မၤတၢ် 11:27 - Sgaw Karen Common Bible

²⁷ အကတီၢ်ဖဲန့ၣ်, ဝံတနီၤဟးထီၣ်လၢဝ့ၢ်ယရူၤၡလ့ၣ်ဒီးလဲၤဆူဝ့ၢ်အၣ် တံၤအီာ်န့ၣ်လီၤ.

မၤတၢ် 11:27 Iomraidhean Croise

လံာ်မးသဲ 23:34

လၢတၢ်န့ၣ်အဃိ, ယစံးဘၣ်သုလၢယကဆှၢလီၤန့ၢ်သုလၢဝံ တဖၣ်, ပှၤကူၣ်ဘၣ်ကူၣ်သ့တဖၣ်, ဒီးသရၣ်သိၣ်လိတၢ်တဖၣ်လီၤ. တနီၤန့ၣ်သုကမၤသံအီၤ, ဒီးတနီၤန့ၣ်သုကပျၤထီအီၤလၢထူၣ်စုညါ အလိၤ, ဒီးအဂၤတနီၤန့ၣ်သုကတီၢ်အီၤလၢဘူၣ်ဘျီၣ်လၢ အမ့ၢ်တၢ်ဘါလီၢ်အပူၤဒီးလူၤမၤနးမၤဖှီၣ်အီၤလၢတဝ့ၢ်ဘၣ်တဝ့ၢ် အပူၤလီၤ.

လံာ်လူၤကၣ် 11:49

လၢတၢ်ဂ့ၢ်တမံၤအံၤအဃိ, ကစၢ်ယွၤအတၢ်ကူၣ်ဘၣ်ကူၣ်သ့စံးဝဲ, “ယကဆှၢလီၤန့ၢ်အဝဲသ့ၣ်လၢဝံတဖၣ်, ဒီးတၢ်မၢဖိတဖၣ်လီၤ. အဝဲသ့ၣ်ကမၤသံအီၤတနီၤ, ဒီးမၤအၢမၤနးအဂၤတဖၣ်လီၤ.

မၤတၢ် 11:20

မ့မ့ၢ်ပှၤစူၢ်က့ၤနာ်က့ၤတၢ်အဂၤတနီၤလၢကီးကူပြူးဒီးကီၢ်ကူၤရ့ၤန့ တဖၣ်, လဲၤဝဲတုၤလၢဝ့ၢ်အၣ်တံၤအီာ်ဒီးစံၣ်တဲၤတဲလီၤတၢ်ကစီၣ်လၢ ပှၤကလုာ်ဂၤတဖၣ်စ့ၢ်ကီး, ဒီးစံးဘၣ်တဲဘၣ်အဝဲသ့ၣ်တၢ်သးခုအကစီၣ်ဘၣ်ဃးကစၢ်ယ့ၣ်ၡူး အဂ့ၢ်န့ၣ်လီၤ.

မၤတၢ် 11:22

တၢ်ဂ့ၢ်တမံၤအံၤအကစီၣ်လဲၤတုၤဆူတၢ်အိၣ်ဖှိၣ်လၢဝ့ၢ်ယရူၤၡလ့ၣ်, သတးဒီးအဝဲသ့ၣ်ဆှၢလီၤစီၤဘၢ်နါဘၤဆူဝ့ၢ်အၣ်တံၤအီာ်န့ၣ်လီၤ.

မၤတၢ် 13:1

ဖဲအၣ်တံၤအီာ်အတၢ်အိၣ်ဖှိၣ်န့ၣ်, ဝံဒီးသရၣ်အိၣ်ဝဲဒၣ်တနီၤလၢအမံၤမ့ၢ်ဝဲစီၤဘၢ်နါဘၤ, စီၤစူၤမ့းအိၣ် (လၢပှၤကိးလၢပှၤသူဖံး), စီၤလူကံၤ (ပှၤကူၤရ့ၤန့ဖိ), စီၤမနၤအ့ၣ် (လၢအဘၣ်တၢ်လုၢ်ဒုးဒိၣ်ထီၣ်ဃုာ်အီၤဒီးပဒိၣ်ဖးဒိၣ်စီၤဟ့ၤရိာ်) ဒီးစီၤစီလူးန့ၣ်လီၤ.

မၤတၢ် 14:26

ဒီးဖဲန့ၣ်အဝဲသ့ၣ်ဒိးထီၣ်ကဘီဒီးက့ၤကဒါက့ၤဆူဝ့ၢ်အၣ်တံၤအီာ်ဘၣ် ဃးဒီးကီၢ်စူၤရံ, လၢအမ့ၢ်တၢ်လီၢ်ဖဲအဝဲသ့ၣ်ဘၣ်တၢ်အးလီၤအီၤဆူကစၢ်ယွၤ အဘျုးအဖှိၣ်အတၢ်အံးတၢ်ကွၢ်အပူၤဒ်သိးဒီး အကမၤတၢ်မၤလၢအခဲအံၤအဝဲသ့ၣ်မၤဝံၤလံဝဲတမံၤအဂီၢ်န့ၣ်လီၤ.

မၤတၢ် 15:22

တုၤနုၤတစု, ပှၤတၢ်မၢဖိဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်, ဃုာ်ဒီးတၢ်အိၣ်ဖှိၣ်ဒီဖုညါ, ပာ်လီၤအသးလၢအကဃုထၢထီၣ်ပှၤတနီၤလၢအဝဲသ့ၣ်အသိးအကျါ ဒီးမၢလီၤအီၤဆူဝ့ၢ်အၣ်တံၤအီာ်တပူၤဃီဒီးစီၤပီလူးဒီးစီၤဘၢ်နါ ဘၤလီၤ. အဝဲသ့ၣ်ဃုထၢထီၣ်ပှၤခံဂၤလၢအဘၣ်တၢ်ပာ်ဒိၣ်ပာ်ကဲ အီၤလၢပှၤစူၢ်က့ၤနာ်က့ၤတၢ်ဖိတဖၣ်, စီၤစံလၤဒီးစီၤယူဒၤလၢအဘၣ်တၢ်ကိးစ့ၢ်ကီးအီၤလၢစီၤဘၢ်စဘါ န့ၣ်လီၤ.

မၤတၢ် 15:30

ပှၤစိာ်တၢ်ကစီၣ်တဖၣ်အံၤဘၣ်တၢ်မၢလီၤအီၤ, ဒီးအဝဲသ့ၣ်လဲၤဆူဝ့ၢ်အၣ်တံၤအီာ်, ဖဲအဝဲသ့ၣ်ကိးဖှိၣ်ပှၤစူၢ်က့ၤနာ်က့ၤတၢ်ခဲလၢာ်ဒီးဟ့ၣ်လီၤ အဝဲသ့ၣ်လံာ်ပရၢန့ၣ်လီၤ.

မၤတၢ် 15:32

စီၤယူဒၤဒီးစီၤစံလၤလၢအမ့ၢ်ဝံတဖၣ်, ကတိၤတၢ်ဒီးအပျဲၢ်အဘီၣ် တဖၣ်ဖးယံာ်, ဒီးဟ့ၣ်ဆူၣ်ထီၣ်အဂံၢ်အဘါဒီးဟ့ၣ်အီၤတၢ်သူၣ်ဒူသးဒူန့ၣ် လီၤ.

မၤတၢ် 18:22

ဖဲအဝဲဒၣ်လဲၤတုၤလၢဝ့ၢ်ကဲၤစါရံၤန့ၣ်လဲၤထီၣ်ဆူဝ့ၢ်ယရူၤၡလ့ၣ် ဒီးဆၢဂ့ၤဆၢဝါတၢ်အိၣ်ဖှိၣ်ဖိတဖၣ်, ဝံၤဒီးလဲၤထီၣ်ဆူဝ့ၢ်အၣ်တံၤအီာ်ဘၣ်ဃးဒီးကီၢ်စူၤရံန့ၣ်လီၤ.

မၤတၢ် 2:17

‘ကစၢ်ယွၤစံးဝဲဒၣ်, အအံၤမ့ၢ်တၢ်လၢယကမၤအီၤလၢ မုၢ်နံၤမုၢ်သီ လၢခံကတၢၢ်တဖၣ်, ယကလူလီၤဂၢ်လီၤယသးလၢ ပှၤဟီၣ်ခိၣ်ဖိခဲလၢာ်အလိၤ, သုဖိမုၣ်ဖိခွါတဖၣ်ကတဲဖျါထီၣ်ယတၢ်ကစီၣ်, သုပှၤသးစၢ်တဖၣ်ကထံၣ်တၢ်ထံၣ်လၢညါခီတဖၣ်, ဒီးသုပှၤသးပှၢ်တဖၣ်ကမံမီၢ်တၢ်မံမီၢ်တဖၣ်လီၤ.

မၤတၢ် 21:4

ပထံၣ်ပှၤစူၢ်က့ၤနာ်က့ၤတၢ်ဖဲန့ၣ်တနီၤ, ဒီးအိၣ်ဒီးအဝဲသ့ၣ်တနွံလီၤ. အဝဲသ့ၣ်တဖၣ်န့ၣ်သးစီဆှံထိၣ်ဂဲၤအီၤသတးဒီး, တဲဘၣ်စီၤပီလူးလၢအသုတလဲၤဆူဝ့ၢ်ယရူၤၡလ့ၣ်တဂ့ၤန့ၣ်လီၤ.

မၤတၢ် 21:9

အဝဲဒၣ်အိၣ်ဒီးအဖိမုၣ်မုၣ်ကနီၤလွံၢ်ဂၤ, လၢအတဲဖျါထီၣ်ကစၢ်ယွၤအတၢ်ကစီၣ်န့ၣ်လီၤ.

မၤတၢ် 6:5

ပှၤတၢ်မၢဖိတဖၣ်အတၢ်ဟ့ၣ်ကူၣ်ဟ့ၣ်ဖးန့ၣ်ပှၤဒီဖုညါဘၣ် သူၣ်ဘၣ်သးဝဲဒိၣ်မးသတးဒီး, အဝဲသ့ၣ်ဃုထၢထီၣ်ဝဲစီၤစတ့းဖၣ်, ပှၤတဂၤလၢအလၢပှဲၤဒီးတၢ်စူၢ်တၢ်နာ်ဒီးသးစီဆှံ, ဒီးဃုထၢထီၣ်စ့ၢ်ကီးဝဲ စီၤဖံလံးပူး, စီၤပြဃီၢ်, စီၤနံၤကါနီၢ်, စီၤတံမိၣ်, စီၤပၢ်မ့းနး, ပှၤအၣ်တံၤအီာ်ဖိစီၤနံၤကလါလၢအနုာ်လီၤဆူ ပှၤယူဒၤဖိအတၢ်ဘူၣ်တၢ်ဘါအပူၤတဖၣ်န့ၣ်လီၤ.

1 ကရံၣ်သူး 12:10

သးစီဆှံဟ့ၣ်ပှၤတဂၤတၢ်စိတၢ်ကမီၤလၢအကမၤတၢ်လီၤလးတဖၣ်, ပှၤအဂၤတဂၤ, တၢ်ဟ့ၣ်ဘၣ်ဃးတၢ်ကတိၤတၢ်လၢဝံအကျိာ်, ဒီးပှၤတဂၤဒၣ်တၢ်သ့တၢ်ဘၣ်လၢအကပဲာ်ဖးနီၤဖးတၢ်ဟ့ၣ်တဖၣ်လၢ အဟဲလၢသးစီဆှံအအိၣ်ဒီးတၢ်ဟ့ၣ်တဖၣ်လၢအတဟဲလၢသးစီဆှံ အအိၣ်န့ၣ်အတၢ်လီၤဆီလီၤ. ဆူပှၤတဂၤအအိၣ်န့ၣ်, အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ်တၢ်စံး ကတိၤလၢကျိာ်လၢပှၤတနၢ်ပၢၢ်အီၤတဖၣ်, ဒီးဆူပှၤတဂၤဒၣ် အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ် တၢ်စံးကတိၤလၢကျိာ်လၢပှၤတနၢ်ပၢၢ်ဘၣ်တဖၣ်အခီပညီန့ၣ်လီၤ.

1 ကရံၣ်သူး 12:28

လၢတၢ်အိၣ်ဖှိၣ်အပူၤန့ၣ်, ကစၢ်ယွၤပာ်ပှၤကိးဂၤဒဲးလၢအလီၢ် အကျဲဒၣ်ဝဲလီၤ. အဆိကတၢၢ်ပှၤတၢ်မၢဖိတဖၣ်, ခံဖုတဖု, ဝံဧိၤမီၣ်ဧိၤတဖၣ်, သၢဖုတဖု, သရၣ်တဖၣ်, အန့ၣ်ဝံၤပှၤလၢအမၤတၢ်လီၤလးတဖၣ်, ဒီးပိာ်ထီၣ်အခံလၢပှၤဘၣ်တၢ်ဟ့ၣ်စိဟ့ၣ်ကမီၤအီၤ လၢကမၤဘျါက့ၤတၢ်, မ့တမ့ၢ်ကမၤစၢၤပှၤဂၤတဖၣ်, မ့တမ့ၢ်ကနဲၣ်န့ၢ်အဝဲသ့ၣ်အကျဲ, မ့တမ့ၢ်ကစံးကတိၤတၢ်လၢကျိာ်လၢပှၤနၢ်တပၢၢ်တဖၣ်န့ၣ်လီၤ.

1 ကရံၣ်သူး 14:32

တၢ်ဟ့ၣ်ဘၣ်ဃးတၢ်ကတိၤလၢဝံအကျိာ်န့ၣ်, ကြၢးဘၣ်တၢ်ပၢၤဃာ်အီၤလၢပှၤကတိၤတၢ်န့ၣ်လီၤ.

ကလၤတံ 2:11

ဘၣ်ဆၣ်ဒီးဖဲစီၤပ့းတရူးဟဲတုၤဖဲဝ့ၢ်အၣ်တံၤအီာ်န့ၣ်, ယကတိၤထီဒါအီၤလၢကမျၢၢ်အမဲာ်ညါမ့ၢ်လၢအဝဲအတၢ် ကမၣ်အိၣ်အဃိန့ၣ်လီၤ.

အ့းဖ့းစူး 4:11

အဝဲမ့ၢ်ပှၤလၢအဟ့ၣ်ပှၤဟီၣ်ခိၣ်ဖိလၢတၢ်ဟ့ၣ်တဖၣ်လီၤ. ပှၤတနီၤန့ၣ်, ဟ့ၣ်ဒုးကဲဝဲလၢတၢ်မၢဖိ, အဂၤတနီၤလၢဝံ, အဂၤတနီၤပှၤစိာ်တၢ်သးခုအကစီၣ်, အဂၤတနီၤတၢ်အိၣ်ဖှိၣ်သရၣ်ဒီးသရၣ်သိၣ်လိတၢ်တဖၣ်န့ၣ်လီၤ.