မၤတၢ် 10:26 - Sgaw Karen Common Bible

²⁶ ဘၣ်ဆၣ်ဒီးစီၤပ့းတရူးဒုးဂဲၤဆၢထၢၣ်အီၤဒီးစံးဝဲ, “ဂဲၤဆၢထၢၣ်တက့ၢ်. ယမ့ၢ်ဒၣ်ပှၤကညီတဂၤလီၤ.”

မၤတၢ် 10:26 Iomraidhean Croise

လံာ်ယၡါယၤ 42:8

ထဲယၤတဂၤဧိၤ, ယမ့ၢ်ယွၤသုကစၢ်ယွၤလီၤ. ယတဟ့ၣ်ဘၣ်ယလၤကပီၤဆူကစၢ်အဂၤတဖၣ်ဘၣ်. တၢ်ဂီၤတၢ်ဖီၣ်တဖၣ်န့ၣ်ယတဟ့ၣ်အီၤတၢ်စံးထီၣ်ပတြၢၤဘၣ်.

လံာ်ယၡါယၤ 48:13

ယစုတ့ဟီၣ်ခိၣ်အခီၣ်ထံးတဖၣ်ဒီးသလၣ်ထီၣ်မူခိၣ်မူကပိာ်လိၤ လီၤ. ဖဲယကိးဖှိၣ်မူခိၣ်ဒီးဟီၣ်ခိၣ်န့ၣ်, အဝဲသ့ၣ်ဟဲတဘျီဃီဒီးဒုးနဲၣ်ဖျါထီၣ်အသးလီၤ.

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.