မၤတၢ် 10:15 - Sgaw Karen Common Bible

¹⁵ တၢ်အကလုၢ်စံးဘၣ်ကဒီးအီၤ, “တၢ်လၢကစၢ်ယွၤပာ်ဖျါလၢအကဆှီလၢတၢ်ကအီၣ်အီၤအဂီၢ်ကစီဒီ န့ၣ်, မ်နသုတဆိကမိၣ်လၢအတကဆှီလၢတၢ်ကအီၣ်အီၤအဂီၢ်န့ၣ်တဂ့ၤ.”

မၤတၢ် 10:15 Iomraidhean Croise

လံာ်မးသဲ 15:11

တၢ်လၢအလဲၤနုာ်ဆူပှၤအကိာ်ပူၤန့ၣ်, တမ့ၢ်ဘၣ်တၢ်လၢအမၤတကဆှီဘၣ်ပှၤကညီဘၣ်. မ့မ့ၢ်တၢ်လၢအဟဲထီၣ်လၢပှၤအကိာ်ပူၤန့ၣ်, မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.”

လံာ်မၢ်ကူး 7:19

အဂ့ၢ်မ့ၢ်လၢအတလဲၤနုာ်ဆူအသးကံၢ်ပူၤဘၣ်, မ့မ့ၢ်လဲၤနုာ်ဝဲဆူအဟၢဖၢပူၤဝံၤဒီးဟးထီၣ်ကွံာ်ဝဲလၢ အနီၢ်ခိအပူၤလီၤ.” (ယ့ၣ်ၡူးစံးတၢ်ဒ်သိးအံၤန့ၣ်မ့ၢ်အတဲဖျါထီၣ်ဝဲလၢ တၢ်အီၣ်ခဲလၢာ်မ့ၢ်တၢ်လၢအကဆှီဝဲန့ၣ်လီၤ.)

မၤတၢ် 10:16

တၢ်မၤအသးဒ်သိးအံၤပှဲၤထီၣ်သၢစု, ဒီးတၢ်လၢအဘၣ်တၢ်စဲၤလီၤအီၤ တမံၤန့ၣ်ဘၣ်တၢ်ထုးထီၣ်က့ၤအီၤဆူမူခိၣ်လီၤ.

မၤတၢ် 10:28

ဒီးအဝဲဒၣ်စံးဘၣ်အဝဲသ့ၣ်, “သုနီၢ်ကစၢ်ဒၣ်သုဝဲသုသ့ၣ်ညါလၢပှၤယူဒၤဖိတဂၤအတၢ် ဘူၣ်တၢ်ဘါတပျဲအီၤလၢအကလဲၤဒီးရ့လိာ်အသးဒီးပှၤကလုာ် ဂၤမ့ၢ်ဂ့ၤ, ကမၤဘၣ်ထွဲအသးဒီးအီၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးကစၢ်ယွၤဒုးနဲၣ်တ့ၢ်ယၤလၢယတဘၣ်ပာ်ပှၤနီတဂၤလၢ အတကဆှီမ့ၢ်ဂ့ၤ, တစီတဆှံမ့ၢ်ဂ့ၤန့ၣ်ဘၣ်လီၤ.

မၤတၢ် 11:9

တၢ်အကလုၢ်သီၣ်ထီၣ်ကဒီးလၢမူခိၣ်ဒီးစံးဝဲ, ‘တၢ်လၢကစၢ်ယွၤစံးလၢအကဆှီကစီဒီန့ၣ်, မ်နသုတဆိကမိၣ်လၢအတကဆှီဘၣ်တဂ့ၤ.’

မၤတၢ် 15:20

မ့မ့ၢ်တခီ, ပကြၢးကွဲးလံာ်ဆူအဝဲသ့ၣ်အအိၣ်ဒီးစံးဘၣ်အီၤလၢ အသုတအီၣ်တၢ်အီၣ်တကဆှီဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိး နီတမံၤလၢအဘၣ်တၢ်လုၢ်ထီၣ်အီၤဆူတၢ် ဂီၤတၢ်ဖီၣ်န့ၣ်တဂ့ၤ. ဒီးအကဟးဆှဲးတၢ်မၤကမၣ်မုၣ်ကမၣ်ခွါ, ဒီးအသုတအီၣ်ဆၣ်ဖိကီၢ်ဖိလၢအဘၣ်တၢ်စံၢ်သံအီၤ, ဒီးတၢ်အသွံၣ်တမံၤလၢ်လၢ်တဂ့ၤ.

မၤတၢ် 15:29

တၢ်အီၣ်လၢအဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤတၢ်ဖီၣ်န့ၣ်, အီၣ်အီၤတဂ့ၤ. အီၣ်တၢ်သွံၣ်တဂ့ၤ. ဆၣ်ဖိကီၢ်ဖိလၢအဘၣ်တၢ်စံၢ်သံအီၤန့ၣ်အီၣ်အီၤတဂ့ၤ. ဒီးဟးဆှဲးတၢ်မၤကမၣ်မုၣ်ကမၣ်ခွါန့ၣ်တက့ၢ်. သုမ့ၢ်ဟးဆှဲးတၢ်သ့ၣ်တဖၣ်အံၤဒီး, ကမ့ၢ်သုမၤတၢ်လၢအကြၢး ဝဲဘၣ်ဝဲန့ၣ်လီၤ. လၢတၢ်ဆၢဂ့ၤအါအပူၤ.”

မၤတၢ် 15:9

အဝဲဒၣ်တပာ်လီၤဆီပဝဲပှၤယူဒၤဖိတဖၣ်ဒီးအဝဲသ့ၣ်ပှၤကလုာ်ဂၤ တဖၣ်န့ၣ်ဘၣ်. အဝဲပျၢ်ကွံာ်အဝဲသ့ၣ်အတၢ်ဒဲးဘးမ့ၢ်လၢ အစူၢ်က့ၤနာ်က့ၤတၢ်အဃိန့ၣ်လီၤ.

ရိမ့ၤ 14:14

ဒ်ယအိၣ်လၢကစၢ်ယ့ၣ်ၡူးအပူၤအသိးန့ၣ်, ယသ့ၣ်ညါလီၤတံၢ်လၢတၢ်အီၣ်လၢအတကဆှီဒၣ်အတၢ်တအိၣ်နီ တမံၤဘၣ်. ဘၣ်ဆၣ်ဒီး, တုၤပှၤတဂၤနာ်ဝဲလၢတၢ်တမံၤမံၤအံၤ တကဆှီဘၣ်ဒီး, တၢ်တမံၤန့ၣ်ကဲထီၣ်တၢ်တကဆှီဘၣ်လၢအဝဲဒၣ် အဂီၢ်န့ၣ်လီၤ.

ရိမ့ၤ 14:20

လၢတၢ်အီၣ်အဃိန့ၣ်, တဘၣ်မၤဟးဂီၤတၢ်လၢကစၢ်ယွၤမၤတ့ၢ် လံဝဲန့ၣ်တဂ့ၤ. တၢ်အီၣ်ခဲလၢာ်ကဆှီဝဲဒီးပအီၣ်သ့လီၤ. ဘၣ်ဆၣ်ဒီး ပအီၣ်တၢ်တမံၤဂ့ၤတမံၤဂ့ၤမ့ၢ်ကဲထီၣ်တၢ်ဒဲးဘးလၢပှၤအဂၤ တဂၤအဂီၢ်ဒီးမ့ၢ်တၢ်လၢအကမၣ်န့ၣ်လီၤ.

1 ကရံၣ်သူး 10:25

သုအိၣ်ဒီးတၢ်သဘျ့လၢသုကအီၣ်တၢ်တမံၤလၢ်လၢ်လၢ အဘၣ်တၢ်ဆါအီၤလၢတၢ်ဖံးတၢ်ညၣ်အဖၠါပူၤ, တအိၣ်ဒီးတၢ်သံကွၢ်သံဒိးလၢအအိၣ်ထီၣ်လၢသုသးလၢ အသ့ၣ်ညါဒၣ်တၢ်အဃိန့ၣ်ဘၣ်လီၤ.

တံတူး 1:15

တၢ်ခဲလၢာ်န့ၣ်ကဆှီဝဲလၢပှၤလၢအကစၢ်ဒၣ်ဝဲကဆှီတဖၣ် အဂီၢ်, ဘၣ်ဆၣ်ဒီးပှၤလၢအတကဆှီဒီးတစူၢ်တၢ်နာ်တၢ်အဂီၢ်န့ၣ်, တၢ်အကဆှီတအိၣ်နီတမံၤဘၣ်. မ့ၢ်လၢအတၢ်ဆိကမိၣ်ဒီးအသးလၢအသ့ၣ်ညါဒၣ်တၢ်ဒၣ် လဲာ်ဘၣ်တၢ်မၤတကဆှီအီၤအဃိန့ၣ်လီၤ.

လံာ်လီၣ်ဖျါ 14:20

စပံးသၣ်တဖၣ်ဘၣ်တၢ်ယီၢ်အီၤလၢကျိးပူၤဖဲဝ့ၢ်အချၢဒီး တၢ်သွံၣ်ဟဲထီၣ်လၢနီၣ်စံၢ်စပံးသၣ်အကျိးပူၤဒီးပုာ်ထီၣ် ယွၤလီၤဝဲအထီကဘၣ်အမံးလးခံကယၤဒီးအယိာ်ကဘၣ် သၢပျၢ်တထါန့ၣ်လီၤ.