မၤတၢ် 10:4 - Sgaw Karen Common Bible

⁴ အဝဲဒၣ်ကွၢ်ထံကလူးလၢတၢ်ပျံၤတၢ်ဖုးအပူၤဒီးစံးဝဲ, “ကစၢ်ဧၢ, မ့ၢ်မနုၤလဲၣ်.” ကလူးစံးဆၢတၢ်ဒီးစံးဝဲ, “ကစၢ်ယွၤတူၢ်လိာ်လံနတၢ်ထုကဖၣ်ဒီးနတၢ်ဟ့ၣ်သးကညီၤ တၢ်တဖၣ်, ဒီးကစံးဆၢက့ၤနၤလီၤ.

မၤတၢ် 10:4 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:24

ဖဲတၢ်ဆၢကတီၢ်အံၤန့ၣ်, စီၤပၤဃံးစကံယၤဆါထီၣ်ဝဲဘူးလၢ အကသံန့ၣ်လီၤ. အဝဲဃ့ဘါထုကဖၣ်တၢ်ဒီးယွၤဟ့ၣ်လီၤအီၤတၢ်ပနီၣ်တမံၤလၢအဝဲ ကအိၣ်ဆူၣ်ထီၣ်က့ၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:33

ဒိကနၣ်လၢ်အတၢ်ထုကဖၣ်န့ၣ်တက့ၢ်. လၢမူခိၣ်ဖဲနအိၣ်ဝဲဆိးဝဲအလီၢ်န့ၣ်ဒိကနၣ်လၢ်အီၤဒီးမၤတၢ် လၢအဝဲဃ့ဝဲလၢနကမၤန့ၢ်အီၤ, ဒ်သိးကယဲၢ်ပှၤဂီၢ်မုၢ်လၢဟီၣ်ခိၣ်ချၢခဲလၢာ်, ကသ့ၣ်ညါနၤဒီးကစူၢ်နၤ, ဒ်နပှၤဂီၢ်မုၢ်အံၣ်စရ့လးမၤဝဲအသိးန့ၣ်တက့ၢ်. အန့ၣ်ဒီးအဝဲသ့ၣ်ကသ့ၣ်ညါဝဲလၢယွၤအတၢ်လုၢ် ဟံၣ်လၢယဘှီထီၣ်အီၤအံၤ, မ့ၢ်တၢ်လီၢ်ဖဲနကဘၣ်တၢ်ဘူၣ်ထီၣ်ဘါထီၣ်နၤန့ၣ်လီၤ.

စံးထီၣ်ပတြၢၤ 141:2

မ်ယဘါထုကဖၣ်တၢ်အံၤဘၣ်တၢ်ဂံၢ်အီၤဒ် တၢ်ဆိၣ်ကဲၤနၢမူအသိးလၢနမဲာ်ညါ, ဒီးယယူာ်ထီၣ်ယစုအံၤဒ်တၢ်လုၢ်လၢ မုၢ်ဟါအသိးန့ၣ်တက့ၢ်.

စံးထီၣ်ပတြၢၤ 20:3

မ်အသ့ၣ်နီၣ်ထီၣ်က့ၤနတၢ်မၤဘူၣ်ခဲလၢာ် ဒီးသးခုတူၢ်လိာ်နတၢ်လုၢ်မ့ၣ်အူတဖၣ်န့ၣ်တက့ၢ်. စ့လၤ

လံာ်ယၡါယၤ 43:26

မ်ပကလဲၤဆူကွီၢ်ဘျီၣ်တက့ၢ်. ဟဲစိာ်နတၢ်လိာ်ဘၢလိာ်ကွီၢ် အဂ့ၢ်တက့ၢ်. ဆှၢထီၣ်နတၢ်ဂ့ၢ်ဒ်သိးနကဘၣ်တၢ်ပာ်တီပာ်လိၤနၤအဂီၢ်တက့ၢ်.

လံာ်ယၡါယၤ 45:19

ယတကတိၤတၢ်လၢတၢ်ခူသူၣ်အပူၤ ဒီးပာ်ခူသူၣ်ယတၢ်တိာ်န့ၣ်ဘၣ်. ယတမၤလိာ်ယပှၤဂီၢ်မုၢ်အံၣ်စရ့လးလၢကဃုထံၣ်န့ၢ်ယၤလၢတၢ်လီၢ် သယုၢ်အိၣ်ကလီတတီၤအပူၤန့ၣ်ဘၣ်. ယဲဒၣ်အံၤယမ့ၢ်ယွၤဒီးယကတိၤတၢ်မ့ၢ်တၢ်တီလီၤ. ယဒုးသ့ၣ်ညါတ့ၢ်တၢ်လၢအဘၣ်န့ၣ်လီၤ.

လံာ်ဒၤနံးယ့လး 10:11

မူခိၣ်ကလူးစံးဘၣ်ယၤ, “စီၤဒၤနံးယ့လးဧၢ, ကစၢ်ယွၤအဲၣ်နၤလီၤ. ဂဲၤဆၢထၢၣ်ဒီးဒိကနၣ်တၢ်လၢယစံးဘၣ်နၤလီၤတံၢ်လီၤဆဲးတက့ၢ်. ပှၤဆှၢလီၤတ့ၢ်ယၤဆူနအိၣ်လီၤ.” ဖဲအစံးဘၣ်ယၤဒ်န့ၣ်ဝံၤဒီးယ ဂဲၤဆၢထၢၣ်အိၣ်ဒံးလၢတၢ်ကနိးကစုာ်အဖၢမုၢ်လီၤ.

လံာ်တၢ်ဘူၣ်ထီၣ်ဘါထီၣ် 2:2

ဒီးဘၣ်ဟဲစိာ်အီၤဆူပှၤလုၢ်တၢ်အခိၣ်လၢအလီၤစၢၤလၢစီၤအၤဟ ရိၣ်အအိၣ်လီၤ. ပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဟံးန့ၢ်ကိၣ်ကမူၣ်တစှီၤ, ဒီးသိ, ဒီးတၢ်နၢမူခဲလၢာ်, ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်ဒ်တၢ်ပနီၣ်လၢအဘၣ် တၢ်လုၢ်ထီၣ်တ့ၢ်လံအီၤခဲလၢာ်ဆူယွၤအသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်မၤလကံ 3:16

တုၤနုၤတစု, ပှၤလၢအပျံၤယွၤန့ၣ်စံးလိာ်အသးတဂၤဒီးတဂၤ, ဒီးယွၤဒိကနၣ်, ဒီးနၢ်ဟူတၢ်လၢအဝဲသ့ၣ်စံးဝဲဒၣ်န့ၣ်လီၤ. လၢအဝဲအမဲာ်ညါန့ၣ်, တၢ်ကွဲးနီၣ်အိၣ်ကွဲးလီၤအသးလၢလံာ်တဘ့ၣ် အပူၤဘၣ်ထွဲဒီးပှၤလၢအပျံၤယွၤဒီးယူးယီၣ်ပာ်ကဲအီၤန့ၣ်လီၤ.

လံာ်မးသဲ 26:13

နာ်ယၤတက့ၢ်. ဖဲတၢ်သးခုအကစီၣ်အံၤဘၣ်တၢ်စံၣ်တဲၤတဲလီၤအီၤတပူၤလၢ်လၢ်လၢ ဟီၣ်ခိၣ်ချၢဒီဘ့ၣ်ညါအံၤန့ၣ်, တၢ်လၢပိာ်မုၣ်မၤတ့ၢ်ဝဲအံၤကဘၣ်တၢ်စံၣ်ဃဲၤအီၤလၢ တၢ်သ့ၣ်နီၣ်ထီၣ်က့ၤအီၤအဂီၢ်လီၤ.”

လံာ်လူၤကၣ် 1:29

နီၢ်မၤရံအသးဘၣ်တံာ်တာ်ဝဲဒိၣ်မးလၢကလူးအတၢ်ကစီၣ် တမံၤန့ၣ်အဃိဒီးဆိကမိၣ်ဝဲကလူးအတၢ်ကတိၤတဖၣ်န့ၣ်, မ့ၢ်တၢ်မနုၤလဲၣ်အဂ့ၢ်န့ၣ်လီၤ.

လံာ်လူၤကၣ် 24:5

ပိာ်မုၣ်တဖၣ်အံၤပှဲၤဒီးတၢ်ပျံၤတၢ်ဖုးဒီးဆုးလီၤအခိၣ်, ဖဲပှၤခံဂၤန့ၣ်စံးဘၣ်အီၤ, “ဘၣ်မနုၤအဃိသုဃုပှၤမူတဂၤလၢပှၤသံတဖၣ်အကျါလဲၣ်.

မၤတၢ် 10:31

ဒီးစံးဘၣ်ယၤ, ‘စီၤကန့လံးဧၢ, ကစၢ်ယွၤနၢ်ဟူလံနတၢ်ထုကဖၣ်ဒီး ထံၣ်ဘၣ်လံနတၢ်ဟ့ၣ်သးကညီၤတဖၣ်လံ.

မၤတၢ် 14:9

အဝဲဆ့ၣ်နီၤဖဲန့ၣ်ဒီးဒိကနၣ်စီၤပီလူးအတၢ်စံးတၢ်ကတိၤ တဖၣ်လီၤ. စီၤပီလူးကွၢ်ထံကွၢ်ဆးအီၤ, ဒီးထံၣ်လၢအဝဲဒၣ်အိၣ်ဒီးတၢ်စူၢ်တၢ်နာ်လၢတၢ်ကမၤဘျါ က့ၤအီၤအဂီၢ်အဃိ,

မၤတၢ် 22:10

ယသံကွၢ်ယဲ, ‘ကစၢ်ဧၢ, ယကဘၣ်မၤဒ်လဲၣ်.’ ဒီးကစၢ်န့ၣ်စံးဘၣ်ယၤ, ‘ဂဲၤဆၢထၢၣ်ဒီးလဲၤနုာ်ဆူဝ့ၢ်ဒၤမ့ၤစ့း အပူၤတက့ၢ်. ဒီးဖဲန့ၣ်နကဘၣ်တၢ်စံးဘၣ်တဲဘၣ်နၤတၢ်ခဲလၢာ်လၢကစၢ်ယွၤ တိာ်ပာ်ဝဲလၢနဂီၢ်လၢနကဘၣ်မၤအီၤန့ၣ်လီၤ.’

မၤတၢ် 3:4

အဝဲသ့ၣ်ကွၢ်စူၣ်အီၤဒီးစီၤပ့းတရူးစံးဘၣ်အီၤ, “ကွၢ်ထီၣ်တၢ်ဆူပအိၣ်တက့ၢ်.”

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.

ဧ့ၤဘြံၤ 13:16

တဘၣ်သးပ့ၤနီၣ်မၤဂ့ၤတၢ်ဒီးဟ့ၣ်နီၤတၢ်ဒီးပှၤဂၤတဂ့ၤ. အဂ့ၢ်ဒ်အံၤတၢ်လုၢ်ဒ်န့ၣ်တဖၣ်န့ၣ်ဘၣ်ကစၢ်ယွၤအသး လီၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.

လံာ်လီၣ်ဖျါ 8:4

တၢ်ဆိၣ်ကဲၤနၢမူအလုၢ်ခုၣ်န့ၣ်, လဲၤထီၣ်ဃုာ်ဒီးယွၤအပှၤစီဆှံတဖၣ်အတၢ်ထုကဖၣ်လၢ ကလူးအိၣ်ဆၢထၢၣ်ဖဲကစၢ်ယွၤအမဲာ်ညါတဂၤအစုပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:10

ယွၤဟဲဒီးဆၢထၢၣ်ဖဲန့ၣ်ဒီးကိးထီၣ်ဒ်အကိးတ့ၢ်ဝဲလၢညါအသိး, “စီၤၡမူၤအ့လး, စီၤၡမူၤအ့လးဧၢ,” န့ၣ်လီၤ. စီၤၡမူၤအ့လးစံးဆၢဝဲ, “ကတိၤတၢ်တက့ၢ်. နခ့နပှၤဒိကနၣ်တၢ်လီၤ.”