မၤတၢ် 10:36 - Sgaw Karen Common Bible

³⁶ သုသ့ၣ်ညါတၢ်ကစီၣ်လၢအဝဲဒၣ်ဆှၢလီၤဆူပှၤအံၣ်စရ့လးဖိ တကလုာ်အအိၣ်, လၢအဘိးဘၣ်သ့ၣ်ညါတၢ်သးခုအကစီၣ်ဘၣ်ဃးဒီးတၢ်ဃူတၢ်ဖိး ခီဖျိယ့ၣ်ၡူးခရံာ်, လၢအမ့ၢ်ပှၤကိးဂၤဒဲးအကစၢ်န့ၣ်လီၤ.

မၤတၢ် 10:36 Iomraidhean Croise

စံးထီၣ်ပတြၢၤ 45:11

စီၤပၤကအဲၣ်ဘၣ်နၤ လၢနတၢ်ဃံတၢ်လၤအဃိန့ၣ်လီၤ. အဝဲမ့ၢ်နကစၢ်, ဒီးနကဘၣ်ဒိကနၣ်အီၤလီၤ.

စံးထီၣ်ပတြၢၤ 45:6

ဘီမုၢ်လၢကစၢ်ယွၤဟ့ၣ်တ့ၢ်နၤအံၤ ကအိၣ်ဝဲအစိၤစိၤအဃၣ်ဃၣ်န့ၣ်လီၤ. နပၢနပှၤဂီၢ်မုၢ်လၢတၢ်တီတၢ်လိၤအပူၤ,

စံးထီၣ်ပတြၢၤ 72:7

လၢအမုၢ်နံၤတဖၣ်အပူၤန့ၣ်, ပှၤတီပှၤလိၤကဘီၣ်ထီၣ်ညီထီၣ်, ဒီးတၢ်ဃူတၢ်ဖိးကအိၣ်တုၤ လါတအိၣ်လၢၤဘၣ်န့ၣ်လီၤ.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မးသဲ 10:6

မ့မ့ၢ်လဲၤသုဝဲဆူပှၤအံၣ်စရ့လးဖိလၢအမ့ၢ်သိလၢအဟါမၢ် တဖၣ်အအိၣ်န့ၣ်တက့ၢ်.

လံာ်မးသဲ 11:27

ယပၢ်ဟ့ၣ်လီၤလံယၤတၢ်ခဲလၢာ်လံ. မ့တမ့ၢ်ဘၣ်ပၢ်ဘၣ်ဒီး ပှၤတသ့ၣ်ညါဘၣ်ဖိခွါနီတဂၤဘၣ်. မ့တမ့ၢ်ဘၣ်ဖိခွါဒီး ပှၤလၢဖိခွါဃုထၢလီၣ်ဖျါထီၣ်န့ၢ်အီၤဘၣ်ဒီး, ပှၤတသ့ၣ်ညါဘၣ်ပၢ်နီတဂၤဘၣ်.

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်လူၤကၣ် 1:79

ဒီးကပီၤလီၤလၢမူခိၣ်လၢ ပှၤကိးဂၤဒဲးလၢ အအိၣ်မူလၢတၢ်ခံးဒီးတၢ်သံအကဒုအပူၤ, ဒီးကဆှၢပခီၣ်ခါတဖၣ်ဆူ တၢ်ဃူတၢ်ဖိးအကျဲပူၤန့ၣ်လီၤ.”

လံာ်လူၤကၣ် 24:47

ဒီးလၢအဝဲဒၣ်အမံၤန့ၣ်, တၢ်ကစီၣ်ဘၣ်ဃးတၢ်ပီၢ်ယၢ်လီၤသးဒီးတၢ်ပျၢ်တၢ်ဒဲးဘး, ကဘၣ်တၢ်စံၣ်တဲၤတဲလီၤအီၤလၢပှၤကိးကလုာ်ဒဲးအဂီၢ်, အဆိလၢဝ့ၢ်ယရူၤၡလ့ၣ်န့ၣ်လီၤ.

မၤတၢ် 10:37

သုသ့ၣ်ညါတၢ်ဂ့ၢ်အဒိၣ်အမုၢ်တမံၤလၢအမၤအသးသကုၤ ကီၢ်ယူဒၤဒီဘ့ၣ်ညါ, စးထီၣ်လၢကီၢ်ကၤလံၤလါ, ဖဲစီၤယိၤဟၣ်စံၣ်တဲၤတဲလီၤတ့ၢ်တၢ်ဒိးဘျၢအဂ့ၢ်ဝံၤအလီၢ်ခံန့ၣ်လီၤ.

မၤတၢ် 11:19

ပှၤစူၢ်က့ၤနာ်က့ၤတၢ်တနီၤလီၤမုၢ်ပြံပြါဝဲဒၣ်, မ့ၢ်လၢတၢ်မၤအၢမၤနးအိၣ်ထီၣ်ဖဲစီၤစတ့းဖၣ်ဘၣ်တၢ်မၤသံအီၤ အဆၢကတီၢ်အဃိန့ၣ်လီၤ. အဝဲသ့ၣ်တနီၤလဲၤဝဲတုၤလၢတၢ်ပၢၤခိၣ်ဖံၤနံက့ၤဒီးကီးကူပြူးဒီး ဝ့ၢ်အၣ်တံၤအီာ်ဒီးစံးဘၣ်တဲဘၣ်တၢ်ကစီၣ်ထဲလၢပှၤယူဒၤ ဖိတကလုာ်ဧိၤလီၤ.

မၤတၢ် 13:32

ခဲကနံၣ်အံၤ, ပဟဲလၢပကဟဲစိာ်န့ၢ်သုတၢ်သးခုအကစီၣ်

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 2:36

အန့ၣ်သတးဒီး, သုဝဲပှၤအံၣ်စရ့လးဖိခဲလၢာ်သုကဘၣ်သ့ၣ်ညါ လီၤတံၢ်လၢယ့ၣ်ၡူးလၢသုပျၤထီအီၤလၢထူၣ်စုညါလိၤတဂၤအံၤ, မ့ၢ်ပှၤလၢကစၢ်ယွၤဒုးကဲထီၣ်အီၤလၢကစၢ်ဒီးခရံာ်န့ၣ်လီၤ.”

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.

ရိမ့ၤ 14:9

အဂ့ၢ်ဒ်လဲၣ်န့ၣ်, ခရံာ်သံဝဲဒီးဂဲၤဆၢထၢၣ်သမူထီၣ်က့ၤ မ့ၢ်ဒ်သိးကကဲထီၣ်ကစၢ်လၢပှၤအမူဒီးပှၤအသံတဖၣ်အဂီၢ်န့ၣ်လီၤ.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

1 ကရံၣ်သူး 15:27

အဂ့ၢ်ဒ်အံၤ, တၢ်ကွဲးအသးစံးဝဲ, “ယွၤပာ်တၢ်ခဲလၢာ်ခဲဆ့ လၢအခီၣ်ဖီလာ်လီၤ” သပှၢ်ကတၢၢ်, အိၣ်ဖျါဝဲဒၣ်ဆှံဆှံလၢတၢ်ကတိၤ, “တၢ်ခဲလၢာ်ခဲဆ့” န့ၣ်, တပၣ်ဃုာ်ဒီးကစၢ်ယွၤအနီၢ်ကစၢ်ဒၣ်ဝဲ, လၢအပာ်တၢ်ခဲလၢာ်ခဲဆ့လၢခရံာ်အဖီလာ်န့ၣ်ဘၣ်လီၤ.

1 ကရံၣ်သူး 15:47

စီၤအၤဒၣ်အဆိကတၢၢ်တဂၤလၢအဘၣ်တၢ်တ့အီၤလၢဟီၣ်ခိၣ်န့ၣ်, ဟဲလၢဟီၣ်ခိၣ်, မ့မ့ၢ်စီၤအၤဒၣ်ခံဂၤတဂၤန့ၣ်ဟဲလၢမူခိၣ်လီၤ.

ဖံလံးပံၤ 2:11

ဒီးပှၤခဲလၢာ်ကစံးဘၣ်တဲဘၣ်ပှၤကိးဂၤလၢ ယ့ၣ်ၡူးခရံာ်မ့ၢ်ကစၢ်, လၢပၢ်ကစၢ်ယွၤအလၤကပီၤအဂီၢ်လီၤ.

ကလီးစဲ 1:20

ဒီးခီဖျိအီၤန့ၣ်ကစၢ်ယွၤကမၤဘၣ်လိာ်က့ၤတၢ်ခဲလၢာ်ဒီး အနီၢ်ကစၢ်ဒၣ်ဝဲ, ဒီးခီဖျိဖိခွါအတၢ်ဒိးသံအသးလၢထူၣ်စုညါ အလိၤန့ၣ်, အဝဲမၤတၢ်ဃူတၢ်ဖိးဒီးတၢ်အိၣ်လၢဟီၣ်ခိၣ် ဒီးမူခိၣ်ခဲလၢာ်, ဒီးကိးက့ၤအဝဲသ့ၣ်ဆူအနီၢ်ကစၢ်ဒၣ်ဝဲအအိၣ် န့ၣ်လီၤ.

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

၁ ပ့းတရူး 3:22

ယ့ၣ်ၡူးလၢအက့ၤထီၣ်ဆူမူခိၣ်ဒီးအိၣ်ဝဲလၢကစၢ်ယွၤ အစုထွဲတခီဒီးပၢဘၣ်ကလူးခဲလၢာ်ဒီးမူခိၣ်တၢ်အကဟုကညီၢ်ဒီးတၢ်အစိအကမီၤတဖၣ်ခဲလၢာ်တဂၤန့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.