မၤတၢ် 12:5 - Sgaw Karen Common Bible

⁵ လၢတၢ်န့ၣ်အဃိ, စီၤပ့းတရူးဘၣ်တၢ်ဒုးဃာ်ပာ်အီၤလၢဃိာ်ပူၤ, ဘၣ်ဆၣ်တၢ်အိၣ်ဖှိၣ်ဖိတဖၣ်ဃ့ဘါထုကဖၣ်ကစၢ်ယွၤသပှၢ်ပှၢ်လၢ အဝဲဒၣ်အဂီၢ်လီၤ.

မၤတၢ် 12:5 Iomraidhean Croise

လံာ်မးသဲ 18:19

ယစံးဘၣ်တဲဘၣ်ကဒီးသု, ပှၤလၢသုကျါခံဂၤလၢဟီၣ်ခိၣ်ချၢအံၤအသးမ့ၢ်လီၤပလိာ် လၢတၢ်တမံၤမံၤအဂ့ၢ်လၢအဃ့ဝဲန့ၣ်ဒီး, ယပၢ်အိၣ်လၢမူခိၣ်ကမၤန့ၢ်အဝဲသ့ၣ်တၢ်လၢအဃ့ဝဲန့ၣ်လီၤ.

လံာ်လူၤကၣ် 18:1

တၢ်န့ၣ်ဝံၤအလီၢ်ခံယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤ, ဒ်သိးအကသိၣ်လိအဝဲသ့ၣ်လၢအကဃ့ဘါထုကဖၣ် တၢ်ထီဘိ, ဒီးအသးသုတဟးဂီၤနီတစုတဂ့ၤန့ၣ်လီၤ.

မၤတၢ် 12:12

ဖဲအဝဲဒၣ်သ့ၣ်ညါတၢ်မၤအသးဒီးအီၤနီၢ်နီၢ်မ့ၢ်တၢ်ဒ်လဲၣ်န့ၣ်, အဝဲလဲၤဆူစီၤယိၤဟၣ်မၢ်ကူးအမိၢ်နီၢ်မၤရံအဟံၣ်ဘၣ်ဖဲပှၤ အါဒံအါဂၤအိၣ်ဖှိၣ်ရိဖှိၣ်ဖဲန့ၣ်ဒီးဃ့ဘါထုကဖၣ်တၢ်အဖၢမုၢ်လီၤ.

မၤတၢ် 12:4

တၢ်ဖီၣ်ဃာ်စီၤပ့းတရူးဝံၤအလီၢ်ခံန့ၣ်, အဝဲဘၣ်တၢ်ဒၢနုာ်အီၤလၢဃိာ်ပူၤဒီးဖဲန့ၣ်တၢ်ဟ့ၣ်လီၤအီၤဆူ သုးဖိလွံၢ်ကရူၢ်အစုပူၤဒ်သိးအကပၢၤဃာ်အီၤ, တကရူၢ်ဝံၤတကရူၢ်လၢအဆၢကတီၢ်ဒၣ်ဝဲလီၤ. ပှၤပၢၤတၢ်ဖိတကရူၢ်အိၣ်ဒီးပှၤသုးဖိလွံၢ်ဂၤလီၤ. စီၤဟ့ၤရိာ်ကူၣ်ထီၣ်ဖးလီၤလၢအကသမံသမိးအီၤလၢပှၤဂီၢ်မုၢ် အမဲာ်ညါဖဲဘူၣ်လဲၤကပာ်ဝံၤအလီၢ်ခံန့ၣ်လီၤ.

မၤတၢ် 12:6

တချုးဖဲစီၤဟ့ၤရိာ်သါကထုးထီၣ်ဒီးဆှၢထီၣ်အီၤဆူပှၤဂီၢ်မုၢ် အအိၣ်အမဲာ်ညါတနၤန့ၣ်, စီၤပ့းတရူးမံဘၣ်အသးလၢပှၤ သုးဖိခံဂၤအကဆူးလီၤ. အဝဲဒၣ်ဘၣ်တၢ်စၢဃာ်အီၤလၢပျံၤထးခံဘိ, တဘိအိၣ်စၢဃာ်အသးလၢပှၤသုးဖိဖဲစုစ့ၣ်တဂၤ, ဒီးအဂၤတဘိအိၣ်စၢဃာ်အသးလၢပှၤသုးဖိဖဲစုထွဲတဂၤ, ဒီးပှၤသုးဖိပၢၤတၢ်တဖၣ်အိၣ်ခိးတၢ်ဖဲဃိာ်အကျဲစၢၤန့ၣ်လီၤ.

1 ကရံၣ်သူး 12:26

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

၂ ကရံၣ်သူး 1:11

မ့ၢ်လၢသုမၤစၢၤပှၤခီဖျိသုတၢ်ထုကဖၣ်လၢပဂီၢ် အဃိန့ၣ်လီၤ. လၢတၢ်န့ၣ်အဃိ, တၢ်ကမၤအသးလၢတၢ်ထုကဖၣ်အါယုၢ်လၢပဂီၢ်ကဘၣ် တၢ်စံးဆၢအီၤ, ဒီးကစၢ်ယွၤကဆိၣ်ဂ့ၤပှၤဒီးပှၤအါဒံအါဂၤ ကထုထီၣ်အကလုၢ်ဆူအအိၣ်လၢတၢ်စံးဘျုးစံးဖှိၣ်အီၤလၢ ပဂီၢ်န့ၣ်လီၤ.

ဧ့ၤဘြံၤ 13:3

သ့ၣ်နီၣ်ထီၣ်ပှၤလၢအအိၣ်လၢဃိာ်ပူၤတဖၣ်တုၤဒၣ်လဲာ်တၢ် ကမၤအသးဒီးသုဒ်သုလီၤဘၣ်ဃိာ်ဒီးအဝဲသ့ၣ်အသိးန့ၣ် တက့ၢ်. သ့ၣ်နီၣ်ထီၣ်ပှၤလၢအဘၣ်တၢ်မၤအၢမၤနးအီၤတဖၣ် ဒ်သုတူၢ်ဘၣ်တၢ်ဒ်သိးအဝဲသ့ၣ်န့ၣ်တက့ၢ်.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.