မၤတၢ် 13:1 - Sgaw Karen Common Bible

¹ ဖဲအၣ်တံၤအီာ်အတၢ်အိၣ်ဖှိၣ်န့ၣ်, ဝံဒီးသရၣ်အိၣ်ဝဲဒၣ်တနီၤလၢအမံၤမ့ၢ်ဝဲစီၤဘၢ်နါဘၤ, စီၤစူၤမ့းအိၣ် (လၢပှၤကိးလၢပှၤသူဖံး), စီၤလူကံၤ (ပှၤကူၤရ့ၤန့ဖိ), စီၤမနၤအ့ၣ် (လၢအဘၣ်တၢ်လုၢ်ဒုးဒိၣ်ထီၣ်ဃုာ်အီၤဒီးပဒိၣ်ဖးဒိၣ်စီၤဟ့ၤရိာ်) ဒီးစီၤစီလူးန့ၣ်လီၤ.

မၤတၢ် 13:1 Iomraidhean Croise

လံာ်မးသဲ 27:32

ဖဲအဝဲသ့ၣ်ဟးထီၣ်ဆူဝ့ၢ်အချၢအဖၢမုၢ်န့ၣ်, အဝဲသ့ၣ်ထံၣ်န့ၢ်ပှၤကူၤရ့ၤန့ဖိတဂၤလၢအမံၤမ့ၢ်ဝဲစီၤၡံမိၣ်, ဒီးပှၤသုးဖိတဖၣ်မၢဆူၣ်အီၤလၢအကယိးယ့ၣ်ၡူးအထူၣ်စုညါ န့ၣ်လီၤ.

လံာ်လူၤကၣ် 3:1

အဆၢကတီၢ်မ့ၢ်ဝဲဖဲစီၤပၤဖးဒိၣ်တံၤဘ့းရံပၢတၢ်ပှဲၤထီၣ် တဆံယဲၢ်နံၣ်တနံၣ်, ဖဲစီၤပီၣ်တံၤပံၤလးမ့ၢ်ကီၢ်ယူဒၤအပဒိၣ်ဖးဒိၣ်, စီၤဟ့ၤရိာ်မ့ၢ်ကီၢ်ကၤလံၤလါအပဒိၣ်, ဒီးအဒီပုၢ်ဝဲၢ်စီၤဖံလံးပူးမ့ၢ်ကီၢ်ယတူၢ် ဒီးကီၢ်တြဃိၤန့တံၤအပဒိၣ်, စီၤလူၤစၤနံမ့ၢ်ကီၢ်အဘ့ၤလ့ၣ်အပဒိၣ်,

မၤတၢ် 11:30

အဝဲသ့ၣ်မၤဝဲတၢ်အံၤ, ဒီးဆှၢလီၤအကျိၣ်အစ့တဖၣ်န့ၣ်ဆူတၢ်အိၣ်ဖှိၣ်အပှၤသူၣ်က့သး ပှၢ်တဖၣ်အအိၣ်ခီဖျိစီၤဘၢ်နါဘၤဒီးစီၤစီလူးန့ၣ်လီၤ.

မၤတၢ် 12:25

ဒီးစီၤဘၢ်နါဘၤဒီးစီၤစီလူး, မၤဝံၤအတၢ်မၤဒီးဟးထီၣ်လၢဝ့ၢ် ယရူၤၡလ့ၣ်, ကိးဃုာ်စီၤယိၤဟၣ်မၢ်ကူးဒီးအဝဲသ့ၣ်လီၤ.

မၤတၢ် 13:9

တုၤနုၤတစုစီၤစီလူး (လၢအဘၣ်တၢ်သ့ၣ်ညါစ့ၢ်ကီးအီၤဒ်စီၤပီလူး) လၢထီၣ်ပှဲၤထီၣ်ဒီးသးစီဆှံန့ၣ်လီၤ. အဝဲဒၣ်ကွၢ်ပှၤမၤကဒါပှၤမဲာ် တဂၤန့ၣ်လိၤလိၤ

မၤတၢ် 15:32

စီၤယူဒၤဒီးစီၤစံလၤလၢအမ့ၢ်ဝံတဖၣ်, ကတိၤတၢ်ဒီးအပျဲၢ်အဘီၣ် တဖၣ်ဖးယံာ်, ဒီးဟ့ၣ်ဆူၣ်ထီၣ်အဂံၢ်အဘါဒီးဟ့ၣ်အီၤတၢ်သူၣ်ဒူသးဒူန့ၣ် လီၤ.

မၤတၢ် 15:35

စီၤပီလူးဒီးစီၤဘၢ်နါဘၤအိၣ်ဒံးဝဲဖဲဝ့ၢ်အၣ်တံၤအီာ်န့ၣ်လီၤ. အဝဲသ့ၣ်ဒီးပှၤအဂၤအါဒံအါဂၤသိၣ်လိဒီးစံၣ်တဲၤတဲလီၤ ကစၢ်အကလုၢ်ကထါန့ၣ်လီၤ.

မၤတၢ် 19:6

စီၤပီလူးပာ်ထီၣ်အစုလၢအဝဲသ့ၣ်အခိၣ်လိၤ, ဒီးသးစီဆှံဟဲလီၤလၢအဝဲသ့ၣ်အလိၤ, ဒီးကတိၤတၢ်လၢကျိာ်လီၤတိၢ်လီၤဆီဒီးတဲဖျါထီၣ်စ့ၢ်ကီးတၢ် ကစီၣ်ဟဲလၢကစၢ်ယွၤအအိၣ်န့ၣ်လီၤ.

မၤတၢ် 21:9

အဝဲဒၣ်အိၣ်ဒီးအဖိမုၣ်မုၣ်ကနီၤလွံၢ်ဂၤ, လၢအတဲဖျါထီၣ်ကစၢ်ယွၤအတၢ်ကစီၣ်န့ၣ်လီၤ.

မၤတၢ် 4:36

စီၤယိၤစ့ၣ်ပှၤလ့ၤဝံဖိလၢအအိၣ်ဖျဲၣ်ထီၣ်လၢကီးကူပြူးအပူၤ, လၢပှၤတၢ်မၢဖိတဖၣ်ယုၢ်န့ၢ်အမံၤလၢစီၤဘၢ်နါဘၤ (အခီပညီ, ပှၤလၢအဟ့ၣ်ဆူၣ်ထီၣ်ပှၤဂံၢ်ပှၤဘါ) တဂၤ

မၤတၢ် 9:1

အကတီၢ်ဖဲန့ၣ်, စီၤစီလူးကတိၤပျံၤကတိၤဖုးဒံးကစၢ်အပျဲၢ်အဘီၣ် တဖၣ်လၢအကမၤသံအဝဲသ့ၣ်န့ၣ်လီၤ. အဝဲဒၣ်လဲၤဝဲဆူပှၤလုၢ်တၢ်အခိၣ်အဒိၣ်ကတၢၢ်အအိၣ်,

ရိမ့ၤ 16:21

ပှၤမၤသကိးတၢ်ဒီးယၤစီၤတံၤမသ့းဆှၢလီၤန့ၢ်သုအတၢ် ဆၢဂ့ၤဆၢဝါတဖၣ်, ဒီးဒ်န့ၣ်အသိးပပှၤယူဒၤဖိသကိးဒီးယၤစီၤ လူကံၤ, စီၤယါစီၣ်ဒီးစီၤစီးပၤတြူးသ့ၣ်တဖၣ်ဆှၢလီၤစ့ၢ်ကီးအတၢ် ဆၢဂ့ၤဆၢဝါတဖၣ်လီၤ.

1 ကရံၣ်သူး 11:4

လၢတၢ်န့ၣ်အဃိ, ပှၤပိာ်ခွါတဂၤလၢအဃ့ဘါထုကဖၣ်တၢ်, မ့တမ့ၢ်ကတိၤတၢ်လၢဝံအကျိာ်ဖဲပှၤဂီၢ်မုၢ်အတၢ်ဘူၣ်ထီၣ်ဘါ ထီၣ်အဆၢကတီၢ်, မ့ၢ်ဖၢၣ်ဘၢဃာ်အခိၣ်ဒီးမ့ၢ်အမၤဟးဂီၤ အခိၣ်, ခရံာ်အလၤကပီၤန့ၣ်လီၤ.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

1 ကရံၣ်သူး 13:8

တၢ်အဲၣ်တၢ်ကွံန့ၣ်မ့ၢ်တၢ်လၢအအိၣ်ကၢအိၣ်ခိးဝဲလီၤထူလီၤ ယိာ်လီၤ. တၢ်ကတိၤလၢဝံအကျိာ်တဖၣ်အိၣ်ဝဲ, ဘၣ်ဆၣ်ဒီး တၢ်သ့ၣ်တဖၣ်န့ၣ်မ့ၢ်ဒၣ်တၢ်တစိၢ်တလီၢ်လီၤ. တၢ်ဟ့ၣ်တဖၣ်လၢ အဘၣ်ဃးဒီးတၢ်ကတိၤလၢကျိာ်လၢပှၤတနၢ်ပၢၢ်အိၣ်ဝဲ, ဘၣ်ဆၣ်ဒီးတၢ်သ့ၣ်တဖၣ်န့ၣ်ကဆိကတီၢ်ဝဲဒၣ်လီၤ. တၢ်သ့ၣ်ညါနၢ်ပၢၢ်န့ၣ်အိၣ်ဝဲ, ဘၣ်ဆၣ်ဒီးကလဲၤပူၤကွံာ်ဝဲဒၣ် လီၤ.

1 ကရံၣ်သူး 14:29

ပှၤကတိၤတၢ်လၢဝံအကျိာ်ကဘၣ်အိၣ်ထဲခံဂၤမ့တမ့ၢ်သၢဂၤ, မ့မ့ၢ်ပှၤအဂၤတဖၣ်ကဘၣ်စံၣ်ညီၣ်ကွၢ်ဆိကမိၣ်ဘၣ်ဃးတၢ်လၢ အဝဲသ့ၣ်စံးကတိၤဝဲန့ၣ်လီၤ.

1 ကရံၣ်သူး 14:32

တၢ်ဟ့ၣ်ဘၣ်ဃးတၢ်ကတိၤလၢဝံအကျိာ်န့ၣ်, ကြၢးဘၣ်တၢ်ပၢၤဃာ်အီၤလၢပှၤကတိၤတၢ်န့ၣ်လီၤ.

1 ကရံၣ်သူး 9:6

မ့တမ့ၢ်ဘၣ်ဒီး စီၤဘၢ်နါဘၤဒီးယၤ, ထဲခံဂၤဧိၤ, ပကဘၣ်ဖံးတၢ်မၤတၢ်လၢတၢ်လုၢ်အီၣ်ပသးသမူအဂီၢ်န့ၣ်ဧါ.

ကလၤတံ 2:13

ပှၤယူဒၤဖိဒီပုၢ်ဝဲၢ်အဂၤတဖၣ်စ့ၢ်ကီးစးထီၣ်မၤတၢ်လၢတၢ် သးသုၣ်အပူၤဒ်စီၤပ့းတရူးအသိးန့ၣ်လီၤ. စီၤဘၢ်နါဘၤဒၣ်လဲာ်မၤထွဲအဝဲသ့ၣ်အတၢ်သးသုၣ်အတၢ် မၤန့ၣ်လီၤ.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

အ့းဖ့းစူး 4:11

အဝဲမ့ၢ်ပှၤလၢအဟ့ၣ်ပှၤဟီၣ်ခိၣ်ဖိလၢတၢ်ဟ့ၣ်တဖၣ်လီၤ. ပှၤတနီၤန့ၣ်, ဟ့ၣ်ဒုးကဲဝဲလၢတၢ်မၢဖိ, အဂၤတနီၤလၢဝံ, အဂၤတနီၤပှၤစိာ်တၢ်သးခုအကစီၣ်, အဂၤတနီၤတၢ်အိၣ်ဖှိၣ်သရၣ်ဒီးသရၣ်သိၣ်လိတၢ်တဖၣ်န့ၣ်လီၤ.

ဖံလံးပံၤ 4:22

ကစၢ်ယွၤအပှၤဂီၢ်မုၢ်ဖဲအံၤခဲလၢာ်ဆှၢလီၤအတၢ်ဆၢဂ့ၤဆၢဝါ တဖၣ်လီၤဆီဒၣ်တၢ်ဆူပှၤလၢအဘၣ်ဃးဒီးစီၤပၤအနီတဖၣ် အအိၣ်န့ၣ်လီၤ.