မၤတၢ် 12:6 - Sgaw Karen Common Bible

⁶ တချုးဖဲစီၤဟ့ၤရိာ်သါကထုးထီၣ်ဒီးဆှၢထီၣ်အီၤဆူပှၤဂီၢ်မုၢ် အအိၣ်အမဲာ်ညါတနၤန့ၣ်, စီၤပ့းတရူးမံဘၣ်အသးလၢပှၤ သုးဖိခံဂၤအကဆူးလီၤ. အဝဲဒၣ်ဘၣ်တၢ်စၢဃာ်အီၤလၢပျံၤထးခံဘိ, တဘိအိၣ်စၢဃာ်အသးလၢပှၤသုးဖိဖဲစုစ့ၣ်တဂၤ, ဒီးအဂၤတဘိအိၣ်စၢဃာ်အသးလၢပှၤသုးဖိဖဲစုထွဲတဂၤ, ဒီးပှၤသုးဖိပၢၤတၢ်တဖၣ်အိၣ်ခိးတၢ်ဖဲဃိာ်အကျဲစၢၤန့ၣ်လီၤ.

မၤတၢ် 12:6 Iomraidhean Croise

လံာ်တၢ်ကဲထီၣ်အခီၣ်ထံး 22:14

စီၤအၤဘြၤဟၣ်ယုၢ်တၢ်လီၢ်န့ၣ်အမံၤလၢ, “ယဟိဝၤယံၤရၤ” အခီပညီ, “ယွၤထံၣ်တၢ်ဟ့ၣ်တၢ်” လီၤ. ဒီးတုၤလီၤလၢမုၢ်မဆါတနံၤအံၤဒၣ်လဲာ်ပှၤဂီၢ်မုၢ်စံး, “လၢယွၤအကစၢၢ်ဒီခိၣ်န့ၣ်ယွၤအိၣ်ဖျါထီၣ်ဝဲလီၤ.”

စံးထီၣ်ပတြၢၤ 4:8

ယကမံလီၤဒီးမံယဲမုာ်မုာ်လီၤ. ယွၤဧၢ, နမ့ၢ်ပှၤထဲတဂၤဧိၤလၢအကဟုဘံၣ် ကယာ်ဘၢယၤလၢလၢပှဲၤပှဲၤန့ၣ်လီၤ.

လံာ်ယံးရမံယၤ 40:1

ယွၤကတိၤတၢ်ဒီးယၤဖဲသုးခိၣ်ဖးဒိၣ်စီၤနဘူစၢ်ရဒၣ်ပျၢ်ထူၣ် ဖျဲးကွံာ်ယၤဖဲဝ့ၢ်ရၤမါဝံၤအလီၢ်ခံန့ၣ်လီၤ. ယဘၣ်တၢ်စၢဃာ်ယၤလၢထးသွဲ, ဒီးလဲၤစိာ်ဆှၢယၤဖဲန့ၣ်ဃုာ်ဒီး ဝ့ၢ်ယရူၤၡလ့ၣ်ဒီးကီၢ်ယူဒၤအပှၤဂီၢ်မုၢ်အဂၤလၢအဘၣ်တၢ်စိာ် ကွံာ်အီၤဆူကီၢ်ဘၤဘူၤလိၣ်ဒ်ကုၢ်တဖၣ်အသိးန့ၣ်လီၤ.

လံာ်ယံးရမံယၤ 40:4

အခဲအံၤ, ယဘ့ၣ်လီၤကွံာ်ထးသွဲတဖၣ်လၢအအိၣ်လၢနစု ဒ့တဖၣ်အလိၤဒီးပျၢ်ဖျဲးကွံာ်နၤန့ၣ်လံ. နမ့ၢ်သးအိၣ်လဲၤဃုာ် ဒီးယၤဆူကီၢ်ဘၤဘူၤလိာ်န့ၣ်, နမၤနဲသ့ဒီးယကအံးထွဲကွၢ်ထွဲ နခံလီၤ. ဘၣ်ဆၣ်ဒီး, နမ့ၢ်တသးအိၣ်လဲၤဘၣ်ဒီးနလဲၤအလီၢ်တအိၣ် ဘၣ်လီၤ. နအိၣ်ဒီးထံကီၢ်ဒီဘ့ၣ်ညါလၢနမဲာ်ညါလၢနကဃုထၢအိၣ်ဆိးနဲ ဒီးဖဲနသးအိၣ်လဲၤန့ၣ်နလဲၤနဲသ့လီၤ.”

လံာ်မးသဲ 28:4

ပှၤပၢၤတၢ်ဖိတဖၣ်ပျံၤတၢ်တုၤဒၣ်လဲာ်ကနိးကစုာ်ဝဲ, ဒီးကဲထီၣ်ဒ်ပှၤသံတဖၣ်အသိးလီၤ.

မၤတၢ် 12:5

လၢတၢ်န့ၣ်အဃိ, စီၤပ့းတရူးဘၣ်တၢ်ဒုးဃာ်ပာ်အီၤလၢဃိာ်ပူၤ, ဘၣ်ဆၣ်တၢ်အိၣ်ဖှိၣ်ဖိတဖၣ်ဃ့ဘါထုကဖၣ်ကစၢ်ယွၤသပှၢ်ပှၢ်လၢ အဝဲဒၣ်အဂီၢ်လီၤ.

မၤတၢ် 21:33

ပှၤသုးဖိတကထိအခိၣ်လဲၤဃီၤဝဲဆူစီၤပီလူးအအိၣ်, ဖီၣ်အီၤဒီးဟ့ၣ်လီၤအကလုၢ်ဒ်သိးပှၤကစၢဃာ်အီၤလၢပျံၤထးခံ ဘိလီၤ. အန့ၣ်ဝံၤဒီး အဝဲဒၣ်သံကွၢ်ဝဲ, “ပှၤတဂၤအံၤမ့ၢ်မတၤလဲၣ်. ဒီးအဝဲဒၣ်မၤတ့ၢ်တၢ်မနုၤတမံၤလဲၣ်.”

မၤတၢ် 28:20

လၢတၢ်န့ၣ်အဃိ, ယဃ့ထံၣ်ဒီးဃ့ကတိၤဘၣ်တၢ်ဒီးသု, အဂ့ၢ်ဒ်အံၤယဘၣ်တၢ်စၢဃာ်ယၤလၢပျံၤထးအံၤ, မ့ၢ်ဒၣ်လၢပှၤလၢပှၤအံၣ်စရ့လးဖိပာ်ထီၣ်အတၢ်မုၢ်လၢ် လၢအလိၤတဂၤန့ၣ်အဃိလီၤ.”

မၤတၢ် 5:23

“ဖဲပလဲၤတုၤလၢဃိာ်ပူၤန့ၣ်, ပထံၣ်ဘၣ်လၢဃိာ်အတြဲၤတဖၣ်အိၣ်ကးတံာ်ဃာ်အသးဃံးဃံးဒီးပှၤ ပၢၤတၢ်ဖိတဖၣ်ဆၢထၢၣ်ပၢၤဃာ်တြဲၤတဖၣ်, ဘၣ်ဆၣ်တုၤပအိးထီၣ်တြဲၤတဖၣ်တခီ, ပတထံၣ်ပှၤနီတဂၤဘၣ်.”

အ့းဖ့းစူး 6:20

လၢတၢ်အံၤအဂီၢ်ယမ့ၢ်ကလူး, ပှၤစိာ်တၢ်ကစီၣ်လၢအခဲအံၤလီၤဘၣ်လၢဃိာ်ပူၤတဂၤ န့ၣ်လီၤ. ဃ့ထုကဖၣ်ဒ်သိးယကအိၣ်ဒီးတၢ်သးခူတလ့ၢ် လၢယတၢ်စံၣ်တဲၤတဲလီၤတၢ်သးခုကစီၣ်အပူၤဒ်ယဂ့ၤ မၤယဲအသိးန့ၣ်တက့ၢ်.

လံာ်သိၣ်လီၤသီလီၤတၢ် 32:26

ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တုၤဒၣ်လဲာ်ပှၤတသ့ၣ် နီၣ်ထီၣ်က့ၤဘၣ်အဝဲသ့ၣ်နီတဂၤဘၣ်.

၂ တံၤမသ့း 1:16

မ်ကစၢ်သူၣ်ကညီၤသးကညီၤစီၤအီးနံၤစံဖရူးအဟံၣ်ဖိဃီ ဖိတက့ၢ်. အဂ့ၢ်မ့ၢ်လၢအဝဲဒၣ်မၤမုာ်ထီၣ်ယၤအါဘျီအဃိ လီၤ. အဝဲတမဲာ်ဆှးလၢယအိၣ်ဘၣ်လၢဃိာ်ပူၤအဃိဘၣ်.

ဧ့ၤဘြံၤ 13:6

လၢတၢ်အံၤအဃိပစံးပဝဲလၢတၢ်သးခူတလ့ၣ်အပူၤသ့ဝဲလၢ, “ကစၢ်မ့ၢ်ပှၤလၢအမၤစၢၤယၤ ယတပျံၤဘၣ်တၢ်ဘၣ်. ပှၤဟီၣ်ခိၣ်ဖိမၤယၤကသ့မနုၤတမံၤလဲၣ်.”