မၤတၢ် 11:24 - Sgaw Karen Common Bible

²⁴ စီၤဘၢ်နါဘၤမ့ၢ်ပှၤဂ့ၤပှၤဝါတဂၤလၢအလၢပှဲၤဒီးသးစီဆှံ ဒီးတၢ်စူၢ်တၢ်နာ်လီၤ. ဒီးပှၤအါဂၤဘၣ်တၢ်ဆှၢက့ၤအီၤဆူကစၢ် အအိၣ်န့ၣ်လီၤ.

မၤတၢ် 11:24 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:27

ပှၤခိးကွၢ်တၢ်ဖိစံးဝဲဒၣ်, “ယထံၣ်ဘၣ်လၢပှၤအခီၣ်ထံးတဂၤ ဃ့ၢ်ဝဲလီၤဂာ်ဒ်စီၤအဃံမ့ၤဧးန့ၣ်လီၤ.” စီၤပၤစံးဝဲဒၣ်, “အဝဲမ့ၢ်ဒၣ်ပှၤအဂ့ၤတဂၤလီၤ. ဒီးအဝဲဟဲစိာ်တၢ်ကစီၣ်လၢအဂ့ၤန့ၣ်လီၤ.”

စံးထီၣ်ပတြၢၤ 112:5

ပှၤလၢအသူၣ်အိၣ်သးအိၣ်တၢ်ဒီးဟ့ၣ်လိၢ်တၢ်, ပှၤလၢမၤအတၢ်ဖံးတၢ်မၤလၢ တၢ်စံၣ်ညီၣ်တီအပူၤန့ၣ်ဘၣ်ဆိၣ် ဂ့ၤဝဲလီၤ.

စံးထီၣ်ပတြၢၤ 37:23

ယွၤနဲၣ်လိပှၤကညီအကျဲလၢကဘၣ်လဲၤဝဲ ဒီးကဟုဘံၣ်ကယာ်ဘၢပှၤလၢ အမၤမုာ်အသးန့ၣ်လီၤ.

တၢ်ကတိၤဒိ. 12:2

ယွၤဘၣ်အသးလၢပှၤအဂ့ၤတဖၣ်န့ၣ်လီၤ. မ့မ့ၢ်စံၣ်ညီၣ်ဃၣ်ပှၤလၢအကူၣ်ထီၣ်တၢ်အၢတၢ်သီလီၤ.

တၢ်ကတိၤဒိ. 13:22

ပှၤအဂ့ၤတဂၤကအိၣ်ဒီးတၢ်ထူးတၢ်တီၤလၢကပာ်လီၤတဲာ်တ့ၢ်ဝဲလၢ အလံၤတဖၣ်အဂီၢ်လီၤ. မ့မ့ၢ်ပှၤတၢ်ဒဲးဘးဖိတဖၣ်အတၢ်ထူးတၢ်တီၤန့ၣ်ကလဲၤဆူပှၤတီ ပှၤလိၤတဖၣ်အအိၣ်လီၤ.

တၢ်ကတိၤဒိ. 14:14

ပှၤအၢပှၤသီတဖၣ်ကဒိးန့ၢ်တၢ်ကြၢးဒီးအီၤလီၤ. ပှၤဂ့ၤပှၤဝါတဖၣ်ကဘၣ်တၢ်ဟ့ၣ်ဘျုးအီၤလၢအတၢ်မၤတဖၣ်အဃိလီၤ.

လံာ်မးသဲ 12:35

ပှၤအဂ့ၤန့ၣ်ဟံးထီၣ်ဟ့ၣ်ထီၣ်တၢ်အဂ့ၤလၢအဝဲအတၢ်ဂ့ၤအတၢ်ပာ် ဖှိၣ်လီၢ်အပူၤန့ၣ်လီၤ. ဒီးပှၤအအၢန့ၣ်လၢအဝဲအတၢ်အၢအတၢ်ပာ်ဖှိၣ်လီၢ်အပူၤန့ၣ်ဟံး ထီၣ်ဟ့ၣ်ထီၣ်တၢ်အၢလီၤ.

လံာ်မးသဲ 19:17

ယ့ၣ်ၡူးစံးဆၢအီၤ, “ဘၣ်မနုၤလၢနသံကွၢ်ယၤဘၣ်ဃးဒီးတၢ်ဂ့ၤန့ၣ်လဲၣ်. ပှၤအဂ့ၤအိၣ်ဒၣ်ထဲယွၤတဂၤဧိၤလီၤ. နမ့ၢ်အဲၣ်ဒိးလဲၤနုာ်လီၤဆူတၢ်မူအထူအယိာ်အပူၤဒီး, တိၢ်န့ၢ်တၢ်မၤလိာ်တဖၣ်န့ၣ်တက့ၢ်.”

လံာ်လူၤကၣ် 23:50

ပှၤအိၣ်ဝဲဒၣ်တဂၤလၢအမံၤမ့ၢ်စီၤယိၤသးလၢဝ့ၢ်အရံၤမၤသဲ ဘၣ်ဃးဒီးကီၢ်ယူဒၤန့ၣ်လီၤ. အဝဲဒၣ်မ့ၢ်ပှၤအဂ့ၤအဝါဒီးအတီ အလိၤတဂၤ, လၢအအိၣ်ခိးကွၢ်လၢ်ယွၤအဘီအမုၢ်အတၢ်ဟဲန့ၣ်လီၤ. အဝဲမ့ၢ်ကီၣ်ကးအကရၢဖိတဂၤသနာ်က့, တဘၣ်သူၣ်ဘၣ်သးလၢအဝဲသ့ၣ်အတၢ်အၢၣ်လီၤစံၣ်ညီၣ် ဒီးအတၢ်ဖံးတၢ်မၤတဖၣ်ဘၣ်လီၤ.

လံာ်ယိၤဟၣ် 7:12

လၢပှၤဂီၢ်မုၢ်အကျါ, ပှၤကတိၤကသွံကသွါတၢ်လၢ ယ့ၣ်ၡူးအဂ့ၢ်အကျိၤအါမးလီၤ. လၢအကျါတနီၤစံးဝဲ, “အဝဲမ့ၢ်ပှၤအဂ့ၤတဂၤလီၤ.” အဂၤတနီၤတခီစံးဝဲ, “တမ့ၢ်ဘၣ်, အဝဲမ့ၢ်ပှၤလၢအဆှၢကမၣ်ပှၤဂီၢ်မုၢ်လီၤ.”

မၤတၢ် 11:21

ဒီးကစၢ်အစိကမီၤအိၣ်ဒီးအဝဲသ့ၣ်, ဒီးပှၤဂီၢ်မုၢ်ဂီၢ်ပၤစူၢ်က့ၤနာ်က့ၤတၢ်ဒီး ဃၣ်က့ၤအသးဆူကစၢ်အအိၣ်န့ၣ်လီၤ.

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

မၤတၢ် 2:47

အိၣ်ဒီးတၢ်စံးထီၣ်ပတြၢၤကစၢ်ယွၤ, ဒီးအဝဲသ့ၣ်ဒိးန့ၢ်ပှၤခဲလၢာ်အတၢ်ဘၣ်သူၣ်ဘၣ်သးန့ၣ်လီၤ. ဒီးကိးနံၤဒဲးန့ၣ်, ကစၢ်ပာ်ဖှိၣ်အါထီၣ်ပှၤဒိးန့ၢ်တၢ်အုၣ်က့ၤခီၣ်က့ၤ တဖၣ်ဆူအဝဲသ့ၣ်အတၢ်အိၣ်ဖှိၣ်အပူၤန့ၣ်လီၤ.

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

မၤတၢ် 5:14

ဘၣ်ဆၣ်ဒီး, ပှၤလၢအစူၢ်က့ၤနာ်က့ၤကစၢ်အနီၣ်ဂံၢ်မုၣ်မုၣ်ခွါခွါအါထီၣ်ဝဲဒၣ်ပှီၢ်ပှီၢ်န့ၣ်လီၤ.

မၤတၢ် 6:3

သတးဒီးဒီပုၢ်ဝဲၢ်သ့ၣ်ဧၢ, ဃုထၢထီၣ်ပှၤနွံဂၤလၢသုကျါ, လၢအဘၣ်တၢ်သ့ၣ်ညါအီၤဒ်အမ့ၢ်ပှၤတဖၣ်လၢအလၢပှဲၤဒီးသးစီ ဆှံဒီးတၢ်ကူၣ်သ့ဒီးပကပာ်လီၤမူဒါတခါအံၤလၢအဝဲသ့ၣ် အစုပူၤလီၤ.

မၤတၢ် 6:5

ပှၤတၢ်မၢဖိတဖၣ်အတၢ်ဟ့ၣ်ကူၣ်ဟ့ၣ်ဖးန့ၣ်ပှၤဒီဖုညါဘၣ် သူၣ်ဘၣ်သးဝဲဒိၣ်မးသတးဒီး, အဝဲသ့ၣ်ဃုထၢထီၣ်ဝဲစီၤစတ့းဖၣ်, ပှၤတဂၤလၢအလၢပှဲၤဒီးတၢ်စူၢ်တၢ်နာ်ဒီးသးစီဆှံ, ဒီးဃုထၢထီၣ်စ့ၢ်ကီးဝဲ စီၤဖံလံးပူး, စီၤပြဃီၢ်, စီၤနံၤကါနီၢ်, စီၤတံမိၣ်, စီၤပၢ်မ့းနး, ပှၤအၣ်တံၤအီာ်ဖိစီၤနံၤကလါလၢအနုာ်လီၤဆူ ပှၤယူဒၤဖိအတၢ်ဘူၣ်တၢ်ဘါအပူၤတဖၣ်န့ၣ်လီၤ.

မၤတၢ် 6:8

စီၤစတ့းဖၣ်, ပှၤလၢအလၢပှဲၤဒီးကစၢ်ယွၤအဘျုးအဖှိၣ်ဒီးတၢ်စိတၢ် ကမီၤတဂၤန့ၣ်, မၤဝဲတၢ်လီၤလးဒီးတၢ်ပနီၣ်လီၤလးအဒိၣ်အမုၢ် တဖၣ်လၢပှၤသ့ၣ်တဖၣ်အကျါလီၤ.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

ရိမ့ၤ 15:15

ဘၣ်ဆၣ်ဒီး လၢတၢ်ကွဲးအံၤအပူၤယကွဲးတၢ်ဒူဒူဘၣ်ဃးတၢ် ဂ့ၢ်တနီၤလၢယဒုးသ့ၣ်နီၣ်ထီၣ်တ့ၢ်လံသုန့ၣ်လီၤ. ယပာ်ဒူ ယသးမ့ၢ်လၢကစၢ်ယွၤဟ့ၣ်တ့ၢ်ယၤတၢ်ခွဲးတၢ်ယာ်,

ရိမ့ၤ 5:7

ပှၤတဂၤကတူၢ်သံအသးလၢပှၤအတီအလိၤတဂၤအဂီၢ် န့ၣ်, မ့ၢ်တၢ်ကီတၢ်ခဲတမံၤလီၤ. ဘၣ်ဆၣ်ဒီးလၢပှၤအဂ့ၤ တဂၤအဂီၢ်န့ၣ်, ဘၣ်သ့ၣ်သ့ၣ်ပှၤကအိၣ်ဝဲတဂၤဂၤလၢ အတူၢ်သံအသးကဘူၣ်န့ၣ်လီၤ.