မၤတၢ် 10:3 - Sgaw Karen Common Bible

³ ဘၣ်တနံၤဖဲဟါခီလီၤသၢနၣ်ရံၣ်ဃၣ်ဃၣ်န့ၣ်, အဝဲဒိးန့ၢ်ဘၣ်တၢ်ထံၣ်လၢညါခီတမံၤ, ဖဲအဝဲထံၣ်ဘၣ်ဝဲတြၢၢ်ကလာ်လၢကစၢ်ယွၤအကလူးတဂၤဟဲနုာ်လီၤဆူ အဟံၣ်ပူၤဒီးကိးထီၣ်အီၤ, “စီၤကန့လံးဧၢ” န့ၣ်လီၤ.

မၤတၢ် 10:3 Iomraidhean Croise

စံးထီၣ်ပတြၢၤ 55:17

မုၢ်ဟါ, ဒီးမုၢ်ဂီၤ, ဒီးလၢမုၢ်ထူၣ်န့ၣ် ယကအုကစွါဒီးယဟီၣ်ယယၢၤ, ဒီးအဝဲကနၢ်ဟူယကလုၢ်လီၤ.

လံာ်တၢ်ဟးထီၣ်ကွံာ် 33:17

ယွၤစံးဘၣ်စီၤမိၤၡ့, “ယကမၤဒ်နဃ့တ့ၢ်နဲအသိးလီၤ. အဂ့ၢ်ဒ်အံၤ, ယသ့ၣ်ညါနၤဂ့ၤဂ့ၤဒီးယဘၣ်သသူၣ်ဘၣ်သးလၢနၤလီၤ.”

လံာ်ယၡါယၤ 45:4

ယဃုထၢပာ်ထီၣ်နၤလၢနကမၤစၢၤယခ့ယပှၤ ကီၢ်အံၣ်စရ့လး, ပှၤဂီၢ်မုၢ်လၢယဃုထၢတ့ၢ်အီၤန့ၣ်လီၤ. နတသ့ၣ်ညါယၤဘၣ်ဆၣ်ဒီး, ယဟ့ၣ်တ့ၢ်နၤလၢတၢ်လၤကပီၤဖးဒိၣ်လီၤ.

လံာ်မးသဲ 27:46

ဖဲအကဘၣ်သၢနၣ်ရံၣ်န့ၣ်, ယ့ၣ်ၡူးကိးပသူထီၣ်လၢအကလုၢ်ဖးဒိၣ်ဒီးစံး, “အ့ၤလံၤ, အ့ၤလံၤ, လၤမၤစၤဘၤဃသၤနံ,” အခီပညီမ့ၢ်ဝဲ, “ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤလၢနလဲၤသဒၣ်ကွံာ်ယၤလဲၣ်.”

လံာ်လူၤကၣ် 1:11

ကစၢ်ယွၤအကလူးတဂၤလီၣ်ဖျါထီၣ်အသးလၢအီၤဒီး အိၣ်ဆၢထၢၣ်ဝဲဒၣ်ဖဲတၢ်လုၢ်လီၢ်, လၢတၢ်နၢမူဘၣ်တၢ်ဆိၣ် ကဲၤအီၤလၢအဖီခိၣ်န့ၣ်အစုထွဲတကပၤလီၤ.

လံာ်လူၤကၣ် 2:13

သတူၢ်ကလာ်, မူခိၣ်ကလူးအသုးမုၢ်ဖးဒိၣ်တဖုဟဲအိၣ်ဖျါထီၣ်ဝဲလၢ ကလူးတဂၤန့ၣ်အသိး, ဒီးသးဝံၣ်စံးထီၣ်ပတြၢၤကစၢ်ယွၤဒီးစံး,

မၤတၢ် 10:17

ဖဲစီၤပ့းတရူးကွၢ်ဆိကမိၣ်ဝဲဘၣ်ဃးကစၢ်သးအိၣ်စံးဘၣ်အီၤ တၢ်မနုၤခီဖျိတၢ်ထံၣ်တၢ်လၢညါခီတမံၤအံၤအဖၢမုၢ်န့ၣ်, ပှၤလၢစီၤကန့လံးဆှၢလီၤဝဲတဖၣ်ဃုသ့ၣ်ညါဒီးထံၣ်န့ၢ်လံစီၤၡံမိၣ် အဟံၣ်, ဒီးအိၣ်ဆၢထၢၣ်ဝဲခဲကနံၣ်အံၤဖဲကျဲစၢၤအမဲာ်ညါန့ၣ်လီၤ.

မၤတၢ် 10:19

ဖဲစီၤပ့းတရူးဆိကမိၣ်ဒံးဝဲတၢ်ထံၣ်တၢ်လၢညါခီအံၤအခီပညီအဖၢမုၢ်န့ၣ်, ယွၤအသးစံးဘၣ်အီၤ, “ဒိကနၣ်တက့ၢ်. ပှၤသၢဂၤဟဲဃုနၤဖဲအံၤလီၤ.

မၤတၢ် 10:30

ဒီးစီၤကန့လံးစံးဝဲ, “ဖဲအပူၤကွံာ်သၢသီ, ကဘၣ်ဖဲဆၢကတီၢ်တကတီၢ်ဃီအံၤန့ၣ်, ယအိၣ်ဒီးဟါခီလီၤသၢနၣ်ရံၣ်အတၢ်ထုကဖၣ်လၢဟံၣ်ပူၤလီၤ. သတူၢ်ကလာ်, ပှၤကညီတဂၤအိၣ်ဆၢထၢၣ်လၢယမဲာ်ညါ, ကူသိးဒီးတၢ်ကူတၢ်သိးကတြ့ၣ်ကတြိၣ်,

မၤတၢ် 10:9

မုၢ်ဆ့ၣ်ထီၣ်တနံၤဖဲအဝဲသ့ၣ်လဲၤတၢ်အဖၢမုၢ်ဒီးဘူးကတုၤ ဃီၤဝ့ၢ်ယၤဖိၤန့ၣ်, စီၤပ့းတရူးလဲၤထီၣ်ဆူဟံၣ်ခိၣ်ဒုးအလိၤကဘၣ်ဖဲမုၢ်ထူၣ်အဆၢ ကတီၢ်, ဒ်သိးအကဃ့ဘါထုကဖၣ်တၢ်လီၤ.

မၤတၢ် 11:13

အဝဲဒၣ်တဲဘၣ်ပှၤဘၣ်ဃးအထံၣ်ဘၣ်တ့ၢ်ကလူးတဂၤအိၣ်ဆၢထၢၣ် လၢအဟံၣ်ပူၤဒီးစံးဘၣ်အီၤ, ‘မၢလီၤပှၤတဂၤဂၤဆူဝ့ၢ်ယၤဖိၤဒ်သိးအကလဲၤကိးန့ၢ်ပှၤတဂၤ လၢအမံၤအလၢအပှဲၤမ့ၢ်ဝဲစီၤၡံမိၣ်ပ့းတရူးန့ၣ်တက့ၢ်.

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

မၤတၢ် 3:1

တနံၤဖဲမုၢ်ဃ့ၢ်လီၤသၢနၣ်ရံၣ်တၢ်ဘါထုကဖၣ်အကတီၢ်န့ၣ်, စီၤပ့းတရူးဒီးစီၤယိၤဟၣ်လဲၤဝဲဆူတၢ်လုၢ်ဟံၣ်လီၤ.

မၤတၢ် 5:19

ဘၣ်ဆၣ်ဒီးနၤအဝဲန့ၣ်ကစၢ်အကလူးတဂၤအိးထီၣ်တြဲၤတဖၣ်ဒီးဒုးဟးထီၣ်ဝဲ ပှၤတၢ်မၢဖိတဖၣ်ဆူတၢ်ချၢ, ဒီးစံးဘၣ်အဝဲသ့ၣ်,

မၤတၢ် 9:10

အပျဲၢ်အဘီၣ်အိၣ်ဝဲတဂၤလၢဝ့ၢ်ဒၤမ့ၤစ့းအပူၤ, တၢ်ကိးအမံၤလၢစီၤအနၤနံန့ၣ်လီၤ. အဝဲထံၣ်တၢ်ထံၣ်လၢညါခီ, ဒီးလၢတၢ်ထံၣ်အပူၤန့ၣ်ကစၢ်စံးဘၣ်အီၤ, “စီၤအနၤနံဧၢ,” ဒီးအဝဲဒၣ်စံးဆၢက့ၤဝဲ, “ကစၢ်ဧၢ, ယအိၣ်ဖဲအံၤလီၤ.”

မၤတၢ် 9:4

အဝဲဒၣ်လီၤတဲာ်ဝဲလၢဟီၣ်ခိၣ်လိၤဒီးနၢ်ဟူတၢ်အကလုၢ် သီၣ်ထီၣ်လၢအစံးဘၣ်အီၤ, “စီၤစီလူးဧၢ, စီၤစီလူးဧၢ, ဘၣ်မနုၤနမၤအၢမၤနးယၤလဲၣ်.”

ဧ့ၤဘြံၤ 1:14

မ့မ့ၢ်ဒ်န့ၣ်ဒီးကလူးတဖၣ်မ့ၢ်တၢ်မနုၤလဲၣ်. အဝဲသ့ၣ်မ့ၢ်ဒၣ်သးတဖၣ်လၢအမၤကစၢ်ယွၤအတၢ် လၢယွၤဆှၢလီၤဒ်သိးအကမၤစၢၤပှၤဟီၣ်ခိၣ်ဖိတဖၣ်လၢ အကဒိးန့ၢ်ဘၣ်တၢ်အုၣ်က့ၤခီၣ်က့ၤအဂီၢ်န့ၣ်လီၤ.

ဧ့ၤဘြံၤ 1:4

ဒ်အမံၤလၢကစၢ်ယွၤဟ့ၣ်အီၤအံၤဒိၣ်န့ၢ်ထီန့ၢ်ကလူး တဖၣ်အမံၤတက့ၢ်အသိးန့ၣ်, ဖိခွါအံၤဒိၣ်န့ၢ်ထီန့ၢ်ကလူး တဖၣ်တက့ၢ်လီၤ.