မၤတၢ် 12:3 - Sgaw Karen Common Bible

³ ဖဲအဝဲဒၣ်ထံၣ်ဘၣ်လၢတၢ်မၤတမံၤအံၤဘၣ်သူၣ်ဘၣ်သးပှၤယူဒၤဖိ တဖၣ်န့ၣ်, အဝဲဟ့ၣ်လီၤကဒီးအကလုၢ်လၢပှၤကဖီၣ်ဃာ်စီၤပ့းတရူး စ့ၢ်ကီးန့ၣ်လီၤ. (တၢ်မၤတမံၤအံၤန့ၣ်, မ့ၢ်ဝဲဒၣ်ဖဲဘူၣ်ကိၣ်တအိၣ်ဘၣ်ဒီးကိၣ်မံၣ်အဆၢကတီၢ်န့ၣ်လီၤ.)

မၤတၢ် 12:3 Iomraidhean Croise

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

လံာ်တၢ်ဟးထီၣ်ကွံာ် 23:15

လၢလါအၤဘံာ်, လါလၢသုဟးထီၣ်ကွံာ်လၢကီၢ်အဲၤကူပတူးအပူၤ န့ၣ်မၤဘူၣ်ကိၣ်တအိၣ်ဘၣ်ဒီးကိၣ်မံၣ်အမူးဒ်ယမၤလိာ်တ့ၢ်သု အသိးန့ၣ်တက့ၢ်. ဖဲဘူၣ်အံၤအဆၢကတီၢ်နွံသီအတီၢ်ပူၤန့ၣ်သု တဘၣ်အီၣ်ကိၣ်လၢဘၣ်တၢ်မၤအီၤလၢကိၣ်မံၣ်န့ၣ်, နီတစဲးဘၣ်. သုမ့ၢ်တဟဲစိာ်တၢ်မၤဘူၣ်တမံၤဘၣ်ဒီးဟဲဘါထီၣ်ယၤနီတစုတဂ့ၤ.

လံာ်မးသဲ 26:17

လၢဘူၣ်ကိၣ်တအိၣ်ဘၣ်ဒီးကိၣ်မံၣ်အခီၣ်ထံးကတၢၢ်တသီန့ၣ်, ယ့ၣ်ၡူးအပျဲၢ်အဘီၣ်တဖၣ်ဟဲဆူအအိၣ်ဒီးသံကွၢ်အီၤ, “နအဲၣ်ဒိးလၢပကကတဲာ်ကတီၤန့ၢ်တၢ်လီၢ်လၢနကအီၣ် ဘူၣ်လဲၤကပာ်အဂီၢ်ဖဲလဲၣ်.”

လံာ်ယိၤဟၣ် 12:43

အဝဲသ့ၣ်အဲၣ်ဒိးပှၤကညီအတၢ်စံးထီၣ်ပတြၢၤဒိၣ်န့ၢ် ကစၢ်ယွၤအတၢ်စံးထီၣ်ပတြၢၤတက့ၢ်လီၤ.

လံာ်ယိၤဟၣ် 19:11

ယ့ၣ်ၡူးစံးဆၢတၢ်ဒီးစံးဝဲ, “နအိၣ်ဒီးတၢ်စိတၢ်ကမီၤလၢ ယဖီခိၣ်မ့ၢ်ဒၣ်လၢကစၢ်ယွၤဟ့ၣ်လီၤနၤတၢ်စိတၢ်ကမီၤအံၤ အဃိန့ၣ်လီၤ. လၢတၢ်န့ၣ်အဃိ, ပှၤလၢအဟ့ၣ်လီၤယၤဆူ နစုပူၤအံၤန့ၣ်, အတၢ်ဒဲးဘးဒိၣ်ဒၣ်တၢ်တက့ၢ်န့ၣ်လီၤ.”

လံာ်ယိၤဟၣ် 21:18

ယစံးဘၣ်နၤတၢ်မ့ၢ်တၢ်တီ, ဖဲနသးစၢ်ဒံးအခါန့ၣ်, နကတဲာ်ကတီၤထီၣ်နသးဒီးလဲၤဖဲနအဲၣ်ဒိးလဲၤန့ၣ် လီၤ. ဘၣ်ဆၣ်တုၤနသးပှၢ်ထီၣ်ဒီး, နကယူာ်ထီၣ်နစု တဖၣ်ဒီးပှၤအဂၤတဂၤကစၢဃာ်နၤဒီးကဆှၢနၤဆူတၢ်လီၢ်လၢ နတအဲၣ်ဒိးလဲၤဘၣ်န့ၣ်လီၤ.”

မၤတၢ် 12:4

တၢ်ဖီၣ်ဃာ်စီၤပ့းတရူးဝံၤအလီၢ်ခံန့ၣ်, အဝဲဘၣ်တၢ်ဒၢနုာ်အီၤလၢဃိာ်ပူၤဒီးဖဲန့ၣ်တၢ်ဟ့ၣ်လီၤအီၤဆူ သုးဖိလွံၢ်ကရူၢ်အစုပူၤဒ်သိးအကပၢၤဃာ်အီၤ, တကရူၢ်ဝံၤတကရူၢ်လၢအဆၢကတီၢ်ဒၣ်ဝဲလီၤ. ပှၤပၢၤတၢ်ဖိတကရူၢ်အိၣ်ဒီးပှၤသုးဖိလွံၢ်ဂၤလီၤ. စီၤဟ့ၤရိာ်ကူၣ်ထီၣ်ဖးလီၤလၢအကသမံသမိးအီၤလၢပှၤဂီၢ်မုၢ် အမဲာ်ညါဖဲဘူၣ်လဲၤကပာ်ဝံၤအလီၢ်ခံန့ၣ်လီၤ.

မၤတၢ် 2:14

အန့ၣ်ဒီး, စီၤပ့းတရူးလၢအအိၣ်ဖဲန့ၣ်ဒီးပှၤတၢ်မၢဖိအဂၤတဆံတဂၤ န့ၣ်, ဆၢထၢၣ်ဝဲဒီးကတိၤထီၣ်တၢ်လၢအကလုၢ်ဖးဒိၣ်ဒီးစံး, “ဒီပုၢ်ဝဲၢ်ပှၤယူဒၤဖိဒီးပှၤအိၣ်လၢဝ့ၢ်ယရူၤၡလ့ၣ်အပူၤခဲလၢာ်သ့ၣ်ဧၢ, ကနၣ်တက့ၢ်. ပျဲယတဲဘၣ်သုလၢတၢ်မၤအသးအံၤအခီပညီန့ၣ်တက့ၢ်.

မၤတၢ် 20:6

ဘူၣ်ကိၣ်တအိၣ်ဘၣ်ဒီးကိၣ်မံၣ်ဝံၤအလီၢ်ခံ, ပဒိးထီၣ်ကဘီဖဲဝ့ၢ်ဖံလံးပံၤဒီးဖဲယဲၢ်သီပူၤကွံာ်ဝံၤန့ၣ် ပထံၣ်လိာ်ပသးဒီးအဝဲသ့ၣ်ဖဲဝ့ၢ်တြိၤအါဒီးပအိၣ်ဖဲန့ၣ်တနွံလီၤ.

မၤတၢ် 24:27

ခံနံၣ်ဝံၤအလီၢ်ခံန့ၣ်, စီၤပီၤကံၤဖ့စတူးကဲထီၣ်က့ၤပဒိၣ်ဖးဒိၣ် လၢစီၤဖ့လံးအလီၢ်, ဒီးမ့ၢ်လၢစီၤဖ့လံးအဲၣ်ဒိးမၤအိၣ်အမဲာ် သၣ်လၢပှၤယူဒၤဖိတဖၣ်အဃိပာ်ဃာ်ဒံးစီၤပီလူးလၢဃိာ်ပူၤလီၤ.

မၤတၢ် 25:9

စီၤဖ့စတူးအဲၣ်ဒိးမၤအိၣ်အမဲာ်သၣ်လၢပှၤယူဒၤဖိ တဖၣ်သတးဒီး, အဝဲသံကွၢ်စီၤပီလူး, “မ့ၢ်နကသးဆူၣ်လဲၤဆူဝ့ၢ်ယရူၤၡလ့ၣ်ဒ်သိးနကဘၣ်တၢ် သမံသမိးနၤလၢယမဲာ်ညါဖဲန့ၣ်ကစီဒီဧါ.”

မၤတၢ် 4:13

ပှၤလၢအအိၣ်လၢကီၣ်ကးအပူၤတဖၣ်တုၤအထံၣ်ဘၣ်စီၤပ့းတရူး ဒီးစီၤယိၤဟၣ်အတၢ်သူၣ်ဒူသးဒူဒီးသ့ၣ်ညါဝဲလၢပှၤခံ ဂၤအံၤမ့ၢ်ပှၤတမၤလိမၤဒိးဘၣ်တၢ်ဘၣ်, ဒီးမ့ၢ်ဒၣ်ပှၤမုၢ်ဆ့ၣ်မုၢ်ဂီၤဖိသတးဒီး, အဝဲသ့ၣ်ကမၢကမၣ်ဝဲဒၣ်လီၤ. အန့ၣ်ဒီးသ့ၣ်ညါဝဲလၢအဝဲသ့ၣ်မ့ၢ်တ့ၢ်ပှၤတဖၣ်လၢအရ့လိာ်ဘၣ် အသးတံၢ်တံၢ်ဒီးယ့ၣ်ၡူးန့ၣ်လီၤ.

ကလၤတံ 1:10

တၢ်အဝဲအံၤ, မ့ၢ်အသီၣ်မၤအသးဒ်သိးယဂုာ်ကျဲးစၢးမၤန့ၢ် ပှၤကညီအတၢ်ဘၣ်သူၣ်ဘၣ်သးဧါ. တမ့ၢ်လ့ၤတက့ၤဘၣ်. တၢ်လၢယအဲၣ်ဒိးန့ၣ်, မ့ၢ်ကစၢ်ယွၤအတၢ်ဘၣ်သူၣ်ဘၣ်သး န့ၣ်လီၤ. မ့ၢ်ယဂုာ်ကျဲးစၢးဒိးန့ၢ်ပှၤကညီအတၢ်ဘၣ်သူၣ်ဘၣ် သးယၤဧါ. ယမ့ၢ်မၤဒံးဒၣ်ဒ်န့ၣ်ဒီး, ယတမ့ၢ်ခရံာ်အခ့အပှၤ တဂၤဘၣ်.

၁ သ့းစၤလနံ 2:4

မ့မ့ၢ်ထီဘိန့ၣ်ပစံးကတိၤတၢ်လၢကစၢ်ယွၤသးအိၣ်လၢ ပကကတိၤန့ၣ်လီၤ. အဂ့ၢ်ဒ်အံၤ, အဝဲဒၣ်ပာ်ပှၤဒ်ပှၤလၢအကြၢးဝဲဘၣ်ဝဲလၢတၢ်ကဟ့ၣ်လီၤတၢ်သး ခုကစီၣ်ဆူအစုပူၤလီၤ. ပတဂုာ်ကျဲးစၢးမၤတၢ်ဘၣ်ပှၤကညီအသး ဘၣ်. မ့မ့ၢ်ပဂုာ်ကျဲးစၢးမၤကစၢ်ယွၤလၢအထံၣ်နုာ်တၢ်လၢပသူၣ်ကံၢ် သးလဲပူၤတဂၤအတၢ်ဘၣ်အသးလီၤ.