မၤတၢ် 11:26 - Sgaw Karen Common Bible

²⁶ တုၤအထံၣ်န့ၢ်အီၤဒီးဟဲက့ၤကိးအီၤဆူဝ့ၢ်အၣ်တံၤအီာ်န့ၣ်လီၤ. လၢဒီနံၣ်ညါအတီၢ်ပူၤန့ၣ်, အဝဲသ့ၣ်ခံဂၤအံၤထံၣ်လိာ်အိၣ်သကိးဒီးတၢ်အိၣ်ဖှိၣ်ဖဲန့ၣ် ဒီးသိၣ်က့ၤသီက့ၤပှၤဂီၢ်မုၢ်လီၤ. အပျဲၢ်အဘီၣ်တဖၣ်ဘၣ်တၢ်ကိး အီၤလၢပှၤခရံာ်ဖိအဆိကတၢၢ်မ့ၢ်ဝဲဒၣ်ဖဲဝ့ၢ်အၣ်တံၤအီာ်အံၤန့ၣ်လီၤ.

မၤတၢ် 11:26 Iomraidhean Croise

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်မးသဲ 28:19

လၢတၢ်န့ၣ်အဃိ, လဲၤဆူပှၤကလုာ်ခဲလၢာ်အအိၣ်လၢတၢ်လီၢ်ကိးပူၤဒဲး ဒီးဒုးကဲထီၣ်အဝဲသ့ၣ်လၢယပျဲၢ်ယဘီၣ်တဖၣ်တက့ၢ်. ဘျၢအဝဲသ့ၣ်လၢပၢ်, ဖိဒီးသးစီဆှံအမံၤအပူၤန့ၣ်တက့ၢ်.

လံာ်ယိၤဟၣ် 2:2

ယ့ၣ်ၡူးဒီးအပျဲၢ်အဘီၣ်တဖၣ်ဘၣ်တၢ်ကွဲစ့ၢ်ကီးအီၤဆူမူး တမူးအံၤန့ၣ်လီၤ.

မၤတၢ် 1:15

လၢခံစှၤသီန့ၣ်စီၤပ့းတရူးဂဲၤဆၢထၢၣ်ကတိၤတၢ်လၢပှၤ စူၢ်က့ၤနာ်က့ၤယ့ၣ်ၡူးတဖၣ်အမဲာ်ညါ, ပှၤခဲလၢာ်လၢအပာ်ဖှိၣ်ထီၣ်အသးကအိၣ်အဂၤတကယၤခံဆံ, ဒီးစံးဝဲ,

မၤတၢ် 11:20

မ့မ့ၢ်ပှၤစူၢ်က့ၤနာ်က့ၤတၢ်အဂၤတနီၤလၢကီးကူပြူးဒီးကီၢ်ကူၤရ့ၤန့ တဖၣ်, လဲၤဝဲတုၤလၢဝ့ၢ်အၣ်တံၤအီာ်ဒီးစံၣ်တဲၤတဲလီၤတၢ်ကစီၣ်လၢ ပှၤကလုာ်ဂၤတဖၣ်စ့ၢ်ကီး, ဒီးစံးဘၣ်တဲဘၣ်အဝဲသ့ၣ်တၢ်သးခုအကစီၣ်ဘၣ်ဃးကစၢ်ယ့ၣ်ၡူး အဂ့ၢ်န့ၣ်လီၤ.

မၤတၢ် 11:22

တၢ်ဂ့ၢ်တမံၤအံၤအကစီၣ်လဲၤတုၤဆူတၢ်အိၣ်ဖှိၣ်လၢဝ့ၢ်ယရူၤၡလ့ၣ်, သတးဒီးအဝဲသ့ၣ်ဆှၢလီၤစီၤဘၢ်နါဘၤဆူဝ့ၢ်အၣ်တံၤအီာ်န့ၣ်လီၤ.

မၤတၢ် 11:27

အကတီၢ်ဖဲန့ၣ်, ဝံတနီၤဟးထီၣ်လၢဝ့ၢ်ယရူၤၡလ့ၣ်ဒီးလဲၤဆူဝ့ၢ်အၣ် တံၤအီာ်န့ၣ်လီၤ.

မၤတၢ် 11:29

အပျဲၢ်အဘီၣ်တဖၣ်အိၣ်ဒီးတၢ်ပာ်လီၤအသးတဂၤဘၣ် တဂၤလၢအကဆှၢလီၤတၢ်မၤစၢၤအါအါတသ့ဖဲအသ့ဒ်သိး ကမၤစၢၤအဒီပုၢ်ဝဲၢ်အိၣ်လၢကီၢ်ယူဒၤတဖၣ်အဂီၢ်လီၤ.

မၤတၢ် 14:20

ဘၣ်ဆၣ်ဒီးဖဲပှၤစူၢ်က့ၤနာ်က့ၤတၢ်တဖၣ်လဲၤအိၣ်ဝးတရံးအီၤန့ၣ်, အဝဲဒၣ်ဂဲၤဆၢထၢၣ်ဒီးက့ၤနုာ်က့ၤဝဲဆူဝ့ၢ်ပူၤ, ဒီးမုၢ်ဆ့ၣ်ထီၣ်တနံၤန့ၣ်, အဝဲဒီး စီၤဘၢ်နါဘၤလဲၤဆူဝ့ၢ်ဒ့ၢ်ဘ့ၤလီၤ.

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

မၤတၢ် 14:23

လၢတၢ်အိၣ်ဖှိၣ်တဖုဘၣ်တဖုအပူၤန့ၣ်, အဝဲသ့ၣ်ဃုထၢထီၣ်သူၣ်က့သးပှၢ်တဖၣ်, ဒီးလၢတၢ်ထုကဖၣ်ဒီးတၢ်ဒုၣ်တၢ်အီၣ်အပူၤ, အဝဲသ့ၣ်ဟ့ၣ်လီၤအးလီၤပှၤတဖၣ်န့ၣ်ဆူကစၢ်လၢအဝဲသ့ၣ်သူၣ်လီၤ အတၢ်စူၢ်တၢ်နာ်လၢအပူၤတဂၤအစုပူၤန့ၣ်လီၤ.

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

မၤတၢ် 14:28

ဖဲန့ၣ်အဝဲသ့ၣ်အိၣ်ဒီး ပှၤစူၢ်က့ၤနာ်က့ၤတၢ်တဖၣ်ဖးယံာ်ညါလီၤ.

မၤတၢ် 18:27

ဖဲစီၤအပီးလိၤပာ်လီၤအသးလၢအကလဲၤဆူကီၢ်အဃါယၤန့ၣ်, အပျဲၢ်အဘီၣ်ဖဲဝ့ၢ်အ့းဖ့းစူးတဖၣ်မၤစၢၤအီၤခီဖျိအကွဲး လံာ်ဆူအပျဲၢ်အဘီၣ်အိၣ်လၢကီၢ်အဃါယၤတဖၣ်အအိၣ်, ဒီးသဆၣ်ထီၣ်အဝဲသ့ၣ်အခံဒ်သိးအကတူၢ်လိာ်မုာ်အီၤဖဲန့ၣ်လီၤ. ဖဲအဝဲဒၣ်လဲၤတုၤန့ၣ်, ကဲထီၣ်တၢ်မၤစၢၤအဒိၣ်အမုၢ်လၢပှၤလၢအကဲထီၣ်တ့ၢ်ပှၤလၢ အစူၢ်က့ၤနာ်က့ၤတၢ်ခီဖျိကစၢ်ယွၤအဘျုးအဖှိၣ်တဖၣ်အဂီၢ်လီၤ.

မၤတၢ် 19:9

ဘၣ်ဆၣ်ဒီးအဝဲသ့ၣ်တနီၤအခိၣ်ကိၤဒီးတစူၢ်တနာ်တၢ်ဘၣ်. ဒီးလၢပှၤကမျၢၢ်ဒီဖုအမဲာ်ညါန့ၣ်, ကတိၤအၢကတိၤသီဝဲကစၢ် အကျဲန့ၣ်လီၤ. လၢတၢ်န့ၣ်အဃိ, စီၤပီလူးဟးဖးဒီးအဝဲသ့ၣ်ဒီးကိးဃုာ်အပျဲၢ်အဘီၣ်တဖၣ်လၢ အသကိး, ဒီးကိးနံၤဒဲးန့ၣ်ကွၢ်ဆိကမိၣ်ကတိၤသကိးတၢ်ဖဲစီၤတူၤရၣ်နူး သိၣ်လိတၢ်အဘျီၣ်ပူၤန့ၣ်လီၤ.

မၤတၢ် 20:1

ဖဲတၢ်တၢထီၣ်တၢလီၤဘှ့ၣ်လီၤက့ၤဝံၤအလီၢ်ခံန့ၣ်, စီၤပီလူးကိးဖှိၣ်အပျဲၢ်အဘီၣ်တဖၣ်ဒီးကတိၤဟ့ၣ်ဂံၢ် ဟ့ၣ်ဘါအဝဲသ့ၣ်ဝံၤ, ဆၢဂ့ၤဆၢဝါအဝဲသ့ၣ်ဒ်သိးအကလီၤ ဖးဒီးအီၤမုာ်မုာ်အဂီၢ်လီၤ. အန့ၣ်ဝံၤအလီၢ်ခံအဝဲဒၣ်ဟးထီၣ်ဒီးလဲၤဆူကီၢ်မၤက့းဒနံန့ၣ်လီၤ.

မၤတၢ် 20:30

ဆၢကတီၢ်ကတုၤဃီၤဝဲဖဲပှၤတနီၤလၢသုသိးသုကျါဒၣ်ဝဲ ကလီန့ၢ်တၢ်ဒ်သိးအကကွဲန့ၢ်လွဲန့ၢ်အပျဲၢ်အဘီၣ်တဖၣ်ဆူ အအိၣ်လီၤ.

မၤတၢ် 21:4

ပထံၣ်ပှၤစူၢ်က့ၤနာ်က့ၤတၢ်ဖဲန့ၣ်တနီၤ, ဒီးအိၣ်ဒီးအဝဲသ့ၣ်တနွံလီၤ. အဝဲသ့ၣ်တဖၣ်န့ၣ်သးစီဆှံထိၣ်ဂဲၤအီၤသတးဒီး, တဲဘၣ်စီၤပီလူးလၢအသုတလဲၤဆူဝ့ၢ်ယရူၤၡလ့ၣ်တဂ့ၤန့ၣ်လီၤ.

မၤတၢ် 26:28

စီၤအကြံးပၤစံးဘၣ်စီၤပီလူး, “လၢတၢ်ဆၢကတီၢ်ဖုၣ်ကိာ်ဖိအပူၤ အံၤန့ၣ်, မ့ၢ်နဆိကမိၣ်လၢနကဒုးကဲထီၣ်ယၤပှၤခရံာ်ဖိတဂၤန့ၣ်ဧါ.”

မၤတၢ် 6:1

လၢခံက့ၤဖဲအပျဲၢ်အဘီၣ်တဖၣ်အနီၣ်ဂံၢ်အါထီၣ်ဝဲကွ့ၢ်ကွ့ၢ်န့ၣ်, ပှၤယူဒၤဖိလၢအကတိၤထဲကြံးခ်အကျိာ်တဖၣ်ကဒူးကဒ့ၣ်ထီဒါ ပှၤယူဒၤဖိလၢအကတိၤအကျိာ်ဒၣ်ဝဲတဖၣ်န့ၣ်လီၤ. အဝဲသ့ၣ်စံးဝဲလၢဖဲအဘၣ်ဃးဒီးတၢ်ဟ့ၣ်နီၤလီၤလၢတနံၤဂီၢ် တနံၤဂီၢ်န့ၣ်, ပှၤတကနၣ်ဃုာ်အဝဲသ့ၣ်အပှၤမုၣ်ကမဲတဖၣ်ဘၣ် န့ၣ်လီၤ.

မၤတၢ် 6:5

ပှၤတၢ်မၢဖိတဖၣ်အတၢ်ဟ့ၣ်ကူၣ်ဟ့ၣ်ဖးန့ၣ်ပှၤဒီဖုညါဘၣ် သူၣ်ဘၣ်သးဝဲဒိၣ်မးသတးဒီး, အဝဲသ့ၣ်ဃုထၢထီၣ်ဝဲစီၤစတ့းဖၣ်, ပှၤတဂၤလၢအလၢပှဲၤဒီးတၢ်စူၢ်တၢ်နာ်ဒီးသးစီဆှံ, ဒီးဃုထၢထီၣ်စ့ၢ်ကီးဝဲ စီၤဖံလံးပူး, စီၤပြဃီၢ်, စီၤနံၤကါနီၢ်, စီၤတံမိၣ်, စီၤပၢ်မ့းနး, ပှၤအၣ်တံၤအီာ်ဖိစီၤနံၤကလါလၢအနုာ်လီၤဆူ ပှၤယူဒၤဖိအတၢ်ဘူၣ်တၢ်ဘါအပူၤတဖၣ်န့ၣ်လီၤ.

မၤတၢ် 9:19

ဒီးတုၤအအီၣ်တၢ်အီတၢ်ဝံၤဒီး, အဂံၢ်အဘါအိၣ်ထီၣ်က့ၤဝဲလီၤ. စီၤစီလူးအိၣ်ဝဲစှၤနံၤစှၤသီလၢအပျဲၢ်အဘီၣ်တဖၣ်အသိးလၢ ဝ့ၢ်ဒၤမ့ၤစ့းအပူၤလီၤ.

မၤတၢ် 9:38

ဝ့ၢ်လူးဒၤအိၣ်ဘူးဝဲဒီးဝ့ၢ်ယၤဖိၤအဃိ, တုၤအပျဲၢ်အဘီၣ်တဖၣ်နၢ်ဟူဘၣ်လၢစီၤပ့းတရူးအိၣ်ဝဲလၢဝ့ၢ် လူးဒၤန့ၣ်ဒီး, အဝဲသ့ၣ်မၢလီၤပှၤခံဂၤဆူအဝဲဒၣ်အအိၣ်, ဒီးဃ့သကွံၢ်ကညးအီၤဒီးစံး, “ဝံသးစူၤမၤချ့ချ့ဒီးဟဲဘၣ်ဆူပအိၣ်တက့ၢ်.”

1 ကရံၣ်သူး 11:18

အဆိကတၢၢ်န့ၣ်, ယဘၣ်တၢ်စံးဘၣ်တဲဘၣ်ယၤလၢသုတၢ်ပာ်ဖှိၣ်ထီၣ် သကိးသုသးအပူၤန့ၣ်တၢ်ထီဒုၣ်ထီဒါလိာ်သုသးအိၣ်ဝဲဒၣ်, ဒီးယနာ်လၢတၢ်ဂ့ၢ်အဝဲအံၤမ့ၢ်ဝဲတီဝဲတနီၤလီၤ.

1 ကရံၣ်သူး 12:12

ခရံာ်လီၤဂာ်ဒ်နီၢ်ခိထဲတဂၤဃီလၢအအိၣ်ဒီးက့ၢ်ဂီၤအါမံၤလီၤ. အဝဲဒၣ်ဘၣ်တၢ်ဒုးအိၣ်ထီၣ်အီၤအိၣ်ဒီးက့ၢ်ဂီၤအါမံၤဘၣ်ဆၣ် ဒီး, မ့ၢ်ဒၣ်နီၢ်ခိတဂၤဃီလီၤ.

1 ကရံၣ်သူး 14:23

မ့မ့ၢ်ဒ်န့ၣ်ဒီး, တၢ်အိၣ်ဖှိၣ်ဒီဖုညါမ့ၢ်ထံၣ်လိာ်ပာ်ဖှိၣ်သကိး အသးဒီးပှၤကိးဂၤဒဲးဒီးစးထီၣ်ကတိၤတၢ်လၢပျ့ၤလီၤဆီတဖၣ်, ဒီးပှၤမုၢ်ဆ့ၣ်မုၢ်ဂီၤတနီၤမ့တမ့ၢ်ပှၤတစူၢ်တနာ်တၢ်တဖၣ်ဟဲနုာ် လီၤန့ၣ်, အဝဲသ့ၣ်ကစံးလၢသုပျုၢ်ကိးဂၤဒဲးလီၤတမ့ၢ်ဘၣ်ဧါ.

1 ကရံၣ်သူး 4:17

လၢတၢ်တမံၤအံၤအဂီၢ်န့ၣ်, ယဆှၢလီၤယဲစီၤတံၤမသ့းဆူသုအိၣ်, အဝဲဒၣ်မ့ၢ်ယဖိသးဘိဒၣ်ယဲလၢခရံာ်အပူၤ, လၢအသးတီဝဲတဂၤ လီၤ. အဝဲဒၣ်ကဒုးသ့ၣ်နီၣ်ထီၣ်သုတၢ်ဘျၢတဖၣ်လၢယပိာ်ထွဲယဲ လၢတၢ်အိၣ်မူအသီဘၣ်ဃးတၢ်ပာ်ဖှိၣ်ထီၣ်ဃုာ်သးတဖျၢၣ်ဃီလၢ ယ့ၣ်ၡူးခရံာ်အပူၤ, ဒီးလၢယသိၣ်လီၤသီလီၤယဲလၢအဂ့ၢ်လၢတၢ်အိၣ်ဖှိၣ်ကိးဖုဒဲး အပူၤ, သကုၤဆးဒးလီၤ.

အ့းဖ့းစူး 3:15

ပၢ်လၢဒူၣ်ထၢကိးဒူၣ်ဒဲးလၢမူခိၣ်ဒီးဟီၣ်ခိၣ်တဖၣ်ဒိးန့ၢ် ဘၣ်အမံၤအမ့ၢ်အတီတဂၤန့ၣ်လီၤ.

ယၤကိာ် 2:7

အဝဲသ့ၣ်မ့ၢ်ပှၤတဖၣ်လၢကတိၤအၢသုမံၤအဂ့ၤလၢအဘၣ် တၢ်ဟ့ၣ်တ့ၢ်သုန့ၣ်လီၤ.

၁ ပ့းတရူး 4:14

သုမ့ၢ်ဘၣ်တၢ်ဒုၣ်ဒွဲၣ်သုလၢသုမ့ၢ်ပှၤတဖၣ်လၢ အပိာ်ခရံာ်အခံအဃိဒီး, သုဘၣ်တၢ်ဆိၣ်ဂ့ၤလီၤ. တၢ်အံၤအခီပညီမ့ၢ်ဝဲ, တၢ်လၤကပီၤအသးဒီးကစၢ်ယွၤအသးအိၣ်ဝဲဆိးဝဲလၢသုလိၤလီၤ.

၁ ပ့းတရူး 4:16

သနာ်က့, သုမ့ၢ်တူၢ်ဘၣ်တၢ်လၢသုမ့ၢ်ပှၤခရံာ်ဖိတဂၤအဃိ ဒီး, တဘၣ်မဲာ်ဆှးတဂ့ၤ. မ့မ့ၢ်စံးဘျုးကစၢ်ယွၤလၢသုစိာ်ခရံာ်အမံၤအဃိန့ၣ်တက့ၢ်.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.

လံာ်လီၣ်ဖျါ 3:18

လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.