မၤတၢ် 10:20 - Sgaw Karen Common Bible

²⁰ လၢတၢ်န့ၣ်အဃိ, ဂဲၤဆၢထၢၣ်ဒီးလဲၤလီၤဆူဒၢးဖီလာ်, ဒီးတဘၣ်မၤယံာ်မၤနီၢ်နသးလၢနကလဲၤပိာ်အဝဲသ့ၣ်အခံတဂ့ၤ. အဂ့ၢ်မ့ၢ်လၢယဆှၢလီၤအဝဲသ့ၣ်ဖဲအံၤအဃိလီၤ.”

မၤတၢ် 10:20 Iomraidhean Croise

လံာ်ယၡါယၤ 48:16

ခဲအံၤ, ဟဲဘူးဒီးယၤဒီးဒိကနၣ်တၢ်လၢယစံးတက့ၢ်. လၢထံးလၢသီလံၤလံၤ, ယကတိၤတ့ၢ်တၢ်ဖျိဖျိဖျါဖျါ ဒီးမၤတီယကလုၢ်ထီဘိလီၤ.” (ခဲအံၤ, ယွၤပၢဘၣ်တၢ်ခဲလၢာ်ကစၢ်ဟ့ၣ်တ့ၢ်ယၤအတၢ်စိ တၢ်ကမီၤဒီးမၢလီၤယၤလီၤ.)

လံာ်မၢ်ကူး 16:15

အဝဲဒၣ်စံးဘၣ်အဝဲသ့ၣ်, “လဲၤသုဝဲလၢဟီၣ်ခိၣ်ဒီဘ့ၣ်ညါဒီးစံၣ်တဲၤတဲလီၤတၢ်သးခု အကစီၣ်လၢပှၤကညီခဲလၢာ်န့ၣ်တက့ၢ်.

မၤတၢ် 10:21

လၢတၢ်န့ၣ်အဃိစီၤပ့းတရူးစံၣ်လီၤလၢဒၢးဖီလာ်ဒီးစံးဘၣ်ပှၤသ့ၣ် တဖၣ်န့ၣ်, “ယမ့ၢ်ပှၤလၢသုဃုအီၤတဂၤလီၤ. သုဟဲလၢမနုၤအဂ့ၢ်လဲၣ်.”

မၤတၢ် 11:12

ဒီးယွၤအသးစံးဘၣ်ယၤလၢယသုတမၤယံာ်မၤနီၢ်ယသး တဂ့ၤဒီးယကလဲၤပိာ်အဝဲသ့ၣ်အခံန့ၣ်လီၤ. ဒီပုၢ်ဝဲၢ်လၢဝ့ၢ်ယၤဖိၤဃုဂၤအံၤစ့ၢ်ကီးလဲၤဒီးယၤဆူဝ့ၢ် ကဲၤစါရံၤဒီးပဝဲကိးဂၤဒဲးပလဲၤနုာ်လီၤဆူစီၤကန့လံးအဟံၣ် ပူၤန့ၣ်လီၤ.

မၤတၢ် 13:4

စီၤဘၢ်နါဘၤဒီးစီၤစီလူး, ဒ်အဘၣ်တၢ်ဆှၢအီၤလၢသးစီဆှံအသိး, လဲၤလီၤဝဲဆူကဘီသန့ဖဲဝ့ၢ်စ့းလူကံၤဒီးဒိးထီၣ်ကဘီဖဲန့ၣ် ဆူကီးကူပြူးန့ၣ်လီၤ.

မၤတၢ် 8:26

ကစၢ်အကလူးတဂၤစံးဘၣ်စီၤဖံလံးပူး, “ကတီၤထီၣ်နသးဝံၤလဲၤလီၤဆူကလံၤထံးတခီ, ဒီးပိာ်လီၤကျဲလၢအလဲၤလၢဝ့ၢ်ယရူၤၡလ့ၣ်ဆူဝ့ၢ်ဂါစၤန့ၣ်တက့ၢ်.” (ကျဲအံၤတဘၣ်တၢ်သူအီၤလၢၤဘၣ်).

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

မၤတၢ် 9:17

အန့ၣ်သတးဒီး, စီၤအနၤနံလဲၤဝဲဒီးလဲၤနုာ်ဝဲဆူဟံၣ်လၢ စီၤစီလူးအိၣ်ဝဲလၢအပူၤန့ၣ်လီၤ. အဝဲဒၣ်ပာ်ထီၣ်အစုလၢစီၤစီလူးအလိၤဒီးစံးဘၣ်အီၤ, “ယဒီပုၢ်ဝဲၢ်စီၤစီလူးဧၢ, ကစၢ်ယ့ၣ်ၡူးလၢနထံၣ်ဘၣ်အီၤလၢ ကျဲလၢနဟဲန့ၣ်, မၢလီၤယၤလၢနကထံၣ်ထီၣ်က့ၤတၢ်ဒီး နကလၢထီၣ်ပှဲၤထီၣ်ဒီးသးစီဆှံအဂီၢ်လီၤ.”

ယၤကိာ် 1:6

ဘၣ်ဆၣ်တုၤသုဃ့ဘါထုကဖၣ်တၢ်ဒီး, သုကဘၣ်နာ်တၢ်ဒီးတဘၣ်သးဒ့ဒီနီတစဲးဘၣ်. ပှၤလၢ အသးဒ့ဒီတဂၤန့ၣ်, လီၤဂာ်ဒီးလပီလၢပီၣ်လဲၣ်ပူၤလၢကလံၤအူဘၣ်အီၤဒီး ဟူးဝးဝဲန့ၣ်လီၤ.