မၤတၢ် 12:7 - Sgaw Karen Common Bible

⁷ သတူၢ်ကလာ်, ကစၢ်အကလူးတဂၤအိၣ်ဆၢထၢၣ်ဖဲန့ၣ်, ဒီးတၢ်ကပီၤထီၣ်ဝဲလၢဃိာ်အဒၢးပူၤန့ၣ်လီၤ. ကလူးတရုၤ စီၤပ့းတရူးအဖံဘၣ်ခိၣ်, ထိၣ်ဂဲၤထၢၣ်အီၤဒီးစံးဝဲ, “မၤချ့ချ့, ဂဲၤဆၢထၢၣ်တက့ၢ်.” တဘျီဃီဖဲန့ၣ်ပျံၤထးတဖၣ်လီၤတဲာ်ကွံာ်လၢစီၤပ့းတရူးအစု ခံခီအလိၤန့ၣ်လီၤ.

မၤတၢ် 12:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:29

ယွၤဧၢ, နဲဒၣ်အံၤ, နမ့ၢ်ယတၢ်ကပီၤန့ၣ်လီၤ. နနီၣ်ကွံာ်ယတၢ်ခံးတၢ်နၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:5

အဝဲမံလီၤလၢသ့ၣ်တထံးအဖီလာ်ဒီးမံဘၣ်အသးန့ၣ်လီၤ. သတူၢ်ကလာ်ကလူးတဂၤကိးထီၣ်အီၤဒီးစံးဝဲ, “မံပၢၢ်ထီၣ်ဒီးအီၣ်တၢ်တက့ၢ်.”

လံာ်စီၤပၤအခီၣ်ထံးတဘ့ၣ် 19:7

ယွၤအကလူးန့ၣ်ဟဲက့ၤကဒါက့ၤဒီးထိၣ်ဂဲၤထၢၣ်အီၤခံဘျီတ ဘျီဒီးစံးဝဲ, “မံပၢၢ်ထီၣ်ဒီးအီၣ်တၢ်တက့ၢ်. အဂ့ၢ်ဒ်အံၤ, နတၢ်လဲၤကယံၤလၢနဂီၢ်ဒိၣ်မးလီၤ.”

စံးထီၣ်ပတြၢၤ 107:14

အဝဲဒၣ်စိာ်ထီၣ်ကွံာ်အဝဲသ့ၣ်လၢတၢ်ခံးတၢ်နၤ ဒီးတၢ်သူၣ်အုးသးအုးအဒိၣ်အဃိာ်အပူၤ, ဒီးမၤတဲာ်ကွံာ် အဝဲသ့ၣ်အထးသွဲတဖၣ်န့ၣ်လီး.

စံးထီၣ်ပတြၢၤ 116:16

ယွၤဧၢ, ယမ့ၢ်နခ့နပှၤလီၤ. ယမၤနတၢ်မၤဒ်ယမိၢ်မၤတ့ၢ်ဝဲအသိးန့ၣ်လီၤ. နအုၣ်က့ၤခီၣ်က့ၤတ့ၢ်လံယၤလၢတၢ်သံန့ၣ်လံ.

စံးထီၣ်ပတြၢၤ 146:7

လၢအစံၣ်ညီၣ်တၢ်လၢပှၤဘၣ်တၢ်မၤအၢအီၤအဂီၢ်, လၢအဟ့ၣ်လီၤတၢ်အီၣ်တၢ်အီလၢ ပှၤသၣ်ဝံၤအဂီၢ်န့ၣ်, မၤထူၣ်ဖျဲးပှၤလၢအဘၣ်တၢ်စၢဃာ်တဖၣ်န့ၣ်လီၤ.

စံးထီၣ်ပတြၢၤ 34:7

ယွၤအကလူးသူၣ်ဒဲဝးတရံးပှၤလၢအပျံၤအီၤ ဒီးမၤပူၤဖျဲးအဝဲသ့ၣ်လီၤ.

စံးထီၣ်ပတြၢၤ 68:6

ပှၤလၢအအိၣ်သယုၢ်ထဲတဂၤဧိၤန့ၣ် ယွၤဟ့ၣ်အီၤဟံၣ်လၢကအိၣ်ဝဲ, အဝဲဆှၢဝဲပှၤဘၣ်တၢ်စၢဃာ်သ့ၣ်တဖၣ်ဆူ တၢ်အီၣ်ကုာ်အီပှဲၤန့ၣ်လီၤ. မ့မ့ၢ်ပှၤပူထီၣ်တၢ်ဖိသ့ၣ်တဖၣ်န့ၣ် အိၣ်ဝဲဆိးဝဲလၢတၢ်လီၢ်အိၣ်သယုၢ်န့ၣ်လီၤ.

လံာ်ယၡါယၤ 37:30

အန့ၣ်ဒီး, ဝံယၡါယၤစံးဘၣ်စီၤပၤဃံးစကံယၤ “အအံၤမ့ၢ်တၢ် ပနီၣ်တမံၤလၢအကမၤအသးန့ၣ်လီၤ. တနံၣ်အံၤဒီးခဲငါတနံၣ်န့ၣ်တၢ်ကအိၣ်ဒီးသုထဲဘုဧိၤဟုဧိၤ လၢအမဲထီၣ်ဒၣ်အတၢ်တဖၣ်လၢသုကအီၣ်အဂီၢ်လီၤ. ဘၣ်ဆၣ်ဒီးပိာ်ထွဲထီၣ်အခံလၢခံတနံၣ်န့ၣ်, သုကသူၣ်ဘၣ်ဒီးကူးဘၣ်ဘုဧိၤဟုဧိၤ, ဒီးသူၣ်လီၤစပံးမုၢ် တဖၣ်ဒီးအီၣ်ဘၣ်စပံးသၣ်တဖၣ်လီၤ.

လံာ်ယၡါယၤ 60:1

ဂဲၤဆၢထၢၣ်, ဝ့ၢ်ယရူၤၡလ့ၣ်ဧၢ, ဒီးကပီၤထီၣ်ဒ်မုၢ်အသိးတက့ၢ်. ယွၤအလၤကပီၤ, ကပီၤထီၣ်လၢနလိၤလီၤ.

လံာ်ယံးရမံယၤ 40:1

ယွၤကတိၤတၢ်ဒီးယၤဖဲသုးခိၣ်ဖးဒိၣ်စီၤနဘူစၢ်ရဒၣ်ပျၢ်ထူၣ် ဖျဲးကွံာ်ယၤဖဲဝ့ၢ်ရၤမါဝံၤအလီၢ်ခံန့ၣ်လီၤ. ယဘၣ်တၢ်စၢဃာ်ယၤလၢထးသွဲ, ဒီးလဲၤစိာ်ဆှၢယၤဖဲန့ၣ်ဃုာ်ဒီး ဝ့ၢ်ယရူၤၡလ့ၣ်ဒီးကီၢ်ယူဒၤအပှၤဂီၢ်မုၢ်အဂၤလၢအဘၣ်တၢ်စိာ် ကွံာ်အီၤဆူကီၢ်ဘၤဘူၤလိၣ်ဒ်ကုၢ်တဖၣ်အသိးန့ၣ်လီၤ.

လံာ်ယဃ့းစက့လး 43:2

ဒီးဖဲန့ၣ်, ယထံၣ်ဘၣ်အံၣ်စရ့လးအကစၢ်ယွၤအတၢ်အိၣ်ဝဲဆိးဝဲ အတၢ်ကပီၤကပြုၢ်ကပြီၤဟဲဝဲလၢမုၢ်ထီၣ်တခီန့ၣ်လီၤ. ကစၢ်ယွၤ အကလုၢ်န့ၣ်သီၣ်ထီၣ်ဝဲလီၤဂာ်ဒ်ပီၣ်လဲၣ်သီၣ်ထီၣ်ရုၢ်ရုၢ်အသိးဒီး ဟီၣ်ခိၣ်ကပီၤထီၣ်ဝဲဒီးတၢ်ကပီၤကပြုၢ်ကပြီၤန့ၣ်လီၤ.

လံာ်ဒၤနံးယ့လး 3:28

စီၤပၤနဘူၤကးန့စၢ်စံးဝဲဒၣ်, “စီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤမ် အဘၣ်တၢ်စံးထီၣ်ပတြၢၤအီၤတက့ၢ်. ဆှၢလီၤဝဲအကလူးဒ်သိးကအုၣ် က့ၤခီၣ်က့ၤပှၤလၢအမၤအတၢ်မၤဒီးစူၢ်အီၤနာ်အီၤတဖၣ်အံၤန့ၣ်လီၤ. အဝဲသ့ၣ်တကနၣ်ဘၣ်ယကလုၢ်ဘၣ်ဒီးညိကွံာ်အသးသမူဒူဝဲအါ န့ၢ်ဒံးအကချံးခီၣ်တီၤလီၤဘူၣ်ထီၣ်ဘါထီၣ်ကစၢ်တဂၤဂၤလၢ အတမ့ၢ်ဘၣ်အကစၢ်ယွၤဘၣ်န့ၣ်လီၤ.

လံာ်ဒၤနံးယ့လး 6:22

ကစၢ်ယွၤလၢယဘါအီၤန့ၣ်ဆှၢလီၤတ့ၢ်ဝဲအကလူးလၢအက ကးတံၢ်ခ့ယုၢ်တဖၣ်အထးခိၣ်ဒ်သိးအသုတမၤဆါယၤတဂ့ၤ အဂီၢ်လီၤ. အဂ့ၢ်ဒ်အံၤ, သ့ၣ်ညါဝဲလၢယမ့ၢ်ပှၤသူၣ်တီသးလိၤဒီး ယတမၤကမၣ်တ့ၢ်နၤ, နဲဒၣ်စီၤပၤအဃိန့ၣ်လီၤ.”

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

လံာ်ဃဘးကူာ် 3:11

ဖဲတၢ်ကပီၤထီၣ်သလ့ၢ်ကလာ်လၢနပျၢ်ယူၤချ့မး ဒီးနဘီဧိၤနးဧိၤလၢအကတြ့ၣ်တဖၣ်အတၢ်ခးကပီၤန့ၣ်, မုၢ်ဒီးလါဆၢထၢၣ်ဂၢၢ်တပၢၢ်လီၤ.

လံာ်ဃဘးကူာ် 3:4

ဟဲဝဲဒီးအတၢ်ကပြုၢ်ကပြီၤဒ်လီဝၢ်ဒံးအသိးန့ၣ်လီၤ. တၢ်ကပီၤဆဲးကပြုၢ်ထီၣ်လၢအစု, ဒီးဖဲန့ၣ်ပာ်တဒၢအတၢ်စိတၢ်ကမီၤလီၤ.

လံာ်မးသဲ 2:13

တုၤပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်က့ၤဝံၤအလီၢ်ခံဒီး ယွၤအကလူးတဂၤလီၣ်ဖျါထီၣ်အသးလၢစီၤယိၤသးလၢတၢ်မံမီၢ် အပူၤဒီးစံးဝဲ, “ဂဲၤဆၢထၢၣ်, ကိးထီၣ်ဖိသၣ်ဒီးအမိၢ်န့ၣ်ဝံၤဃ့ၢ်ပူၤဖျဲးကွံာ်သုသးဆူ ကီၢ်အဲၤကူပတူးဒီးအိၣ်ဖဲန့ၣ်တုၤယမၢနဟးထီၣ်တစုန့ၣ်တက့ၢ်. အဂ့ၢ်ဒ်အံၤ စီၤပၤဟ့ၤရိာ်ကမၢလီၤပှၤလၢကဃုဖိသၣ်အံၤဒ်သိး အကမၤသံအီၤအဂီၢ်လီၤ.”

လံာ်လူၤကၣ် 2:9

ယွၤအကလူးတဂၤအိၣ်ဖျါထီၣ်လၢအဝဲသ့ၣ်အမဲာ်ညါ, ဒီးကစၢ်အလၤကပီၤကပီၤထီၣ်ဝးတရံးအဝဲသ့ၣ်လီၤ. အဝဲသ့ၣ်ပျံၤတၢ်ဖုးတၢ်ဒိၣ်မး,

လံာ်လူၤကၣ် 24:4

ဖဲအဝဲသ့ၣ်အိၣ်ဆၢထၢၣ်ဖဲန့ၣ်ဒီးကမၢကမၣ်ဝဲလၢတၢ်တမံၤအံၤအဂ့ၢ်န့ၣ်, သတူၢ်ကလာ်ပှၤခံဂၤကူသိးတၢ်ကူတၢ်ကၤကပြုၢ်ကပြီၤ ဆၢထၢၣ်လၢအဝဲသ့ၣ်အဃၢၤလီၤ.

မၤတၢ် 10:30

ဒီးစီၤကန့လံးစံးဝဲ, “ဖဲအပူၤကွံာ်သၢသီ, ကဘၣ်ဖဲဆၢကတီၢ်တကတီၢ်ဃီအံၤန့ၣ်, ယအိၣ်ဒီးဟါခီလီၤသၢနၣ်ရံၣ်အတၢ်ထုကဖၣ်လၢဟံၣ်ပူၤလီၤ. သတူၢ်ကလာ်, ပှၤကညီတဂၤအိၣ်ဆၢထၢၣ်လၢယမဲာ်ညါ, ကူသိးဒီးတၢ်ကူတၢ်သိးကတြ့ၣ်ကတြိၣ်,

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.

မၤတၢ် 12:6

တချုးဖဲစီၤဟ့ၤရိာ်သါကထုးထီၣ်ဒီးဆှၢထီၣ်အီၤဆူပှၤဂီၢ်မုၢ် အအိၣ်အမဲာ်ညါတနၤန့ၣ်, စီၤပ့းတရူးမံဘၣ်အသးလၢပှၤ သုးဖိခံဂၤအကဆူးလီၤ. အဝဲဒၣ်ဘၣ်တၢ်စၢဃာ်အီၤလၢပျံၤထးခံဘိ, တဘိအိၣ်စၢဃာ်အသးလၢပှၤသုးဖိဖဲစုစ့ၣ်တဂၤ, ဒီးအဂၤတဘိအိၣ်စၢဃာ်အသးလၢပှၤသုးဖိဖဲစုထွဲတဂၤ, ဒီးပှၤသုးဖိပၢၤတၢ်တဖၣ်အိၣ်ခိးတၢ်ဖဲဃိာ်အကျဲစၢၤန့ၣ်လီၤ.

မၤတၢ် 12:8

ဒီးကလူးန့ၣ်စံးဘၣ်အီၤ, “စၢဃံးထီၣ်နယီၢ်တကိးဒီး ဒိးထီၣ်နခီၣ်ဖံး တက့ၢ်.” စီၤပ့းတရူးမၤဝဲဒ်တၢ်စံးဘၣ်အီၤအသိး, ဒီးကလူးန့ၣ်စံးဘၣ်အီၤ, “သိးထီၣ်နဆ့ကၤဖီခိၣ်ဒီးဟဲပိာ်ယခံတက့ၢ်.”

မၤတၢ် 16:26

သတူၢ်ကလာ်, ဟီၣ်ခိၣ်ဟူးဝဲဒၣ်ဆူၣ်ဆူၣ်ကလဲာ်တုၤ အမၤဟူးဝးဆှဲးဆှိးဃိာ်အခီၣ်ထံးန့ၣ်လီၤ. တဘျီဃီဖဲန့ၣ်, တြဲၤတဖၣ်အိးထီၣ်အသးဒီးပျံၤထးတဖၣ်လီၤတဲာ်ကွံာ်လၢ ပှၤဃိာ်ဖိခဲလၢာ်အလိၤလီၤ.

မၤတၢ် 2:24

ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးမၤထူၣ်ဖျဲးထီၣ်အီၤလၢတၢ်သံအစိကမီၤအဖီလာ်, မ့ၢ်လၢတၢ်သံဟံးဃာ်အီၤတသ့လ့ၤတက့ၤဘၣ်အဃိလီၤ.

မၤတၢ် 5:19

ဘၣ်ဆၣ်ဒီးနၤအဝဲန့ၣ်ကစၢ်အကလူးတဂၤအိးထီၣ်တြဲၤတဖၣ်ဒီးဒုးဟးထီၣ်ဝဲ ပှၤတၢ်မၢဖိတဖၣ်ဆူတၢ်ချၢ, ဒီးစံးဘၣ်အဝဲသ့ၣ်,

မၤတၢ် 9:3

စီၤစီလူးလဲၤဝဲဆူဝ့ၢ်ဒၤမ့ၤစ့း, ဒီးဖဲအဘူးထီၣ်ဒီးဝ့ၢ်န့ၣ်, သတူၢ်ကလာ်တၢ်ကပီၤဟဲလီၤလၢမူခိၣ်, ဒီးကပီၤထီၣ်ဝဲကပြုၢ်ကပြီၤဝးတရံးအီၤလီၤ.

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

ဧ့ၤဘြံၤ 1:14

မ့မ့ၢ်ဒ်န့ၣ်ဒီးကလူးတဖၣ်မ့ၢ်တၢ်မနုၤလဲၣ်. အဝဲသ့ၣ်မ့ၢ်ဒၣ်သးတဖၣ်လၢအမၤကစၢ်ယွၤအတၢ် လၢယွၤဆှၢလီၤဒ်သိးအကမၤစၢၤပှၤဟီၣ်ခိၣ်ဖိတဖၣ်လၢ အကဒိးန့ၢ်ဘၣ်တၢ်အုၣ်က့ၤခီၣ်က့ၤအဂီၢ်န့ၣ်လီၤ.

လံာ်လီၣ်ဖျါ 18:1

တၢ်န့ၣ်ဝံၤအလီၢ်ခံ, ယထံၣ်ကလူးအဂၤတဂၤဟဲလီၤလၢမူ ခိၣ်လီၤ. အဝဲဒၣ်အိၣ်ဒီးတၢ်စိဒိၣ်ကမီၤထီ, ဒီးဟီၣ်ခိၣ်ကပြုၢ်ကပြီၤထီၣ်ဝဲဒီဘ့ၣ်ညါ, လၢအတၢ်ကပြုၢ် ကပြီၤအဃိလီၤ.