၃ ယိၤဟၣ် 1:7 - Sgaw Karen Common Bible

⁷ အဂ့ၢ်ဒ်လဲၣ်န့ၣ်, အဝဲသ့ၣ်ဟးထီၣ်လဲၤတၢ်လၢခရံာ်အတၢ်မၤအပူၤ ဒီးတတူၢ်လိာ်တၢ်မၤစၢၤလၢပှၤတစူၢ်တနာ်တၢ်တဖၣ် အအိၣ်နီတမံၤန့ၣ်ဘၣ်.

၃ ယိၤဟၣ် 1:7 Iomraidhean Croise

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

မၤတၢ် 20:33

ယတသးလီသးကွံပှၤနီတဂၤအစ့မ့ၢ်ဂ့ၤ, ထူမ့ၢ်ဂ့ၤ, တၢ်ကူတၢ်ကၤမ့ၢ်ဂ့ၤန့ၣ်ဘၣ်.

မၤတၢ် 20:35

လၢတၢ်ကိးမံၤဒဲးအပူၤန့ၣ်, ယဒုးနဲၣ်တ့ၢ်သုလၢပကဘၣ်မၤတၢ်ဆူၣ်ဆူၣ်လၢတၢ်မၤစၢၤ ပှၤဂံၢ်စၢ်ဘါစၢ်တဖၣ်အဂီၢ်ဒီးတဘျီဃီသ့ၣ်နီၣ်ထီၣ်ကစၢ် ယ့ၣ်ၡူးအတၢ်ကတိၤလၢအစံးဝဲ, ‘ဟ့ၣ်တၢ်န့ၣ်ဘၣ်ဆိၣ်ဂ့ၤအါန့ၢ်ဒံးဒိးန့ၢ်တၢ်တက့ၢ်လီၤ.’

မၤတၢ် 5:41

ပှၤတၢ်မၢဖိတဖၣ်ဟးထီၣ်ကွံာ်လၢကီၣ်ကးအမဲာ်ညါ, အိၣ်ဒီးတၢ်သူၣ်ခုသးခု, မ့ၢ်လၢကစၢ်ယွၤပာ်အဝဲသ့ၣ်ဒ်ပှၤတဖၣ်လၢအကြၢးဝဲဘၣ်ဝဲလၢ ကတူၢ်ဘၣ်တၢ်မၤမဲာ်ဆှးအီၤလၢယ့ၣ်ၡူးအဃိန့ၣ်လီၤ.

မၤတၢ် 8:4

ပှၤစူၢ်က့ၤနာ်က့ၤတၢ်လၢအလီၤပြံလီၤပြါတဖၣ်လဲၤဝဲသကုၤ ဆးဒးဒီးစံၣ်တဲၤတဲလီၤတၢ်သးခုအကစီၣ်န့ၣ်လီၤ.

မၤတၢ် 9:16

ယကစၢ်ဒၣ်ယဲယကဒုးနဲၣ်အီၤကယဲၢ်တၢ်နးတၢ်ဖှီၣ်လၢ အဝဲဒၣ်ကဘၣ်တူၢ်ဝဲလၢယဃိန့ၣ်လီၤ.”

1 ကရံၣ်သူး 9:18

မ့မ့ၢ်ဒ်န့ၣ်ဒီးယဒိးန့ၢ်ဘၣ်တၢ်ဘူးတၢ်လဲမနုၤတမံၤလဲၣ်. မ့ၢ်ဝဲယခွဲးယယာ်ဘၣ်ဃးဒီးတၢ်စံၣ်တဲၤတဲလီၤတၢ်သးခု ကစီၣ်တအိၣ်ဒီးတၢ်ဃ့အဘူးအလဲ, တအိၣ်ဒီးတၢ်ဃ့ယခွဲးယယာ်တဖၣ်လၢယတၢ်မၤတၢ်သးခုကစီၣ် အတၢ်မၤအပူၤန့ၣ်ဘၣ်လီၤ.

၂ ကရံၣ်သူး 12:13

သုဘၣ်တၢ်မၤသုတရီတပါဒိၣ်န့ၢ်တၢ်အိၣ်ဖှိၣ်အဂၤတဖၣ်လၢ ကျဲဒ်လဲၣ်. အိၣ်ဒၣ်ထဲတမံၤဧိၤလၢယတမၤတံာ်တာ်ဘၣ်သုလၢ တၢ်မၤစၢၤအဂီၢ်န့ၣ်ဘၣ်လီၤ. ဝံသးစူၤပျၢ်ဘၣ်ယတၢ်ကမၣ်လၢယတတီတလိၤမးထဲန့ၣ် အဃိတက့ၢ်.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

ဖံလံးပံၤ 2:9

လၢတၢ်န့ၣ်အဃိ, ကစၢ်ယွၤပာ်ထီၣ်ထီအီၤဆူ တၢ်လီၢ်အထီကတၢၢ်လၢထး, ဒီးဟ့ၣ်အီၤမံၤတဖျၢၣ်လၢအဒိၣ်န့ၢ် ကယဲၢ်တၢ်အမံၤအဂၤခဲလၢာ်,

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

၃ ယိၤဟၣ် 1:8

လၢတၢ်န့ၣ်အဃိ, ပဝဲပှၤခရံာ်ဖိတဖၣ်ပကဘၣ်မၤစၢၤပှၤသ့ၣ်တဖၣ်အံၤ, ဒ်သိးပကကဲထီၣ်ပှၤမၤဃုာ်တၢ်ဒီးအဝဲသ့ၣ်လၢ အတၢ်မၤတၢ်လၢတၢ်မ့ၢ်တၢ်တီအဂီၢ်န့ၣ်လီၤ.

လံာ်လီၣ်ဖျါ 2:3

နသူၣ်စူၤသးစူၤ, နတူၢ်တ့ၢ်တၢ်လၢယဃိဒီးနတတ့ၢ်စၢ်လီၤ နဂံၢ်နဘါဘၣ်န့ၣ်လီၤ.