မၤတၢ် 1:26 - Sgaw Karen Common Bible

²⁶ အန့ၣ်ဒီးအဝဲသ့ၣ်ဖီၣ်တၢ်ဖး ဒ်သိးကဃုထၢထီၣ်ပှၤတဂၤလၢပှၤခံဂၤ အကျါလီၤ. ဒီးပှၤလၢအဘၣ်တၢ်ဃုထၢထီၣ်အီၤမ့ၢ်စီၤမးသံ, ဒီးအဝဲဒၣ်အံၤဘၣ်တၢ်ပာ်ဖှိၣ်ဃုာ်အီၤလၢပှၤတၢ်မၢဖိတဆံတဂၤ အကရူၢ်ပူၤန့ၣ်လီၤ.

မၤတၢ် 1:26 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 24:5

မ့ၢ်လၢယွၤအတၢ်လုၢ်ဟံၣ်အပဒိၣ်ပပှၢ်တဖၣ်ဒီးသူၣ်ဂ့ၢ်သးကျိၤ အခိၣ်အနၢ်တဖၣ်, အိၣ်ဝဲလၢစီၤအလၤဧစၢ်မ့ၢ်ဂ့ၤ, စီၤအံသမၢ်မ့ၢ်ဂ့ၤအစၢၤအသွဲၣ်တဖၣ်အကျါအဃိ, မူဒါတဖၣ်ဘၣ်တၢ်ဟ့ၣ်လီၤအီၤခီဖျိတၢ်ဖီၣ်တၢ်ဖးန့ၣ်လီၤ.

လံာ်စီၤနဃ့မယၤ 10:34

ပဝဲဒၣ်ပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ် ပကဖီၣ်တၢ်ဖးကိးနံၣ်ဒဲးလၢတၢ်စံၣ်ညီၣ်တဲာ်ဘၣ်ထွဲဒီးဒူၣ်ထၢမ တၤတဖၣ်ကဘၣ်ဟ့ၣ်ထီၣ်သ့ၣ်လၢတၢ်ကဆိၣ်ကဲၤတၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်အီၤဆူယွၤပကစၢ်ယွၤဒ်ယူဒၤအတၢ်သိၣ်တၢ်သီပာ် ဖျါအသိးန့ၣ်လီၤ.

လံာ်စီၤနဃ့မယၤ 11:1

ပှၤခိၣ်ပှၤနၢ်တဖၣ်သူၣ်လီၤဆီလီၤအသးလၢဝ့ၢ်ယရူၤၡလ့ၣ်အပူၤ, ဒီးပှၤဂီၢ်မုၢ်အိၣ်လီၤတဲာ်တဖၣ်ဖီၣ်တၢ်ဖးတဖၣ်လၢကဃုထၢဒူၣ် ဖိထၢဖိတဒူၣ်လၢကယဲၢ်ဒူၣ်ဖိထၢဖိတဆံဒူၣ်စုာ်စုာ်အပူၤဒ်သိး ကလဲၤဒီးအိၣ်ဝဲဆိးဝဲလၢဝ့ၢ်ယရူၤရှလ့ၣ်ဝ့ၢ်စီဆှံအပူၤ, ဖဲပှၤအိၣ်လီၤတဲာ်အဂၤတဖၣ်ကဘၣ်လဲၤအိၣ်လၢဝ့ၢ်အဂၤတဖၣ်အပူၤ အခါန့ၣ်လီၤ.

တၢ်ကတိၤဒိ. 16:22

တၢ်ကူၣ်သ့န့ၣ်မ့ၢ်တၢ်မူအထံထီၣ်ပၢၢ်လၢပှၤကူၣ်သ့အဂီၢ်လီၤ. မ့မ့ၢ်တၢ်ကျဲးစၢးသိၣ်လိပှၤဟးဂီၤဖိန့ၣ်, မ့ၢ်တၢ်မၤလၢာ် ကလီတၢ်ဆၢကတီၢ်လီၤ.

တၢ်ကတိၤဒိ. 16:33

ပှၤကညီတဖၣ်ကွံာ်တၢ်ဖးဒ်သိးအကသ့ၣ်ညါဘၣ်ကစၢ်ယွၤ အတၢ်ဘၣ်အသးလီၤ. ဘၣ်ဆၣ်ကစၢ်ယွၤအကစၢ်ဒၣ်ဝဲစံၣ်ညီၣ်နီၤဖးတၢ်အစၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:8

ဒီးဖဲန့ၣ်ကဘၣ်ဖီၣ်ဝဲတၢ်ဖးလၢမဲာ်တဲးလဲးဖါခံဒုအဂီၢ်ခီဖျိလၢၢ်ခံဖျၢၣ်, တဖျၢၣ်န့ၣ်လၢယွၤအဂီၢ်, ဒီးအတဖျၢၣ်န့ၣ်လၢတၢ်နါဧ့စ့ၤစ့လးအဂီၢ်လီၤ.

လံာ်ယိၤနါ 1:7

ပှၤကဘီဖိတဖၣ်စံးကတိၤသကိးလိာ်အသး, “ဟဲ, မ်ပကထုးတၢ်ဖးဒ်သိးပကသ့ၣ်ညါတၢ်မၤအသးဒီးပှၤဒ် အံၤမ့ၢ်လၢမတၤအဃိလဲၣ်န့ၣ်တက့ၢ်.” လၢတၢ်န့ၣ် အဃိအဝဲသ့ၣ်ထုးတၢ်ဖး, ဒီးတၢ်ဖးလီၤဘၣ်လၢစီၤယိၤနါအလိၤန့ၣ်လီၤ.

လံာ်မၢ်ကူး 6:30

ပှၤတၢ်မၢဖိတဖၣ် ဟဲက့ၤဆူယ့ၣ်ၡူးအအိၣ်ဒီးစံးဘၣ်တဲဘၣ် အီၤလၢကယဲၢ်တၢ်လၢအဝဲသ့ၣ်မၤတ့ၢ်ဝဲဒီးသိၣ်လီၤသီလီၤတ့ၢ်ဝဲ တဖၣ်န့ၣ်လီၤ.

မၤတၢ် 1:23

အန့ၣ်ဒီးအဝဲသ့ၣ်ဟ့ၣ်ထီၣ်ဝဲပှၤခံဂၤအမံၤ, စီၤယိၤသးကိးဝဲလၢစီၤဘၢ်စဘါ (တၢ်ကိးစ့ၢ်ကီးအမံၤလၢစီၤယူစတူး) ဒီးစီၤမးသံလီၤ.

မၤတၢ် 13:19

အဝဲဒၣ်ဒုးဟးဂီၤကွံာ်ပှၤနွံကလုာ်လၢကီၢ်ကနၤဧၣ်အပူၤ, ဒီးဒုးကဲထီၣ်ကီၢ်တဘ့ၣ်အံၤလၢအပှၤဂီၢ်မုၢ်အတၢ်န့ၣ်လီၤ.

မၤတၢ် 2:14

အန့ၣ်ဒီး, စီၤပ့းတရူးလၢအအိၣ်ဖဲန့ၣ်ဒီးပှၤတၢ်မၢဖိအဂၤတဆံတဂၤ န့ၣ်, ဆၢထၢၣ်ဝဲဒီးကတိၤထီၣ်တၢ်လၢအကလုၢ်ဖးဒိၣ်ဒီးစံး, “ဒီပုၢ်ဝဲၢ်ပှၤယူဒၤဖိဒီးပှၤအိၣ်လၢဝ့ၢ်ယရူၤၡလ့ၣ်အပူၤခဲလၢာ်သ့ၣ်ဧၢ, ကနၣ်တက့ၢ်. ပျဲယတဲဘၣ်သုလၢတၢ်မၤအသးအံၤအခီပညီန့ၣ်တက့ၢ်.

လံာ်စီၤယိၤၡူ 14:2

ဒ်ယွၤမၤလိာ်စီၤမိၤၡ့အသိး, ပှၤခွံဒူၣ်ဒီးဒူၣ်တဝာ်လၢထံကျိယၢ်ဒ့ၣ်အမုၢ်နုာ်တဖၣ်ဘၣ်တၢ် နီၤဖးန့ၢ်အထံအကီၢ်ခီဖျိတၢ်ဖီၣ်တၢ်ဖးန့ၣ်လီၤ.

လံာ်စီၤယိၤၡူ 18:10

ဒီးစီၤယိၤၡူဖးတၢ်လၢအဝဲသ့ၣ်အဂီၢ်လၢယွၤအမဲာ်ညါဖဲ ဝ့ၢ်ၡံလိၤန့ၣ်လီၤ. ဒီးဖဲန့ၣ်န့ၣ်စီၤယိၤၡူနီၤဖးလီၤထံကီၢ်လၢပှၤအံၣ်စရ့လး ဖိအဂီၢ်ဒ်အတၢ်နီၤဖးအိၣ်ဝဲအသိးန့ၣ်လီၤ.

လံာ်လီၣ်ဖျါ 21:14

ဝ့ၢ်တဖျၢၣ်န့ၣ်အတၢ်ဒူၣ်ဘၣ်တၢ်သူၣ်ထီၣ်အီၤလၢလၢၢ် အခီၣ်ထံးတဆံခံဖျၢၣ်အဖီခိၣ်, ဒီးလၢလၢၢ်အခီၣ်ထံးတဖၣ်န့ၣ် အလိၤ, သိဖိအပှၤတၢ်မၢဖိတဆံခံဂၤအမံၤတဖၣ်အိၣ်ကွဲး အသးလီၤ.