မၤတၢ် 1:8 - Sgaw Karen Common Bible

⁸ မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 1:8 Iomraidhean Croise

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

စံးထီၣ်ပတြၢၤ 98:3

အဝဲသ့ၣ်နီၣ်ထီၣ်တ့ၢ်အတၢ်အဲၣ်ဂၢၢ်ကျၢၤ ဒီးအတၢ်သးတီလၢ အံၣ်စရ့လးအပှၤဟံၣ်ဖိအဂီၢ်န့ၣ်လီၤ. ဟီၣ်ခိၣ်အကတၢၢ်ခဲလၢာ်ထံၣ်ဘၣ်တ့ၢ်လံ ပကစၢ်ယွၤအတၢ်အုၣ်က့ၤခီၣ်က့ၤန့ၣ်လီၤ.

လံာ်ယၡါယၤ 42:10

သးဝံၣ်ထီၣ်တၢ်သးဝံၣ်အသီတယုၢ်ဆူယွၤတက့ၢ်. ကယဲၢ်တၢ်အိၣ်လၢဟီၣ်ခိၣ်ခဲလၢာ်သ့ၣ်ဧၢ, သးဝံၣ်အတၢ်စံးထီၣ်ပ တြၢၤတက့ၢ်. သုဝဲလၢအလဲၤတၢ်လၢပီၣ်လဲၣ်သ့ၣ်ဧၢ, စံးထီၣ်ပတြၢၤအီၤတ က့ၢ်. ကယဲၢ်ပှၤလၢအအိၣ်လၢထံယံၤကီၢ်ယံၤခဲလၢာ်သ့ၣ်ဧၢ, သးဝံၣ်ထီၣ်တက့ၢ်.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 52:10

ယွၤကသူအစိကမီၤစီဆှံဒၣ်ဝဲ, ကအုၣ်က့ၤခီၣ်က့ၤအပှၤဂီၢ်မုၢ်, ဒီးဟီၣ်ခိၣ်ဒီဘ့ၣ်ကထံၣ်ဘၣ်တၢ်န့ၣ်လီၤ.

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်မံကၤ 3:8

မ့မ့ၢ်ယဲဒၣ်အံၤ, ယွၤမၤပှဲၤယၤလၢအသးဒီးတၢ်စိတၢ်ကမီၤ, ဒီးဟ့ၣ်ယၤတၢ်သ့ၣ်ညါဘၣ်ဃးဒီးတၢ်စံၣ်ညီၣ်တီဒီးတၢ်သူၣ်ဒူ သးဒူလၢယကစံးဘၣ်တဲဘၣ်အံၣ်စရ့လးအပှၤဂီၢ်မုၢ်လၢ အတၢ်ဒဲးဘးတဖၣ်န့ၣ်လီၤ.

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်မးသဲ 24:14

ဒီးတၢ်သးခုအကစီၣ်ဘၣ်ဃးဒီးဘီမုၢ်အံၤ, ကဘၣ်တၢ်စံၣ်တဲၤတဲလီၤအီၤသကုၤဟီၣ်ခိၣ်ချၢ, ဒ်သိးကကဲထီၣ်တၢ်အုၣ်အသးလၢပှၤဟီၣ်ခိၣ်ဖိခဲလၢာ်အဂီၢ်လီၤ. တုၤနုၤတစု, တၢ်အစိၤကကတၢၢ်ဝဲလီၤ.

လံာ်မးသဲ 28:19

လၢတၢ်န့ၣ်အဃိ, လဲၤဆူပှၤကလုာ်ခဲလၢာ်အအိၣ်လၢတၢ်လီၢ်ကိးပူၤဒဲး ဒီးဒုးကဲထီၣ်အဝဲသ့ၣ်လၢယပျဲၢ်ယဘီၣ်တဖၣ်တက့ၢ်. ဘျၢအဝဲသ့ၣ်လၢပၢ်, ဖိဒီးသးစီဆှံအမံၤအပူၤန့ၣ်တက့ၢ်.

လံာ်မၢ်ကူး 16:15

အဝဲဒၣ်စံးဘၣ်အဝဲသ့ၣ်, “လဲၤသုဝဲလၢဟီၣ်ခိၣ်ဒီဘ့ၣ်ညါဒီးစံၣ်တဲၤတဲလီၤတၢ်သးခု အကစီၣ်လၢပှၤကညီခဲလၢာ်န့ၣ်တက့ၢ်.

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်လူၤကၣ် 10:19

ကနၣ်တက့ၢ်. ယဟ့ၣ်စိဟ့ၣ်ကမီၤလံသုဒ်သိးသုယီၢ်သုခါဂုၢ်ဧိၤဒးဧိၤတဖၣ်, ပတ့ၤချဲးတဖၣ်ဒီးဒုၣ်ဒါအစိကမီၤခဲလၢာ်ကသ့ဝဲအဂီၢ် ဒီးတၢ်တမၤဆူးမၤဆါသုနီတမံၤဘၣ်လီၤ.

လံာ်လူၤကၣ် 24:29

ဘၣ်ဆၣ်, အဝဲသ့ၣ်တြီအီၤဒီးစံးဝဲ, “အိၣ်ဒီးပှၤတက့ၢ်. ဘူးတ့ၢ်လံလၢမုၢ်ကဟါဝဲဒီးတၢ်ခံးလီၤဝဲလံ. လၢတၢ်န့ၣ်အဃိအဝဲဒၣ်လဲၤနုာ်အိၣ်ဒီးအဝဲသ့ၣ်လီၤ.

လံာ်ယိၤဟၣ် 15:27

ဒီးသုဝဲသ့ၣ်စ့ၢ်ကီး, သုကအုၣ်သုသးလၢယဂ့ၢ် မ့ၢ်လၢသုအိၣ်တ့ၢ်ဒီးယၤလၢတၢ်အခီၣ်ထံးလံၤလံၤ အဃိလီၤ.

မၤတၢ် 1:22

စးထီၣ်လၢစီၤယိၤဟၣ်စံၣ်တဲၤတဲလီၤအတၢ်ဘျၢပှၤလၢထံအဂ့ၢ်, တုၤလီၤလၢယ့ၣ်ၡူးဘၣ်တၢ်ဟံးထီၣ်ကွံာ်အီၤလၢပအိၣ်ဆူမူခိၣ် တစုန့ၣ်လီၤ.”

မၤတၢ် 1:5

စီၤယိၤဟၣ်ဘျၢပှၤလၢထံ, မ့မ့ၢ်လၢစှၤနံၤစှၤသီအတီၢ်ပူၤန့ၣ်, သုကဘၣ်တၢ်ဘျၢသုလၢသးစီဆှံန့ၣ်လီၤ.”

မၤတၢ် 13:31

ဒီးလၢအါနံၤအါသီအတီၢ်ပူၤ, အဝဲလီၣ်ဖျါထီၣ်အသးလၢပှၤလၢအပိာ်တ့ၢ်အခံစးထီၣ်လၢကီၢ်ကၤ လံၤလါတုၤလၢဝ့ၢ်ယရူၤၡလ့ၣ်န့ၣ်လီၤ. ခဲကနံၣ်အံၤ, အဝဲသ့ၣ်ကဲထီၣ်ပှၤအုၣ်အသးတဖၣ်လၢအဝဲအဂီၢ်လၢ ပှၤအံၣ်စရ့လးဖိအသိးအကျါန့ၣ်လီၤ.

မၤတၢ် 2:32

ယ့ၣ်ၡူးတဂၤအံၤကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်လၢအမၤအသးအံၤ, ပဝဲဒၣ်ခဲလၢာ်ပထံၣ်ဘၣ်လၢပမဲာ်လီၤ.

မၤတၢ် 22:15

အဂ့ၢ်ဒ်အံၤ, နကမ့ၢ်ပှၤအုၣ်အသးလၢတဂၤအဂီၢ်လၢအကတဲ ဘၣ်ပှၤကိးဂၤဒဲးတၢ်လၢနထံၣ်ဒီးနၢ်ဟူဘၣ်တ့ၢ်ဝဲန့ၣ်လီၤ.

မၤတၢ် 3:15

သုမၤသံကွံာ်ပှၤလၢအဆှၢပှၤဆူတၢ်မူနီၢ်နီၢ်တဂၤ, ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်တမံၤအံၤပထံၣ်ဘၣ်လၢပနီၢ်ကစၢ်ဒၣ်ပဝဲလီၤ.

မၤတၢ် 4:33

ပှၤတၢ်မၢဖိတဖၣ်အုၣ်အသးအိၣ်ဒီးတၢ်စိကမီၤဖးဒိၣ်လၢ ကစၢ်ယ့ၣ်ၡူးဂဲၤဆၢထၢၣ်သမူထီၣ်က့ၤလၢတၢ်သံအဂ့ၢ်, ဒီးကစၢ်ယွှၤလူလီၤဂၢ်လီၤတၢ်ဘျုးတၢ်ဖှိၣ်ဒိၣ်ဒိၣ်အါအါအိၣ် လၢအဝဲသ့ၣ်ခဲလၢာ်အလိၤလီၤ.

မၤတၢ် 5:32

ပဝဲဒၣ်တဖၣ်ပအုၣ်ပသးလၢတၢ်သ့ၣ်တဖၣ်အံၤအဂ့ၢ်, ဒီးသးစီဆှံလၢအမ့ၢ်ကစၢ်ယွၤအတၢ်ဟ့ၣ်လၢပှၤလၢအဒိကနၣ် အကလုၢ်တဖၣ်ဒိးန့ၢ်ဘၣ်ဝဲန့ၣ်, အုၣ်စ့ၢ်ကီးအသးလီၤ.”

မၤတၢ် 6:8

စီၤစတ့းဖၣ်, ပှၤလၢအလၢပှဲၤဒီးကစၢ်ယွၤအဘျုးအဖှိၣ်ဒီးတၢ်စိတၢ် ကမီၤတဂၤန့ၣ်, မၤဝဲတၢ်လီၤလးဒီးတၢ်ပနီၣ်လီၤလးအဒိၣ်အမုၢ် တဖၣ်လၢပှၤသ့ၣ်တဖၣ်အကျါလီၤ.

မၤတၢ် 8:1

စီၤစီလူးအၢၣ်လီၤထွဲဝဲတၢ်မၤသံစီၤစတ့းဖၣ်န့ၣ်လီၤ. တနံၤဃီအဝဲန့ၣ်, တၢ်အိၣ်ဖှိၣ်လၢဝ့ၢ်ယရူၤၡလ့ၣ်အပူၤဘၣ်တၢ်စးထီၣ်မၤအၢမၤနး အီၤနးမးလီၤ. မ့တမ့ၢ်ဘၣ်လၢပှၤတၢ်မၢဖိတဖၣ်ဘၣ်ဒီး, ပှၤစူၢ်က့ၤနာ်က့ၤတၢ်ခဲလၢာ်လီၤပြံလီၤပြါဝဲသကုၤကီၢ်ယူဒၤ ဒီးကီၢ်ၡၤမရံန့ၣ်လီၤ.

ရိမ့ၤ 10:18

ဘၣ်ဆၣ်ဒီးယစံး, အဝဲသ့ၣ်တနၢ်ဟူဘၣ်တၢ်ကစီၣ် န့ၣ်မ့ၢ်ဝဲတီဝဲကစီဒီဧါ. အဝဲသ့ၣ်နၢ်ဟူဝဲကစီဒီလီၤ. အဂ့ၢ်ဒ်လဲၣ်န့ၣ်တၢ်ကွဲးအသးစီဆှံစံးဝဲ, “အဝဲသ့ၣ်အကလုၢ်တဖၣ်သီၣ်ထီၣ်ဝဲသကုၤဟီၣ်ခိၣ်ချၢဒီး အတၢ်ကတိၤတဖၣ်တုၤဃီၤဝဲလၢ ဟီၣ်ခိၣ်အကတၢၢ်န့ၣ်လီၤ” (စံး ၁၉:၄).

ရိမ့ၤ 15:19

ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.