မၤတၢ် 10:1 - Sgaw Karen Common Bible

¹ ဖဲဝ့ၢ်ကဲၤစါရံၤန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤကန့လံး, ပှၤရိမ့ၤသုးဖိတကယၤအခိၣ်, ဘၣ်ဃးဒီးသုးမုၢ်တဖုလၢပှၤကိးအီၤလၢ “အံၤတလံအသုးမုၢ်” န့ၣ်လီၤ.

မၤတၢ် 10:1 Iomraidhean Croise

လံာ်မးသဲ 27:27

တုၤနုၤတစုစီၤပံၤလးအသုးဖိတဖၣ် လဲၤဆှၢယ့ၣ်ၡူးဆူပဒိၣ်ဖးဒိၣ်အနီပူၤ, ဒီးသုးမုၢ်ဒီဖုညါဟဲပာ်ဖှိၣ်ထီၣ်အသးဝးတရံးအီၤလီၤ.

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်မၢ်ကူး 15:16

ပှၤသုးဖိတဖၣ်ဆှၢယ့ၣ်ၡူးဆူတၢ်လီၢ်လီၤပျီအိၣ်လၢ စီၤပံၤလးအဟံၣ်ကရၢၢ်ပူၤ, လၢတၢ်ကိးစ့ၢ်ကီးအီၤလၢပရ့ၣ်ထီရယၢၢ်, ဒီးကိးဖှိၣ်ဝဲပှၤသုးဖိအဂၤတဖၣ်ဖဲတၢ်လီၢ်န့ၣ်ခဲလၢာ်လီၤ.

လံာ်လူၤကၣ် 7:2

ပှၤရိမ့ၤသုးဖိတကယၤအခိၣ်ဖဲဝ့ၢ်အဝဲန့ၣ်အပူၤတဂၤအိၣ် ဒီးတၢ်ခ့တၢ်ပှၤလၢအအဲၣ်ဝဲဒိၣ်မးတဂၤလီၤ. တၢ်ခ့တၢ်ပှၤပိာ်ခွါတဂၤန့ၣ်, အိၣ်တဆူၣ်နးမးတုၤဒၣ်လဲာ်ဘူးတ့ၢ်လၢအကသံလီၤ.

လံာ်ယိၤဟၣ် 18:12

မၤသးဒ်န့ၣ်ဒီး, ပှၤရိမ့ၤသုးဖိတဖၣ်ဃုာ်ဒီးအသုးခိၣ်ဒီး ယူဒၤအပှၤပၢၤတၢ်လုၢ်ဟံၣ်တဖၣ်, ဖီၣ်ယ့ၣ်ၡူးဒီးစၢဃာ်အီၤ,

လံာ်ယိၤဟၣ် 18:3

စီၤယူဒၤလဲၤဆူတၤသၣ်လီၢ်အံၤဒီးလဲၤကိးဃုာ်ပှၤရိမ့ၤသုးဖိ တဖုဒီးပှၤပၢၤတၢ်လုၢ်ဟံၣ်ဖိတနီၤလၢပှၤလုၢ်တၢ်အခိၣ်အဒိၣ် တဖၣ်ဒီးပှၤဖၤရံၤၡဲတဖၣ်မၢလီၤအီၤန့ၣ်လီၤ. အဝဲသ့ၣ်အိၣ်ဒီး စုကဝဲၤဒီးစိာ်ဃုာ်မ့ၣ်အူဒၢဒီးဆှိတဖၣ်န့ၣ်လီၤ.

မၤတၢ် 10:24

ဒီးလၢခံတနံၤန့ၣ်, အဝဲဒၣ်လဲၤတုၤဝ့ၢ်ကဲၤစါရံၤဖဲစီၤကန့လံးအိၣ်ခိးအီၤဃုာ် ဒီးအဘူးအတံၢ်ဒီးအတံၤသကိးတံၢ်တံၢ်တဖၣ်လၢအဝဲဒၣ်ကိးပာ်ဝဲန့ၣ်လီၤ.

မၤတၢ် 21:31

ဖဲကမျၢၢ်အအၢအသီတဖုအံၤ ဂုာ်မၤသံစီၤပီလူးအဆၢကတီၢ်န့ၣ်, တၢ်ကစီၣ်ဘၣ်တၢ်ဆှၢထီၣ်အီၤဆူ ပှၤရိမ့ၤသုးဖိတကထိအခိၣ်အအိၣ်, လၢယရူၤၡလ့ၣ်ဒီဝ့ၢ်ညါတၢထီၣ်တၢလီၤဝဲဒၣ်လံန့ၣ်လီၤ.

မၤတၢ် 21:8

မုၢ်ဆ့ၣ်ထီၣ်တနံၤန့ၣ်ပဟးထီၣ်ဒီးလဲၤတုၤလၢဝ့ၢ်ကဲၤစါရံၤလီၤ. ဖဲန့ၣ်ပလဲၤဆူပှၤစိာ်တၢ်သးခုကစီၣ်စီၤဖံလံးပူးအဟံၣ်, ဒီးအိၣ်ဒီးအီၤလီၤ. အဝဲဒၣ်မ့ၢ်ပှၤလၢအဘၣ်တၢ်ဃုထၢထီၣ်အီၤဖဲဝ့ၢ်ယရူၤၡလ့ၣ်နွံ ဂၤအကျါတဂၤလီၤ.

မၤတၢ် 22:25

ဘၣ်ဆၣ်ဖဲအဝဲသ့ၣ်စၢဃာ်အီၤ ဒ်သိးအကဖျ့အီၤန့ၣ်, စီၤပီလူးစံးဘၣ်သုးဖိတကယၤအခိၣ်လၢအဆၢထၢၣ်ဖဲန့ၣ်တဂၤ, “သုကဖျ့ရိမ့ၤအပှၤထံဖိကီၢ်ဖိတဂၤလၢအတဘၣ်တၢ်သမံ သမိးဒံးဒၣ်လဲာ်အီၤလၢအတၢ်ကမၣ်အိၣ်တအိၣ်အဂ့ၢ်န့ၣ်, ဘၣ်လိာ်ဒီးထံကီၢ်အတၢ်သိၣ်တၢ်သီအကျဲကစီဒီဧါ.”

မၤတၢ် 23:23

အန့ၣ်ဝံၤဒီး, ပှၤသုးဖိတကထိအခိၣ်ကိးထီၣ်အသုးဖိတကယၤ အခိၣ်ခံဂၤဒီးစံးဘၣ်အီၤ, “ဒုးအိၣ်ကတဲာ်ကတီၤထီၣ်ပှၤသုးဖိခံ ကယၤ, ဃုာ်ဒီးပှၤဒိးကသ့ၣ်အဂၤနွံဆံဒီးပှၤစိာ်ဘီအဂၤခံကယၤ, ဒ်သိးအကလဲၤဆူဝ့ၢ်ကဲၤစါရံၤဒီးကတဲာ်ကတီၤသုသးလၢသုကဟး ထီၣ်ဒီးအဝဲသ့ၣ်ဖဲတနၤအံၤခွံနၣ်ရံၣ်အကတီၢ်တက့ၢ်.

မၤတၢ် 23:33

အဝဲသ့ၣ်လဲၤဆှၢအီၤဆူဝ့ၢ်ကဲၤစါရံၤ, ဟ့ၣ်လီၤတၢ်ပရၢဆူပဒိၣ်ဖးဒိၣ်အစုပူၤဒီးဆှၢထီၣ်စီၤပီလူး ဆူအအိၣ်လီၤ.

မၤတၢ် 25:1

စီၤဖ့စတူးဟဲတုၤလၢကီၢ်တဘ့ၣ်န့ၣ်အပူၤသၢသီဝံၤအလီၢ်ခံန့ၣ်, အဝဲဒၣ်ဟးထီၣ်ဖဲဝ့ၢ်ကဲၤစါရံၤဒီးလဲၤဝဲဆူဝ့ၢ်ယရူၤၡလ့ၣ်န့ၣ်လီၤ.

မၤတၢ် 25:13

စှၤသီပူၤကွံာ်ဝံၤအလီၢ်ခံန့ၣ်, စီၤပၤအကြံးပၤဒီးနီၢ်ဘ့ၢ်နံက့ၤဟဲဆူဝ့ၢ်ကဲၤစါရံၤဒ် သိးအကဟဲအိၣ်သကိးစီၤဖ့စတူးဒီးပာ်ဖျါထီၣ်အတၢ် တူၢ်လိာ်ခီၣ်ဆၢအီၤန့ၣ်လီၤ.

မၤတၢ် 27:1

ဖဲတၢ်စံၣ်ညီၣ်အၢၣ်လီၤလၢပကဘၣ်ဒိးကဘီဆူကီၢ်အံၤတလံန့ၣ်, အဝဲသ့ၣ်ဟ့ၣ်လီၤစီၤပီလူးဒီးပှၤဃိာ်ဖိအဂၤတဖၣ်ဆူစီၤယူၤလံ အစုပူၤန့ၣ်လီၤ. အဝဲဒၣ်မ့ၢ်ပှၤသုးဖိတကယၤအခိၣ်ဘၣ် ဃးဒီးရိမ့ၤသုးမုၢ်တဖုလၢအဘၣ်တၢ်သ့ၣ်ညါအီၤဒ် “စီၤပၤဖးဒိၣ် အသုးမုၢ်” န့ၣ်လီၤ.

မၤတၢ် 27:31

ဘၣ်ဆၣ်ဒီးစီၤပီလူးစံးဘၣ်ပှၤသုးဖိတကယၤအခိၣ်ဒီး သုးဖိတဖၣ်, “ပှၤကဘီဖိသ့ၣ်တဖၣ်အံၤမ့ၢ်တအိၣ်လၢ ကဘီပူၤန့ၣ်သုပူၤဖျဲးတသ့ဘၣ်.”

မၤတၢ် 27:43

ဘၣ်ဆၣ်ပှၤသုးဖိတကယၤအခိၣ်သးအိၣ်မၤပူၤဖျဲးစီၤပီ လူးသတးဒီး, အဝဲဒၣ်တြီပှၤသုးဖိတဖၣ် ဒ်သိးအသုတမၤ သံပှၤဃိာ်ဖိတဖၣ်တဂ့ၤလီၤ. လၢတၢ်န့ၣ်အလီၢ်အဝဲဟ့ၣ်လီၤ အကလုၢ်ဒ်သိးပှၤလၢအပီၢ်ထံသ့ကိးဂၤဒဲးကစံၣ်လီၤဆိဆူထံ ကျါဒီးပီၢ်ထံဆူခိန့ၣ်လီၤ.

မၤတၢ် 8:40

စီၤဖံလံးပူးထံၣ်လၢအလဲၤတုၤလံလၢဝ့ၢ်အးစဒိာ်, ဒီးလဲၤကဒီးဝဲဆူညါတုၤအတုၤလၢဝ့ၢ်ကဲၤစါရံၤတစုလီၤ. ဖဲအလဲၤတၢ်လၢကျဲအခါ, အဝဲဒၣ်စံၣ်တဲၤတဲလီၤတၢ်သးခုအကစီၣ်ဘၣ်ဃးယ့ၣ်ၡူးခရံာ်, လၢဝ့ၢ်အိၣ်လၢတၢ်ဘၢၣ်စၢၤတဖၣ်န့ၣ်ကိးဝ့ၢ်ဒဲးအပူၤလီၤ.