မၤတၢ် 10:42 - Sgaw Karen Common Bible

⁴² ဒီးအဝဲဒၣ်မၤလိာ်ပှၤဒ်သိးပကစံၣ်တဲၤတဲလီၤတၢ်သးခုအကစီၣ် ဆူပှၤဂီၢ်မုၢ်, ဒီးအုၣ်ပသးလၢအဝဲမ့ၢ်ပှၤတဂၤလၢယွၤဖှူတ့ၢ်အီၤလၢ အကကဲပှၤမူဒီးပှၤသံတဖၣ်အစံၣ်ညီၣ်ကွီၢ်န့ၣ်လီၤ.

မၤတၢ် 10:42 Iomraidhean Croise

လံာ်လူၤကၣ် 16:28

ဖဲယဒီပုၢ်ဝဲၢ်ပိာ်ခွါအိၣ်ဝဲယဲၢ်ဂၤန့ၣ်တက့ၢ်. ပျဲအဝဲဒၣ်လဲၤဒီးဟ့ၣ်ပလီၢ်အဝဲသ့ၣ်, ဒ်သိးအဝဲသ့ၣ်အသုတဟဲဘၣ်စ့ၢ်ကီးဖဲတၢ်ဘၣ်တူၢ်တၢ်အလီၢ်တတီၤ အံၤတဂ့ၤန့ၣ်တက့ၢ်.’

လံာ်လူၤကၣ် 22:22

အဂ့ၢ်မ့ၢ်လၢပှၤကညီဖိခွါကသံဝဲဒ်ကစၢ်ယွၤတိာ်ပာ်တ့ၢ်ဝဲအသိးန့ၣ်လီၤ. ဘၣ်ဆၣ်ဒီး ပှၤလၢအကဟ့ၣ်လီၤကွံာ်အီၤတဂၤန့ၣ်, ဘၣ်အဖှီၣ်ဆံးဒိၣ်လဲၣ်.

မၤတၢ် 1:2

တုၤလီၤလၢမုၢ်တနံၤလၢယွၤဟံးထီၣ်အီၤဆူမူခိၣ်န့ၣ်လီၤ. တချုးအဘၣ်တၢ်ဟံးထီၣ်အီၤဒံးဘၣ်ဒီး, ခီဖျိသးစီဆှံအစိကမီၤန့ၣ် အဝဲဒၣ်မၤလိာ်တ့ၢ်အပှၤတၢ်မၢဖိလၢအဃုထၢတ့ၢ်ဝဲတဖၣ်တၢ်လၢ အဝဲသ့ၣ်ကဘၣ်မၤဝဲတဖၣ်န့ၣ်လီၤ.

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

မၤတၢ် 24:25

ဘၣ်ဆၣ်ဒီးဖဲစီၤပီလူးကတိၤကဒီးတၢ်ဘၣ်ဃးတၢ်ဂ့ၤတၢ်ဝါ, တၢ်ပၢၤသူၣ်ပၢၤသးဒီးမုၢ်စံၣ်ညီၣ်နံၤလၢအကဟဲအဂ့ၢ်န့ၣ်, စီၤဖ့လံးပျံၤတၢ်ဒီးစံးဝဲ, “နက့ၤသ့လံ. ယတၢ်ဆၢကတီၢ်မ့ၢ်အိၣ်န့ၣ်, ယကကိးဒံးနၤလီၤ.”

မၤတၢ် 5:20

“လဲၤဒီးဆၢထၢၣ်လၢတၢ်လုၢ်ဟံၣ်အပူၤဒီးစံးဘၣ်တဲဘၣ် ပှၤတဖၣ်ဘၣ်ဃးတၢ်အိၣ်မူအသီအံၤအဂ့ၢ်ခဲလၢာ်တက့ၢ်.”

ရိမ့ၤ 2:16

လၢတၢ်န့ၣ်အဃိ, ဒ်တၢ်သးခုကစီၣ်လၢယစံၣ်တဲၤတဲလီၤ ဟဲဝဲအသိး, လၢမုၢ်နံၤတနံၤန့ၣ်ကစၢ်ယွၤ, ကစံၣ်ညီၣ်ပှၤကညီအတၢ်ဆိကမိၣ်ခူသူၣ်ခဲလၢာ်ခီဖျိယ့ၣ်ၡူး ခရံာ်, န့ၣ်လီၤ.

၂ ကရံၣ်သူး 5:10

အဂ့ၢ်ဒ်အံၤ, ပဝဲကိးဂၤဒဲးပကဘၣ်အိၣ်ဖျါထီၣ်လၢခရံာ် အမဲာ်ညါ, ဒ်သိးပကဒိးတၢ်စံၣ်ညီၣ်လၢအီၤအဂီၢ်န့ၣ် လီၤ. ပှၤတဂၤဘၣ်တဂၤကဒိးန့ၢ်တၢ်လၢအကြၢးဒီး အီၤ, ဒ်အကြၢးအဘၣ်ဒီးတၢ်လၢအဝဲဒၣ်မၤတ့ၢ်ဝဲ ခဲလၢာ်, ဂ့ၤမ့ၢ်ဂ့ၤ, အၢမ့ၢ်ဂ့ၤ, လၢအဝဲဒၣ်အနီၢ်ခိအတၢ်အိၣ်မူ အပူၤန့ၣ်လီၤ.

၂ တံၤမသ့း 4:1

လၢကစၢ်ယွၤဒီးယ့ၣ်ၡူးခရံာ်လၢအကစံၣ်ညီၣ်ပှၤအမူဒီးပှၤအသံ တဂၤအမဲာ်ညါ, ဒီးမ့ၢ်လၢအဝဲကဟဲပၢတၢ်ဒ်စီၤပၤတဂၤအသိးအဃိ, ယမၤလိာ်နၤလၢတၢ်သညူးသပှၢ်အပူၤ,

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

၁ ပ့းတရူး 4:5

ဘၣ်ဆၣ်ဒီး, အဝဲသ့ၣ်ကဘၣ်ဟ့ၣ်တၢ်စံးဆၢဘၣ်ဃးဒီးအကစၢ်ဒၣ်ဝဲဆူ ကစၢ်ယွၤအအိၣ်, ယွၤလၢအအိၣ်ကတဲာ်ကတီၤအသးလၢအကစံၣ်ညီၣ် ပှၤအမူဒီးပှၤအသံန့ၣ်လီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.

လံာ်လီၣ်ဖျါ 22:12

ယ့ၣ်ၡူးစံးဝဲဒၣ်, “ဒိကနၣ်တက့ၢ်. လၢတစိၢ်ဖိအတီၢ်ပူၤ ယကဟဲယဲလီၤ. ယကဟဲစိာ်ဃုာ်ဒီးယခိၣ်ဖးတဖၣ်ဒ်သိးယကဟ့ၣ် ပှၤတဂၤဘၣ်တဂၤ, ဒ်အဝဲဒၣ်မၤတ့ၢ်လံတၢ်အသိးန့ၣ်လီၤ.