မၤတၢ် 1:25 - Sgaw Karen Common Bible

²⁵ လၢအကဟံးန့ၢ်စီၤယူဒၤအလီၢ်ဒ်ပှၤတၢ်မၢဖိတဂၤအသိးအဂီၢ်န့ၣ် တက့ၢ်. စီၤယူဒၤညိကွံာ်တ့ၢ်တၢ်လီၢ်န့ၣ်လၢအကလဲၤဆူအလီၢ် အကျဲဒၣ်ဝဲန့ၣ်လီၤ.”

မၤတၢ် 1:25 Iomraidhean Croise

စံးထီၣ်ပတြၢၤ 109:7

မ်တၢ်သမံသမိးဒီး ထံၣ်န့ၢ်အတၢ်ကမၣ်တက့ၢ်. မ်အတၢ်ထုကဖၣ်ဒၣ်လဲာ်ဘၣ် တၢ်ပာ်အီၤဒ် တၢ်ကမၣ်အသိးတက့ၢ်.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်မးသဲ 26:24

ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”

လံာ်ယိၤဟၣ် 13:27

တုၤစီၤယူဒၤဟံးန့ၢ်အီၣ်ကိၣ်ဝံၤတဘျီဃီဒီး, မုၣ်ကီၤလံၢ်နုာ်လီၤလၢအသးပူၤန့ၣ်လီၤ. ယ့ၣ်ၡူးစံးဘၣ်အီၤ, “တၢ်လၢနကဘၣ်မၤန့ၣ်မၤချ့ချ့တက့ၢ်.”

လံာ်ယိၤဟၣ် 17:12

ဖဲယအိၣ်ဒံးဒီးအဝဲသ့ၣ်န့ၣ်, ယအံးကွၢ်ကဟုကယာ်က့ၤအီၤလၢနမံၤအစိကမီၤအပူၤ, မံၤလၢနဟ့ၣ်လီၤယၤန့ၣ်လီၤ. ပှၤလၢနဟ့ၣ်လီၤယၤတဖၣ်န့ၣ်, ယကဟုကယာ်အီၤဒီးအဝဲသ့ၣ်တလီၤမၢ်နီတဂၤဘၣ်. လီၤမၢ်ကွံာ်ဒၣ်ထဲပှၤလၢအကဘၣ်လီၤမၢ်ဒၣ်တၢ်တဂၤ, ဒ်သိးတၢ်ကွဲးအသးကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

1 ကရံၣ်သူး 9:2

ပှၤဂုၤပှၤဂၤတဖၣ်မ့ၢ်တတူၢ်လိာ်ယၤဒ်ပှၤတၢ်မၢဖိတဂၤအသိး ဒၣ်လဲာ်န့ၣ်, သပှၢ်ကတၢၢ်သုဝဲသုတူၢ်လိာ်ကစီဒီလီၤ. ခီဖျိသုတၢ်အိၣ်မူပာ်ဖှိၣ်ဃုာ်သုသးဒီးကစၢ်န့ၣ်, သုနီၢ်ကစၢ်ဒၣ်သုဝဲသုမ့ၢ်တၢ်အုၣ်အသးဘၣ်ဃးဒီးယမ့ၢ်ပှၤတၢ် မၢဖိတဂၤအဂ့ၢ်န့ၣ်လီၤ.

ကလၤတံ 2:8

အဂ့ၢ်ဒ်အံၤ, လၢကစၢ်ယွၤအစိကမီၤအဃိန့ၣ်, ယဘၣ်တၢ်ဒုးကဲယၤလၢပှၤတၢ်မၢဖိဆူပှၤကလုာ်ဂၤတဖၣ် အအိၣ်, ဒ်စီၤပ့းတရူးဘၣ်တၢ်ဒုးကဲအီၤပှၤတၢ်မၢဖိဆူပှၤ ယူဒၤဖိတဖၣ်အအိၣ်အသိးန့ၣ်လီၤ.