မၤတၢ် 13:10 - Sgaw Karen Common Bible

¹⁰ ဒီးစံးဝဲ, “မုၣ်ကီၤလံၢ်အဖိခွါဧၢ, နမ့ၢ်ကယဲၢ်တၢ်ဂ့ၤကိးမံၤဒဲးအဒုၣ် အဒါလီၤ. နပှဲၤဒီးတၢ်လီတၢ်ဝ့ၤအအၢအသီကိးကလုာ်ဒဲး, ဒီးထီဘိတဘိယူၢ်ဃီန့ၣ်နဂုာ်ကျဲးစၢးဒုးကဲထီၣ်ကစၢ် အတၢ်မ့ၢ်တၢ်တီတဖၣ်ဆူတၢ်လီတၢ်ဝ့ၤန့ၣ်လီၤ.

မၤတၢ် 13:10 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 17:6

အဝဲပာ်ကဖၢလၢအသးလၢအတၢ်မၤယွၤအတၢ်မၤအပူၤ, ဒီးမၤဟးဂီၤကွံာ်ကယဲၢ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ် ယွၤအလီၢ်တဖၣ်ဒီးကစၢ်မုၣ်အၡ့ရၤအတၢ်ပနီၣ်တဖၣ်လၢကီၢ်ယူဒၤ အပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:3

ဘူၣ်တီၢ်တမံၤဃီတုၤအိၣ်ပှၤခဲလၢာ်, ဒီးတၢ်အံၤကမၣ်ဒၣ်ဒ်တၢ် တမံၤဂ့ၤတမံၤဂ့ၤလၢအမၤသးလၢဟီၣ်ခိၣ်ချၢအံၤန့ၣ်လီၤ. ဖဲပှၤကညီအိၣ်မူဒံးအကတီၢ်န့ၣ်, အသးပှဲၤဒီးတၢ်အၢဒီးတၢ်သူၣ် တထံသးတဆးဒီးသတူၢ်ကလာ်အဝဲသ့ၣ်သံဝဲလီၤ.

လံာ်ယံးရမံယၤ 23:36

လၢတၢ်န့ၣ်အဃိ, အဝဲသ့ၣ်တဘၣ်သူလၢၤဘၣ်တၢ်ကတိၤ, ယွၤအတၢ်ဝံတၢ်ယိးဘၣ်. အဂ့ၢ်မ့ၢ်လၢ, ပှၤမ့ၢ်သူအီၤတဂၤဂၤဒီး, ယကဒုးကဲထီၣ်ယတၢ်ကစီၣ်လၢတၢ်ဝံတၢ်ယိးနီၢ်နီၢ်လၢအဝဲ အဂီၢ်န့ၣ်လီၤ. ပှၤဂီၢ်မုၢ်ဘိးကဒါကွံာ်အကစၢ်ယွၤ, ကစၢ်ယွၤလၢအမူဝဲ, ယွၤသ့တၢ်လၢာ်အတၢ်ကတိၤန့ၣ်လံ.

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.

လံာ်မးသဲ 13:38

စံာ်ဧိၤပျီဧိၤမ့ၢ်ဟီၣ်ခိၣ်ချၢလီၤ. ဒီးတၢ်ချံလၢအဂ့ၤမ့ၢ်ပှၤဘီဖိမုၢ်ဖိတဖၣ်, ဒီးနီၣ်စံစၣ်မ့ၢ်မုၣ်ကီၤလံၢ်အဖိအလံၤတဖၣ်လီၤ.

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်လူၤကၣ် 11:39

လၢတၢ်န့ၣ်အဃိကစၢ်ယ့ၣ်ၡူးစံးဘၣ်အီၤ, “ခဲကနံၣ်အံၤ, သုဝဲပှၤဖၤရံၤၡဲတဖၣ်သုမၤကဆှီလီခီလၢအချၢတကပၤလီၤ. မ့မ့ၢ်လၢသုပူၤတခီန့ၣ်သုလၢပှဲၤဒီးတၢ်စုဆူၣ်ခီၣ်တကးဒီးတၢ် အၢတၢ်သီလီၤ.

လံာ်လူၤကၣ် 11:52

သုဘၣ်အဖှီၣ်ဆံးဒိၣ်လဲၣ်, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီသ့ၣ်ဧၢ, သုပၢၤဃာ်လံနီၣ်ဝံာ်ခံလၢတၢ်ကအိးထီၣ်တၢ်သ့ၣ်ညါနၢ်ပၢၢ် အဟံၣ်တဖျၢၣ်န့ၣ်အတြဲၤအဂီၢ်လၢသုအိၣ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်. ဒီးပှၤသ့ၣ်တဖၣ်လၢအဂုာ်ကျဲးစၢးလဲၤနုာ်ဝဲန့ၣ်သုတြီအီၤလီၤ.”

လံာ်ယိၤဟၣ် 1:23

စီၤယိၤဟၣ်စံးဆၢဝဲဒ်ဝံယၡါယၤစံးဝဲအသိး, “ယမ့ၢ်ပှၤအကလုၢ်သီၣ်လၢအကိးထီၣ်လၢပှၢ်မုၢ်ကနၢ မၤလိၤမၤဘျၢပာ်ကျဲလၢကစၢ်ကလဲၤတၢ်အဂီၢ်တက့ၢ်” န့ၣ်လီၤ.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

မၤတၢ် 20:30

ဆၢကတီၢ်ကတုၤဃီၤဝဲဖဲပှၤတနီၤလၢသုသိးသုကျါဒၣ်ဝဲ ကလီန့ၢ်တၢ်ဒ်သိးအကကွဲန့ၢ်လွဲန့ၢ်အပျဲၢ်အဘီၣ်တဖၣ်ဆူ အအိၣ်လီၤ.

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.

ကလၤတံ 1:7

နီၢ်နီၢ်န့ၣ် “တၢ်သးခုကစီၣ်အဂၤ” တအိၣ်နီတခါဘၣ်. မ့မ့ၢ်ယစံးတၢ်အံၤန့ၣ်, မ့ၢ်လၢပှၤအိၣ်ဝဲဒၣ်တနီၤလၢအမၤကဒံကဒါသုသးဒီးဂုာ်ကျဲး စၢးလဲလိာ်တၢ်သးခုကစီၣ်ဘၣ်ဃးခရံာ်အဃိန့ၣ်လီၤ.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

၂ ပ့းတရူး 2:15

အဝဲသ့ၣ်လဲၤသဒၣ်ကွံာ်ကျဲလၢအဘၣ်ဒီးဟးဖျိးကျဲလံလီၤ. အဝဲသ့ၣ်ပိာ်ထွဲကျဲလၢစီၤဘဧိၢ်အဖိခွါစီၤဘံးလၣ်ပိာ်တ့ၢ်ဝဲလၢ အမ့ၢ်တၢ်သးကွံစ့လၢအကမၤန့ၢ်ဝဲခီဖျိတၢ်မၤတၢ်လၢအတဘၣ်,

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.