မၤတၢ် 12:12 - Sgaw Karen Common Bible

¹² ဖဲအဝဲဒၣ်သ့ၣ်ညါတၢ်မၤအသးဒီးအီၤနီၢ်နီၢ်မ့ၢ်တၢ်ဒ်လဲၣ်န့ၣ်, အဝဲလဲၤဆူစီၤယိၤဟၣ်မၢ်ကူးအမိၢ်နီၢ်မၤရံအဟံၣ်ဘၣ်ဖဲပှၤ အါဒံအါဂၤအိၣ်ဖှိၣ်ရိဖှိၣ်ဖဲန့ၣ်ဒီးဃ့ဘါထုကဖၣ်တၢ်အဖၢမုၢ်လီၤ.

မၤတၢ် 12:12 Iomraidhean Croise

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

မၤတၢ် 12:25

ဒီးစီၤဘၢ်နါဘၤဒီးစီၤစီလူး, မၤဝံၤအတၢ်မၤဒီးဟးထီၣ်လၢဝ့ၢ် ယရူၤၡလ့ၣ်, ကိးဃုာ်စီၤယိၤဟၣ်မၢ်ကူးဒီးအဝဲသ့ၣ်လီၤ.

မၤတၢ် 12:5

လၢတၢ်န့ၣ်အဃိ, စီၤပ့းတရူးဘၣ်တၢ်ဒုးဃာ်ပာ်အီၤလၢဃိာ်ပူၤ, ဘၣ်ဆၣ်တၢ်အိၣ်ဖှိၣ်ဖိတဖၣ်ဃ့ဘါထုကဖၣ်ကစၢ်ယွၤသပှၢ်ပှၢ်လၢ အဝဲဒၣ်အဂီၢ်လီၤ.

မၤတၢ် 13:13

စီၤပီလူးဒီးပှၤလဲၤဃုာ်တၢ်ဒီးအီၤတဖၣ်ဟးထီၣ်ဖဲဝ့ၢ်ပါပူး ဒီးဒိးကဘီဆူဝ့ၢ်ပ့ၢ်က့ၤဘၣ်ဃးကီၢ်ပၣ်ဖူၤလံန့ၣ်လီၤ. ဖဲန့ၣ်, စီၤယိၤဟၣ်မၢ်ကူးပာ်တ့ၢ်အဝဲသ့ၣ်ဒီးက့ၤက့ၤဝဲဆူဝ့ၢ် ယရူၤၡလ့ၣ်န့ၣ်လီၤ.

မၤတၢ် 13:5

ဖဲအဝဲသ့ၣ်လဲၤတုၤဖဲဝ့ၢ်စလၤမံန့ၣ်, စံၣ်တဲၤတဲလီၤယွၤအကလုၢ်ကထါလၢပှၤယူဒၤဖိအဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤလီၤ. ဒီးအဝဲသ့ၣ်အိၣ်ဒီးစီၤယိၤဟၣ် မၢ်ကူးလၢအကမၤစၢၤအီၤလၢအတၢ်ဖံးတၢ်မၤအပူၤန့ၣ်လီၤ.

မၤတၢ် 16:40

စီၤပီလူးဒီးစီၤစံလၤဟးထီၣ်ကွံာ်လၢဃိာ်ပူၤဒီး လဲၤဆူနီၢ်လူၤဒံအဟံၣ်လီၤ. ဖဲန့ၣ်အဝဲသ့ၣ်ထံၣ်လိာ်အသးဒီးပှၤစူၢ်က့ၤနာ်က့ၤတၢ် တဖၣ်, ကတိၤဟ့ၣ်ဆူၣ်ထီၣ်အဝဲသ့ၣ်အဂံၢ်အဘါ, ဒီးဟးထီၣ်ကွံာ်လၢဝ့ၢ်ပူၤလီၤ.

မၤတၢ် 4:23

တုၤတၢ်ပျၢ်ထူၣ်ဖျဲးကွံာ်စီၤပ့းတရူးဒီးစီၤယိၤဟၣ်ဝံၤတဘျီဃီဒီး, အဝဲသ့ၣ်က့ၤက့ၤဆူအတံၤသကိးတဖၣ်အအိၣ်ဒီးစံးဘၣ်တဲဘၣ်အဝဲ သ့ၣ်တၢ်လၢပှၤလုၢ်တၢ်အခိၣ်အဒိၣ်တဖၣ်ဒီးပှၤသူၣ်က့သးပှၢ် တဖၣ်စံးဘၣ်တ့ၢ်အဝဲသ့ၣ်န့ၣ်လီၤ.

ကလီးစဲ 4:10

စီၤအရံးစတၢ်ဃူးလၢအလီၤဘၣ်ဃိာ်တပူၤဃီဒီးယၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤဘၢ်နါဘၤအတခွါစီၤမၢ်ကူး (ပှၤလၢသုဘၣ်တၢ်မၢတ့ၢ်သုလၢသုကတူၢ်လိာ်ခီၣ်ဆၢအီၤဖဲ အဝဲလဲၤဘၣ်ဆူသုအိၣ်တဘျီလၢ်လၢ်တဂၤ) စ့ၢ်ကီးဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ.

၂ တံၤမသ့း 4:11

ပှၤအိၣ်ဒီးယၤထဲစီၤလူၤကၣ်တဂၤဧိၤန့ၣ်လီၤ. ကိးန့ၢ်စီၤမၢ်ကူးဒီးမၢအဟဲဒီးနၤတက့ၢ်. အဂ့ၢ်ဒ်အံၤ, အဝဲမၤစၢၤယၤလၢတၢ်မၤအပူၤသ့ဒီးကဲဘျုးလၢယဂီၢ်ဒိၣ်မး န့ၣ်လီၤ.

ဖံၤလ့မိၣ် 1:24

ဒ်န့ၣ်အသိးပှၤမၤသကိးတၢ်ဒီးယၤစီၤမၢ်ကူး, စီၤအရံစတၢ်ဃူး, စီၤဒ့မၤဒီးစီၤလူၤကၣ်သ့ၣ်တဖၣ်ဆှၢလီၤစ့ၢ်ကီးအတၢ်ဆၢဂ့ၤ ဆၢဝါသုလီၤ.

၁ ပ့းတရူး 5:13

သုဒီပုၢ်ဝဲၢ်တၢ်အိၣ်ဖှိၣ်လၢဘၤဘူၤလိၣ်အပူၤ, လၢအဘၣ်တၢ်ဃုထၢစ့ၢ်ကီးအီၤလၢကစၢ်ယွၤ, ဆှၢန့ၢ်သုတၢ်ဆၢဂ့ၤဆၢဝါတဖၣ်, ဒီးယဖိခွါစီၤမၢ်ကူးစ့ၢ်ကီးဆၢဂ့ၤဆၢဝါသုလီၤ.