤ. အဝဲသ့ၣ်ဒီးပှၤအဂၤအါဒံအါဂၤသိၣ်လိဒီးစံၣ်တဲၤတဲလီၤ ကစၢ်အကလုၢ်ကထါန့ၣ်လီၤ.

မၤတၢ် 15:36

တၢ်ဆၢကတီၢ်လဲၤပူၤကွံာ်ဝဲစှၤလါဝံၤအလီၢ်ခံန့ၣ်, စီၤပီလူးစံးဘၣ်စီၤဘၢ်နါဘၤ, “မ်ပက့ၤကဒါက့ၤဆူဝ့ၢ်ကိးဝ့ၢ်ဒဲး ဖဲပစံၣ်တဲၤတဲလီၤတ့ၢ်ကစၢ်အကလုၢ်ကထါ, ဒ်သိးပကထံၣ်ဘၣ်အဝဲသ့ၣ်အတၢ်အိၣ်မူလၢတၢ်စူၢ်ယွၤနာ်ယွၤ အပူၤ မ့ၢ်တၢ်ဒ်လဲၣ်န့ၣ်တက့ၢ်.”

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

မၤတၢ် 19:10

အဝဲမၤဒ်အံၤလၢခံနံၣ်အတီၢ်ပူၤ, တုၤဒၣ်လဲာ်ပှၤအိၣ်လၢကီၢ်အၤစံ အပူၤခဲလၢာ်, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, နၢ်ဟူဘၣ်ကစၢ်အကလုၢ်ကထါန့ၣ်လီၤ.

မၤတၢ် 19:20

လၢတၢ်စိတၢ်ကမီၤအကျဲဒ်သိးအံၤအပူၤန့ၣ်, ကစၢ်အကလုၢ်ကထါရၤလီၤအသးလဲၢ်ထီၣ်ဒီးဆူၣ်ထီၣ်ကွ့ၢ်ကွ့ၢ် န့ၣ်လီၤ.

မၤတၢ် 19:38

စီၤဒ့ၤမ့ၤတြံဒီး အပှၤမၤတၢ်ဖိတဖၣ်မ့ၢ်သးအိၣ်လိာ်ဘၢလိာ်ကွီၢ်ပှၤ တဂၤဂၤန့ၣ်, မုၢ်နံၤမုၢ်သီအိၣ်ဝဲလၢကွီၢ်ဘျီၣ်အပူၤ, ဒီးပဒိၣ်ပပှၢ်လၢအကစံၣ်ညီၣ်တၢ်တဖၣ်အိၣ်စ့ၢ်ကီးဖဲဆၢကတီၢ်အဝဲ န့ၣ်လီၤ. ဖဲန့ၣ်အဝဲသ့ၣ်လိာ်ဘၢလိာ်ကွီၢ်လိာ်အသးတဂၤဒီး တဂၤသ့ဝဲလီၤ.

မၤတၢ် 19:7

အဝဲသ့ၣ်အနီၣ်ဂံၢ်အိၣ်ဝဲခဲလၢာ်တဆံခံဂၤဃၣ်ဃၣ်လီၤ.

မၤတၢ် 28:7

ဘူးဒီးတၢ်လီၢ်ဖဲန့ၣ်, ဟီၣ်ခိၣ်ဖးလဲၢ်အိၣ်ဝဲတကဝီၤလၢအမ့ၢ်ကီး အပဒိၣ်စီၤပီးပျံၤအတၢ်န့ၣ်လီၤ. အဝဲဒၣ်တူၢ်လိာ်ခီၣ်ဆၢပှၤဂ့ၤမး, ဒီးလၢသၢသီအတီၢ်ပူၤပကဲအဝဲအပှၤသမှံၤတဖၣ်လီၤ.

မၤတၢ် 6:10

ဘၣ်ဆၣ်ဒီးယွၤအသးဒုးကတိၤအီၤတၢ်ကတိၤပှဲၤဒီးတၢ်ကူၣ် သ့သတးဒီး, တုၤအဝဲဒၣ်ကတိၤထီၣ်တၢ်တစုန့ၣ်, အဝဲသ့ၣ်ကတိၤဂ့ၢ်လိာ်ဆၢအီၤတသ့ဘၣ်န့ၣ်လီၤ.

မၤတၢ် 8:25

တုၤအဝဲသ့ၣ်အုၣ်အသးဒီးတဲဖျါယွၤအတၢ်ကစီၣ်ဝံၤအလီၢ်ခံန့ၣ် စီၤပ့းတရူးဒီးစီၤယိၤဟၣ်က့ၤကဒါက့ၤဆူဝ့ၢ်ယရူၤၡလ့ၣ်လီၤ. ဖဲအက့ၤဝဲလၢကျဲန့ၣ်, အဝဲသ့ၣ်စံၣ်တဲၤတဲလီၤတၢ်သးခုအကစီၣ် အံၤလၢသဝီတဘျုးဖျၢၣ်အိၣ်လၢကီၢ်ၡၤမရံအပူၤန့ၣ်လီၤ.