မၤတၢ် 11:1 - Sgaw Karen Common Bible

¹ ပှၤတၢ်မၢဖိဒီးပှၤစူၢ်က့ၤနာ်က့ၤတၢ်သကုၤကီၢ်ယူဒၤတဖၣ်, နၢ်ဟူဘၣ်ဝဲလၢပှၤကလုာ်ဂၤတဖၣ်စ့ၢ်ကီးဒိးန့ၢ်ဘၣ်လံကစၢ် ယွၤအကလုၢ်ကထါလံန့ၣ်လီၤ.

မၤတၢ် 11:1 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 32:15

ဘၣ်ဆၣ်ဒီးကစၢ်ယွၤကဟ့ၣ်လီၤပှၤလၢအသးအသီတဘျီ န့ၣ်လီၤ. ဟီၣ်ခိၣ်လီၤဃိကကဲထီၣ်က့ၤဟီၣ်ခိၣ်ညၣ်ထ့ၣ်, ဒီးစံာ်ပျီတဖၣ်ကဟ့ၣ်ထီၣ်တၤသူတၤသၣ်အါအါဂီၢ်ဂီၢ်လီၤ.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 42:6

“ယၤ, ယွၤအံၤ, ယကိးထီၣ်သုဒီးဟ့ၣ်သုတၢ်စိတၢ်ကမီၤ ဒ်သိးသုကကွၢ်ထွဲမၤတၢ်စံၣ်ညီၣ်တီအဂ့ၢ်အခၢးလၢဟီၣ်ခိၣ်အံၤ န့ၣ်လီၤ. ခီဖျိသုန့ၣ်, ယကမၤတၢ်အၢၣ်လီၤအီလီၤတမံၤဒီးပှၤဂီၢ်မုၢ်ခဲ လၢာ်လီၤ. ခီဖျိသုန့ၣ်, ယကဟဲစိာ်တၢ်ကပီၤဆူပှၤကလုာ်တဖၣ်အအိၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 52:10

ယွၤကသူအစိကမီၤစီဆှံဒၣ်ဝဲ, ကအုၣ်က့ၤခီၣ်က့ၤအပှၤဂီၢ်မုၢ်, ဒီးဟီၣ်ခိၣ်ဒီဘ့ၣ်ကထံၣ်ဘၣ်တၢ်န့ၣ်လီၤ.

လံာ်ယၡါယၤ 60:3

ပှၤကလုာ်တဖၣ်ကဘၣ်တၢ်ထုးန့ၣ်အီၤဆူနတၢ်ကပီၤအပူၤ, ဒီးစီၤပၤတဖၣ်ဆူနမုၢ်နံၤအသီအမုၢ်ဆ့ၣ်ဝါထီၣ်န့ၣ်လီၤ.

လံာ်ယၡါယၤ 62:2

ဝ့ၢ်ယရူၤၡလ့ၣ်ဧၢ, ပှၤကလုာ်တဖၣ်ကထံၣ်နမၤနၢၤတၢ်န့ၣ်လီၤ. အဝဲသ့ၣ်အစီၤပၤခဲလၢာ်ကထံၣ်ဘၣ်နလၤကပီၤလီၤ. နကဘၣ်တၢ်ကိးနၤလၢမံၤအသီတဖျၢၣ်မံၤလၢ ယွၤအကစၢ်ဒၣ်ဝဲယုၢ်န့ၢ်အီၤန့ၣ်လီၤ.

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်ဟိၤၡ့ 2:23

ယကဒုးအိၣ်ဂၢၢ်ဆိးကျၢၤယပှၤဂီၢ်မုၢ်လၢထံကီၢ်အပူၤဒီးဒုး ဘီၣ်ထီၣ်ညီထီၣ်အီၤန့ၣ်လီၤ. ယကဒုးနဲၣ်ယတၢ်အဲၣ်ဆူပှၤတဖၣ်လၢအဘၣ်တၢ်ကိးအီၤလၢ “တၢ်တအဲၣ်အီၤ” အအိၣ်ဒီးဆူပှၤတဖၣ်လၢအဘၣ်တၢ်ကိးအီၤလၢ “တမ့ၢ်ယွၤအပှၤဂီၢ်မုၢ်ဘၣ်” အအိၣ်န့ၣ်လီၤ. ယကစံး, “သုမ့ၢ်ယပှၤဂီၢ်မုၢ်” ဒီးအဝဲသ့ၣ်ကစံးဆၢ, “နမ့ၢ်ပကစၢ်ယွၤ” န့ၣ်လီၤ.

လံာ်မံကၤ 5:7

ဒီးလၢပှၤအါကလုာ်အဂီၢ်န့ၣ်အံၣ်စရ့လးအပှၤဂီၢ်မုၢ်လၢအအိၣ် လီၤတဲာ်တဖၣ်ကမၤအသးဒ်ဘှ့ၣ်ဒီးတၢ်စူၤထံ လၢယွၤဆှၢလီၤအီၤ လၢကမၤသံကစဲာ်ထီၣ်တၢ်မုၢ်တၢ်ဘိလၢအမဲထီၣ်တဖၣ်အသိးန့ၣ်လီၤ. အဝဲသ့ၣ်ကသန့ၤထီၣ်အသးလၢကစၢ်ယွၤ, ဒီးတမ့ၢ်ဘၣ်ပှၤကညီဘၣ်.

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.

လံာ်စဖါနယၤ 3:9

အန့ၣ်တစု, ယကလဲလိာ်ကွံာ်ပှၤကလုာ်တဖၣ်အပှၤဂီၢ်မုၢ်, ဒီးအဝဲသ့ၣ်ကဃ့ထီၣ်တၢ်ထဲဆူယၤတဂၤလီၤ. ဒီးဆူကစၢ်အဂၤတဖၣ်အအိၣ်န့ၣ်တဃ့လၢၤတၢ်ဘၣ်န့ၣ်လီၤ. အဝဲသ့ၣ်ခဲလၢာ်ကစူၢ်ယၤလီၤ.

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မးသဲ 2:1

ယ့ၣ်ၡူးအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ် ဘၣ်ဃးဒီးကီၢ်ယူဒၤ, ဖဲစီၤပၤဟ့ၤရိာ်ပၢတၢ်အကတီၢ်န့ၣ်လီၤ. ပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်ဟဲဆူဝ့ၢ်ယရူၤၡလ့ၣ် ဒီးသံကွၢ်တၢ်ဒီးစံး,

လံာ်မးသဲ 8:11

ယစံးဘၣ်သု, ဖဲမူခိၣ်ဘီမုၢ်အမူးဖးဒိၣ်ဘၣ်ဝဲန့ၣ်, ပှၤအါဒံအါဂၤကဟဲဝဲလၢ မုၢ်ထီၣ်ဒီးမုၢ်နုာ်ဒီးဆ့ၣ်နီၤအီၣ်သကိးတၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်လီၤ.

လံာ်မၢ်ကူး 16:5

တုၤအဝဲသ့ၣ်လဲၤနုာ်ဝဲဆူတၢ်သွၣ်ခိၣ်အပူၤန့ၣ်ဒီး, ထံၣ်ဝဲပိာ်ခွါသးစၢ်တဂၤဆ့ၣ်နီၤလၢအဝဲသ့ၣ်အစုထွဲတကပၤ, သိးဒီးဆ့ကၤဝါဖးထီတဘ့ၣ်, ဒီးအဝဲသ့ၣ်ဖုးဘၣ်အသးဒီးအသးလီၤကတုၤဝဲဒၣ်လီၤ.

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

မၤတၢ် 1:15

လၢခံစှၤသီန့ၣ်စီၤပ့းတရူးဂဲၤဆၢထၢၣ်ကတိၤတၢ်လၢပှၤ စူၢ်က့ၤနာ်က့ၤယ့ၣ်ၡူးတဖၣ်အမဲာ်ညါ, ပှၤခဲလၢာ်လၢအပာ်ဖှိၣ်ထီၣ်အသးကအိၣ်အဂၤတကယၤခံဆံ, ဒီးစံးဝဲ,

မၤတၢ် 11:29

အပျဲၢ်အဘီၣ်တဖၣ်အိၣ်ဒီးတၢ်ပာ်လီၤအသးတဂၤဘၣ် တဂၤလၢအကဆှၢလီၤတၢ်မၤစၢၤအါအါတသ့ဖဲအသ့ဒ်သိး ကမၤစၢၤအဒီပုၢ်ဝဲၢ်အိၣ်လၢကီၢ်ယူဒၤတဖၣ်အဂီၢ်လီၤ.

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

မၤတၢ် 15:3

အဝဲသ့ၣ်ဘၣ်တၢ်ဆှၢလီၤအီၤလၢတၢ်အိၣ်ဖှိၣ်ဒီးဖဲအဝဲသ့ၣ် လဲၤခီဂာ်ကီၢ်ဖံၤနံက့ၤဒီးကီၢ်ၡၤမရံန့ၣ်, တဲဖျါထီၣ်ဝဲဘၣ်ဃးပှၤကလုာ်ဂၤတဖၣ်စူၢ်က့ၤနာ်က့ၤကစၢ်ယွၤ အဂ့ၢ်, ဒီးတၢ်ကစီၣ်အဝဲအံၤဒုးသးခုပှၤစူၢ်က့ၤနာ်က့ၤတၢ်ကိးဂၤ ဒဲးအဒိၣ်အအါလီၤ.

မၤတၢ် 28:15

ဒီပုၢ်ဝဲၢ်ပှၤစူၢ်က့ၤနာ်က့ၤတၢ်ဖဲဝ့ၢ်ရိမ့ၤတဖၣ်နၢ်ဟူဘၣ်ပဂ့ၢ်ပကျိၤ ဒီးဟဲအိၣ်ခိးပခိၣ်တုၤလၢဝ့ၢ်လၢအမံၤမ့ၢ်အးပံပရူးအဖၠါပူၤဒီးပှၤ သမှံၤအဘျီၣ်သၢဖျၢၣ်န့ၣ်လီၤ. ဖဲစီၤပီလူးထံၣ်အဝဲသ့ၣ်န့ၣ်, အဝဲဒၣ်စံးဘျုးစံးဖှိၣ်ကစၢ်ယွၤဒီးအသးအဂံၢ်အဘါဆူၣ် ထီၣ်ဝဲဒိၣ်မးန့ၣ်လီၤ.