မၤတၢ် 12:10 - Sgaw Karen Common Bible

¹⁰ အဝဲသ့ၣ်လဲၤခီဂာ်ပှၤပၢၤတၢ်အလီၢ်တၢတတီၤ, ဝံၤအလီၢ်ခံ, ခံတီၤတတီၤ, ဒီးလၢခံကတၢၢ်တုၤဃီၤဆူတြဲၤထး ဖဲကျဲစၢၤနုာ်လီၤဆူဝ့ၢ် ပူၤန့ၣ်လီၤ. တြဲၤအိးထီၣ်အသးဒၣ်ဝဲလၢအဝဲသ့ၣ်အဂီၢ်, ဒီးအဝဲသ့ၣ်ဟးထီၣ်ဝဲဒၣ်လီၤ. အဝဲသ့ၣ်ပိာ်လီၤကျဲမုၢ်ဒိၣ်တဘိ, ဝံၤအလီၢ်ခံ, ကလူးဟးဖးဒီးစီၤပ့းတရူးသတူၢ်ကလာ်လီၤ.

မၤတၢ် 12:10 Iomraidhean Croise

လံာ်တၢ်ကဲထီၣ်အခီၣ်ထံး 42:17

အန့ၣ်ဒီး, အဝဲဒၢနုာ်အဝဲသ့ၣ်ဆူဃိာ်ပူၤသၢသီန့ၣ်လီၤ.

လံာ်ယၡါယၤ 21:8

ပှၤခိးတၢ်ဖိကိးထီၣ်ဝဲ, “တၢ်ဒိၣ်ဧၢ, ယဆၢထၢၣ်ခိးတ့ၢ်တၢ် လၢယလီၢ်မနၤနၤမဆါဆါလီၤ.”

လံာ်တၢ်ဂံၢ် 15:34

ဒီးဘၣ်တၢ်ပာ်ဃးအီၤလၢပှၤပၢၤတၢ်အစုပူၤမ့ၢ်လၢတၢ်ကဘၣ်မၤ အီၤဒ်လဲၣ်န့ၣ်တၢ်တသ့ၣ်ညါလီၤတံၢ်ဒံးဘၣ်အဃိန့ၣ်လီၤ.

လံာ်ယိၤဟၣ် 20:19

ဖဲမုၢ်ခီၣ်ထံးနံၤမုၢ်ဟါလီၤတ့ၢ်လံအကတီၢ်န့ၣ်, အပျဲၢ်အဘီၣ်တဖၣ်ပာ်ဖှိၣ်ထီၣ်အသးဒီးမ့ၢ်လၢ အဝဲသ့ၣ်ပျံၤဘၣ်ပှၤယူဒၤဖိအခိၣ်အနၢ်တဖၣ်အဃိ, တြဲၤတဖၣ်ဘၣ်တၢ်ကးတံာ်ဃာ်အီၤလီၤ. တုၤနုၤတစုယ့ၣ်ၡူးဟဲဒီးအိၣ်ဆၢထၢၣ်လၢအဝဲသ့ၣ်အသိး အကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

လံာ်ယိၤဟၣ် 20:26

တၢ်မၤအသးအံၤဝံၤလၢခံတနွံန့ၣ်, အပျဲၢ်အဘီၣ်တဖၣ်ပာ်ဖှိၣ်ကဒီးအသးလၢဟံၣ် အပူၤဒီးအအံၤတဘျီစီၤသိၤမါအိၣ်ဒီးအဝဲသ့ၣ် န့ၣ်လီၤ. တြဲၤတဖၣ်ဘၣ်တၢ်ကးတံာ်အီၤ, ဘၣ်ဆၣ် ယ့ၣ်ၡူးဟဲဒီးဆၢထၢၣ်လၢအဝဲသ့ၣ်အသိးအကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

မၤတၢ် 12:4

တၢ်ဖီၣ်ဃာ်စီၤပ့းတရူးဝံၤအလီၢ်ခံန့ၣ်, အဝဲဘၣ်တၢ်ဒၢနုာ်အီၤလၢဃိာ်ပူၤဒီးဖဲန့ၣ်တၢ်ဟ့ၣ်လီၤအီၤဆူ သုးဖိလွံၢ်ကရူၢ်အစုပူၤဒ်သိးအကပၢၤဃာ်အီၤ, တကရူၢ်ဝံၤတကရူၢ်လၢအဆၢကတီၢ်ဒၣ်ဝဲလီၤ. ပှၤပၢၤတၢ်ဖိတကရူၢ်အိၣ်ဒီးပှၤသုးဖိလွံၢ်ဂၤလီၤ. စီၤဟ့ၤရိာ်ကူၣ်ထီၣ်ဖးလီၤလၢအကသမံသမိးအီၤလၢပှၤဂီၢ်မုၢ် အမဲာ်ညါဖဲဘူၣ်လဲၤကပာ်ဝံၤအလီၢ်ခံန့ၣ်လီၤ.

မၤတၢ် 16:26

သတူၢ်ကလာ်, ဟီၣ်ခိၣ်ဟူးဝဲဒၣ်ဆူၣ်ဆူၣ်ကလဲာ်တုၤ အမၤဟူးဝးဆှဲးဆှိးဃိာ်အခီၣ်ထံးန့ၣ်လီၤ. တဘျီဃီဖဲန့ၣ်, တြဲၤတဖၣ်အိးထီၣ်အသးဒီးပျံၤထးတဖၣ်လီၤတဲာ်ကွံာ်လၢ ပှၤဃိာ်ဖိခဲလၢာ်အလိၤလီၤ.

မၤတၢ် 5:19

ဘၣ်ဆၣ်ဒီးနၤအဝဲန့ၣ်ကစၢ်အကလူးတဂၤအိးထီၣ်တြဲၤတဖၣ်ဒီးဒုးဟးထီၣ်ဝဲ ပှၤတၢ်မၢဖိတဖၣ်ဆူတၢ်ချၢ, ဒီးစံးဘၣ်အဝဲသ့ၣ်,

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.