မၤတၢ် 11:18 - Sgaw Karen Common Bible

¹⁸ ဖဲအဝဲသ့ၣ်နၢ်ဟူဘၣ်တၢ်ဂ့ၢ်တမံၤအံၤန့ၣ်, အဝဲသ့ၣ်ဆိကတီၢ်ကွံာ်အတၢ်ကတိၤပာ်တၢ်ကမၣ်, ဒီးစံးထီၣ်ပတြၢၤယွၤဒီးစံးဝဲ, “မ့မ့ၢ်ဒ်န့ၣ်ဒီးကစၢ်ယွၤဟ့ၣ်စ့ၢ်ကီးလံပှၤကလုာ်ဂၤတဖၣ် တၢ်အခွဲးအယာ်လၢအကပီၢ်ယၢ်ဒီးဃၣ်လိၤက့ၤအသးဒီးကမူဝဲအဂီၢ် န့ၣ်လီၤ.”

မၤတၢ် 11:18 Iomraidhean Croise

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယဃ့းစက့လး 36:26

ယကဟ့ၣ်လီၤသုလၢသးအသီတဖျၢၣ်ဒီးတၢ်ပာ်သူၣ်ပာ်သးအသီ တမံၤန့ၣ်လီၤ. ယကဟံးထီၣ်ကွံာ်သုသးလၢအကိၤဒ်လၢၢ်အသိး ဒီးဟ့ၣ်လီၤသုသးလၢအစူၢ်တၢ်တဖျၢၣ်န့ၣ်လီၤ.

လံာ်ယဃ့းစက့လး 47:22

ကီၢ်န့ၣ်ကဘၣ်မ့ၢ်သုတၢ်လီၤစိၤလီၤဃၣ်န့ၣ်လီၤ. ပှၤတခီဘီမုၢ်ဖိတဖၣ်လၢအအိၣ်ဆိးလၢသု ကျါဒီးပှၤတဖၣ်လၢအအိၣ်ဖျဲၣ်ထီၣ်ဖဲအံၤစ့ၢ်ကီးကဘၣ်မၤန့ၢ် စ့ၢ်ကီးတၢ်နီၤဖးလၢအဂီၢ်လၢကီၢ်အံၤအပူၤဖဲသုနီၤလီၤအီၤ အခါန့ၣ်လီၤ. အဝဲသ့ၣ်ကဘၣ်တၢ်ပာ်အီၤဒ်ပှၤအံၣ်စရ့လး အထံဖိကီၢ်ဖိတဖၣ်နီၢ်နီၢ်အသိးဒီးကဘၣ်ဖီၣ်တၢ်ဖးတဖၣ်လၢ အကီၢ်တၢ်န့ၢ်သါတဖၣ်အဂီၢ်ဃုာ်ဒီးကီၢ်အံၣ်စရ့လးအဒူၣ် ထၢတဖၣ်န့ၣ်လီၤ.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

မၤတၢ် 11:1

ပှၤတၢ်မၢဖိဒီးပှၤစူၢ်က့ၤနာ်က့ၤတၢ်သကုၤကီၢ်ယူဒၤတဖၣ်, နၢ်ဟူဘၣ်ဝဲလၢပှၤကလုာ်ဂၤတဖၣ်စ့ၢ်ကီးဒိးန့ၢ်ဘၣ်လံကစၢ် ယွၤအကလုၢ်ကထါလံန့ၣ်လီၤ.

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

မၤတၢ် 15:3

အဝဲသ့ၣ်ဘၣ်တၢ်ဆှၢလီၤအီၤလၢတၢ်အိၣ်ဖှိၣ်ဒီးဖဲအဝဲသ့ၣ် လဲၤခီဂာ်ကီၢ်ဖံၤနံက့ၤဒီးကီၢ်ၡၤမရံန့ၣ်, တဲဖျါထီၣ်ဝဲဘၣ်ဃးပှၤကလုာ်ဂၤတဖၣ်စူၢ်က့ၤနာ်က့ၤကစၢ်ယွၤ အဂ့ၢ်, ဒီးတၢ်ကစီၣ်အဝဲအံၤဒုးသးခုပှၤစူၢ်က့ၤနာ်က့ၤတၢ်ကိးဂၤ ဒဲးအဒိၣ်အအါလီၤ.

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

မၤတၢ် 21:20

အဝဲသ့ၣ်နၢ်ဟူအဝဲအတၢ်စံးတၢ်ကတိၤဝံၤဒီး, စံးထီၣ်ပတြၢၤကစၢ်ယွၤကိးဂၤဒဲးလီၤ. အန့ၣ်ဝံၤဒီးစံးဝဲ, “ဒီပုၢ်ဝဲၢ်စီၤပီလူးဧၢ, နကထံၣ်လၢပှၤယူဒၤဖိလၢအကဲထီၣ် ပှၤစူၢ်က့ၤနာ်က့ၤတၢ်အိၣ်ဝဲလၢအကထိဒီးအကထိတဖၣ်, ဒီးအဝဲသ့ၣ်ခဲလၢာ်ပာ်ဒိၣ်ပှၤယူဒၤဖိအတၢ်သိၣ်တၢ်သီလီၤ.

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

မၤတၢ် 3:26

အန့ၣ်သတးဒီး, ကစၢ်ယွၤဃုထၢထီၣ်အခ့အပှၤဒီးမၢလီၤဝဲလၢအကဟဲအဆိ ကတၢၢ်ဆူသုအိၣ်ဒ်သိးကဆိၣ်ဂ့ၤသု, ဒီးဒုးဃၣ်ကွံာ်သုကိးဂၤဒဲးလၢ သုကျဲအအၢအသီတဖၣ်န့ၣ်လီၤ.”

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.

ရိမ့ၤ 9:30

မ့မ့ၢ်ဒ်န့ၣ်ဒီးပကစံးဒ်လဲၣ်. ပှၤကလုာ်ဂၤတဖၣ်လၢအတကျဲးစၢးမၤလိၤမၤဘၣ်အသးဒီး ကစၢ်ယွၤန့ၣ်, ဘၣ်တၢ်ပာ်တီပာ်လိၤအီၤခီဖျိတၢ်နာ်န့ၣ်လီၤ.

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

၂ ကရံၣ်သူး 7:10

အဂ့ၢ်ဒ်အံၤ, တၢ်သးအုးလၢအဘၣ်တၢ်သူအီၤလၢကစၢ် ယွၤန့ၣ်, ဒုးအိၣ်ထီၣ်တၢ်လဲလိာ်သးလၢအဆှၢပှၤဆူတၢ်အုၣ်က့ၤ ခီၣ်က့ၤဒီးလၢအဝဲန့ၣ်အပူၤ တၢ်သးအုးလၢအဃိတအိၣ်နီ တမံၤဘၣ်. မ့မ့ၢ်တၢ်သးအုးလၢအဘၣ်ထွဲဒၣ်ဒီးပှၤဟီၣ်ခိၣ်ဖိ ဧိၤန့ၣ်, ဒုးအိၣ်ထီၣ်တၢ်သံတၢ်ပှၢ်လီၤ.

ကလၤတံ 1:24

မၤသးဒ်န့ၣ်ဒီး, အဝဲသ့ၣ်စံးထီၣ်ပတြၢၤယွၤလၢယဃိန့ၣ်လီၤ.

လံာ်စီၤယိၤၡူ 22:30

ပှၤလုၢ်တၢ်အခိၣ်စီၤဖံၤနဃၣ်ဒီးပှၤအခိၣ်အဂၤတဆံ လၢအလဲၤဃုာ်တ့ၢ်တၢ်ဒီးအီၤလၢအမ့ၢ်ဝဲပှၤမုၢ်နုာ်အဒူၣ်တဖၣ်, အဒူၣ်ဖိထၢဖိအခိၣ်တဖၣ်န့ၣ်, နၢ်ဟူဘၣ်ဝဲတၢ်လၢပှၤရူၤဘ့ၣ်ဖိ, ပှၤကးဖိ, ဒီးပှၤမုၢ်ထီၣ်မနၤၡ့ၤဖိအဒူၣ်တဖၣ်စံးတ့ၢ်ဝဲန့ၣ်ဒီး, အဝဲသ့ၣ်သးမံဝဲလီၤ.