မၤတၢ် 12:15 - Sgaw Karen Common Bible

¹⁵ အဝဲသ့ၣ်စံးဘၣ်အီၤ, “မ့ၢ်နပျုၢ်ဧါ.” ဘၣ်ဆၣ်အဝဲစံးသပှၢ်ပှၢ်လၢအမ့ၢ်ဝဲတီဝဲလီၤ. လၢတၢ်န့ၣ်အဃိအဝဲသ့ၣ်စံးဆၢဝဲ, “ကမ့ၢ်ဒၣ်အဝဲအကလူးလီၤ.”

မၤတၢ် 12:15 Iomraidhean Croise

လံာ်တၢ်ကဲထီၣ်အခီၣ်ထံး 48:16

မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

လံာ်စီၤယိၤဘး 9:16

အဝဲမ့ၢ်ပျဲယစံးကတိၤတၢ်ဒၣ်လဲာ်အဝဲကဒိကနၣ်ယၤန့ၣ် ယနာ်တသ့ဘၣ်န့ၣ်လီၤ.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်မၢ်ကူး 16:11

ဒီးတုၤအနၢ်ဟူအဝဲဒၣ်အတၢ်စံးဘၣ်အီၤလၢယ့ၣ်ၡူးမူဝဲဒီး ထံၣ်ဘၣ်အီၤလၢအကစၢ်ဒၣ်ဝဲန့ၣ်ဒီး, အဝဲသ့ၣ်တနာ်အီၤဘၣ်.

လံာ်မၢ်ကူး 16:14

ယ့ၣ်ၡူးလီၣ်ဖျါထီၣ်အသးလၢခံကတၢၢ်တဘျီလၢအပျဲၢ်အဘီၣ်တဆံတဂၤ, ဖဲအဝဲသ့ၣ်အီၣ်တၢ်အီၣ်အဖၢမုၢ်လီၤ. အဝဲဒၣ်ဒူအဝဲသ့ၣ်အလိၤမ့ၢ်လၢအဝဲသ့ၣ်ပာ်ကိၤအသး ဒီးအတၢ်နာ်တအိၣ်ဘၣ်အဃိ, ဒီးမ့ၢ်လၢအဝဲသ့ၣ်တနာ်ဘၣ်ပှၤသ့ၣ်တဖၣ်လၢအထံၣ်ဘၣ်တ့ၢ်လံအီၤ လၢတၢ်ဒုးဂဲၤဆၢထၢၣ်က့ၤအီၤလၢတၢ်သံဝံၤအလီၢ်ခံန့ၣ်အဃိလီၤ.

လံာ်လူၤကၣ် 22:59

ဒီးကဘၣ်တနၣ်ရံၣ်ဝံၤအလီၢ်ခံန့ၣ်ပှၤအဂၤတဂၤစံးဝဲသပှၢ်ပှၢ်, လၢအကလုၢ်ဆူၣ်ဆူၣ်အပူၤ, “တၢ်သးဒ့ဒီအလီၢ်တအိၣ်ဝဲနီတစဲးလၢပှၤတဂၤအံၤ ပိာ်ယ့ၣ်ၡူးအခံန့ၣ်ဘၣ်. အဂ့ၢ်ဒ်အံၤ, အဝဲဒၣ်စ့ၢ်ကီးမ့ၢ်ပှၤကၤလံၤလါဖိတဂၤန့ၣ်လီၤ.”

လံာ်လူၤကၣ် 24:11

ဘၣ်ဆၣ်ဒီးပှၤတၢ်မၢဖိတဖၣ်ဆိကမိၣ်ဝဲလၢတၢ်လၢပှၤပိာ်မုၣ် တဖၣ်တဲအီၤန့ၣ်မ့ၢ်ဒၣ်တၢ်လၢအခီပညီတအိၣ်, ဒီးတနာ်အဝဲသ့ၣ်ဘၣ်.

မၤတၢ် 12:16

ဖဲန့ၣ်အခါ, စီၤပ့းတရူးဒိတကျိာ်ဒံးဒၣ်တၢ်လီၤ. လၢခံကတၢၢ်အဝဲသ့ၣ်အိးထီၣ်တြဲၤဒီးဖဲအထံၣ်အီၤန့ၣ်ကမၢ ကမၣ်ဝဲဒိၣ်မးလီၤ.

မၤတၢ် 26:24

ဖဲစီၤပီလူးကတိၤဒီဒၣ်အသးဒ်အံၤအဖၢမုၢ်န့ၣ်, စီၤဖ့စတူးကိးဃါအီၤလၢအကလုၢ်ဖးဒိၣ်, “စီၤပီလူးဧၢ, နပျုၢ်လီၤ. နတၢ်မၤလိမၤဒိးအဒိၣ်အထီဒုးပျုၢ်နၤလံ.”