၃ ယိၤဟၣ် 1:8 - Sgaw Karen Common Bible

⁸ လၢတၢ်န့ၣ်အဃိ, ပဝဲပှၤခရံာ်ဖိတဖၣ်ပကဘၣ်မၤစၢၤပှၤသ့ၣ်တဖၣ်အံၤ, ဒ်သိးပကကဲထီၣ်ပှၤမၤဃုာ်တၢ်ဒီးအဝဲသ့ၣ်လၢ အတၢ်မၤတၢ်လၢတၢ်မ့ၢ်တၢ်တီအဂီၢ်န့ၣ်လီၤ.

၃ ယိၤဟၣ် 1:8 Iomraidhean Croise

စံးထီၣ်ပတြၢၤ 94:16

မ့ၢ်မတၤကဆၢထၢၣ်လၢယဂီၢ်ထီဒါ ပှၤတတီတလိၤန့ၣ်လဲၣ်. မ့ၢ်မတၤကမၤစၢၤယၤ ထီဒါပှၤမၤတၢ်အၢတဖၣ်န့ၣ်လဲၣ်

လံာ်မးသဲ 10:14

ဒီးဟံၣ်မ့တမ့ၢ်ဝ့ၢ်တဖျၢၣ်ဖျၢၣ်မ့ၢ်တတူၢ်လိာ်သု, မ့ၢ်တဒိကနၣ်သုတၢ်ကတိၤဘၣ်ဒီးတုၤသုဟးထီၣ်လၢဟံၣ်အဝဲန့ၣ်မ့ၢ်ဂ့ၤ, ဝ့ၢ်အဝဲန့ၣ်မ့ၢ်ဂ့ၤ, တြူၤလီၤကွံာ်ဟီၣ်ခိၣ်ကမူၣ်လၢ သုခီၣ်လိၤတက့ၢ်.

လံာ်မးသဲ 10:40

ပှၤတဂၤလၢ်လၢ်လၢအတူၢ်လိာ်သုန့ၣ်တူၢ်လိာ်ယၤလီၤ. ဒီးပှၤတဂၤလၢ်လၢ်လၢအတူၢ်လိာ်ယၤန့ၣ်တူၢ်လိာ်ပှၤလၢ အမၢလီၤယၤတဂၤန့ၣ်လီၤ.

လံာ်လူၤကၣ် 11:7

ဒီးပစံးဒၣ်ကလိာ်, သုတံၤသကိးမ့ၢ်စံးဆၢသုလၢဟံၣ်ပူၤ, ‘တဘၣ်မၤတံာ်တာ်ယၤတဂ့ၤ. ပဲတြီအိၣ်ကးတံာ်ဃာ်အသးလံ, ဒီးယဖိယလံၤဒီးယၤပအိၣ်လၢလီၢ်မံအပူၤလံ. ယဂဲၤဆၢထၢၣ်ဟ့ၣ်နၤတၢ်တသ့နီတမံၤဘၣ်’

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

၂ ကရံၣ်သူး 8:23

မ့မ့ၢ်စီၤတံတူးန့ၣ်, အဝဲဒၣ်မ့ၢ်ယတံၤသကိးဒီးမၤဃုာ်တၢ်ဒီးယၤလၢ တၢ်မၤစၢၤသုအဂီၢ်လီၤ. မ့မ့ၢ်ဒီပုၢ်ဝဲၢ်အဂၤတဖၣ်လၢအလဲၤ ဃုာ်ဒီးအီၤန့ၣ်, အဝဲသ့ၣ်မ့ၢ်တၢ်အိၣ်ဖှိၣ်တဖၣ်အခၢၣ်စးဒီးစိာ် တၢ်လၤကပီၤလၢခရံာ်အဂီၢ်န့ၣ်လီၤ.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

ကလီးစဲ 4:11

စီၤယ့ၣ်ၡူးလၢအဘၣ်တၢ်ကိးစ့ၢ်ကီးလၢစီၤယူစတူးတဂၤ ဆှၢလီၤစ့ၢ်ကီးအတၢ်ဆၢဂ့ၤဆၢဝါဆူသုအိၣ်လီၤ. ထဲအဝဲသ့ၣ်သၢဂၤဧိၤမ့ၢ်ပှၤယူဒၤဖိလၢအစူၢ်က့ၤနာ်က့ၤခရံာ် လၢအမၤသကိးတၢ်ဒီးယၤလၢယွၤအဘီအမုၢ်အပူၤဒီး ကဲထီၣ်တၢ်မၤစၢၤအဒိၣ်အအါလၢယဂီၢ်န့ၣ်လီၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

ဖံၤလ့မိၣ် 1:2

ပဒီပုၢ်ဝဲၢ်မုၣ်နီၢ်အးဖံ, ပှၤသုးဖိသကိးဒီးပှၤစီၤအၢ်ဃံၤပူးဒီး တၢ်အိၣ်ဖှိၣ်လၢအပာ်ဖှိၣ်ထီၣ်အသးလၢစီၤဖံၤလ့မိၣ်အဟံၣ် အအိၣ်,

ဖံၤလ့မိၣ် 1:24

ဒ်န့ၣ်အသိးပှၤမၤသကိးတၢ်ဒီးယၤစီၤမၢ်ကူး, စီၤအရံစတၢ်ဃူး, စီၤဒ့မၤဒီးစီၤလူၤကၣ်သ့ၣ်တဖၣ်ဆှၢလီၤစ့ၢ်ကီးအတၢ်ဆၢဂ့ၤ ဆၢဝါသုလီၤ.

၃ ယိၤဟၣ် 1:10

လၢတၢ်န့ၣ်အဃိ, ယမ့ၢ်ဟဲဒီးယကမၤသ့ၣ်နီၣ်အီၤတၢ်လၢ အဝဲမၤတ့ၢ်ဝဲခဲလၢာ်, အတၢ်ကတိၤခဲၣ်သူခဲၣ်ဂီၤပှၤဒီးအတၢ်ကတိၤကဘျံးကဘျၣ် တဖၣ်န့ၣ်လီၤ. အအံၤဒၣ်လဲာ်အသးတမံဒံးဘၣ်ဒီး, ဖဲဒီပုၢ်ဝဲၢ်တဖၣ်ဟဲန့ၣ်တတူၢ်လိာ်ဝဲဘၣ်. ဒီးအါန့ၢ်အန့ၣ်, ပှၤလၢအသးအိၣ်တူၢ်လိာ်ဒီပုၢ်ဝဲၢ်တဖၣ်န့ၣ်, အဝဲတြီဝဲဒၣ်ဒီးနီၣ်ထီၣ်ဟီထီၣ်ကွံာ်အဝဲသ့ၣ် လၢတၢ်အိၣ်ဖှိၣ်အပူၤန့ၣ်လီၤ.

၃ ယိၤဟၣ် 1:7

အဂ့ၢ်ဒ်လဲၣ်န့ၣ်, အဝဲသ့ၣ်ဟးထီၣ်လဲၤတၢ်လၢခရံာ်အတၢ်မၤအပူၤ ဒီးတတူၢ်လိာ်တၢ်မၤစၢၤလၢပှၤတစူၢ်တနာ်တၢ်တဖၣ် အအိၣ်နီတမံၤန့ၣ်ဘၣ်.

၃ ယိၤဟၣ် 1:9

ယကွဲးတ့ၢ်လံလံာ်ပရၢဖုၣ်ဖုၣ်တဘ့ၣ်ဆူတၢ်အိၣ်ဖှိၣ်အအိၣ်, ဘၣ်ဆၣ်ဒီးစီၤဒံအိၤတြ့ၤဖံလၢအသးအိၣ်ကဲအဝဲသ့ၣ်အခိၣ်အနၢ်တဂၤ, တကနၣ်ဃုာ်တၢ်လၢယစံးဘၣ်တဲဘၣ်တဖၣ် န့ၣ်ဘၣ်.