မၤတၢ် 11:21 - Sgaw Karen Common Bible

²¹ ဒီးကစၢ်အစိကမီၤအိၣ်ဒီးအဝဲသ့ၣ်, ဒီးပှၤဂီၢ်မုၢ်ဂီၢ်ပၤစူၢ်က့ၤနာ်က့ၤတၢ်ဒီး ဃၣ်က့ၤအသးဆူကစၢ်အအိၣ်န့ၣ်လီၤ.

မၤတၢ် 11:21 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:12

ကစၢ်ယွၤမၤစ့ၢ်ကီးတၢ်လၢကီၢ်ယူဒၤအပူၤဒီးပာ်ဖှိၣ်က့ၤပှၤ ဂီၢ်မုၢ်ခီဖျိလၢအဝဲသ့ၣ်အတၢ်ပာ်လီၤအသးလၢကစူၢ်အဝဲအတၢ်ဘၣ် သူၣ်ဘၣ်လၢတၢ်မၤထွဲစီၤပၤဒီးအပဒိၣ်ပပှၢ်တဖၣ်အတၢ်မၤလိာ်တဖၣ် န့ၣ်လီၤ.

လံာ်စီၤဧ့စြၤ 8:18

လၢကစၢ်ယွၤအဘျုးအဖှိၣ်အဃိ, အဝဲသ့ၣ်ဆှၢလီၤန့ၢ်ပှၤစီၤၡ့ၤ ရ့ဘယၤ, ပှၤတဂၤလၢအအိၣ်ဒီးတၢ်သ့တၢ်ဘၣ်, ပှၤလ့ၤဝံဖိတဂၤလၢစီၤမၤဃလံအဒူၣ်ထၢ, ဒီးအဖိခွါဒီးအဒီပုၢ်ဝဲၢ်ခွါတဆံဃိးဂၤဟဲဃုာ်ဒီးအီၤန့ၣ်လီၤ.

လံာ်စီၤနဃ့မယၤ 2:18

ဒီးယတဲဘၣ်အဝဲသ့ၣ်လၢကစၢ်ယွၤအိၣ်ဒီးယၤဒီးမၤစၢၤယၤဒ် လဲၣ်, ဒီးစီၤပၤတဲယၤဒ်လဲၣ်န့ၣ်လီၤ. ဒီးအဝဲသ့ၣ်စံးဆၢဝဲ, “မ်ပကဘှီထီၣ်ကဒါက့ၤသကိးတၢ်တ က့ၢ်.” ဒီးအဝဲသ့ၣ်အိၣ်ကတဲာ်ကတီၤအသးလၢကမၤတၢ်န့ၣ်လီၤ.

လံာ်စီၤနဃ့မယၤ 2:8

ဒီးယဃ့စ့ၢ်ကီးစီၤပၤလၢကကွဲးန့ၢ်ယၤလံာ်ပရၢတဘ့ၣ်ဆူပှၤ ပၢၤစီၤပၤအသ့ၣ်ပှၢ်စီၤအၤစာ်အအိၣ်ဒီးမၢအီၤလၢအကဟ့ၣ်ယၤသ့ၣ် လၢယွၤအတၢ်လုၢ်ဟံၣ်အဃၢၤတိာ်လၢအဒီသဒၢအီၤအကျဲစၢၤတဖၣ်အထူၣ် အဂီၢ်, ဒီးလၢဝ့ၢ်အခိၣ်ဒူအဂီၢ်ဒီးလၢဟံၣ်လၢယကအိၣ်အဂီၢ်န့ၣ်လီၤ. ဒီးစီၤပၤဟ့ၣ်ယၤကယဲၢ်တၢ်လၢယဃ့ယဲခဲလၢာ်မ့ၢ်လၢကစၢ်ယွၤ အိၣ်ဒီးယၤအဃိန့ၣ်လီၤ.

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

လံာ်ယၡါယၤ 59:1

ဆိကမိၣ်ထီၣ်လၢယွၤအံၤအဂံၢ်ဘါစၢ်ကဲၣ်ဆိးလၢကအုၣ် က့ၤခီၣ်က့ၤသုအဂီၢ်မ့ၢ်ဂ့ၤ, အနၢ်တအၢကဲာ်ဆိးတုၤဒၣ်လဲာ် ကနၢ်ဟူသုတၢ်ကိးထီၣ်လၢတၢ်မၤစၢၤအဂီၢ်မ့ၢ်ဂ့ၤန့ၣ်တဂ့ၤ.

လံာ်လူၤကၣ် 1:66

ကယဲၢ်ပှၤလၢအနၢ်ဟူဘၣ်တၢ်ဂ့ၢ်တမံၤအံၤန့ၣ်, ဆိကမိၣ်ဝဲလၢအဂ့ၢ်ဒီးသံကွၢ်ဝဲ, “ဖိသၣ်တဂၤအံၤကကဲထီၣ်တၢ်မနုၤလဲၣ်.” အဂ့ၢ်ဒ်အံၤအိၣ်ဖျါဝဲဒၣ်ဆှံဆှံလၢကစၢ်အစိကမီၤအိၣ်လၢ အဝဲဒၣ်အလိၤန့ၣ်လီၤ.

မၤတၢ် 11:24

စီၤဘၢ်နါဘၤမ့ၢ်ပှၤဂ့ၤပှၤဝါတဂၤလၢအလၢပှဲၤဒီးသးစီဆှံ ဒီးတၢ်စူၢ်တၢ်နာ်လီၤ. ဒီးပှၤအါဂၤဘၣ်တၢ်ဆှၢက့ၤအီၤဆူကစၢ် အအိၣ်န့ၣ်လီၤ.

မၤတၢ် 15:19

စီၤယၤကိာ်ကတိၤဒံးတၢ်ဒီးစံးဝဲ, “တၢ်လၢယထံၣ်န့ၣ်, ပတကြၢးမၤတံာ်တာ်ပှၤကလုာ်ဂၤတဖၣ်လၢအဃၣ်က့ၤ အသးဆူကစၢ်ယွၤအအိၣ်န့ၣ်ဘၣ်.

မၤတၢ် 2:47

အိၣ်ဒီးတၢ်စံးထီၣ်ပတြၢၤကစၢ်ယွၤ, ဒီးအဝဲသ့ၣ်ဒိးန့ၢ်ပှၤခဲလၢာ်အတၢ်ဘၣ်သူၣ်ဘၣ်သးန့ၣ်လီၤ. ဒီးကိးနံၤဒဲးန့ၣ်, ကစၢ်ပာ်ဖှိၣ်အါထီၣ်ပှၤဒိးန့ၢ်တၢ်အုၣ်က့ၤခီၣ်က့ၤ တဖၣ်ဆူအဝဲသ့ၣ်အတၢ်အိၣ်ဖှိၣ်အပူၤန့ၣ်လီၤ.

မၤတၢ် 4:4

ဘၣ်ဆၣ်ဒီးပှၤအါဂၤလၢအနၢ်ဟူဘၣ်တၢ်ကစီၣ်န့ၣ်, စူၢ်က့ၤနာ်က့ၤယ့ၣ်ၡူးသတးဒီး, ပှၤစူၢ်က့ၤနာ်က့ၤတၢ်ခဲလၢာ်ကပှဲၤထီၣ်ယဲၢ်ကထိဂၤဃၣ်ဃၣ်န့ၣ်လီၤ.

မၤတၢ် 5:14

ဘၣ်ဆၣ်ဒီး, ပှၤလၢအစူၢ်က့ၤနာ်က့ၤကစၢ်အနီၣ်ဂံၢ်မုၣ်မုၣ်ခွါခွါအါထီၣ်ဝဲဒၣ်ပှီၢ်ပှီၢ်န့ၣ်လီၤ.

မၤတၢ် 6:7

အန့ၣ်သတးဒီးကစၢ်ယွၤအကလုၢ်ကထါရၤလီၤအသးအါထီၣ်ဝဲကွ့ၢ် ကွ့ၢ်လီၤ. အပျဲၢ်အဘီၣ်အနီၣ်ဂံၢ်လၢဝ့ၢ်ယရူၤၡလ့ၣ်အပူၤအါထီၣ်ဂီၢ် ထီၣ်ဒိၣ်ဒိၣ်ကလဲာ်, ဒီးပှၤလုၢ်တၢ်အခိၣ်တဘျုးဒံတဘျုးဂၤစူၢ် က့ၤနာ်က့ၤတၢ်လီၤ.

မၤတၢ် 9:35

ကယဲၢ်ပှၤအိၣ်လၢဝ့ၢ်လူးဒၤဒီးတၢ်ပၢၤခိၣ်ၡၤရိၣ်ခဲလၢာ်ထံၣ်ဘၣ်အီၤ သတးဒီးကဲထီၣ်ပှၤစူၢ်က့ၤနာ်က့ၤကစၢ်န့ၣ်လီၤ.

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.