မၤတၢ် 1:5 - Sgaw Karen Common Bible

⁵ စီၤယိၤဟၣ်ဘျၢပှၤလၢထံ, မ့မ့ၢ်လၢစှၤနံၤစှၤသီအတီၢ်ပူၤန့ၣ်, သုကဘၣ်တၢ်ဘျၢသုလၢသးစီဆှံန့ၣ်လီၤ.”

မၤတၢ် 1:5 Iomraidhean Croise

လံာ်ယိၤအ့လး 3:18

လၢအဆၢကတီၢ်ဖဲန့ၣ်, ကစၢၢ်ကလိတဖၣ်ကပှဲၤဝဲဒီးစပံးလီၢ်တဖၣ်, ဒီးဂီၤဘုၣ်ဂီၤဖံးတဖၣ်ကဘၣ်တၢ်ထံၣ်န့ၢ်အီၤလၢကစၢၢ်ကိးဖျၢၣ်ဒဲးအလိၤ, ဒီးထံကယွၤလီၤဝဲအါအါဂီၢ်ဂီၢ်လၢကီၢ်ယူဒၤအထံ ဖိကျိခဲလၢာ်အပူၤန့ၣ်လီၤ. ဒီးထံထီၣ်ပၢၢ်တပူၤကယွၤလီၤဝဲလၢယွၤအတၢ်လုၢ်ဟံၣ် ဒီးကမၤဘၣ်စီၣ်ကီၢ်အဃါယၤအတၢ်တြီၤန့ၣ်လီၤ.

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်မးသဲ 3:6

ပှၤတဖၣ်အံၤတဲလီၤကျဲၤလီၤအတၢ်ဒဲးဘးတဖၣ် ဒီးအဝဲဒၣ်ဘျၢအဝဲသ့ၣ်လၢထံကျိယၢ်ဒ့ၣ်အပူၤလီၤ.

လံာ်မၢ်ကူး 1:8

ယဲဒၣ်အံၤယဘျၢသုလၢထံလီၤ. မ့မ့ၢ်အဝဲဒၣ်ကဘျၢသုလၢသး စီဆှံလီၤ.”

လံာ်လူၤကၣ် 3:16

လၢတၢ်န့ၣ်အဃိ, စီၤယိၤဟၣ်စံးဘၣ်အဝဲသ့ၣ်ကိးဂၤဒဲး, “ယဲဒၣ်အံၤ, ယဘျၢသုလၢထံလီၤ. မ့မ့ၢ်ပှၤဟဲဝဲတဂၤလၢအဒိၣ်န့ၢ်ဒံးယၤစၢၢ်တလၢၢ်လီၤ. ယတကြၢးတဘၣ်ဒၣ်လဲာ်လၢယကဃ့ၣ်လီၤန့ၢ်အဝဲဒၣ် အခီၣ်ဖံးပျံၤအဂီၢ်န့ၣ်ဘၣ်. အဝဲဒၣ်ကဘျၢသုလၢသးစီဆှံဒီးလၢမ့ၣ်အူန့ၣ်လီၤ.

လံာ်ယိၤဟၣ် 1:26

စီၤယိၤဟၣ်စံးဆၢတၢ်ဒီးစံးဝဲ, “ယဘျၢသုလၢထံလီၤ. ဘၣ်ဆၣ်ဒီးပှၤလၢသုကျါလၢသုတသ့ၣ်ညါဘၣ်အီၤ တဂၤန့ၣ်အိၣ်ဝဲလီၤ.

လံာ်ယိၤဟၣ် 1:31

အဝဲကမ့ၢ်မတၤလဲၣ်န့ၣ်ယတသ့ၣ်ညါဆိဘၣ်. ဘၣ်ဆၣ်ယဟဲဘျၢတၢ်လၢထံကျါဒ်သိးအဝဲ ကဘၣ်တၢ်လီၣ်ဖျါထီၣ်အီၤလၢပှၤအံၣ်စရ့လးဖိ အဂီၢ်န့ၣ်လီၤ.”

လံာ်ယိၤဟၣ် 1:33

အဝဲဒၣ်မ့ၢ်မတၤလဲၣ်န့ၣ်ယတသ့ၣ်ညါယဲဒံးဘၣ်. မ့မ့ၢ်ကစၢ်ယွၤလၢအမၢလီၤယၤလၢယကဘျၢတၢ်လၢထံကျါ တဂၤန့ၣ်, စံးဘၣ်တ့ၢ်ယၤ, ‘နကထံၣ်ဘၣ်ယွၤအသးဟဲလီၤလၢပှၤ တဂၤအလိၤဒီးအဝဲတဂၤအံၤကဘျၢတၢ်လၢသးစီဆှံန့ၣ်လီၤ.’

မၤတၢ် 10:45

ပှၤယူဒၤဖိလၢအစူၢ်က့ၤနာ်က့ၤတၢ်လၢအဟဲဃုာ်ဒီးစီၤပ့းတရူး လၢဝ့ၢ်ယၤဖိၤတဖၣ်, ကမၢကမၣ်ဝဲလၢကစၢ်ယွၤလူလီၤဂၢ်လီၤအတၢ်ဟ့ၣ်ဘၣ်ဃးသး စီဆှံလၢပှၤကလုာ်ဂၤတဖၣ်အလိၤစ့ၢ်ကီးအဃိန့ၣ်လီၤ.

မၤတၢ် 19:4

စီၤပီလူးစံးဝဲ, “စီၤယိၤဟၣ်အတၢ်ဘျၢန့ၣ်မ့ၢ်တၢ်ဒိးဘျၢ လၢပှၤပီၢ်ယၢ်လီၤက့ၤအသးတဖၣ်အဂီၢ်လီၤ. ဒီးအဝဲဒၣ်တဲဘၣ်ပှၤအံၣ်စရ့လးဖိသ့ၣ်တဖၣ်လၢအကစူၢ် က့ၤနာ်က့ၤပှၤတဂၤလၢအဟဲလၢအလီၢ်ခံ, လၢအမ့ၢ်ယ့ၣ်ၡူးန့ၣ်လီၤ.”

1 ကရံၣ်သူး 12:13

လၢကျဲတဘိဃီန့ၣ်, ပဝဲကိးနီၢ်ဂၤဒဲး, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, ကုၢ်မ့ၢ်ဂ့ၤ, ပှၤသဘျ့မ့ၢ်ဂ့ၤ, ပဘၣ်တၢ်ဒိးဘျၢတ့ၢ်ပှၤဆူနီၢ်ခိတဂၤဃီလၢသးစီဆှံတဂၤဃီ, ဒီးပဝဲကိးဂၤဒဲးပဘၣ်တၢ်ဟ့ၣ်တ့ၢ်ပှၤသးစီဆှံတဂၤဃီ လၢပကအီအီၤအဂီၢ်န့ၣ်လီၤ.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,