၃ ယိၤဟၣ် 1:6 - Sgaw Karen Common Bible

⁶ အဝဲသ့ၣ်စံးကတိၤတ့ၢ်တၢ်ဘၣ်ဃးဒီးနတၢ်အဲၣ်တၢ်ကွံ အဂ့ၢ်ဖဲတၢ်အိၣ်ဖှိၣ်အံၤန့ၣ်လီၤ. ဝံသးစူၤမၤစၢၤအဝဲသ့ၣ် ဒ်သိးအကလဲၤကဒီးတၢ်ဆူညါလၢတၢ်မၤသးခုကစၢ်ယွၤ အပူၤအဂီၢ်န့ၣ်တက့ၢ်.

၃ ယိၤဟၣ် 1:6 Iomraidhean Croise

လံာ်တၢ်ကဲထီၣ်အခီၣ်ထံး 4:7

နမ့ၢ်မၤတ့ၢ်တၢ်အဘၣ်ဒီးနကနံၤကမှံထီၣ်နဲလီၤ. ဘၣ်ဆၣ်နမၤတ့ၢ်တၢ်အၢအဃိဒီးတၢ်ဒဲးဘးကိာ်လီၤလၢနတြဲၤအခီၣ် ထံးလီၤ. တၢ်န့ၣ်အဲၣ်ဒိးပၢနၤ, ဘၣ်ဆၣ်ဒီး, နကဘၣ်မၤနၢၤအီၤလီၤ.”

လံာ်ယိၤနါ 4:4

ဒီးယွၤစံးဘၣ်အီၤ, “နသးထီၣ်န့ၣ်ဂ့ၤစ့ၢ်ကီးဧါ.”

မၤတၢ် 15:29

တၢ်အီၣ်လၢအဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤတၢ်ဖီၣ်န့ၣ်, အီၣ်အီၤတဂ့ၤ. အီၣ်တၢ်သွံၣ်တဂ့ၤ. ဆၣ်ဖိကီၢ်ဖိလၢအဘၣ်တၢ်စံၢ်သံအီၤန့ၣ်အီၣ်အီၤတဂ့ၤ. ဒီးဟးဆှဲးတၢ်မၤကမၣ်မုၣ်ကမၣ်ခွါန့ၣ်တက့ၢ်. သုမ့ၢ်ဟးဆှဲးတၢ်သ့ၣ်တဖၣ်အံၤဒီး, ကမ့ၢ်သုမၤတၢ်လၢအကြၢး ဝဲဘၣ်ဝဲန့ၣ်လီၤ. လၢတၢ်ဆၢဂ့ၤအါအပူၤ.”

မၤတၢ် 15:3

အဝဲသ့ၣ်ဘၣ်တၢ်ဆှၢလီၤအီၤလၢတၢ်အိၣ်ဖှိၣ်ဒီးဖဲအဝဲသ့ၣ် လဲၤခီဂာ်ကီၢ်ဖံၤနံက့ၤဒီးကီၢ်ၡၤမရံန့ၣ်, တဲဖျါထီၣ်ဝဲဘၣ်ဃးပှၤကလုာ်ဂၤတဖၣ်စူၢ်က့ၤနာ်က့ၤကစၢ်ယွၤ အဂ့ၢ်, ဒီးတၢ်ကစီၣ်အဝဲအံၤဒုးသးခုပှၤစူၢ်က့ၤနာ်က့ၤတၢ်ကိးဂၤ ဒဲးအဒိၣ်အအါလီၤ.

မၤတၢ် 21:5

ဘၣ်ဆၣ်ဒီးဖဲတၢ်ဆၢကတီၢ်ဘၣ်ဝဲန့ၣ်, ပဟးထီၣ်ဒီးလဲၤကဒီးတၢ်လီၤ. အဝဲသ့ၣ်ခဲလၢာ်ဃုာ်ဒီးအဖိအမါတဖၣ်လဲၤဆှၢလီၤပှၤဆူဝ့ၢ်အချၢ တုၤလၢထံကၢၢ်ခိၣ်ဒီးဖဲန့ၣ်, ပဝဲခဲလၢာ်ပတီၤလီၤဒီးဃ့ဘါထု ကဖၣ်တၢ်လီၤ.

ရိမ့ၤ 15:24

ယမုၢ်လၢ်လၢယကလဲၤဘၣ်ယဲခဲအံၤလီၤ. ယသးအိၣ်ဆၢထံၣ်ဘၣ်သုလၢယတၢ်လဲၤလၢကျဲဆူကီၢ်စပၤနံဒီး ယသးအိၣ်လၢသုကမၤစၢၤယၤဒ်သိးယကလဲၤတုၤတၢ်လီၢ်ဝဲန့ၣ်, ဖဲယနုာ်လီၤအိၣ်သကိးသုတစိၢ်တလီၢ်ဝံၤအလီၢ်ခံန့ၣ်လီၤ.

၂ ကရံၣ်သူး 1:16

အဂ့ၢ်ဒ်အံၤ, ယကူၣ်ထီၣ်ဖးလီၤတ့ၢ်ယဲလၢယကအိၣ် သကိးသုဖဲယလဲၤလၢကျဲဆူကီၢ်မၤက့းဒနံ, ဒီးအသီတဘျီကဒီးဖဲယဟဲက့ၤလၢကျဲ, ဒ်သိးယကဒိးန့ၢ်တၢ်မၤစၢၤလၢသုအိၣ်လၢယတၢ်လဲၤဆူကီၢ် ယူဒၤအဂီၢ်န့ၣ်လီၤ.

ဖံလံးပံၤ 4:14

ဘၣ်ဆၣ်ဒီး, သုမၤစၢၤယၤလၢယတၢ်ကီတၢ်ခဲတဖၣ်အပူၤ အဃိသုမၤတၢ်ဂ့ၤဒိၣ်မးန့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

၁ သ့းစၤလနံ 2:12

ပဟ့ၣ်ဆူၣ်ဒီးမၤမုာ်ထီၣ်သုသး, ဒီးပသဆၣ်ထီၣ်သုခံတဘိ ယူၢ်ဃီ, ဒ်သိးသုကအိၣ်မူတၢ်အိၣ်မူလၢအဘၣ်ကစၢ်ယွၤအသး, ယွၤလၢအကိးဃီၤသုဒ်သိးသုကဒိးန့ၢ်ဃုာ်သကိးအဝဲအဘီ အမုၢ်ဒီးအလၤကပီၤဒၣ်ဝဲန့ၣ်လီၤ.

တံတူး 3:13

ကျဲးစၢးအဂ့ၤကတၢၢ်လၢနကမၤစၢၤပီၢ်ရီစီၤစ့ၤနါဒီးစီၤ အပီးလိၤလၢအတၢ်လဲၤတၢ်က့ၤအဂီၢ်, ဒီးကွၢ်မၤဒ်သိးအဝဲသ့ၣ်ကအိၣ်ဒီးတၢ်လၢအလိၣ်ဘၣ်ဝဲခဲလၢာ် န့ၣ်တက့ၢ်.

၁ ပ့းတရူး 2:20

သုမ့ၢ်တူၢ်တၢ်ဒိတၢ်တီၢ်သုလၢသုကြၢးတူၢ်ဝဲမ့ၢ်လၢသုမၤ ကမၣ်တၢ်အဃိန့ၣ်, တၢ်ဘျုးမနုၤအိၣ်န့ၣ်လဲၣ်. ဘၣ်ဆၣ်ဒီးသုမ့ၢ်တူၢ်တၢ်နးတၢ်ဖှီၣ်လၢတၢ်သးစူၤအပူၤဖဲသု မၤတၢ်အဘၣ်အခါဒၣ်လဲာ်န့ၣ်, ကစၢ်ယွၤကဆိၣ်ဂ့ၤသုလၢ တၢ်အံၤအဃိလီၤ.

၃ ယိၤဟၣ် 1:12

ပှၤကိးဂၤဒဲးကတိၤဂ့ၤဘၣ်စီၤဒ့ၤမ့ၤတြံၤန့ၣ်လီၤ. တၢ်မ့ၢ်တၢ်တီအုၣ်အသးလၢအဝဲဂ့ၤအဂ့ၢ်န့ၣ်လီၤ. ဒီးပပာ်ဖှိၣ်စ့ၢ်ကီးပတၢ်အုၣ်ပသး, ဒီးသုသ့ၣ်ညါလၢတၢ်လၢပစံးန့ၣ်မ့ၢ်ဝဲတီဝဲလီၤ.