မၤတၢ် 1:14 - Sgaw Karen Common Bible

¹⁴ အဝဲသ့ၣ်ပာ်ဖှိၣ်ထီၣ်အသးတလီၢ်လီၢ်ဒ်သိးအကဘါထု ကဖၣ်သကိးတၢ်ဃုာ်ဒီးပိာ်မုၣ်တဖၣ်, ဒီးယ့ၣ်ၡူးအမိၢ်နီၢ်မၤရံ, ဒီးယ့ၣ်ၡူးအပုၢ်ပိာ်ခွါတဖၣ်န့ၣ်လီၤ.

မၤတၢ် 1:14 Iomraidhean Croise

လံာ်မးသဲ 12:46

ဖဲယ့ၣ်ၡူးကတိၤဒံးတၢ်ဒီးပှၤတဖၣ်အဖၢမုၢ်န့ၣ်, အမိၢ်ဒီးအဒီပုၢ်ဝဲၢ်တဖၣ်ဟဲတုၤဝဲလၢတၢ်ချၢဒီးဃ့ ကတိၤတၢ်ဒီးအီၤလီၤ.

လံာ်မးသဲ 21:22

သုမ့ၢ်နာ်တၢ်ဒီးတၢ်လၢသုဃ့ယွၤလၢသုတၢ်ထုကဖၣ်အပူၤန့ၣ်, သုကဒိးန့ၢ်ဘၣ်အီၤလီၤ.”

လံာ်မးသဲ 27:55

ဖဲန့ၣ်ပှၤပိာ်မုၣ်အါဒံအါဂၤလၢအဟဲပိာ်ယ့ၣ်ၡူးအခံလၢကၤ လံၤလါဒီးမၤစၢၤတ့ၢ်အီၤတဖၣ်, အိၣ်ဆၢထၢၣ်ကွၢ်စိတၢ်လၢအယံၤလီၤ.

လံာ်မၢ်ကူး 15:40

ဖဲန့ၣ်ပှၤပိာ်မုၣ်အိၣ်စ့ၢ်ကီးဝဲတနီၤလၢအဆၢထၢၣ်ကွၢ်စိတၢ် လၢအယံၤလီၤ. လၢအဝဲသ့ၣ်အကျါမ့ၢ်ဝဲပှၤမၤကဒါလၣ်မုၣ်နီၢ်မၤရံ, စီၤယၤကိာ်လၢအသးစၢ်တဂၤဒီးစီၤယိၤစ့ၣ်တဖၣ်အမိၢ်နီၢ်မၤရံ, ဒီးနီၢ်စၤလိၣ်လီၤ.

လံာ်မၢ်ကူး 16:1

တုၤပှၤယူဒၤဖိအမုၢ်အိၣ်ဘှံးနံၤပူၤကွံာ်ဒီး, ပှၤမၤကဒါလၣ်မုၣ်နီၢ်မၤရံ, စီၤယၤကိာ်အမိၢ်နီၢ်မၤရံ, ဒီးနီၢ်စၤလိၣ်တဖၣ်ပှ့ၤန့ၢ်သိနၢမူလၢအကလဲၤဖှူဝဲယ့ၣ်ၡူး အဂီၢ်န့ၣ်လီၤ.

လံာ်လူၤကၣ် 11:13

သုအၢသုသီသနာ်က့, သုသ့ၣ်ညါဟ့ၣ်သုဖိသုလံၤလၢတၢ်အဂ့ၤတဖၣ်လီၤ. မ့မ့ၢ်ဒ်န့ၣ်ဒီး, ပၢ်အိၣ်လၢမူခိၣ်တဂၤန့ၣ်, ကဟ့ၣ်သးစီဆှံလၢပှၤလၢအဃ့အီၤတဖၣ်န့ၣ် အါန့ၢ်အန့ၣ်တက့ၢ်ဆံးဒိၣ်လဲၣ်.”

လံာ်လူၤကၣ် 18:1

တၢ်န့ၣ်ဝံၤအလီၢ်ခံယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤ, ဒ်သိးအကသိၣ်လိအဝဲသ့ၣ်လၢအကဃ့ဘါထုကဖၣ် တၢ်ထီဘိ, ဒီးအသးသုတဟးဂီၤနီတစုတဂ့ၤန့ၣ်လီၤ.

လံာ်လူၤကၣ် 23:49

ပှၤကိးဂၤဒဲးလၢအသ့ၣ်ညါယ့ၣ်ၡူးဃုာ်ဒီးပိာ်မုၣ်တဖၣ်လၢ အဟဲပိာ်ယ့ၣ်ၡူးအခံလၢကီၢ်ကၤလံၤလါန့ၣ်, အိၣ်ဆၢထၢၣ်လၢအယံၤဒ်သိးအကထံၣ်ဘၣ်တၢ်မၤ အသးတဖၣ်အံၤန့ၣ်လီၤ.

လံာ်လူၤကၣ် 23:55

ပိာ်မုၣ်လၢအဟဲပိာ်ယ့ၣ်ၡူးအခံလၢကီၢ်ကၤလံၤလါတဖၣ်လဲၤ ဃုာ်ဒီးစီၤယိၤသးဒီးထံၣ်ဘၣ်ပှၤသွၣ်ခိၣ်အပူၤ, ဒီးယ့ၣ်ၡူးအစိၣ်ဘၣ်တၢ်ပာ်လီၤအီၤလၢအပူၤဒ်လဲၣ်န့ၣ်လီၤ.

လံာ်လူၤကၣ် 24:10

ပိာ်မုၣ်တဖၣ်န့ၣ်မ့ၢ်ဝဲပှၤမၤကဒါလၣ်မုၣ်နီၢ်မၤရံ, နီၢ်ယိၤအၣ်နၣ်, ဒီးစီၤယၤကိာ်အမိၢ်နီၢ်မၤရံန့ၣ်လီၤ. အဝဲသ့ၣ်ဒီးပိာ်မုၣ်အဂၤလၢအအိၣ်ဒီးအဝဲသ့ၣ်တဖၣ်န့ၣ်, စံးဘၣ်တဲဘၣ်ပှၤတၢ်မၢဖိတဖၣ်လၢတၢ်ဂ့ၢ်သ့ၣ်တဖၣ်အံၤလီၤ.

လံာ်လူၤကၣ် 24:33

အဝဲသ့ၣ်ဂဲၤဆၢထၢၣ်တဘျီဃီ, ဒီးက့ၤက့ၤဆူဝ့ၢ်ယရူၤၡလ့ၣ်ဒီးဖဲန့ၣ်ထံၣ်အပျဲၢ်အဘီၣ်တဆံတဂၤ ပာ်ဖှိၣ်အသးတပူၤဃီဒီးပှၤအဂၤတဖၣ်

လံာ်လူၤကၣ် 24:53

ဒီးအိၣ်ဝဲလၢတၢ်လုၢ်ဟံၣ်အပူၤဒီးစံးဘျုးစံးဖှိၣ်ကစၢ်ယွၤတဘိ ယူၢ်ဃီလီၤ.

လံာ်လူၤကၣ် 8:20

ပှၤတဂၤစံးဘၣ်ယ့ၣ်ၡူး, “နမိၢ်ဒီးနဒီပုၢ်ဝဲၢ်ခွါတဖၣ်အိၣ်ဆၢထၢၣ်လၢတၢ်ချၢ ဒီးအဲၣ်ဒိးထံၣ်နၤလီၤ.”

မၤတၢ် 2:1

ဖဲဘူၣ်ယဲၢ်ဆံအမုၢ်နံၤတုၤဃီၤဝဲန့ၣ်, ပှၤစူၢ်က့ၤနာ်က့ၤတၢ်ခဲလၢာ်ပာ်ဖှိၣ်ထီၣ်အသးလၢတၢ်လီၢ် တပူၤဃီန့ၣ်လီၤ.

မၤတၢ် 2:42

အဝဲသ့ၣ်ဟံးန့ၢ်တၢ်ဆၢကတီၢ်လၢကမၤလိန့ၢ်တၢ်လၢ ပှၤတၢ်မၢဖိတဖၣ်အအိၣ်, ကရ့လိာ်မုာ်လိာ်သကိးအသး, ကအီၣ်သကိးအီသကိး, ဒီးကဘါထုကဖၣ်သကိးတၢ်အဂီၢ်န့ၣ်လီၤ.

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

မၤတၢ် 6:4

ပဝဲဒၣ်ပကစၢ်ဒၣ်ပဝဲတခီ, ပကဟ့ၣ်လီၤပဆၢကတီၢ်လၢာ်လၢာ်ဆ့ဆ့လၢတၢ်ထု ကဖၣ်ဒီးတၢ်စံၣ်တဲၤတဲလီၤယွၤကလုၢ်ကထါအဂီၢ်လီၤ.”

ရိမ့ၤ 12:12

မ်သုတၢ်မုၢ်လၢ်ဒုးသးခုသု, အိၣ်ဒီးတၢ်ဝံသးစူၤလၢသုတၢ်ကီတၢ်ခဲတဖၣ်အပူၤ, ဒီးဃ့ဘါထုကဖၣ်တၢ်ကိးဆၢကတီၢ်ဒဲးန့ၣ်တက့ၢ်.

1 ကရံၣ်သူး 14:13

လၢတၢ်န့ၣ်အဃိပှၤတဂၤလၢအကတိၤတၢ်လၢပျ့ၤလီၤဆီတဖၣ် န့ၣ်ကဘၣ်ဃ့ဘါထုကဖၣ်တၢ်ဒ်သိးအကဒိးန့ၢ်ဘၣ်တၢ်ဟ့ၣ်လၢ အတဲဖျါထီၣ်အတၢ်ကတိၤအခီပညီန့ၣ်လီၤ.

အ့းဖ့းစူး 6:18

မၤတၢ်ခဲလၢာ်လၢတၢ်ထုကဖၣ်အပူၤဒီးဃ့ကစၢ်ယွၤအတၢ်မၤ စၢၤတက့ၢ်. ထုကဖၣ်ကိးဆၢကိးကတီၢ်ဒဲးဒ်ကစၢ်ယွၤ အသးဆှၢသုအသိးတက့ၢ်. လၢတၢ်အံၤအဂ့ၢ်န့ၣ်, ဆိးသီသုဝဲဒီးတ့ၢ်စၢ်လီၤသုဂံၢ်သုဘါတဂ့ၤ. ထုကဖၣ်ထီဘိလၢယွၤအပှၤစီဆှံခဲလၢာ်အဂီၢ်တက့ၢ်.

ကလီးစဲ 4:2

ဘါထုကဖၣ်ယွၤသပှၢ်ပှၢ်ထီဘိတက့ၢ်. ပာ်သုသးစၢၢ်ဆၢပံၢ်ကလာ်လၢတၢ်ထုကဖၣ်အပူၤအိၣ်ဒီးတၢ်စံးဘျုးစံးဖှိၣ်ကစၢ်ယွၤ တက့ၢ်.