မၤတၢ် 10:14 - Sgaw Karen Common Bible

¹⁴ ဘၣ်ဆၣ်ဒီးစီၤပ့းတရူးစံးဝဲဒၣ်, “ကစၢ်ဧၢ, ယတအီၣ်လ့ၤတက့ၤဘၣ်. တၢ်တမံၤလၢ်လၢ်လၢအဘၣ်တၢ်ပာ်အီၤလၢအတစီတဆှံဒီးတကဆှီ လၢတၢ်ကအီၣ်အီၤအဂီၢ်န့ၣ်, ယတအီၣ်တ့ၢ်ယဲနီတစုဘၣ်.”

မၤတၢ် 10:14 Iomraidhean Croise

လံာ်တၢ်ကဲထီၣ်အခီၣ်ထံး 19:18

ဒီးစီၤလိာ်စံးဆၢဝဲ, “တသ့ဘၣ်. တၢ်ဒိၣ်ဧၢ, ဝံသးစူၤမၢပမၤတၢ်န့ၣ်တဂ့ၤ.

လံာ်တၢ်ဟးထီၣ်ကွံာ် 10:11

တသ့ဘၣ်. တၢ်န့ၣ်မ့မ့ၢ်တၢ်လၢသုအဲၣ်ဒိးမၤအဃိဒီး, ထဲပှၤပိာ်ခွါတဖၣ်ဧိၤကဘၣ်လဲၤဘူၣ်ထီၣ်ဘါထီၣ်ယွၤန့ၣ်လီၤ.” ဒီးစီၤမိၤၡ့ဒီးစီၤအၤဟရိၣ်တဖၣ်ဘၣ်တၢ်ဟီထီၣ်ကွံာ်အီၤလၢ စီၤပၤအမဲာ်ညါန့ၣ်လီၤ.

လံာ်ယဃ့းစက့လး 4:14

ဘၣ်ဆၣ်ဒီးယစံးဆၢအီၤ, “တမ့ၢ်ဘၣ်, ယွၤပၢဘၣ်တၢ်ခဲလၢာ်ကစၢ်ဧၢ, ယတမၤဘၣ်အၢဘၣ်သီယသးနီတစုဘၣ်. လၢယဖိသၣ်လံၤလံၤဒီးတုၤခဲအံၤန့ၣ်, ယတအီၣ်ဆၣ်ဖိကီၢ်ဖိလၢအသံဒၣ်တၢ်အညၣ်မ့ၢ်ဂ့ၤ, ဘၣ်တၢ်မၤသံအီၤလၢဆၣ်ဖိကီၢ်ဖိလၢအမံၤတဖၣ်အညၣ်မ့ၢ်ဂ့ၤ, နီတစုဘၣ်. တၢ်အီၣ်လၢတၢ်ပာ်အီၤလၢအတကဆှီဘၣ်န့ၣ်, ယတအီၣ်အီၤနီတစုဘၣ်.”

လံာ်ယဃ့းစက့လး 44:31

ပှၤလုၢ်တၢ်အခိၣ်တဖၣ်တဘၣ်အီၣ်ထိၣ်မ့တမ့ၢ်ဆၣ်ဖိကီၢ်ဖိလၢအသံဒၣ် အတၢ်မ့ၢ်ဂ့ၤ, လၢဆၣ်ဖိကီၢ်ဖိအဂၤတဒုဒုမၤသံအီၤမ့ၢ်ဂ့ၤန့ၣ်ဘၣ်.”

လံာ်ဒၤနံးယ့လး 1:8

စီၤဒၤနံးယ့လးပာ်လီၤအသးလၢအသုတမၤဘၣ်အၢလီၤအသး ခီဖျိတၢ်အီၣ်စီၤပၤအတၢ်အီၣ်ဒီးအီစပံးထံလၢစီၤပၤအီဝဲဘၣ် အဃိ, ဃ့ကညးဝဲစီၤအၤၡပနးလၢကမၤစၢၤအီၤ,

လံာ်တၢ်ဘူၣ်ထီၣ်ဘါထီၣ် 20:25

မၤသးဒ်န့ၣ်ဒီး, သုဘၣ်နီၤဖးဆၣ် ဖိကီၢ်ဖိဒီးထိၣ်ဖိလံာ်ဖိလၢအကဆှီဒီးတကဆှီဘၣ်န့ၣ်လီၤ. ဒီးသုတဘၣ်မၤဘၣ်အၢသုသးလၢဆၣ်ဖိကီၢ်ဖိဒီးထိၣ်ဖိ လံာ်ဖိလၢယပာ်လီၤဖးဒီးသုလၢအတကဆှီဘၣ်န့ၣ်တဂ့ၤ.

လံာ်မးသဲ 15:11

တၢ်လၢအလဲၤနုာ်ဆူပှၤအကိာ်ပူၤန့ၣ်, တမ့ၢ်ဘၣ်တၢ်လၢအမၤတကဆှီဘၣ်ပှၤကညီဘၣ်. မ့မ့ၢ်တၢ်လၢအဟဲထီၣ်လၢပှၤအကိာ်ပူၤန့ၣ်, မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.”

လံာ်မးသဲ 16:22

ဒီးစီၤပ့းတရူးကိးန့ၢ်အီၤဆူတၢ်ချၢဒီးဒူအလိၤဒီးစံး, “ကစၢ်ယွၤဧၢ, မ်ယွၤအသုတဒုးဘၣ်နၤလၢတၢ်အံၤတဂ့ၤ. တၢ်အံၤတဘၣ်ဘၣ်နၤလ့ၤတက့ၤဘၣ်.”

လံာ်မးသဲ 25:9

ပှၤအသူၣ်ဆးအသးဆးတဖၣ်စံးဆၢဝဲ, ‘တသ့ဘၣ်. ပသိတအိၣ်လၢအိၣ်လီၣ်လၢသုဂီၢ်ဒီးပဂီၢ်ဘၣ်. လဲၤဆူတၢ်ဆါတၢ်ပှ့ၤအကျးဒီးပှ့ၤန့ၢ်သိလၢ သုဂီၢ်ဒၣ်သုဝဲတက့ၢ်.’

လံာ်မးသဲ 8:2

တုၤနုၤတစု, ပှၤဘၣ်တၢ်ဆါအၢတဂၤဟဲဆူအအိၣ်, ချံးခီၣ်တီၤလီၤလၢအမဲာ်ညါဒီးစံးဘၣ်အီၤ, “ကစၢ်ဧၢ, နသးမ့ၢ်အိၣ်ဒီးနမၤကဆှီထီၣ်က့ၤယၤသ့လီၤ.”

လံာ်မၢ်ကူး 7:2

အဝဲသ့ၣ်ထံၣ်ဝဲလၢအပျဲၢ်အဘီၣ်တနီၤအီၣ်တၢ်အီတၢ်လၢအစုတကဆှီ ဘၣ်, အခီပညီ, အဝဲသ့ၣ်တသ့အစုဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိးဘၣ်အဃိလီၤ.

လံာ်လူၤကၣ် 1:60

ဘၣ်ဆၣ်ဒီးအမိၢ်စံးဝဲ, “တမ့ၢ်ဘၣ်. အဝဲဒၣ်အမံၤကဘၣ်မ့ၢ်စီၤယိၤဟၣ်လီၤ.”

လံာ်ယိၤဟၣ် 4:11

ပိာ်မုၣ်စံးဘၣ်အီၤ, “ကစၢ်ဧၢ, နထံစဲၤတအိၣ်ဘၣ်ဒီးထံပူၤ တခီယိာ်မးလီၤ. နကလဲၤမၤန့ၢ်ထံလၢအဟ့ၣ်တၢ်မူန့ၣ်ဖဲလဲၣ်.

မၤတၢ် 10:13

တၢ်အကလုၢ်သီၣ်ထီၣ်ဒီးစံးဘၣ်အီၤ, “စီၤပ့းတရူးဧၢ, ဂဲၤဆၢထၢၣ်ဒီးမၤသံတၢ်ဒီးအီၣ်တၢ်တက့ၢ်.”

မၤတၢ် 10:28

ဒီးအဝဲဒၣ်စံးဘၣ်အဝဲသ့ၣ်, “သုနီၢ်ကစၢ်ဒၣ်သုဝဲသုသ့ၣ်ညါလၢပှၤယူဒၤဖိတဂၤအတၢ် ဘူၣ်တၢ်ဘါတပျဲအီၤလၢအကလဲၤဒီးရ့လိာ်အသးဒီးပှၤကလုာ် ဂၤမ့ၢ်ဂ့ၤ, ကမၤဘၣ်ထွဲအသးဒီးအီၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးကစၢ်ယွၤဒုးနဲၣ်တ့ၢ်ယၤလၢယတဘၣ်ပာ်ပှၤနီတဂၤလၢ အတကဆှီမ့ၢ်ဂ့ၤ, တစီတဆှံမ့ၢ်ဂ့ၤန့ၣ်ဘၣ်လီၤ.

မၤတၢ် 22:8

“နမ့ၢ်မတၤလဲၣ်ကစၢ်ဧၢ,” ယသံကွၢ်ယဲ, “ယမ့ၢ်ပှၤနစၤရ့းဖိယ့ၣ်ၡူးလၢနမၤအၢမၤနးအီၤတဂၤန့ၣ် လီၤ.” အဝဲဒၣ်စံးဆၢယၤ.

မၤတၢ် 9:5

အဝဲဒၣ်သံကွၢ်ဝဲ, “ကစၢ်ဧၢ, နမ့ၢ်မတၤတဂၤလဲၣ်.” ဒီးတၢ်ကလုၢ်န့ၣ်စံးဆၢက့ၤအီၤ, “ယမ့ၢ်ယ့ၣ်ၡူးလၢနမၤအၢမၤနးအီၤတဂၤန့ၣ်လီၤ.