မၤတၢ် 1:4 - Sgaw Karen Common Bible

⁴ ဖဲအဝဲဒၣ်အိၣ်သကိးဒံးဒီးအဝဲသ့ၣ်အဖၢမုၢ်န့ၣ်, မၤလိာ်အဝဲသ့ၣ်ဒ်အံၤ, “ဟးထီၣ်ကွံာ်လၢဝ့ၢ်ယရူၤရှလ့ၣ်တဂ့ၤ. မ့မ့ၢ်အိၣ်ခိးသုဝဲတုၤသုန့ၢ်ဘၣ်တၢ်ဟ့ၣ်တမံၤလၢ ယစံးဘၣ်တ့ၢ်သုလၢယပၢ်အၢၣ်လီၤအီလီၤလၢအကဟ့ၣ်ဝဲန့ၣ် တက့ၢ်.

မၤတၢ် 1:4 Iomraidhean Croise

လံာ်တၢ်ဂံၢ် 9:22

ကမ့ၢ်ဒၣ်ဝဲခံသီ, တလါ, တနံၣ်, မ့တမ့ၢ်ယံာ်န့ၢ်အဝဲန့ၣ်မ့ၢ် ဂ့ၤ, ဖဲတၢ်အၢၣ်အိၣ်ဒံးဝဲလၢဒဲစီဆှံအဖီခိၣ်န့ၣ်အဝဲသ့ၣ်တသုး အသးဆူညါဘၣ်. မ့မ့ၢ်ဖဲတၢ်အၢၣ်သုးထီထီၣ်အသးန့ၣ်, အဝဲသ့ၣ်သုးအသးန့ၣ်လီၤ.

လံာ်မးသဲ 10:20

အဂ့ၢ်ဒ်အံၤ, တၢ်ကတိၤလၢသုကကတိၤန့ၣ်တမ့ၢ်သုတၢ်ကတိၤဒၣ်သုဝဲ ဘၣ်. မ့မ့ၢ်တၢ်ကတိၤတဖၣ်အံၤကမ့ၢ်သုပၢ်အသးစီဆှံကတိၤတၢ်ခီဖျိ သုလီၤ.

လံာ်လူၤကၣ် 11:13

သုအၢသုသီသနာ်က့, သုသ့ၣ်ညါဟ့ၣ်သုဖိသုလံၤလၢတၢ်အဂ့ၤတဖၣ်လီၤ. မ့မ့ၢ်ဒ်န့ၣ်ဒီး, ပၢ်အိၣ်လၢမူခိၣ်တဂၤန့ၣ်, ကဟ့ၣ်သးစီဆှံလၢပှၤလၢအဃ့အီၤတဖၣ်န့ၣ် အါန့ၢ်အန့ၣ်တက့ၢ်ဆံးဒိၣ်လဲၣ်.”

လံာ်လူၤကၣ် 12:12

အဂ့ၢ်ဒ်အံၤ, ဖဲဆၢကတီၢ်အဝဲန့ၣ်, သးစီဆှံကသိၣ်လိသုတၢ်လၢ သုကဘၣ်စံးဘၣ်ကတိၤအီၤန့ၣ်လီၤ.”

လံာ်လူၤကၣ် 24:49

ဒီးယနီၢ်ကစၢ်ဒၣ်ယဲယကဆှၢလီၤတၢ်လၢယပၢ်စံးပာ်တ့ၢ်ဝဲတမံၤန့ၣ် လၢသုလိၤလီၤ. ဘၣ်ဆၣ်ဒီးသုကဘၣ်အိၣ်ခိးလၢဝ့ၢ်ပူၤ တုၤလၢတၢ်စိတၢ်ကမီၤလၢထးဟဲလီၤလၢသုလိၤတစုလီၤ.

လံာ်ယိၤဟၣ် 14:16

ယကဃ့တၢ်လၢပၢ်အအိၣ်ဒီးအဝဲဒၣ်ကဟ့ၣ်လီၤသုပှၤမၤစၢၤတၢ် အဂၤတဂၤလၢအကအိၣ်ဒီးသုတဘိယူၢ်ဃီလီၤ.

လံာ်ယိၤဟၣ် 15:26

ပှၤမၤစၢၤတၢ်တဂၤလၢအမ့ၢ်ယွၤအသးလၢ အလီၣ်ဖျါထီၣ်တၢ်မ့ၢ်တၢ်တီဘၣ်ဃးဒီးကစၢ်ယွၤန့ၣ်, ကဟဲဝဲလၢပၢ်အအိၣ်န့ၣ်လီၤ. ယကမၢလီၤအီၤလၢပၢ် အအိၣ်ဆူသုအိၣ်ဒီးအဝဲဒၣ်ကအုၣ်အသးလၢယဂ့ၢ် ယကျိၤလီၤ.

လံာ်ယိၤဟၣ် 20:22

ဝံၤဒီးယ့ၣ်ၡူးသါသဖှိထီၣ်လၢအဝဲသ့ၣ်အလိၤဒီးစံး, “ဒိးန့ၢ်သး စီဆှံတက့ၢ်.

လံာ်ယိၤဟၣ် 7:39

ယ့ၣ်ၡူးစံးတၢ်အံၤဘၣ်ဃးဒီးယွၤအသးလၢ ပှၤလၢအစူၢ်က့ၤနာ်က့ၤအီၤတဖၣ်ကဒိးန့ၢ်ဘၣ်ဝဲန့ၣ်လီၤ. အကတီၢ်ဖဲန့ၣ်, ယွၤအသးတဘၣ်တၢ်ဟ့ၣ်လီၤအီၤဒံးဘၣ်န့ၣ်, မ့ၢ်လၢယ့ၣ်ၡူးတဘၣ်တၢ်ဒုးဂဲၤထၢၣ်အီၤဆူတၢ်လၤ ကပီၤဒံးဘၣ်အဃိလီၤ.

မၤတၢ် 10:41

လၢပှၤကိးဂၤဒဲးအမဲာ်ညါတမ့ၢ်ဘၣ်. မ့ၢ်ထဲပဝဲစှၤဂၤဧိၤလၢအမ့ၢ်ပှၤအုၣ်အသးလၢကစၢ်ယွၤဃုထၢတ့ၢ်ဝဲ အမဲာ်ညါ, ပဝဲလၢအအီၣ်ဃုာ်အီဃုာ်တၢ်ဒီးအီၤဖဲ အဝဲဒၣ်ဂဲၤဆၢထၢၣ်က့ၤလၢတၢ်သံဝံၤအလီၢ်ခံန့ၣ်လီၤ.

မၤတၢ် 2:33

အဝဲဒၣ်ဘၣ်တၢ်ပာ်ထီၣ်ထီအီၤလၢပၢ်ကစၢ်ယွၤအစုထွဲတကပၤ, ဒီးဒိးန့ၢ်သးစီဆှံလၢအအိၣ်ဒ်အအၢၣ်လီၤအီလီၤတ့ၢ်ဝဲအသိး န့ၣ်လီၤ. ဒီးတၢ်လၢသုထံၣ်ဘၣ်ဒီးနၢ်ဟူဘၣ်ခဲကနံၣ်အံၤ, မ့ၢ်ယ့ၣ်ၡူးအတၢ်ဟ့ၣ်လၢအလူလီၤဂၢ်လီၤဝဲလၢပလိၤန့ၣ်လီၤ.