မၤတၢ် 11:3 - Sgaw Karen Common Bible

³ ဒီးစံးဝဲ, “နလဲၤအိၣ်သမှံၤဖဲပှၤကလုာ်ဂၤလၢအတဒိးဘၣ်တၢ်ကူးတရံး တဖၣ်အဟံၣ်, ဒီးနအီၣ်ဃုာ်တၢ်ဒီးအီၤဒၣ်လဲာ်မးလဲၣ်.

မၤတၢ် 11:3 Iomraidhean Croise

လံာ်မးသဲ 9:11

ပှၤဖၤရံၤၡဲတနီၤထံၣ်တၢ်အံၤဒီးသံကွၢ်အပျဲၢ်အဘီၣ်တဖၣ်ဒီး စံး, “ဘၣ်မနုၤလၢသုသရၣ်န့ၣ်အီၣ်သကိးတၢ်ဒီးပှၤဒ်န့ၣ်အသိးတဖၣ် န့ၣ်လဲၣ်.”

လံာ်လူၤကၣ် 15:2

ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်စးထီၣ် ကဒူးကဒ့ၣ်တၢ်ဒီးစံးဝဲ, “ပှၤတဂၤအံၤတူၢ်လိာ်ပှၤတၢ်ဒဲးဘးဖိတဖၣ်, ဒီးအီၣ်သကိးအီသကိးဃုာ်တၢ်ဒီးအဝဲသ့ၣ်ဒၣ်လဲာ်န့ၣ်လီၤ.”

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.

မၤတၢ် 10:23

စီၤပ့းတရူးကိးနုာ်အီၤဆူဟံၣ်ပူၤဒီးစံးဝဲ, “ဟဲနုာ်, ဒီးတနၤအံၤမံဖဲအံၤတက့ၢ်.” မုၢ်ဆ့ၣ်ထီၣ်တနံၤန့ၣ်အဝဲဒၣ်အိၣ်ကတဲာ်ကတီၤထီၣ်အသးဒီး လဲၤပိာ်အဝဲသ့ၣ်အခံလီၤ. ဒီးပှၤစူၢ်က့ၤနာ်က့ၤတၢ်အဂၤတနီၤဖဲဝ့ၢ်ယၤဖိၤလဲၤဃုာ်ဒီးအီၤလီၤ.

မၤတၢ် 10:28

ဒီးအဝဲဒၣ်စံးဘၣ်အဝဲသ့ၣ်, “သုနီၢ်ကစၢ်ဒၣ်သုဝဲသုသ့ၣ်ညါလၢပှၤယူဒၤဖိတဂၤအတၢ် ဘူၣ်တၢ်ဘါတပျဲအီၤလၢအကလဲၤဒီးရ့လိာ်အသးဒီးပှၤကလုာ် ဂၤမ့ၢ်ဂ့ၤ, ကမၤဘၣ်ထွဲအသးဒီးအီၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးကစၢ်ယွၤဒုးနဲၣ်တ့ၢ်ယၤလၢယတဘၣ်ပာ်ပှၤနီတဂၤလၢ အတကဆှီမ့ၢ်ဂ့ၤ, တစီတဆှံမ့ၢ်ဂ့ၤန့ၣ်ဘၣ်လီၤ.

မၤတၢ် 10:32

ဆှၢလီၤပှၤဆူဝ့ၢ်ယၤဖိၤဒ်သိးအကကိးန့ၢ်ပှၤတဂၤလၢအမံၤ အလၢအပှဲၤမ့ၢ်ဝဲစီၤၡံမိၣ်ပ့းတရူးန့ၣ်တက့ၢ်. အဝဲအိၣ်သမှံၤဖဲပှၤမၤတၢ်ဖံးဖိစီၤၡံမိၣ်အဟံၣ်, လၢအအိၣ်ဝဲဖဲပီၣ်လဲၣ်နံၤန့ၣ်လီၤ.’

မၤတၢ် 10:48

လၢတၢ်န့ၣ်အဃိအဝဲဒၣ်မၤလိာ်အဝဲသ့ၣ်ဒ်သိးအကဒိးစူၢ် ဒိးဘျၢအသးလၢယ့ၣ်ၡူးခရံာ်အမံၤန့ၣ်လီၤ. အဝဲအံၤဝံၤအလီၢ်ခံအဝဲသ့ၣ်မၢအဝဲဒၣ်အိၣ်ဒီးအီၤစှၤနံၤစှၤသီလီၤ.

1 ကရံၣ်သူး 5:11

တၢ်လၢယသးအိၣ်စံးန့ၣ်မ့ၢ်, သုသုတရ့လိာ်မၤထွဲသုသးဒီး ပှၤတဂၤလၢအကိးလီၤအသးလၢဒီပုၢ်ဝဲၢ်, ဘၣ်ဆၣ်ဒီးအၢဝဲသီဝဲ မ့တမ့ၢ်အိၣ်ဒီးတၢ်သးကွံတလၢတၢ်, မ့တမ့ၢ်ဘါထီၣ်တၢ်ဂီၤတၢ်ဖီၣ်, မ့တမ့ၢ်မ့ၢ်ဝဲပှၤကတိၤသီၣ်ဝံသဲကလၤတၢ်, မ့တမ့ၢ်ပှၤအီသံးဖိ, မ့တမ့ၢ်ဟုၣ်တၢ်ဘျၣ်တၢ်န့ၣ်လီၤ. တဘၣ်ဆ့ၣ်နီၤအီၣ်ဃုာ်ဒၣ်လဲာ်တၢ်ဒီးပှၤဒ်န့ၣ်အသိးတဂၤ န့ၣ်တဂ့ၤ.

ကလၤတံ 2:12

တချုးလၢပှၤဘၣ်ထွဲဒီးစီၤယၤကိာ်တနီၤဟဲတုၤဒံးဘၣ်န့ၣ်, စီၤပ့းတရူးအီၣ်အီတ့ၢ်တၢ်တပူၤဃီဒီးအဒီပုၢ်ဝဲၢ်ပှၤ ကလုာ်ဂၤတဖၣ်လီၤ. မ့မ့ၢ်ဖဲပှၤသ့ၣ်တဖၣ်အံၤဟဲတုၤဝံၤ အလီၢ်ခံန့ၣ်, အဝဲဒၣ်ထုးဖးကွံာ်အသးဒီးတအီၣ်တၢ်ဒီးပှၤကလုာ်ဂၤတဖၣ် လၢၤဘၣ်. အဂ့ၢ်မ့ၢ်လၢ အဝဲဒၣ်ပျံၤပှၤသ့ၣ်တဖၣ်လၢ အအဲၣ်ဒိးပှၤကလုာ်ဂၤတဖၣ်ဒိးတၢ်ကူးတရံးအဃိ န့ၣ်လီၤ.

၂ ယိၤဟၣ် 1:10

လၢတၢ်န့ၣ်အဃိ, ပှၤတဂၤဂၤမ့ၢ်ဟဲဆူသုအိၣ်ဒီး တဟဲစိာ်ဘၣ်တၢ်သိၣ်လိသီလိအံၤန့ၣ်, တဘၣ်တူၢ်လိာ် အီၤလၢသုဟံၣ်ပူၤတဂ့ၤ. တဘၣ်စံးဒၣ်လဲာ် “မ်တၢ်ဃူတၢ်ဖိးအိၣ်ဒီးနၤ” တဂ့ၤ.