မၤတၢ် 10:33 - Sgaw Karen Common Bible

³³ လၢတၢ်န့ၣ်အဃိယမၢလီၤပှၤလၢအကလဲၤကိးနၤတဘျီဃီ, ဒီးမ့ၢ်မးတၢ်အဂ့ၤလၢနဟဲအဃိလီၤ. ခဲကနံၣ်အံၤ, ပဝဲကိးဂၤဒဲးပအိၣ်လၢကစၢ်ယွၤအမဲာ်ညါ, ဒီးအိၣ်ခိးဒ်သိးပကနၢ်ဟူဘၣ်တၢ်တမံၤလၢ်လၢ်လၢကစၢ်မၤလိာ်တ့ၢ် နၤလၢနကကတိၤအီၤန့ၣ်လီၤ.

မၤတၢ် 10:33 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:12

ကစၢ်ယွၤမၤစ့ၢ်ကီးတၢ်လၢကီၢ်ယူဒၤအပူၤဒီးပာ်ဖှိၣ်က့ၤပှၤ ဂီၢ်မုၢ်ခီဖျိလၢအဝဲသ့ၣ်အတၢ်ပာ်လီၤအသးလၢကစူၢ်အဝဲအတၢ်ဘၣ် သူၣ်ဘၣ်လၢတၢ်မၤထွဲစီၤပၤဒီးအပဒိၣ်ပပှၢ်တဖၣ်အတၢ်မၤလိာ်တဖၣ် န့ၣ်လီၤ.

တၢ်ကတိၤဒိ. 1:5

တၢ်ကူၣ်သ့အတၢ်ကတိၤတဖၣ်အံၤမၤအါထီၣ်ပှၤကူၣ်သ့တဖၣ် အတၢ်သ့ၣ်ညါဒီးဟ့ၣ်တၢ်နဲၣ်ကျဲဆူပှၤမၤလိမၤဒိးဘၣ်တၢ်တဖၣ် သ့ဝဲ,

တၢ်ကတိၤဒိ. 18:15

ပှၤလၢအအိၣ်ဒီးတၢ်သူၣ်ဆးသးဆးတဖၣ်န့ၣ်, အသးဆူၣ်ဒီးအိၣ်ကတဲာ်ကတီၤအသးထီဘိလၢကမၤလိန့ၢ်တၢ်လီၤ.

တၢ်ကတိၤဒိ. 25:12

ပှၤလၢအတၢ်လဲၤခီဖျိအါတဂၤအတၢ်ဟ့ၣ်ပလီၢ်တထံၣ်ဆူ ပှၤတဂၤဂၤလၢအသးအိၣ်ဒိကနၣ်အီၤန့ၣ်, လုၢ်ဒိၣ်ပှ့ၤဒိၣ်အါန့ၢ်ဒံးပသံးထူတဖၣ်မ့ၢ်ဂ့ၤ, တၢ်ကယၢကယဲ လၢအဘၣ်တၢ်မၤအီၤလၢထူစီမ့ၢ်ဂ့ၤတက့ၢ်န့ၣ်လီၤ.

လံာ်မးသဲ 18:4

ပှၤအဒိၣ်ကတၢၢ်တဂၤလၢမူခိၣ်အဘီမုၢ်အပူၤ, မ့ၢ်ပှၤလၢအဆီၣ်လီၤအသးဒီးကဲထီၣ်ဒ်ဖိသၣ်တဂၤအံၤအသိးလီၤ.

လံာ်မးသဲ 19:30

ဘၣ်ဆၣ်ဒီး, ပှၤအိၣ်ဝဲလၢညါကတၢၢ်ခဲအံၤအါဂၤ, ကအိၣ်က့ၤလၢခံကတၢၢ်, ဒီးပှၤအိၣ်လၢခံကတၢၢ်ခဲအံၤအါဂၤ, ကအိၣ်က့ၤလၢညါကတၢၢ်လီၤ.

လံာ်မၢ်ကူး 10:15

ယစံးဘၣ်သုတီတီလီၤ. ပှၤတဂၤလၢ်လၢ်လၢအတတူၢ်လိာ် ကစၢ်ယွၤအဘီအမုၢ်ဒ်ဖိသၣ်တဂၤအသိးဘၣ်န့ၣ်, တလဲၤနုာ်ဘၣ်ဝဲဆူအပူၤဘၣ်.”

မၤတၢ် 10:32

ဆှၢလီၤပှၤဆူဝ့ၢ်ယၤဖိၤဒ်သိးအကကိးန့ၢ်ပှၤတဂၤလၢအမံၤ အလၢအပှဲၤမ့ၢ်ဝဲစီၤၡံမိၣ်ပ့းတရူးန့ၣ်တက့ၢ်. အဝဲအိၣ်သမှံၤဖဲပှၤမၤတၢ်ဖံးဖိစီၤၡံမိၣ်အဟံၣ်, လၢအအိၣ်ဝဲဖဲပီၣ်လဲၣ်နံၤန့ၣ်လီၤ.’

မၤတၢ် 10:34

ဒီးစီၤပ့းတရူးအဲးထီၣ်အထးခိၣ်ဒီးစံးဝဲ, “ခဲကနံၣ်အံၤယသ့ၣ်ညါလံတၢ်မ့ၢ်တၢ်တီလၢ ကစၢ်ယွၤတကွၢ်မဲာ်ပှၤနီတဂၤဘၣ်န့ၣ်လီၤ.

မၤတၢ် 28:28

လၢတၢ်န့ၣ်အဃိသုကဘၣ်သ့ၣ်ညါဒ်အံၤ, ကစၢ်ယွၤအတၢ်ကစီၣ်ဘၣ်ဃးတၢ်အုၣ်က့ၤခီၣ်က့ၤန့ၣ်, ဘၣ်တၢ်ဆှၢလံအီၤဆူပှၤကလုာ်ဂၤတဖၣ်အအိၣ်လံ. အဝဲသ့ၣ်ကဒိကနၣ်တၢ်လီၤ.”

1 ကရံၣ်သူး 3:18

မတၤတဂၤမးတကြၢးလီလီၤက့ၤအသးဒၣ်ဝဲဘၣ်. ပှၤလၢသုကျါတဂၤဂၤမ့ၢ်ဆိကမိၣ်လီၤအသးလၢအမ့ၢ် ပှၤကူၣ်ဘၣ်ကူၣ်သ့ခီဖျိဟီၣ်ခိၣ်တဘ့ၣ်အံၤအနီၣ်ထိၣ်ဒီး, အဝဲဒၣ်ကြၢးကဲထီၣ်ပှၤအသးတဆးတဂၤ, ဒ်သိးအဝဲဒၣ်ကကဲထီၣ်ပှၤကူၣ်ဘၣ်ကူၣ်သ့နီၢ်နီၢ်တဂၤအဂီၢ်န့ၣ်လီၤ.

ကလၤတံ 4:14

ဘၣ်ဆၣ်ဒီး, ယနီၢ်ခိအတၢ်ဆူးအတၢ်ဆါမ့ၢ်ကဲထီၣ်တၢ်ကီ တၢ်ခဲဖးဒိၣ်လၢသုဂီၢ်သနာ်က့သုတကွၢ်တလီၤယၤမ့ၢ်ဂ့ၤညိ ကွံာ်ယၤမ့ၢ်ဂ့ၤန့ၣ်ဘၣ်. မ့မ့ၢ်သုတူၢ်လိာ်ယၤဒ်သုကတူၢ်လိာ်ကလူးလၢမူခိၣ် အသိး, ဒီးသုတူၢ်လိာ်ယၤဒ်သုကတူၢ်လိာ်ယ့ၣ်ၡူးခရံာ် အသိးလီၤ.

လံာ်သိၣ်လီၤသီလီၤတၢ် 30:13

တအိၣ်စ့ၢ်ကီးဘၣ်လၢပီၣ်လဲၣ်အဝၢ်ဘးခီဘၣ်. တလိၣ်လၢသု ကဘၣ်သံကွၢ်, (မ့ၢ်မတၤကလဲၤခီဂာ်ပီၣ်လဲၣ်ဒီးဟဲက့ၤစိာ်န့ၢ် ပှၤဒ်သိးပကနၢ်ဟူဘၣ်အီၤဒီးစူၢ်အီၤကသ့လဲၣ်.) န့ၣ်ဘၣ်.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.