မၤတၢ် 1:3 - Sgaw Karen Common Bible

³ အဝဲဒၣ်တူၢ်သံအသးဒီးဂဲၤဆၢထၢၣ်သမူထီၣ်က့ၤဝံၤအလီၢ် ခံလၢအသီလွံၢ်ဆံအတီၢ်ပူၤန့ၣ်, လီၣ်ဖျါထီၣ်အသးတဘျုးဘျီလၢအပျဲၢ်အဘီၣ်တဖၣ်အမဲာ်ညါ ဒီးစံးဘၣ်တဲဘၣ်အဝဲသ့ၣ်ဘၣ်ဃးယွၤအဘီမုၢ်အဂ့ၢ်န့ၣ်လီၤ. အပျဲၢ်အဘီၣ်တဖၣ်ထံၣ်ဘၣ်အီၤဒီးအဝဲသ့ၣ်အသးတဒ့ဒီဘၣ် လၢအဝဲဒၣ်မူဝဲနီၢ်နီၢ်အဂ့ၢ်န့ၣ်ဘၣ်လီၤ.

မၤတၢ် 1:3 Iomraidhean Croise

လံာ်စီၤပၤအခီၣ်ထံးတဘ့ၣ် 19:8

စီၤအ့ၤလံယၤဂဲၤဆၢထၢၣ်, အီၣ်တၢ်အီတၢ်, ဒီးတၢ်အီၣ်တၢ်အီ ဟ့ၣ်ဂံၢ်ဟ့ၣ်ဘါအီၤလၢဝဲလၢကလဲၤတၢ်အသီလွံၢ်ဆံဆူကစၢၢ်စီ ဆှံစံၤနါန့ၣ်လီၤ.

လံာ်မးသဲ 21:43

ယ့ၣ်ၡူးစံးကဒီးဝဲ, “လၢတၢ်န့ၣ်အဃိ, ယစံးဘၣ်သု, ကစၢ်ယွၤအဘီအမုၢ်ကဘၣ်တၢ်ဟံးထီၣ်ကွံာ်အီၤလၢသုအိၣ်, ဒီးဟ့ၣ်လီၤအီၤဆူပှၤတကလုာ်လၢအဟ့ၣ်ထီၣ်တၤသၣ် လၢအကြၢးဝဲဘၣ်ဝဲန့ၣ်လီၤ.”

လံာ်မးသဲ 28:9

သတူၢ်ကလာ်ယ့ၣ်ၡူးဟဲသဂၢၢ်အဝဲသ့ၣ်ဒီးစံး, “မ်တၢ်ဃူတၢ်မုာ်အိၣ်ဒီးသုတက့ၢ်.” အဝဲသ့ၣ်လဲၤဃီၤဆူယ့ၣ်ၡူးအအိၣ်, ဟံးဃာ်အခီၣ်ဒီးဘူၣ်ထီၣ်ဘါထီၣ်အီၤလီၤ.

လံာ်မးသဲ 3:2

အဝဲစံးဝဲ, “ပီၢ်ယၢ်လီၤက့ၤဒီး ဃၣ်လိၤက့ၤသုသးတက့ၢ်. အဂ့ၢ်ဒ်အံၤ, မူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မးသဲ 4:2

အဝဲဒုၣ်တၢ်အီၣ်အနံၤလွံၢ်ဆံအနၤလွံၢ်ဆံဝံၤဒီးတၢ်သၣ်ဝံၤ အသးလီၤ.

လံာ်မၢ်ကူး 16:19

ကစၢ်ယ့ၣ်ၡူးစံးကတိၤတၢ်ဒီးအဝဲသ့ၣ်ဝံၤအလီၢ်ခံ, အဝဲဒၣ်ဘၣ်တၢ်ဟံးထီၣ်အီၤဆူမူခိၣ်, ဒီးဆ့ၣ်နီၤဝဲလၢကစၢ်ယွၤအစုထွဲတခီလီၤ.

လံာ်ယိၤဟၣ် 20:26

တၢ်မၤအသးအံၤဝံၤလၢခံတနွံန့ၣ်, အပျဲၢ်အဘီၣ်တဖၣ်ပာ်ဖှိၣ်ကဒီးအသးလၢဟံၣ် အပူၤဒီးအအံၤတဘျီစီၤသိၤမါအိၣ်ဒီးအဝဲသ့ၣ် န့ၣ်လီၤ. တြဲၤတဖၣ်ဘၣ်တၢ်ကးတံာ်အီၤ, ဘၣ်ဆၣ် ယ့ၣ်ၡူးဟဲဒီးဆၢထၢၣ်လၢအဝဲသ့ၣ်အသိးအကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

လံာ်ယိၤဟၣ် 21:1

တၢ်အံၤဝံၤအလီၢ်ခံ, ယ့ၣ်ၡူးလီၣ်ဖျါထီၣ်ကဒီးအသးတဘျီလၢ အပျဲၢ်အဘီၣ်တဖၣ်ဖဲပီၣ်လဲၣ်တံၤဘ့ၤရံအနံၤန့ၣ်လီၤ. တၢ်မၤအသးမ့ၢ်ဒ်အံၤလီၤ.

လံာ်ယိၤဟၣ် 21:14

အအံၤမ့ၢ်ယ့ၣ်ၡူးဂဲၤဆၢထၢၣ်က့ၤလၢတၢ်သံဝံၤဒီးဒုးနဲၣ် အသးလၢအပျဲၢ်အဘီၣ်တဖၣ်ပှဲၤထီၣ်သၢဘျီတဘျီန့ၣ်လီၤ.

မၤတၢ် 13:31

ဒီးလၢအါနံၤအါသီအတီၢ်ပူၤ, အဝဲလီၣ်ဖျါထီၣ်အသးလၢပှၤလၢအပိာ်တ့ၢ်အခံစးထီၣ်လၢကီၢ်ကၤ လံၤလါတုၤလၢဝ့ၢ်ယရူၤၡလ့ၣ်န့ၣ်လီၤ. ခဲကနံၣ်အံၤ, အဝဲသ့ၣ်ကဲထီၣ်ပှၤအုၣ်အသးတဖၣ်လၢအဝဲအဂီၢ်လၢ ပှၤအံၣ်စရ့လးဖိအသိးအကျါန့ၣ်လီၤ.

မၤတၢ် 19:8

လၢသၢလါအတီၢ်ပူၤစီၤပီလူးလဲၤနုာ်ဆူဘူၣ်ဘျီၣ်လၢအမ့ၢ် တၢ်ဘါလီၢ်အပူၤဒီးကတိၤတၢ်ဒီးပှၤဂီၢ်မုၢ်တဖၣ်ဒူဒူလီၤ. အဝဲဒၣ်ကတိၤဂ့ၢ်လိာ်ဘှီလိာ်တၢ်ဒီးအဝဲသ့ၣ်, ဒီးဂုာ်ကျဲးစၢးဒုးနာ်အဝဲသ့ၣ်ဘၣ်ဃးကစၢ်ယွၤအဘီ အမုၢ်အဂ့ၢ်န့ၣ်လီၤ.

မၤတၢ် 28:23

လၢတၢ်န့ၣ်အဃိအဝဲသ့ၣ်သ့ၣ်နံၤဖးသီဒီးစီၤပီလူး, ဒီးဖဲနံၤအဝဲန့ၣ်ပှၤယူဒၤဖိဟဲအါအါဂီၢ်ဂီၢ်ဖဲတၢ်လီၢ် လၢစီၤပီလူးအိၣ်ဝဲန့ၣ်လီၤ. စးထီၣ်လၢဂီၤတုၤလၢမုၢ်နၤခီန့ၣ်, အဝဲဒၣ်တဲဖျါထီၣ်ဒီးဟ့ၣ်အဝဲသ့ၣ်လၢအတၢ်ကစီၣ်ဘၣ်ဃး ကစၢ်ယွၤအဘီအမုၢ်န့ၣ်လီၤ. အဝဲဒၣ်ဂုာ်ကျဲးစၢးဒုးနာ်အဝဲသ့ၣ်ဘၣ်ဃးယ့ၣ်ၡူးအဂ့ၢ်ခီဖျိ အယၢၤထီၣ်စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ် န့ၣ်လီၤ.

မၤတၢ် 28:31

အဝဲဒၣ်စံၣ်တဲၤတဲလီၤတၢ်ဘၣ်ဃးကစၢ်ယွၤအဘီအမုၢ်, ဒီးသိၣ်လီၤသီလီၤတၢ်ဘၣ်ဃးကစၢ်ယ့ၣ်ၡူးခရံာ်အဂ့ၢ်ဒီး ကတိၤတၢ်လၢတၢ်သူၣ်ဒူသးဒူအလၢအပှဲၤဒီးလၢတၢ်သဘျ့ နီၢ်နီၢ်အပူၤလီၤ. ပှၤလၢအကတြီအီၤတအိၣ်နီတဂၤဘၣ်.

မၤတၢ် 8:12

ဘၣ်ဆၣ်ဒီးတုၤအဝဲသ့ၣ်စူၢ်က့ၤနာ်က့ၤတၢ်သးခုအကစီၣ် လၢစီၤဖံလံးပူးစံၣ်တဲၤတဲလီၤဝဲဘၣ်ဃးကစၢ်ယွၤအဘီအမုၢ်ဒီး ယ့ၣ်ၡူးခရံာ်အဂ့ၢ်န့ၣ်, အဝဲသ့ၣ်ဒိးဘျၢအသးလၢထံ, မုၣ်မုၣ်ခွါခွါန့ၣ်လီၤ.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 9:18

မၤကဒီးတစု, ယထီၣ်လီၤပှီၤယသးဒီးဆုးလီၤယခိၣ်လၢယွၤအမဲာ် ညါလၢအနံၤလွံၢ်ဆံအတီၢ်ပူၤဒီးယတအီၣ်တၢ်မ့ၢ်ဂ့ၤ, ယတအီတၢ်မ့ၢ်ဂ့ၤနီတမံၤဘၣ်. ယမၤတ့ၢ်တၢ်အံၤမ့ၢ်လၢသုမၤတ့ၢ်တၢ်ဒဲးဘးထီဒါယွၤ, ဒီးမၤသးဒိၣ်ထီၣ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 9:9

ယလဲၤထီၣ်ဆူကစၢၢ်ဒီခိၣ်လၢယကဒိးန့ၢ်ဘၣ်လၢၢ်ဘ့ၣ်ဘၣ်တဖၣ်လၢတၢ် ကွဲးလီၤဃာ်တၢ်အၢၣ်လီၤအီလီၤတဖၣ်လၢယွၤမၤတ့ၢ်ဒီးသုလၢ အလိၤန့ၣ်လီၤ. ယအိၣ်ဖဲန့ၣ်အနံၤလွံၢ်ဆံဒီးအနၤလွံၢ်ဆံဒီးယတအီၣ်တၢ်မ့ၢ် ဂ့ၤ, အီတၢ်မ့ၢ်ဂ့ၤနီတမံၤဘၣ်န့ၣ်လီၤ.

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.

၁ သ့းစၤလနံ 2:12

ပဟ့ၣ်ဆူၣ်ဒီးမၤမုာ်ထီၣ်သုသး, ဒီးပသဆၣ်ထီၣ်သုခံတဘိ ယူၢ်ဃီ, ဒ်သိးသုကအိၣ်မူတၢ်အိၣ်မူလၢအဘၣ်ကစၢ်ယွၤအသး, ယွၤလၢအကိးဃီၤသုဒ်သိးသုကဒိးန့ၢ်ဃုာ်သကိးအဝဲအဘီ အမုၢ်ဒီးအလၤကပီၤဒၣ်ဝဲန့ၣ်လီၤ.

၁ ယိၤဟၣ် 1:1

ပကွဲးန့ၢ်သုတၢ်ဘၣ်ဃးဒီးတၢ်မူအကလုၢ်, လၢအအိၣ်ပာ်တ့ၢ်လံဝဲလၢတၢ်အခီၣ်ထံးလံၤလံၤ န့ၣ်လီၤ. ပနၢ်ဟူဘၣ်လံ, ဒီးပထံၣ်ဘၣ်လံအီၤလၢပမဲာ်ချံဒၣ်ပဝဲန့ၣ်လီၤ. ပကွၢ်ထံအီၤဒီးပဟံးဘၣ်ဖီၣ်ဘၣ်လံအီၤလၢပစု န့ၣ်လီၤ.