မၤတၢ် 11:5 - Sgaw Karen Common Bible

⁵ “ဖဲယအိၣ်လၢဝ့ၢ်ယၤဖိၤဒီးဃ့ဘါထုကဖၣ်တၢ်အဖၢမုၢ်န့ၣ်, ယဒိးန့ၢ်ဘၣ်တၢ်ထံၣ်လၢညါခီတမံၤလီၤ. ယထံၣ်ဘၣ်တၢ်တမံၤဟဲလီၤဝဲလီၤဂာ်ဒီးယၣ်ဖးဒိၣ်တဘ့ၣ်လၢတၢ် စဲၤလီၤအီၤလၢမူခိၣ်လၢအနၢၣ်လွံၢ်နၢၣ်, ဒီးဟဲအိၣ်ကတီၢ်ဝဲဘူး ဒီးယၤလီၤ.

မၤတၢ် 11:5 Iomraidhean Croise

လံာ်ယဃ့းစက့လး 2:9

ယထံၣ်ဘၣ်စုတခီယူာ်ဃီၤအသးဆူယအိၣ်, ဒီးဟံးဃာ်လံာ်ထူ တထူလီၤ.

လံာ်ဧၤမိၣ် 8:2

ယွၤသံကွၢ်ယၤ, စီၤဧၤမိၣ်ဧၢ, နထံၣ်တၢ်မနုၤလဲၣ်. ဒီးယစံးဆၢ တၤသၣ်မံတနာ်” လီၤ. ဒီးယွၤစံးဝဲဒၣ်, တၢ်အကတၢၢ်တုၤဃီၤလံလၢယပှၤဂီၢ်မုၢ်အံၣ်စရ့လးအဂီၢ်န့ၣ်လံ. ယတပျဲပူၤလၢၤဘၣ်အီၤဘၣ်.

မၤတၢ် 22:17

ယက့ၤကဒါက့ၤဆူယရူၤၡလ့ၣ်, ဒီးဖဲယဃ့ဘါထုကဖၣ်တၢ်လၢတၢ်လုၢ်ဟံၣ်ပူၤအဖၢမုၢ်န့ၣ်, ယဒိးန့ၢ်ဘၣ်တၢ်ထံၣ်လၢညါခီတမံၤလီၤ.

မၤတၢ် 9:10

အပျဲၢ်အဘီၣ်အိၣ်ဝဲတဂၤလၢဝ့ၢ်ဒၤမ့ၤစ့းအပူၤ, တၢ်ကိးအမံၤလၢစီၤအနၤနံန့ၣ်လီၤ. အဝဲထံၣ်တၢ်ထံၣ်လၢညါခီ, ဒီးလၢတၢ်ထံၣ်အပူၤန့ၣ်ကစၢ်စံးဘၣ်အီၤ, “စီၤအနၤနံဧၢ,” ဒီးအဝဲဒၣ်စံးဆၢက့ၤဝဲ, “ကစၢ်ဧၢ, ယအိၣ်ဖဲအံၤလီၤ.”

မၤတၢ် 9:36

ဖဲဝ့ၢ်ယၤဖိၤန့ၣ်အပျဲၢ်အဘီၣ်မုၣ်အိၣ်ဝဲတဂၤ, တၢ်ကိးအမံၤလၢနီၢ်တဘံၤသါန့ၣ်လီၤ. (အမံၤလၢကြံးခ်ကျိာ်တခီမ့ၢ်နီၢ်ဒီၢ်ကါ, အခီပညီ, တၤဟိတဒု) အဝဲဒၣ်ဟ့ၣ်လီၤအသးလၢာ်ဆၢလၢာ်ကတီၢ်လၢတၢ်မၤဂ့ၤ ပှၤဂၤဒီးတၢ်မၤစၢၤပှၤဖှီၣ်ဖိယာ်ဖိတဖၣ်အဂီၢ်န့ၣ်လီၤ.

မၤတၢ် 9:38

ဝ့ၢ်လူးဒၤအိၣ်ဘူးဝဲဒီးဝ့ၢ်ယၤဖိၤအဃိ, တုၤအပျဲၢ်အဘီၣ်တဖၣ်နၢ်ဟူဘၣ်လၢစီၤပ့းတရူးအိၣ်ဝဲလၢဝ့ၢ် လူးဒၤန့ၣ်ဒီး, အဝဲသ့ၣ်မၢလီၤပှၤခံဂၤဆူအဝဲဒၣ်အအိၣ်, ဒီးဃ့သကွံၢ်ကညးအီၤဒီးစံး, “ဝံသးစူၤမၤချ့ချ့ဒီးဟဲဘၣ်ဆူပအိၣ်တက့ၢ်.”

မၤတၢ် 9:42

တၢ်ကစီၣ်ဘၣ်ဃးတၢ်မၤအသးတမံၤအံၤဟူထီၣ်သါလီၤဝဲသကုၤ လၢဝ့ၢ်ယၤဖိၤအပူၤ, ဒီးပှၤစူၢ်က့ၤနာ်က့ၤကစၢ်တဘျုးဒံတဘျုးဂၤလီၤ.