မၤတၢ် 10:35 - Sgaw Karen Common Bible

³⁵ ပှၤတဂၤလၢ်လၢ်, ကမ့ၢ်ဒၣ်ဝဲပှၤတကလုာ်ဂ့ၤတကလုာ်ဂ့ၤဘၣ်ဆၣ်, မ့ၢ်ပျံၤယွၤဒီးမၤတၢ်လၢအကြၢးဝဲဘၣ်ဝဲန့ၣ်, ဘၣ်တၢ်တူၢ်လိာ်အီၤလီၤ.

မၤတၢ် 10:35 Iomraidhean Croise

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

စံးထီၣ်ပတြၢၤ 19:9

တၢ်ပျံၤယွၤန့ၣ်စီဝဲဆှံဝဲ, ဒီးအိၣ်ဝဲအစိၤစိၤအဃၣ်ဃၣ်လီၤ. ယွၤအတၢ်စံၣ်ညီၣ်တဖၣ်န့ၣ်မ့ၢ်အမ့ၢ်အတီ ဒီးလိၤဝဲတီဝဲခဲလၢာ်လီၤ.

စံးထီၣ်ပတြၢၤ 85:9

မ့ၢ်မးအတၢ်အုၣ်က့ၤခီၣ်က့ၤန့ၣ် အိၣ်ဘူးဒီးပှၤလၢအပျံၤအီၤ, ဒ်သိးတၢ်လၤတၢ်ကပီၤကအိၣ်ကဆိးလၢ ပကီၢ်အပူၤန့ၣ်လီၤ.

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

တၢ်ကတိၤဒိ. 16:6

သးတီဒီးကလုၢ်တီဒီးယွၤတက့ၢ်. ဒီးကစၢ်ယွၤကပျၢ်ကွံာ်နတၢ် ဒဲးဘးလီၤ. စူၢ်ယွၤတက့ၢ်, ဒီးတၢ်အၢတၢ်သီတဘၣ်ဘၣ်နၤနီတမံၤဘၣ်.

တၢ်ကတိၤဒိ. 2:5

နမ့ၢ်မၤဒ်န့ၣ်ဒီးနကသ့ၣ်ညါတၢ်ပျံၤယွၤအခီပညီမ့ၢ်တၢ်မနုၤ မနုၤလဲၣ်ဒီးနတၢ်မၤလိဘၣ်ဃးဒီးကစၢ်ယွၤကကဲထီၣ်လိၣ်ထီၣ် ဝဲလီၤ.

တၢ်ကတိၤဒိ. 3:7

ပျဲနတၢ်ဆိကမိၣ်ဆှၢနၤလၢနကူၣ်တၢ်သ့န့ၢ်ဒံးနမ့ၢ်တၢ်န့ၣ်တဂ့ၤ. စူၢ်ဒၣ်ထဲယွၤဒီးဂ့ၢ်လိာ်တၢ်မၤကမၣ်တၢ်တက့ၢ်.

လံာ်ပှၤစံၣ်တဲၤတဲလီၤတၢ် 12:13

တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်လူၤကၣ် 1:28

ကလူးဟဲဆူအဝဲဒၣ်အအိၣ်ဒီးစံးဘၣ်အီၤ, “မ်တၢ်ဃူတၢ်ဖိးအိၣ်ဒီးနၤတက့ၢ်. ကစၢ်အိၣ်ဒီးနၤဒီးဆိၣ်ဂ့ၤတ့ၢ်လံနၤအဒိၣ်အမုၢ်လံ.”

မၤတၢ် 10:2

အဝဲဒၣ်မ့ၢ်ပှၤလၢအအဲၣ်ထူအဲၣ်ယွၤဒီးအပှၤဟံၣ်ဖိ ဃီဖိဒီဒူၣ်ညါမ့ၢ်ပှၤတဖၣ်လၢအယူးယီၣ်ဒီးပျံၤကစၢ်ယွၤန့ၣ်လီၤ. အဝဲဒၣ်မၤစၢၤပှၤယူဒၤဖိအဖှီၣ်အယာ်တဖၣ်အါမးဒီးဃ့ ဘါထုကဖၣ်ယွၤတထံၣ်ဃီလီၤ.

မၤတၢ် 10:28

ဒီးအဝဲဒၣ်စံးဘၣ်အဝဲသ့ၣ်, “သုနီၢ်ကစၢ်ဒၣ်သုဝဲသုသ့ၣ်ညါလၢပှၤယူဒၤဖိတဂၤအတၢ် ဘူၣ်တၢ်ဘါတပျဲအီၤလၢအကလဲၤဒီးရ့လိာ်အသးဒီးပှၤကလုာ် ဂၤမ့ၢ်ဂ့ၤ, ကမၤဘၣ်ထွဲအသးဒီးအီၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးကစၢ်ယွၤဒုးနဲၣ်တ့ၢ်ယၤလၢယတဘၣ်ပာ်ပှၤနီတဂၤလၢ အတကဆှီမ့ၢ်ဂ့ၤ, တစီတဆှံမ့ၢ်ဂ့ၤန့ၣ်ဘၣ်လီၤ.

မၤတၢ် 15:9

အဝဲဒၣ်တပာ်လီၤဆီပဝဲပှၤယူဒၤဖိတဖၣ်ဒီးအဝဲသ့ၣ်ပှၤကလုာ်ဂၤ တဖၣ်န့ၣ်ဘၣ်. အဝဲပျၢ်ကွံာ်အဝဲသ့ၣ်အတၢ်ဒဲးဘးမ့ၢ်လၢ အစူၢ်က့ၤနာ်က့ၤတၢ်အဃိန့ၣ်လီၤ.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

ရိမ့ၤ 2:13

အဂ့ၢ်ဒ်လဲၣ်န့ၣ်, ပှၤကညီဘၣ်တၢ်ပာ်တီပာ်လိၤအီၤလၢကစၢ် ယွၤအမဲာ်ညါ, တမ့ၢ်လၢအနၢ်ဟူဘၣ်တၢ်သိၣ်တၢ်သီအဃိဘၣ်. မ့မ့ၢ်, မ့ၢ်လၢအမၤထွဲတၢ်သိၣ်တၢ်သီအဃိန့ၣ်လီၤ.

ရိမ့ၤ 2:14

ပှၤကလုာ်ဂၤတဖၣ်တအိၣ်ဒီးတၢ်သိၣ်တၢ်သီဘၣ်. ဘၣ်ဆၣ်တဘျီလၢ်လၢ်ဖဲအဝဲသ့ၣ်လၢအသးဒၣ်ဝဲအတၢ်ဒုးသ့ၣ်ညါအီၤ န့ၣ်, မ့ၢ်မၤထွဲတၢ်သိၣ်တၢ်သီအခံဒီး, အဝဲသ့ၣ်မ့ၢ်တအိၣ်ဒီးတၢ်သိၣ် တၢ်သီနာ်သက့အဝဲသ့ၣ်မ့ၢ်တၢ်သိၣ်တၢ်သီလၢအကစၢ်ဒၣ်ဝဲအဂီၢ် န့ၣ်လီၤ.

ရိမ့ၤ 3:22

ကစၢ်ယွၤပာ်တီပာ်လိၤပှၤဟီၣ်ခိၣ်ဖိခီဖျိအဝဲသ့ၣ်အတၢ်စူၢ်တၢ်နာ် ယ့ၣ်ၡူးခရံာ်န့ၣ်လီၤ. ကစၢ်ယွၤမၤတၢ်အံၤလၢပှၤလၢအစူၢ်က့ၤနာ်က့ၤခရံာ်ကိးဂၤဒဲးအဂီၢ်, မ့ၢ်လၢတၢ်လီၤဆီတအိၣ်ဘၣ်လၢပှၤယူဒၤဖိဒီးပှၤကလုာ်ဂၤ တဖၣ်အဘၢၣ်စၢၤအဃိလီၤ.

1 ကရံၣ်သူး 12:13

လၢကျဲတဘိဃီန့ၣ်, ပဝဲကိးနီၢ်ဂၤဒဲး, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, ကုၢ်မ့ၢ်ဂ့ၤ, ပှၤသဘျ့မ့ၢ်ဂ့ၤ, ပဘၣ်တၢ်ဒိးဘျၢတ့ၢ်ပှၤဆူနီၢ်ခိတဂၤဃီလၢသးစီဆှံတဂၤဃီ, ဒီးပဝဲကိးဂၤဒဲးပဘၣ်တၢ်ဟ့ၣ်တ့ၢ်ပှၤသးစီဆှံတဂၤဃီ လၢပကအီအီၤအဂီၢ်န့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

အ့းဖ့းစူး 5:21

ဒိးပၢဒိးဆှၢလိာ်သုသးတဂၤဒီးတဂၤလၢတၢ်ပာ်ဒိၣ်ပာ်ကဲ ခရံာ်အဃိန့ၣ်တက့ၢ်.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

ကလီးစဲ 3:11

လၢတၢ်အိၣ်မူအသီအံၤအပူၤန့ၣ်, တၢ်ပာ်တၢ်အဒူၣ်အဆၢဒ် ပှၤကလုာ်အဂၤ, ဒီးပှၤယူဒၤဖိ, ပှၤဒိးတၢ်ကူးတရံးဒီးပှၤတဒိးဘၣ် တၢ်ကူးတရံး, ပှၤတခီထံတခီကီၢ်, ပှၤရၢၢ်ပှၤစၢၢ်, ပှၤကုၢ်ဖိဒီးပှၤသဘျ့ဖိတဖၣ်အိၣ်တသ့လၢၤဘၣ်. အဂ့ၢ်ဒ်အံၤ, ခရံာ်မ့ၢ်တၢ်ခဲလၢာ်ဒီးအိၣ်ဝဲဆိးဝဲလၢပှၤခဲလၢာ်အပူၤလီၤ.

၁ ယိၤဟၣ် 2:29

သုသ့ၣ်ညါလၢခရံာ်န့ၣ်တီဝဲလိၤဝဲလီၤ. မ့မ့ၢ်ဒ်န့ၣ်ဒီး, သုကြၢးသ့ၣ်ညါလၢပှၤကိးဂၤဒဲးလၢအမၤတၢ်လၢအဘၣ် န့ၣ်, မ့ၢ်ကစၢ်ယွၤအဖိန့ၣ်လီၤ.