မၤတၢ် 12:25 - Sgaw Karen Common Bible

²⁵ ဒီးစီၤဘၢ်နါဘၤဒီးစီၤစီလူး, မၤဝံၤအတၢ်မၤဒီးဟးထီၣ်လၢဝ့ၢ် ယရူၤၡလ့ၣ်, ကိးဃုာ်စီၤယိၤဟၣ်မၢ်ကူးဒီးအဝဲသ့ၣ်လီၤ.

မၤတၢ် 12:25 Iomraidhean Croise

မၤတၢ် 12:12

ဖဲအဝဲဒၣ်သ့ၣ်ညါတၢ်မၤအသးဒီးအီၤနီၢ်နီၢ်မ့ၢ်တၢ်ဒ်လဲၣ်န့ၣ်, အဝဲလဲၤဆူစီၤယိၤဟၣ်မၢ်ကူးအမိၢ်နီၢ်မၤရံအဟံၣ်ဘၣ်ဖဲပှၤ အါဒံအါဂၤအိၣ်ဖှိၣ်ရိဖှိၣ်ဖဲန့ၣ်ဒီးဃ့ဘါထုကဖၣ်တၢ်အဖၢမုၢ်လီၤ.

မၤတၢ် 15:35

စီၤပီလူးဒီးစီၤဘၢ်နါဘၤအိၣ်ဒံးဝဲဖဲဝ့ၢ်အၣ်တံၤအီာ်န့ၣ်လီၤ. အဝဲသ့ၣ်ဒီးပှၤအဂၤအါဒံအါဂၤသိၣ်လိဒီးစံၣ်တဲၤတဲလီၤ ကစၢ်အကလုၢ်ကထါန့ၣ်လီၤ.

မၤတၢ် 15:37

စီၤဘၢ်နါဘၤအဲၣ်ဒိးလဲၤကိးဃုာ်စီၤယိၤဟၣ်မၢ်ကူးလီၤ.

မၤတၢ် 4:36

စီၤယိၤစ့ၣ်ပှၤလ့ၤဝံဖိလၢအအိၣ်ဖျဲၣ်ထီၣ်လၢကီးကူပြူးအပူၤ, လၢပှၤတၢ်မၢဖိတဖၣ်ယုၢ်န့ၢ်အမံၤလၢစီၤဘၢ်နါဘၤ (အခီပညီ, ပှၤလၢအဟ့ၣ်ဆူၣ်ထီၣ်ပှၤဂံၢ်ပှၤဘါ) တဂၤ

ကလီးစဲ 4:10

စီၤအရံးစတၢ်ဃူးလၢအလီၤဘၣ်ဃိာ်တပူၤဃီဒီးယၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤဘၢ်နါဘၤအတခွါစီၤမၢ်ကူး (ပှၤလၢသုဘၣ်တၢ်မၢတ့ၢ်သုလၢသုကတူၢ်လိာ်ခီၣ်ဆၢအီၤဖဲ အဝဲလဲၤဘၣ်ဆူသုအိၣ်တဘျီလၢ်လၢ်တဂၤ) စ့ၢ်ကီးဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ.

၂ တံၤမသ့း 4:11

ပှၤအိၣ်ဒီးယၤထဲစီၤလူၤကၣ်တဂၤဧိၤန့ၣ်လီၤ. ကိးန့ၢ်စီၤမၢ်ကူးဒီးမၢအဟဲဒီးနၤတက့ၢ်. အဂ့ၢ်ဒ်အံၤ, အဝဲမၤစၢၤယၤလၢတၢ်မၤအပူၤသ့ဒီးကဲဘျုးလၢယဂီၢ်ဒိၣ်မး န့ၣ်လီၤ.

ဖံၤလ့မိၣ် 1:24

ဒ်န့ၣ်အသိးပှၤမၤသကိးတၢ်ဒီးယၤစီၤမၢ်ကူး, စီၤအရံစတၢ်ဃူး, စီၤဒ့မၤဒီးစီၤလူၤကၣ်သ့ၣ်တဖၣ်ဆှၢလီၤစ့ၢ်ကီးအတၢ်ဆၢဂ့ၤ ဆၢဝါသုလီၤ.

၁ ပ့းတရူး 5:13

သုဒီပုၢ်ဝဲၢ်တၢ်အိၣ်ဖှိၣ်လၢဘၤဘူၤလိၣ်အပူၤ, လၢအဘၣ်တၢ်ဃုထၢစ့ၢ်ကီးအီၤလၢကစၢ်ယွၤ, ဆှၢန့ၢ်သုတၢ်ဆၢဂ့ၤဆၢဝါတဖၣ်, ဒီးယဖိခွါစီၤမၢ်ကူးစ့ၢ်ကီးဆၢဂ့ၤဆၢဝါသုလီၤ.